Sino Ako?
Hayop Edition
--------------------------------------------------
Sawang sawa na akong sumabit,
Pero kailangan kong kumapit;
Kapag ako'y namilipit,
Sa kamatayan ako'y nalalapit
- BUTIKI
--------------------------------------------------
Kapag ako'y napagmasdan,
Kahit nasa kalayuan;
Sila'y natitigilan,
Mga babae ako'y tinitilian!
- IPIS
--------------------------------------------------
May mga mata akong mapupungay
Bisita ako ng iyong bahay,
Ikikiskis ko muna ang aking galamay
Bago makisalo sa inyong tinapay
- LANGAW
--------------------------------------------------
Ako'y sadyang maliit,
Pero 'pag nadale ko ang iyong singit
Makakaramdam ka ng sobrang sakit
Tapos ito'y kakamutin mo ng paulit-ulit
- LANGGAM
--------------------------------------------------
Hindi ako susuko
Responsibilidad aking inaako,
Marami akong pangako,
Pero sa huli, napapako
- PULITIKO
--------------------------------------------------
BINABASA MO ANG
Tula ng Kalokohan Compilation
Poetry"Ang mga sumusunod na nilalaman ay mga tulang pawang kalokohan lamang. Kung ang hanap mo'y konting kasiyahan, makakatulong 'to malamang. Kaya tara na, pogi, maganda o kahit mukhang bilasa. Simulan na natin ang pagbabasa."
