رحله إلي الجحيم

البارت التاسع

البارت التاسع...
طلع النهار الجو كان برد اوي والهوا شديد وفي مطر خفيف والسما مغيمه وواضح انها هتمطر اكتر..
قلق زيدان وتيتو من شدت الهوا اللي كان بيخبط في الخيمه وخرجوا عشان يربطوا الخيمه كويس ومتطيرش
خرجت داليدا ودوللي من خيمتهم هما كمان
داليدا...صباح الخير
دوللي...صباح الخير
زيدان...صباح النور
تيتو....وهو بيبص لدوللي يا صباح العواصف🤨
دوللي...بابتسامه الجو هوا اوي
زيدان....ايوه وشكلها هتمطر
دوللي...طيب ما ينفعش نرجع الخيم دي ورا شويه عشان لو مطرت الصخور دي تدارينا شويه ومنغرقش
زيدان....الخيم دي ووتر بروڤ بس عموما لو المطر شد اوي هنروح عاليخت أفضل
داليدا...عما الباقي دول نايمين ازاي فالجو ده
خرج ياسر ونادين فالوقت ده
ياسر...صباح الخير
تيتو بضحك اهو جه عالسيره
ياسر...جايبين في سيرتي عالصبح
نادين....ايه الجو ده
ياسر....انا متلج
زيدان...الخيم بتاعتكم تمام ولا عايزه تتربط بتاعتنا كانت هتطير
ياسر...لا احنا تمام
داليدا...واحنا تمام بردو
نادين...هو ازاي حاتم ونور نايمين فالجو ده
حاتم...نومه تقيل جدا لو الجزيره دي اتهدت مش هيحس بحاجه
داليدا....نور نومها خفيف غريبه انها مصحيتش لحد الوقت
تيتو...بقول ايه النار مطفيه تعالو نولع واحده تانيه عشان تدفي الجو ده شويه
ياسر...بيتهيألي هتطفي من المطر
تيتو....هي مش بتمطر اوي يعني نولع واحده كبيره شويه
ياسر...يلا
نادين...تعالي يا داليدا نحضر الفطار طيب
داليدا يلا
دوللي وانا هدخل احط اللاب توب والكاميرا في الشنطه عشان لو الدنيا مطرت اكتر ميبوظوش
داليدا...طيب تمام
دخلت دوللي تلم حاجتها كلها في شنطه الظهر كانت حاسه بقلق غريب وحاسه ان في حاجه هتحصل وفجأه حست بخيال علي الخيمه فالاول فكرت حد من الشباب وفجأه الخيال بقي يزيد خيال ورا خيال وكأنهم كذا شخص بيلفوا حوالين الخيمه فضلت دوللي تلف بعينها ورا الخيالات وتمشي علي ركبها بفزع وتبص يمين وشمال وفجأه الخيالات وقفت وابتدت تشوف خيال أيدهم بيقرب من الخيمه فالاحظه دي خرجت بسرعه من الخيمه جري وهي بتبص حواليها مش لاقيه حاجه وفجأه وهي بتخرج بسرعه اتكعبلت في الحبل اللي مربوط بيه الخيمه وقبل ما تقع لحقها تيتو وقعت في حضنه
تيتو...في ايه يا دوللي انتي كويسه
هز راسها بعنف والدموع متجمعه في عينها
تيتو...مالك يادوللي فيكي ايه
دوللي...بصوت واطي جدا تيتو في حاجه غلط الجزيره فيها حاجه يا تيتو
تيتو طب اهدي تعالي نبعد شويه وقوليلي في ايه
مشيت دوللي معاه وهي مرعوبه واعده تبص عالخيمه من بره بذعر واضح ورعشه في جسمها
تيتو....زيزو زيزو
زيدان...بصله نعم
تيتو...تعالي لحظه
راح زيدان ليهم لقي دوللي باين عليها الرعب بطريقه تخوف
زيدان...في ايه مالها دوللي
تيتو...مش عارف خرجت من الخيمه جري وهي بالحاله دي وبتقول ان في حاجه فالجزيره
زيدان...حاجه ايه يا دوللي
دوللي...وهي بتترعش
امبارح لما روحت اخد شاور فاليخت سمعت حد بينادي بأسمي فكرت تيتو او حاتم قولت خلاص خارجه وفعلا خرجت ملقتش حد وكنت لوحدي فاليخت فضلت انادي عليكم مكنش في اي صوت روحت بره علي اليخت لقيتكم بتلعبوا كوره وداليدا ونور و نادين بيحضروا الغدا استغربت بس قولت اكيد بيتهيألي خرجت من اليخت عشان ارجع سمعت نفس الصوت جاي من اليخت جريت بسرعه عالمارينا لحد ما وصلتلكم
تيتو....فعلا انا لمحتها واحنا بنلعب بتجري بسرعه فظيعه
دوللي...بدموع وعياط فظيع والوقت دخلت احط الكاميرا واللاب في الشنطه عشان لو المطره مطرت اكتر لقيت خيال بيلف حوالين الخيمه فكرت حد فيكم بعدها لقيت كذا خيال والخيالات اعدت تكتر وفجأه وقفوا ولقيت ايدهم بتقرب من الخيمه خرجت جري
بص زيدان وتيتو لبعض
دوللي...بدموع انا خايفه اوي
زيدان...اهدي يادوللي مش يمكن بيتهيألك
دوللي...لا والله لا مش بيتهيألي
تيتو...طيب اهدي شويه بلاش عياط عشان محدش ياخد باله مفيش داعب نخوفهم ونوتر نفسنا اكتر
زيدان...انا شايف اننا نمشي افضل
دوللي...بسرعه اه والنبي نمشي انا عايزه امشي
تيتو ..مسك ايدها طيب اهدي متخافيش وبطلي عياط
بص زيدان علي ايد تيتو
زيدان...طيب انا هسيبكم وارجعلهم ونصحي حاتم ونور وهعرفهم اننا لازم نمشي عشان الجو هيقلب اكتر وانت يا تيتو خليك معاها حاول تهديها عشان ميحسوش بحاجه
تيتو...طيب روح واحنا هنيجي وراك وهنلم الحاجه ونمشي من هنا
زيدان...فين المسدس بتاعك
تيتو....فالخيمه
زيدان....طيب انا هروح اجيبه واخليه معايا لحد ما تيجي ومتسبهوش تاني
تيتو...طيب تمام
رجع زيدان تاني ليهم وهو عينه علي كل واحد فيهم خايف يحصل اي حاجه لحد فيهم وكل ما حد يبعد يفضل عينه عليه
.....
تيتو....دوللي حاولي تهدي وتتمالكي اعصابك شويه مينفعش الباقي يشوفك بالشكل ده وداليدا شكلها بتخاف بلاش توتريها
دوللي...مش قادره حاسه اني اعصابي سايبه وجسمي تقيل مش قادره اتلم علي اعصابي
تيتو ...لا حاولي وانا معاكي متخافيش وبعدين لازم تكوني قويه لو كلنا خوفنا يا دوللي مش هنعرف نطلع من هنا لازم نكون اقوي ولازم تكوني معابا انا وزيدان عشان مش عارفين الباقي ظروفهم ايه اتفقنا
دوللي ..حاضر
تيتو...يلا امسحي دموعك دي خدي نفس واهدي كده عشان نرجع بسرعه نلم الحاجه
دوللي...حاضر يلا بينا
تيتو يلا.
فالوقت ده خرج حاتم من الخيمه.
حاتم...صباح الخير
ياسر...لا ياراجل لسه فاكر
داليدا بأبتسامه جميله...كل ده نوم
حاتم....ايه الجو الفظيع ده
ياسر...الجو قالب اوي انا قولت هتصحوا من الهوا اللي اعد يخبط في الخيمه
حاتم...انت عارف ان نومي تقيل ولا حسيت بأي حاجه
صحيح في نور
بصوا كلهم لبعض وبص زيدان وتيتو ودوللي لبعض بخوف واضح
داليدا....هي مش نايمه ولا ايه
حاتم ...باستغراب لا انا صحيت الوقت ملقتهاش قولت اكيد صحيت قبلي يمكن فاليخت بتاخد شاور
داليدا....احنا صاحين بقالنا حوالي ساعه يا حاتم لو كانت صحيت كنا شوفناها واكيد لو صحيت قيلنا كان زمانها خلصت شاور
زيدان....تيتو روح انت وحاتم شوفوها بسرعه فاليخت
نادين...لا تكون تعبت
ياسر...تعالي نشوفها بسرعه يا حاتم.
زيدان....خد يا تيتو مد زيدان ايده بالمسدس بسرعه لتيتو
جري حاتم وياسر وتيتو عاليخت بسرعه نادين استنوا هاجي معاكم جريت نادين وراهم
....
دوللي...هتكون راحت فين
زيدان..بقلق بيحاول يخفيه أن شاء الله هيلاقوها متقلقيش
دوللي كانت واقفه بتترعش  وخايفه حست داليدا بجسمها اللي بيتنفض
داليدا....دوللي انتي بتترعشي كده ليه انتي كويسه
دوللي.....انا كويسه
داليدا...كويسه ايه انتي جسمك بيترعش اوي
زيدان....الجو برد اكيد بردانه
دوللي...ايوه ايوه انا بردانه
داليدا...طيب تعالي ادخلي فالخيمه
دوللي...بخوف واضح لا خيمه لا انا واقفه معاكم
داليدا....طيب خلاص خليكي هروح اجبلك چاكت
مسكتها دوللي بسرعه من ايدها لا مش عايزه چاكت انا كويسه مش بردانه اوي يعني اقفي بس خلينا نطمن علي نور
فضل زيدان واقف جمبهم وعينه راحه جايه عالمكان  بتوتر وبيدعي انهم يلاقوا نور عشان يمشوا بسرعه من المكان
دوللي....انا مش شيفاهم كويس الجو في شبوره خالص
زيدان....الشبوره جامده اوي بس الوقت يجوا ويطمنونا تعالوا نقف بس جمب الحطب ده عشان الهوا
......
في اليخت دخل حاتم بسرعه ومعاه نادين ووقف ياسر وتيتو بره عشان لو هي مش لابسه هدومها.
حاتم...نووور نورررر
نادييين...نوررر انتي فين
جري حاتم عالحمام فتحه ملقاش نور
حاتم...نور مش فالحمام
نادين...بقلق ولا عاليخت
خرج بسرعه حاتم ونادين
تيتو....ملاقتوهاش
حاتم...نور مش جوه خرج بسرعه جري ووراه الشباب كلهم رجعوا تاني لزيدان والبنات
زيدان...لاقتوها
تيتو ...هز راسه من بعيد بخوف بلأ
حاتم...بصوت عالي في وسط الجزيره نووووور يا نووووور
ياسر....ضم ايده علي بوئه وفضل ينادي نووووور
نادييين....يا نووور
داليدا...حاتم انت محستش بيها وهي خارجه خالص
حاتم....لا اخر مره شوفتها بليل كنت نايم ولقتها صحيت مخضوضه وبتنادي علي تولين وبتقولي تولين بتنادي عليها قولتلها انتي اكيد بتحلمي قالتلي لا تولين واقفه بره وبتنادي عليا اقمعتها انها بتحلم ورجعنا نمنا تاني بعد كده محصلش حاجه ولا حسيت بيها وهي بتخرج
بص زيدان وتيتو لبعض
داليدا....طيب يمكن الحلم ده قلقها وراحت تحاول تكلم طنط عشان تطمن عليهم
حاتم...لاتكون حاولت تطلع لوحدها دي تقع
ياسر....استني بس ان شاء الله خير في موبايلها شوف موبايلها كده لو مش موجود يبقي هي راحت فعلا تحاول تتكلم
جري بسرعه حاتم عالخيمه يشوف الموبايل وفضلوا هما ينادو بره عليها
ثواني وخرج حاتم معاه موبايل نور.
حاتم...الموبايل موجود يبقي راحت فين راحت فين
زيدان...حاتم اهدي شويه وتعالي ندور عليها يمكن دخلت المبني او القلعه او الكنيسه بتكتشف المكان
حاتم...نور خوافه لا يمكن تروح لوحدها
زيدان...مش هنخسر حاجه تعالي نشوفها
ياسر...يلا انا جي معاكم تيتو خليك انت معاهم هنا
داليدا....لا متسبوناش لوحدنا نروح مع بعض
زيدان....مش هينفع يا داليدا خليكم هنا امان ليكم اكتر
قربت منه داليدا بخوف ومسكت كف ايده لا انا مش هفضل هنا
ضغط زبدان علي أيدها طيب خلاص متخافيش
يلا هنروح كلنا مع بعض
مشيوا كلهم مع بعض وبدأوا بالمبني
زيدان...المبني ده اقرب واحد ندخله الاول يمكن تكون دخلت جوه
حاتم...تمام
فضلت داليدا ماسكه في ايد زيدان ومسك تيتو ايد دوللي اللي كانت ميته في جلدها
وحست نادين بالخوف مسكت ايد ياسر
دخلوا المبني مع بعض كان شكله مقبض اوي
زيدان...كان ايده علي مسدسه وماشي براحه في ايده داليدا
حاتم...نورررر
زيدان...نورررر
فضل حاتم يفتح كل باب يقابله وكل غرفه من غرف المبني اللي هو فالاساس مستشفي للأمراض العقليه
ياسر...نوووور
نادين...ياسر انا خايفه اوي
ضغط ياسر علي ايدها متخافيش انا معاكي يا نادين ان شاء الله هنلاقيها ونطلع من هنا
نادين...يارب
فضلوا يدخلوا من اوضه ويطلعوا علي اوضه وعما بينادو عليها
دوللي بصوت غير مسموع
انا عايزه اطلع من هنا انا عايزه امشي
تيتو....دوللي متخافيش كلنا معاكي هنشوف نور ونطلع من هنا
وصل زيدان عند اوضه اخر الطرقه فتحها وبمجرد ما فتحها اتصدم حاتم لما شاف نور واقعه علي الارض مغم عليها وراسها متعوره جري عليها بذعرودخل الشباب كلهم جري وراه
نادين...نوورر
داليدا....نور فوقي
حاتم...شالها من الارض رفعها علي رجله وهو بيخبط علي وشها نور نور فوقي نور ايه اللي جابك هنا
قرب زيدان مسك ايدها يجس النبض بصله خاتم والشباب بخوف
حاتم...بصوت ضعيف عايشه مش كده
زيدان...اطمن عايشه الحمد لله
حاتم...نور نور ياحبيتي فوقي فضل يضرب علي وشها لحد ما فاقت وابتدت تفتح عينها
حاتم....بفرحه ممزوجه بقلق فاقت نور نور انا هنا انا معاكي فوقي ياحبيبتي
فتحت نور عينها وبمجرد ما وضحت الرؤيه وشافتهم كلهم ملمومين حواليها وشافت حاتم مسكت في رقبته بخوف وانهارت من العياط.
داليدا....بدموع نور في ايه طمنيني عليكي يا حبيبتي
نادين...اهدي يانور
حاتم...فضل يمشي ايده علي ضهرها عشان يطمنها نور احكيلي ايه اللي حصل وايه اللي جابك هنا
تيتو....طيب ابعدوا عنها شويه سيبوها تتنفس
بعد الجميع لورا وفضلت نور في حضن حاتم تعيط وتترعش وواضح انها خايفه من حاجه بعد وقت بسيط هديت خرجها حاتم من حضنه انتي كويسه
هزت نور راسها بلأ وهي دموعها نازله
نور....انا عايزه امشي من هنا رجعني مصر يا حاتم ارجوك عايزه بنتي ياحاتم
كلهم كانوا واقفين يسمعوا نور بصدمه
حاتم...هنرجع حاضر بس قوليلي ايه اللي حصل قوليلي جيتي ازاي هنا لوحدك
نور....قولتلك تولين تولين اللي جابتني ياحاتم انت مصدقتنيش فكرتني بحلم سمعت صوتها تاني خرجت بره الخيمه اشوف الصوت لقتها واقفه بعيد روحت وراها غصب عني لقيت نفسي دخلت المبني ده وراها
فضلت تعيط ومش عارفه تكمل
حاتم...اهدي يا نور
نور....كل ما ادخل وراها وخلاص هقرب منها الاقيها جريت لحد ما شوفتها في اخر الطرقه بتلف روحت وراها لقيت الاوضه دي  فضلت ادور بعيني بسرعه وفجاه لقتها بتنادي عليا بصيت لقيتها واقفه ومدياني ضهرها قربت منها لفت بس مكانتش تولين ياحاتم مكانتش تولين الجزيره مسكونه ياحاتم انا عايزه ارجع لبنتي ارجوك انهارت نور في حضنه
الكل اتصدم وبص حاتم بزهول لزيدان ومش قادر ينطق
زيدان....احنا لازم نمشي من هنا يا جماعه والوقت حالا هننزل ناخد حاجتنا ونمشي علي طول
ياسر....يلا يا حاتم يلا يانور هنرجع يلا قوموا
نادين....انا خايفه
زيدان....الخوف لو أتملك مننا  هيأثر علينا كلنا ومش هنطلع من هنا اجمدوا لو سمحت وهنخرج الوقت وهنمشي علي طول....
داليدا....بصوت مسموع وكأنها تايهه ومش معاهم فضلت تردد بس كلام المجذوب اللي شافته في الحسين.....مش هنخرج هو قال اننا مش هنخرج
عالم غريب ومرعب رايحينه برجلينا عالم مش بتاعنا ولا نعرف عنه حاجه هو قاللي خلي بالك يا بنتي ده عالم دخوله ملهوش تذكره خروج
مش هنخرج مش هنخرج🥺🥺🥺🥺🥺
بصولها كلهم بصدمه وابتدوا البنات دموعهم تنزل بخوف
ياسر...مين ياداليدا اللي قالك كده
داليدا...راجل غريب مجذوب شوفته اليوم اللي روحت الحسين ظهر ادامي فجأه وفضل باصصلي ويقول كلام غريب بس محطتتش في بالي مع ان كلامه خوفني بس كلامه اهو بيتحقق يا ياسر مش هنخرج من هنا...هو قال ان العالم ده دخوله ملهوش تذكره خروج🥺
مسك زيدان داليدا من كتفها داليدا بصيلي بصيلي يا داليدا بصتله داليدا وهي دموعها نازله احنا هنخرج من هنا كلنا وهنمشي علي طول انتي قويه يا داليدا مش عايزك تخافي ومتفكريش في كلام الراجل ده ده راجل عقله تعبان وبيقول اي كلام انتي فهماني هنخرج بس المهم كلنا نبقي مع بعض محدش يسيب التاني واي حاجه تشوفوها او تسمعوها دي مش حقيقه انتوا فاهمين
زيدان...حاتم ياسر تيتو خلوا البنات في وسطنا حاوطوهم لحد ما نخرج من هنا عشان يبقول مطمنين مفهوم
ياسر...تمام
تيتو...تمام يا زيدان
زيدان...حاتم فوق خليك معانا سمعت اللي قولته
حاتم...تمام انا معاكم بص لنور وأبتسم يلا يانور يلا يا حبيبتي عشان نرجع لتولين بنتنا
هزت نور راسها وقامت معاه وخرجوا ورا بعض من الاوضه خرج زيدان في الاول وبعده ياسر ووسطهم البنات وورا حاتم وتيتو..
فضلوا ماشيين بترقب لحد ما اخيرا خرجوا بره المبني بأمان ومفيش حاجه حصلت
لكن الضباب كان زاد اكتر والهوا شد اوي
خرج زيدان بسرعه زيدان...يلا يا جماعه بسرعه كل واحد فيكم ياخد الحاجه المهمه بس باقي الحاجه سيبوها مفيش وقت لازم نمشي بسرعه
تيتو...والامل والميه سيبوهم معانا حجات في اليخت تقضي رحله الرجوع
حاتم...يلا يا نور بسرعه هاتي شنطه الباسبورات والموبايلات متنسوش باسبوراتكم يا جماعه
دوللي...بخوف تيتو انا عايزه شنطتي فيها الكاميرا والاب والباسبور والموبايل وكل حاجه
تيتو....هجبهملك لحظه
جري كل واحد فيهم يجيب الحاجه المهمه بتاعته
زيدان...جري بسرعه مسك المولد الخاص بالكهربا
يلا يا جماعه أسرع شويه
خرج تيتو معاه الشنطه أداها لدوللي يلا بينا يلا يا زيدان
حاتم....انا ونور جاهزين
ياسر...يلا بينا احنا كمان جاهزين..
تيتو.....وقف مره واحده وهو مصدوم وعينه هتخرج من الصدمه
زيدان....يلا يا تيتو وقفت ليه..
حاتم...في ايه يا تيتو
ياسر...انت كويس
زيدان....تيتو
ساب تيتو الشنطه اللي في ايده اليخت مش في مكانه يا زيدان .
الكل بص علي مكان اليخت بصدمه 😳😳
زيدان...روووح
دوللي ...لا لا لا
داليدا...اعدت علي ركبها
نادين....هنموت هنا هنموت هنا
نور.....عايزه بنتي ياااااارب يااااارب
جري زيدان فتح الشنطه لتاعته وطلع منها كاميرا منظار يشوف بيها البخت وجري بسرعه عالمارينا...
قرب من عينه المنظار فضل يبص يمين وشمال وفي كل مكان...مفيش اي حاجه والرؤيه مش واضحه من الضباب
تيتو...جه وراه وهو بينهج ايه شايف حاجه
زيدان...اليخت ملهوش وجود
تيتو....اليخت قبل ما نطلع نشوف نور كان موجود انا متأكد
زيدان....في حاجه غلط احنا في خطر يا تيتو لازم نحاول نلقط شبكه وحد يساعدنا قبل ما كلنا نروح
تيتو....هز راسه بتفهم ورجعوا تاني للباقي
حاتم....ايه الحبل فك شايفين اليخت
زيدان.... اليخت ملهوش وجود
نور...يعني ايه مش هنخرج من هنا مش هنرجع بصت لدوللي بنهيار انتي السبب في كل اللي احنا فيه ده انتي اللي عملتي فينا كده حرام عليكي كله بسببك وبسبب استهتارك
دوللي....بدموع نور انا
نور...بغضب ودموع انتي تخرسي خاااالص
انا مش عايزه اسمع صوتك ولا اشوفك ادامي بسببك مش هعرف اخرج من هنا ولا هعرف ارجع لبنتي لا في يخت ولا في شبكه نتصل علي حد ولا في حد يعرف اننا هنا اصلا وكل ده ليه عشان الست دوللي تتبسط وتخرج الطاقه اللي جواها اللي بتخليها تبقي مبسوطه حتي لو كان أنبساطها ده علي حساب ارواح ملهاش ذنب انتي واحده انانيه متعرفيش تفكري غير في نفسك وبس المهم تجري ورا شغفك مش مهم احنا ولا مهم بنحب اللي انتي بتحبيه ده ولا لا ولا ورانا ناس محتجانا ولا لا قوليلي هرجع ازاي لبنتي قوليلي بنتي هتعمل ايه من غيري لو مرجعتش وكملت بدموع انتي مش بس هتحرميها من امها بس انتي هتحرميها من ابوها كمان...
داليدا....نور...ممكن تهدي شويه انا عارفه انك مضايقه وعارفه ان دوللي غلطت بس اللي بنعمله ده مش حل.
نور....أمال ايه الحل تقدري تقوليلي انتي بتدافعي عن دوللي لانها اختك ليكي حق بس انتي مش هتحسي باللي جوايا ابدا ولا هتقدري خوفي علي بنتي لو كان عندك اطفال مكنتيش قولتي كده...
بصت داليدا...بحزن ومن غير ولا كلمه كلهم بصولها
حاتم...نوووور بتقولي ايه متخليش الموقف اللي احنا فيه يخلينا نجرح في بعض
نور...بدموع داليدا والله ما قصد صدقيني مقصدتش كده خالص انا بس خايفه علي توليين
داليدا...بحزن محصلش حاجه يا نور وانا بردو حاسه بيكي ...بس انا جربت اسوء من الاحساس اللي انتي حساه ده انا جربت اني افقد ابني خالص ...
حاتم...اسف يا داليدا بالنيابه عن نور بس هي من امبارح اعصابها تعبانه..
داليدا...بأبتسامه نور اختي يا حاتم ولا يمكن ازعل منها.
ياسر...هنعمل ايه هنفضل واقفين كده
نادين...النهار خلاص بيروح والمطر هيبتدي يزيد انا استحاله انام هنا انا خايفه
زيدان...هتجنن الحبل مربوط بطريقه صعب فكها ازاي فك بس
تيتو...هتلاقيه يا صاحبي المهم الوقت نخرج من الاحنا فيه ده
داليدا....هنخرج ازاي احنا مش هنخرج
قرب زيدان وشدها ليه قومي معايا يا داليدا قومي متخافيش احنا هنفضل مع بعض مش هنسيب بعض ابدا مينفعش نتفرق مفهوم بس احنا مش هنقظر نعمل اي حاجه الوقت الجو صعب حتي اليخت كان خطر علينا نمشي بيه في وقت زي ده البحر عالي والجو مش مستقر يعني غصب عننا لازم نفضل هنا
نادين....بدموع طيب احنا هنروح فين
زيدان....مفيش ادامنا غير اننا نرجع للمبني
نور...لا انا مش هرجع للمبني ده استحاله مش هرجع
حاتم...اهدي يانور
تيتو...يبقي مفيش ادامنا غير الكنيسه ويلا بسرعه عشان الليل هيدخل علينا
زيدان...كل واحد معاه شنطه يحط فيها شويه من الاكل وخدوا من ازايز الميه محدش عارف احنا هنفضل هنا اد ايه ولازم الاكل والميه يفضلوا ديما معانا
ياسر....ايوه صح يلا بينا بسرعه
راحو عالشنط يملوها اكل وميه فضلت دوللي اعده علي ركبها فالارض وماشكه ايدها الاتنين في بعض ودموعها نازله وباصه للبحر وهي ساكته وشها بهتان ولاول مره تحس انها خايفه بجد...وشايفه ان الكل مش هينفع يسامحها
داليدا....كانت راحه جايه ورا زيدان تبص وراها وتبص عالجزيره بخوف حس بيها زيدان بص ورا ضهره لقاها ماسكه في حرف السويت شيرت بتاعه واعده تتلفت شمال ويمين قام زيدان من عالارض وسحب ايدها اللي ماسكه بيها هدومه وحطها بين كفه..
زيدان....متخافيش مش هخلي حاجه تحصلك وعد مني يا داليدا حتي لو انا هتأذي بس مش هسيب حاجه تحصلك فهماني
هزت داليدا راسها
زيدان...يلا تعالي ساعديني
ياسر...الشنط مش مكفيه انا بقول ناخد الخيمه دي نحط فيها الحاجه كلها واتنين يشيلوها قصاد بعض
حاتم...صح براڤو عليك يلا بسرعه
جري حاتم وياسر فكو خيمه وفرشوها عالارض وفضلوا يحطوا كل الاكل والمعلبات والميه وكل واحد فيهم مسك طرفين قصاد بعض ولبسوا شنطهم ورا ضهرهم
تيتو....راح لدوللي
دوللي...يلا يادوللي
فضلت دوللي اعده مكانها مش بتتحرك ولا بتبصله
اعد تيتو علي ركبه ادامها دوللي يلا عشان خاطري صدقيني هنخرج من هنا كل حاجه هترجع زي ما كانت وهنعتبر اللي حصل ده مجرد كابوس وحش صحينا منه يلا تعالي معايا مدلها ايده وخد ايدها وقام بيها..
ومشيوا كلهم ورا بعض فضلوا يعدوا في صخور واحجار ودخلوا جوه الجزيره عشان يوصلوا للكنيسه....وبعد مده مش طويله لكن متعبه وصلوا ادام الكنيسه....
لكن فجأه🙆‍♀️🙆‍♀️🙆‍♀️🙆‍♀️🙆‍♀️