رحله إلي الجحيم

البارت العاشر

البارت العاشر....
مشيوا كلهم ورا بعض فضلوا يعدوا في صخور وأحجار ودخلوا جوه الجزيره عشان يوصلوا للكنيسه....وبعد مده مش طويله لكن متعبه وصلوا ادام الكنيسه.
لكن فجأه وبدون مقدمات وقف الهوا الشديد وكأنه يوم صيفي مفيهوش نسمه هوا ووقف صوت الهوا خالص واتخولت الجزيره الي هدوء تام مفيهوش غير صوت انفاسهم المتسارعه وقفوا كلهم ضهرهم لباب الكنيسه وعينهم علي ساحه الجزيره اللي كانوا اعدين فيها🔥🔥
مفيش هوا مفيش صوت الهدوء مالي المكان وكأنه الهدوء الذي يسبق العاصفه😳...فضلوا يبصوا لبعض من غير حركه فقط عيونهم اللي بتتحرك
وفجأه شافو من بعيد مجموعه أشجار بتتحرك بطريقه مرعبه وكل شويه الحركه تزيد علي باقي الاشجار وفجأه كل الاشجار حواليهم أبتدت تتحرك بطريقه هستيريه ومره واحده رجع الهوا أضعاف وبصوت قوي أقوي من الاول والهوا بيقرب عليهم وعلي الاشجار اللي حوالين الكنيسه
زيدان....بصوت عالي اتحركوااااا
قرب زيدان بسرعه من الباب حاول يفتحه لكن كان مقفول بأحكام
نور....يلا بسرعه
داليدا...حطت ايدها علي ودنها وغمضت عبنها وأبتدت تهز جسمها لورا ولادام بطريقه قويه
نادين...بتصرخ أفتحوا الباب
فضلوا الشباب يحاولوا مع بعض لحد ما الباب اتفتح دخلوا بسرعه ولف زيدان سحب داليدا من وسطها بسرعه وقبل ما يوصل عليهم الهوا كانوا قفلوا الباب عليهم من جوه بترباس معدني كبير وفجأه الباب فضل يتهز بقوه ويعمل صوت مرعب وهما باصين عليه وبيرجعوا بخطواتهم لورا برعب🥺🥺🥺
كل شاب ماسك في أيد بنت زيدان وتيتو موجهين المسدسات للباب بتوتر وخوف وفجأه وقف صوت الهز علي الباب وهديت الدنيا من حواليهم وفضل صوت الهوا العادي حسوا ببعض الراحه لف زيدان يستكشف المكان كان النور لسه بره منور المكان بسيط الليل علي وشك القدوم دقايق بسيطه تفصل بين النور والظلام الحالك..
زيدان...بصوت واطي تيتو طلع الكشافات اللي فالشنطه معاك اربع كشافات
سحب تيتو الشنطه من ورا ضهره وفتحها بسرعه طلع اول كشاف فتحه واداه لزيدان نور المكان شويه طلع التاني اداه لياسر وطلع واحد اداه لحاتم وطلع اخر واحد نوره ولبس الشنطه من تاني كانوا ملهم واقفين حوالين تيتو بمجرد ما قام ووجهوا الكشافات علي الكنيسه
رغم قبضه المكان إلا انه كان هادي كل حاجه في مكانها وكأن في حد بيرتب المكان ومهتم بيه..كان المنظر أدامهم عباره عن لوحات وتماثيل ومقاعد عريضه من الخشب مرصوصه ورا بعض
ولمحوا باب دخلوا فيه بهدوء...كانت غرفه واسعه وكبيره فيها صالون أثري شكله مبهر وفي جانب الغرفه بعرض حائطين مكتبه كبيره من الكتب بتضم عدد كبير من كتب الادب العربي والغربي..وفي الجانب الاخر لوحه كبيره بصوره المسيح وتحت دفايه كبيره دخلوا وبجانب الحائط الرابع باب صغير كان بداخله عباره عن حمام قديم جدا ولكن يوفي بغرض الاستخدام قفلوا باب الاوضه عليهم من الداخل ونزلوا شنطهم
راح زيدان وقف ادام شباك لمح الجزيره ومكان الخيم بتاعتهم المكان بره هادي الي حد كبير صوت الهوا شديد والجو رجع برد من تاني قفل زيدان الشبابيك اللي كانت فالاوضه البنات كانوا واقفين الاربعه جمب بعض علامات الذعر والدموع اثرها واضح علي ملامحهم🥺🥺.
زيدان...تيتو اقفل الشباك اللي جمبك
قفل تيتو الشباك كويس
راح حاتم وقف جمب نور ضمها ليه ..
حاتم...بحزن. هنرجع ان شاء الله يا نور هنرجع عشان تولين بس لازم تكوني قويه عشان نعرف نرجعلها
كانت نور بتعيط في حضنه وهو بيطبطب علي ضهرها وبيمشي ايده علي شعرها بحنان
نور....نفسي اشوفها حتي لو مره وبعدين يحصل اي حاجه مش مهم بس اشوفها واخدها في حضني واشم ريحتها مكنش لازم اسمع كلامكم واجب واسيبها قولتلكم بلاش ومرضتوش ناخدها معانا
حاتم...مكنش ينفع واحسن حاجه اننا سبناها يا نور تولين مكنش ينفع تكون معانا هنا فالمكان ده
نور...بعياط قوي وحشتني اوي يا حاتم
حاتم....هنرجعلها يا حبيبتي ان شاء الله هنرجعلها
نادين....انا بردانه اوي مش حاسه بجسمي
قلع ياسر...السويت شيرت وحطه علي نادين اللي بتترعش
زيدان...تيتو عايزين نولع الدفايه دي عشان تدفي المكان شويه
تيتو...هنولعها ازاي مفيش حطب
زيدان...انا هتصرف راح زيدان علب شنطته طلع منها چركن صغير فيه بنزين
وكان في كراسي من الخشب صغيره مسك واحد فيهم وبكل قوته فضل يخبط فيه عالحيطه لحد ما أتكسر راح عالدفايه حط الكرسي وراح عالمكتبه مسك كذا كتاب فضل يقطع في الورق ويحدفه جوه الدفايه عالخشب المكسور وبعدين فتح الچركن بتاع البنزين ونزل منه شويه وطلع ولاعته قرب من الورق بسرعه مسكت النار في الورقه كله وأبتدت النار تشد وهو وتيتو يزودوا ورق ويقطعوا اكتر لحد ما اخيرا مسكت في الخشب
وأبتدا المكان يدفا اكتر قرب البنات من الدفايه أعدوا عالارض عشان يحسوا بالدفئ...
ياسر....حاتم تعالي ساعدني نقرب سجاده من الاتنين دول نفرشها تحت البنات عشان الارض متلجه
حاتم...طيب
راح خاتم وتيتو يساعدوا ياسر فضلوا يكحوا من التراب الناعم الموجود علي السجاده
راحوا فرشوها ادام الدفايه ورجعوا البنات اعدو تاني عليها
وابتدوا يشدوا السجاده التانيه يقربوها من البنات ويظبطوا مكان الصالون والكراسي المحطوطه والكنب بطريقه مريحه ليهم قربوا كل الاساس جمب بعض المكان بقي اكثر دفئ عن الاول
اعدوا الشباب علي كراسي الصالون
قامت دوللي وقفت بصوا كلهم عليها راحت وقفت ادام الشباك وعينها عالمكان تحت بخوف ودموع
نادين....انا عايزه انام
ياسر....ناكل الاول حاجه وبعدين نامي
نادين...مليش نفس مش عايزه
ياسر...مينفعش مفيش حد فين فطر ولازم ناكل عشان نقدر نكمل قله الاكل مش حل اللي هيقع فينا بسبب الاكل مش هنقدر نلحقه
زيدان....ياسر عنده حق لازم ناكل الاكل ملهوش علاقه حتي لو ملكوش نفس لازم تاكلوا مش عارفين بعد دقيقه واحده من الوقت ايه اللي ممكن يحصل
نور....بخوف في حاجه تحصل
زيدان....لا يا نور مقصدش ان شاء الله مفيش حاجه هتحصل بس اقصد احنا منعرفش بعد شويه ممكن يحصل ايه عالاقل نتفادي ان حد يتعب بسبب قله الاكل
حاتم....طيب يلا ناكل اي حاجه وارتاحوا شويه انا هفضل صاحي انا نمت كتير امبارح
زيدان....احنا مش هينفع فعلا ننام كلنا لازم حد يفضل صاحي انا هفضل صاحي معاك انا معنديش نوم
تيتو...قام شد الخيمه اللي فيها الاكل قربها من مكان ماهما أعدين وطلع علب جبن
قربوا كلهم ياكلو
تيتو...يلا يا دوللي
دوللي مش عايزه
تيتو....يلا يا دوللي لازم تاكلي مسكها من ايدها وخدها أعدها جمبه
زيدان....يلا يا داليدا كلي
داليدا....بتعب انا عايزه انام
زيدان...كلي الاول وبعدين هسيبك تنامي
فتح تيتو وياسر وحاتم علب للمعلبات وكان معاهم توست وجبن..
زيدان...تيتو بلاش تفتح كل الاكل ده نوع واحد كفايه مع الخضار او الفاكهه لانهم مش هيستنوا كتير لكن المعلبات دي مده صلاحيتها اطول محدش عارف احنا هنفضل هنا اد ايه..
نور....بحزن وتوهان زيدان معاه حق
هز تيتو راسه...وساب نوع واحد بس من الجبن وحط معاه خضار وتوست وابتدوا ياكلوا كل واحد فيهم كل حاجه بسيطه مكنش ليهم نفس..خلصوا اكل بعد مده بسيطه وشالو الحاجه
زيدان....احنا عايزين نحاول نحط في شنطنا كلنا الامل والميه دول بدل ما هما عالخيمه كده لو حصل اي حاجه سهل نشيل الشنط.لكن صعب نجري بالخيمه دي هتعطلنا
حاتم....كل واحد يحاول يشوف في الشنط يقدر يستغني عن ايه ونشيله ونحط بداله الاكل
زيدان...تمام
تيتو....الميه الموجوده معانا كرتونتين
زيدان....حافظوا علي كل نقطه مايه معاكم لان مفيش غيرها
داليدا.....بدموع هو اليخت ازاي فك
زيدان....مش عارف انا هتجنن انا رابطه كويس من يوم ما جينا مش عارف فك ازاي بس
تيتو....ياجماعه بلاش نفكر في اي طاقه سلبيه خالص كفايه الوضع الاحنا فيه الاهم الوقت اننا نفضل مع بعض منسبش بعض مهما حصل
زيدان...تيتو عنده حق لازم نقوي نفسنا ونبقي اد الموقف اللي احنا فيه وإلا محدش فينا هيعرف يخرج من هنا أبدا
ياسر...ان شاء الله هتعدي
الجميع...يارب
زيدان....انا بقول بقي لو حد حابب ينام ويرتاح شويه ينام وانا صاحي
حاتم....وانا كمان صاحي تعالي يا نور يلا نامي
سحب حاتم نور علي رجله حطت نور راسها علي رجل حاتم وعينها علي النار اللي طالعه من الدفايه..
ونامت نادين هي كمان علي رجل ياسر وشد ياسر الكرسي ورا دماغه سند عليه
زيدان...نامي شويه يا داليدا
داليدا....بدموع انا خايفه
مسك زيدان أيدها متخافيش نامي انا اعد جنبك
حاتم...احنا صاحيين يا داليدا نامي متخافيش
نامت داليدا علي جنبها فضل زيدان ماسك ايدها عشان تحس انها متطمنه ضغط داليدا علي ايد زيدان جامد وكأنه هيهرب منها..
اما دوللي فكانت اعده جمب الشباك علي الارض عينها رفعاها للسما بملامح بهتانه باصه علي ضوء القمر بثبات من غير حركه ضامه رجلها وحضناها بايدها
راح تيتو اعد جمبها..
تيتو....دوللي مش هتيجي تنامي شويه
دوللي....فضلت ساكته
تيتو...دوللي انتي كويسه
حاتم وزيدان كانوا متابعين حوار تيتو ودوللي من بعيد بس من غير ما يتكلموا البنات نامو وفضل الشباب ياسر كان لسه بيحاول ينام
دوللي...وهي باصه للقمر ابتسمت طول عمري بحب المغمارات وبحي اجرب اي حاجه فيها غموض وإثاره طول عمري بحب اروح برجلي علي اي تجارب حتي لو كان فيها نسبه خطر مبحبش اشوف حاجه صعبه بحب اسهل علي نفسي اي صعب مبحبش اشوف ضعيفه اغلب الناس كانوا ديما شايفيني مجنونه واني بروح برجلي علي الخطر كانوا ديما بيسألوني بتستفادي ايه لماؤ تتسلقي جبال لما تنطي من براشوت لما تروحي تكتشفي كهف بتستفادي ايه من لعبه هتتحبسي فيها وانتي عارفه انك هتواجهي اشباح والغاز وخطر حتي لو مجرد لعبه ازاي مش بتخافي ديما كلهم شايفني شخص غريب كل أسئلتهم ليا كانت
بتستفيدي اي؟؟
بتحسي بأيه ؟؟مبتخافيش؟؟
بس عمر ماحد فيهم سألني ايه السبب اللي خلاني من البدايه اروح للخطر والموت برجلي...ديما الشخص اللي بيبقي عنده نقص في حياته بيحاول يعوضه بطريقته او بيعوضه بانه بيسد النقص ده ببديل....انا طول عمري حاسه بنقص حاسه اني ضعيفه وكمل بدموع وخنقه ظهرت علي صوتها ....يمكن اكون اضعف واحده موجوده هنا علب الرغم من ان كلهم شايفني قويه وان اللي بعمله ده صعب حد يعمله إلا لو قلبه جامد....بس انا عمري ما كان قلبي جامد انا اضعف قلب فيهم ...بيقولوا ان سند البنت وقوتها بباها...بس بابي عمره ماكان سند ليا ولا عمري استمديت منه قوتي بالعكس ده كان بيحاول يضعفني اكتر عمري ماشوفته قدوه ليا بالعكس طول الوقت حاسه اني بكره
عمري ما حسيت بالامان في وجوده بالعكس حسيت بالامان شويه لما بعد كنت بشوفه وانا صغيره بيمد ايده علي مامي ويضربها كنت بخاف منه بجد وبحاول مغلطش ابدا عشان متعاقبش ..والموقف اللي عمري في حياتي ما هنساه وهو سبب تغيير كل حاجه في حياتي ويمكن لحد الوقت نامي وداليدا ميعرفوش السبب ده...كان عندي 8 سنين وقتها كنت راجعه من المدرسه وداليدا فاليوم ده كانت تعبانه ومراحتش مدرستنا كانت قريبه من البيت جدا بس عشان سني صغير كنت بروح مع داليدا وفاليوم ده روحت مع ابن جارنا كان في عمر داليدا او اكبر كان بباه صاحب بابي جدا وليهم شغل مع بعض واحنا راجعين حاول الولد يتحرش بيا كنت اعده بعيط وخايفه منه مكنتش عارفه او فاهمه اوي اللي بيحصل بس منت عارفه انه غلط مامي طول عمرها صاحبتنا كانت ديما تقولنا علي الغاط والصح والحلال والحرام كانت معرفانا ان مينفعش ولد يمسك اي جزء في جسمنا ولو حصل نصرخ بكل قوتنا عشان حد يساعدنا ومنخافش ونسكنت نجري نقولها او نقول لبابي كنت حاسه فالموقف ده ان لازم اعمل كل حاجه مامي قالت عليها...فضلت اصرخ بس هو كان حاطط ايده علي بوئي وفضل يضرب فيها بطريقه عنيفه جدا وقاللي لو قولت لاي حد هيموتني منكرش اني خوفت ووقتها انا كنت فعلا بخاف جدا.... اتعورت في وشي وكان في كدمات في جسمي عضيت ايده بكل قوتي وهو لما حس بالالم سابني وجريت فالوقت ده عالبيت وكان اول حد اشوفه بابي كان اعد فالجنينه وكان والد الولد ده اعد معاه كانوا بيراجع ا حاجه فالشغل جريت علي بابي وانا مرعوبه ومتعوره منكرش انه اتخض لما شافني وسألني مين عمل فيكي كده قولتله حمزه وحكيتله ادام صاحبه وابو الولد علي كل حاجه قاللي طيب روحي علي اوضتك واوعي تقولي حاجه لمامي او داليدا...فكرت يومها انه هيعمل حاجه بعدها بكام يوم
صحيت من النوم لقيت مامي بتعمل اكل وحجات كتير مع داده فاطمه وعرفت ان في حد بليل جاي يزورنا عدت الساعات واتفجأت بجارنا ده ومراته وابنه اللي عمل فيا كده...بس وقتها اتصدمت بابي بيضحك وبيهزر مع صاحبه كأن مفيش حاجه حصلت بيتعامل عادي مع حمزه وبيضحك معاه ونسي اللي حكيته عليه كانت نظرات حمزه ليا مرعبه عمري ما نستها والصدمه الكبيره لما قال لداليدا خدي اختك وحمزه واطلعوا اعدوا مع بعض فالجنينه طب ازاي أزاي عشان صاحبك والشغل اللي بينكم متخافش علي بنتك ازاي تسيبني خايفه ومرعوبه وملاقكش واقف في ضهري بتحسسني بالامان وتقولي ان اللي عمل فيكي كده انا جبتلك حقك منه ومش هيقدر يرفع عينه فيكي تاني ..ازاي شايفه بيضحك ومبسوط وكأنه معملش حاجه وسايبه طب محسش بنظرات الرعب والخوف اللي كانت في عيني مفكرش في لحظه ان عمري ما هنسي الموقف اللي مريت بيه طول مانا حقي مرجعش مفكرش اني عمري ما هنسي موقفه لما عرف اللي حصل وسكت عشان مصالحه مع صاحبه....طول الوقت كنت بسمع مامي بتتكلم مع داليدا عن بباها واد ايه هو كان شخص ميتعوضش كنت بتمني انه يبقي ببايا بدل بابي انا وداليدا مش شقايق اخوات من الام بس مامي اتجوزت بابي بعد ما اتوفي والد داليدا ب6 سنين من كلامهم عليه كان راجل بمعني الكلمه...طول الوقت بندم ان الراجل ده ابويا انا...الموقف ده عمره ما مشي من بالي فضلت فتره طويله اخاف من اي ولد مش حاسه بالامان غير مع مامي وداليدا وبس لما نامي قررت تسيب بابي المفروض كا طفله ازعل بس انا كنت مبسوطه اوي لان وجوده كان بيخوفني فعلا بعدها لقيت نفسي بميل لاي حاجه فيها قوه وفيها احساس بالثقه كنت عايزه اجرب اي حاجه فيها مخاطره عشان أثبت لنفسي اني مش ضعيفه اني اقدر اواجه اي موقف واني اقدر اكون قويه .....بس انت من جوايا مش قويه خالص انا ضعيفه كنت فاكره ان كل حاجه جربتها مع مواقف الحياه هقدر اقف قصادها وهقدر اكون قويه بس للاسف انا زي ما انا....لما جيت هنا يمكن مكنتش خايفه وكنت عارفه اني هرجع وانا معايا كام صوره فالجزيره وبقول ادام كل العالم اني روحت الجزيره المهجوره اللي رعبت العالم كله وان قدرت اكون قويه ..مكنش قصدي أذي اي حد والله العظيم يا تيتو مكنش قصدي افكر بأنانيه وحيات ربنا انا كنت عايزه اتحدي نفسي مش اكتر طول عمري عارفه ان اللي يخاف من العفريت يطلعله عشان كده مكنتش بحاول اخاف حتي لما ابتديت اقوي نفسي اول حاجه عملتها ان اغلب صحابي كانوا ولاد عشان اشيل من جوايا عقده خوفي منهم يمكن حمزه مقدرش يوصل للي كان عايزه بس طول الوقت مش قادره انسي الموقف مش قادره انسي ايده اللي كانت محطوطه علي بوئي وايده التانيه اللي كانت بتسرح في كل مكان في جسمي بجرأه
بكره جسمي اللي لمسه بكره ابويا اللي مقدرش يجبلي حقي وبكل قذاره ضحك واتعامل وعدي الموقف كانه محصلش.....انا مش وحشه والله العظيم يا تيتو بس انا بحاول اقوي نفسي....بحاول محتاجش لاي حد لان لما احتجت لابويا سابني وبص علي مصلحته....انهارت دوللي انا مش انانيه يا تيتو
بصت لحاتم مكنتش اقصد يا حاتم ابعدكم عن بنتكم والله ما كنت أقصد قرب تيتو منها باس راسها ومسك ايدها..
تيتو...كفايه يا دوللي بلاش عياط
قام حاتم وقرب منها اعد جمبها شدها لحضنه وفضل يطبطب عليها.
دوللي...متزعلش مني
حاتم...بحزن محدش يقدر يزعل من اخته الصغيره انتي عارفه اني بعتبرك اختي واوقات بعتبرك بنتي الكبيره وانا مش زعلان منك ابدا ومش عايزك تزعلي من نور انتي عارفه انتي بالنسبالها ايه نور بتحبك اوي بس هي خايفه زي ما كلنا خايفين تولين وحشتها خوفها بأننا ممكن منرجعش ونشوفها تاني راعبها يعني غصب عنها
دوللي....انا مش زعلانه منها ومكنتش اقصد ازعلها والله العظيم..
زيدان...محدش فينا يا دوللي بيقصد يزعل حد خصوصا لو بيحبه ...ويمكن نور لو كانت سمعت كلامك كانت قالتلك بنفسها انها مش زعلانه...انتي جميله يادوللي ومينفعش حد يزعل منك...
ابتسمت دوللي من وسط عياطها..
تيتو...والاهم من كل ده انك مش ضعيفه يا دوللي ولا حتي عندك نقص الضعيف يا دوللي مابيحاولش انه يعالج نفسه بنفسه بالعكس ده بينتكس لحد ما يحتاج دكتور يعالجه...والناقص بيحاول يعوض نقصه بطريقه غلط يمكن في ناس ضعيفه الشخصيه بتحاول ديما تثبت للناس انها قويه بس مش بطريقه صح بالعكس بطريقه بتبين ان الشخص ده فعلا عنده نقص زي الراجل اللي بيخاف من مراته كول الوقت اعد يقول ادام كل الناس ده انا سي السيد كلمتي سيف علي رقبتها انا بعمل واسوي بطريقه مبالغ فيها ...وهو عكس كده انتي يمكن الموقف ضعفك بس حاولتي تعالجي نفسك وتكسري خوفك ويمكن عشان كده الكل شايفك قويه وقلبك جامد عشان انتي فعلا كده قويه وقلبك جامد وقدرتي تعالجي نفسك صح لو كان عندك نقص كانوا شافوكي عكس كده..
زيدان...تيتو معاه حق بس ميمنعش يا دوللي اننا ناخد راي الناس ونعرفهم اللي هما داخلين عليه وهما ليهم حريه الاختيار عشان يوم ما يتحطوا في موقف زي ده محدش يلومك لان وقتها الكل هيبقي وافق بارادته...
ويمكن ده غلطك الوحيد فهماني يا دوللي
دوللي...بحزن فهماك
ياسر وهو مغمض عينه كان سامع كل حاجه ولسه منامش حاول يلطف الجو..
وبعدين يا ستي أبسطي قبل ما نيجي روحتي برجلك الاسكيب رووم وفالاخر هي لعبه المفروض تتبسطي اديكي روحتي جزيره السكيب رووم علي حق العبي بقي واتبسطي براحتك مع العفاريت يكش بس تكوني مبسوطه هنجري ونلعب ونتنطط براحتنا
ضحك زيدان وحاتم وتيتو ودوللي علي ياسر..
رفع ياسر راسه وبصلها وهو مغمض عين ومفتح عين بتضحكي ...هيضحك كي ويضحكونا كويس اتقلي انتي بس 😂😂😂
زيدان....انت لسه صاحي كل ده فكرتك نمت
ياسر....معرفتش انام وهي بتعيط كده صعبت عليا الجزمه دي 😒😒
دوللي...بابتسامه متزعلش مني يا ياسر
ياسر....يعني لو زعلت العفاريت هتبطل تجري ورانا هلاص يا ختي مش زعلان مفيش مجال للزعل اصلا...بس صحيح انتي يابت يا دوللي كنتي بتخافي مني🤨🤨
دوللي...بابتسامه لا يا صاحبي عمري ما خوفت منك ولا من حاتم حتي نادر كنت بحبه اوي ديما بحسكم اخواتي بجد وعمري ما خوفت منكم
ياسر.....وهو بيرجع عشان ينام لو اتكتب لينا عمر ورجعنا ابقي عرفيني علي حمزه ده لو لسه عايش يعني عشان اجبلك حقك
حاتم...اه صح وانا معاك وابسطي يا ستي خلي التاء المربوطه اللي في اخر اسمه تبقي موجوده في حياته
ضحك ياسر....وده هيبقي ايه سوسن يعني
حاتم...متقطعش برزقه بقي المهم ان هخليه ينتمي لجنس حوا😂😂😂😂
تيتو....بضحك اضحكي بقي
ابتسمت دوللي بحب...ربنا يخليكوا ليا..
حاتم...انا هروح لمراتي خلتيني رميت راسها عالارض منك لله 😒
ضحكت دوللي روح بدل ما تقوملك احسن دي طلعت شريره اوي
تيتو...يلا يا دوللي تعالي نامي شويه
دوللي...حاضر
راحت دوللي نامت جمب داليدا وراح تيتو نام عالكنبه
وبعد شويه طار المل في النوم وفضل حاتم وزيدان
حاتم...ولع سيجاره هو وزيدان..
خاتم....تفتكر هنرجع يا زيدان.
أبتسم زيدان....انت حاسس بايه
حاتم...بتفكير وهو بياخد نفس مش عارف
زيدان...اهو ده نفس احساسي اول مره مبقاش حاسس باي حاجه ...لما هربت من الصعيد كان الكل بيدور عليا وعرفت وقتها ان هما جم ورايا علي القاهره بس كنت عارف ان هقدر اسافر من غير ما يلحقوني
وكنت حاسس اني هكمل حياتي بعيد وبردو مش هيعرفوا يوصلولي حجات كتير اوي في حياتي حصلت وكنت حاسس باللي هيحصل فيها...بس دي اول مره افقد الاحساس ومش عارف ايه اللي مستخبي بس كل اللي شاغلني ان اعمل كل حاجه اقدر عليها وارجعكم مصر وانتوا كويسين
حاتم....مش نفسك ترجع يا زيدان
زيدان....نفسي اوي والفكره في دماغي جدا خصوصا عشان امي وابويا تعبانين ومحتاجني اوي
حاتم...هما مش شافوك خالص يا زيدان من بوم ما جيت
زيدان...خالص ولا مره حاولت اشوفهم عالنت بس ابويا ميعرفش في التكنولوچيا خالص ولا ليه فيها قولتله كتير يقول لأي حد من ولاد عمي بس هو رافض بيقول انه معندهوش اي ثقه في اي حد وخايف حد يبعني
حاتم...هما ممكن يعملوا كده
زيدان...لا خالص بس دي دماغه خايف عليا
حاتم...امال انت بتتواصل معاهم ازاي
زيدان...بكلمهم عالتليفون وبطمن عليهم بس نفسي اشوف امي اوي لاني محروم من صوتها امي من بوم موت اخواتي وهي فاقده النطق بفضل املمها ومش بسمع صوتها ما بسمعش غير صوت دموعها وبس نفسي اشوفها واخدها في حضني
حاتم...محدش عارف بكره في ايه يا صاحبي ان شاء الله ربنا يلم شملكم من تاني وتقدر ترجع وسطهم
زيدان...يارب.....بقولك ايه لو عايز تنام شويه نام لازم اكبر عدد فينا يكون مرتاح
حاتم....مش جايلي نوم خالص
زيدان...حاول
مرت الساعات والوقت بقي متأخر تقريبا الفجر حصل صوت قوي من الرعد صحي الجميع الكل قام بفزع
داليدا...هو في ايه
زيدان...اهدوا متخافوش ده رعد والمطر بيمطر جامد
نور...هنفضل لحد امته فالرعب ده يارب
حاتم....اهدي يا حبيبتي ده مطر ورعد
راح زيدان يبص من الشباك الجو كان صعب جدا
وفجأه أبتدا المطر ينزل من الدفايه علي النار يطفيها
نادين....الحقوا المطر بينزل من الدفايه.
زيدان....تيتو فين الكشافات
حاتم...الكشاف معايا
ياسر...وانا اديته لتيتو
تيتو...لحظه هجبهم من الشنطه طلع تيتو الكشافات وأبتدت النار تطفي ولعوا الكشافات وقربوا من بعض كلهم.
وبدون تردد مسكت داليدا ايد زيدان
بصلها زيدان وأبتسم وضغط علب ايدها اكتر..وبصوت واطي ...انا معاكي
عدي حوالي نص ساعه كان الجو تلج في الاوضه.
دوللي....انا بردانه اوي
ياسر...الجو فعلا صعب اوي
قلع تيتو السويت شيرت ولبسه لدوللي.
دوللي لا مش هينفع كده هتتعب ولو تعبت مفيش معانا علاج
زيدان...دوللي معاها حق اللي هيتعب مش هنعرف نلحقه يا تيتو قربوا كلكم من بعض خلوا حراره جسمكم تضاعف عشان تحسوا بالدفا أعدو كلهم جمب بعض تحت الشباك حاتم ونور ياسر ونادين دوللي وتيتو داليدا وزيدان ملهم قربوا من بعض ومبقاش في اي فاصل بينهم
مسكت دوللي في ايد داليدا وفجأه حست بأيد تيتو بتمسك ايدها بقوه بصتله بهدوء وسط نور بسيط من الكشافات
أبتسم تيتو وقرب من ودنها بصوت واطي اصلي انا بخاف وانتي قويه وقررت اني أستمد قوتي منك
حست ظوللي لاول مره في خياتها ان قلبها بيدق بعنف تجاه شاب وحست بمشاعر وتخبط جوه قلبها..لف تيتو وشه وهو مبتسم ورجع قرب من ودنها تاني
تيتو...هتفضلي بصالي كده خليني اركز عالعفريت اللي هيدخل علينا🤨🤨
ضحكت دوللي بصوت واطي ابتسم تيتيو وغمزلها بعينه ورجع بص ادامه...
بعد شويه قام زيدان يبص من الشباك يتابع الجو....
كان الجو بره ظلام مفيش غير شعاع نور بسيط خارج من جزء من القمر وباقي القمر متغطي بالغيوم....وكانت الجزيره بتنور بمجرد ما يظهر البرق وفجأه وبدون مقدمات بص زيدان بتركيز ...روح
بصوله كلهم تيتو بتقول حاجه
زيدان....روح يا تيتو روح عالمارينا قام الكل وقف يبص واستنوا نور البرق يظهر تاني وفجأه حصل البرق نور الجزيره والكل في نفس واحد...
روح..😳😳😳