رحله إلي الجحيم

البارت الرابع

البارت الرابع....
بعد ما دخلوا شنطهم ختموا الباسبورات واعدوا في الكاڤيتريا منتظرين
ياسر...انا رايح اجيب قهوه حد عايز حاجه
داليدا...انا كمان يا ياسر عايزه قهوه مصدعه اوي
دوللي انا مش عايزه حاجه
نور...ولا انا
حاتم....تعالي نروح سوا انا عايز قهوه انا كمان
ياسر...وانتي يا نادين عايزه كابتشينو
ياسر...اوك
راح حاتم وياسر يجيبوا طلباتهم ووقفت دوللي ونادين ياخدو شويه صور مع بعض بحماس ونزلت دوللي عالحاله بتاعتها عالفيس بوك انها في طريقها إلي إيطاليا وبسرعه استجاب صحابها وفضلوا يردوا عليها
ـــــــــــــــــــــــــــــــــــــــــــــ
..👥💬
كريم...والعه🔥🔥

دوللي🍓...من اولها هنقر🤨

اروي...طيب خدينا معاكي😭
دوللي🍓...تعالي يلا ياروحي🥺

سلمي....من غيرنا يا ندله

دوللي🍓....كان نفسي تبقوا معايا
أحمد...الله يسهلوا
دوللي🍓....🤣🤣🤣

هشام....عيني فالسفريه
دوللي🍓..طب اوصل وحط عينك براحتك🤣🤣

احمد....😭😭😭😭وانا لأ
دوللي🍓...يلا يا صاحبي

كريم....متخليش السفر ينسيكي المغامره🤣🤣
دوللي🍓....تعرف عني كده🤣🤣🙈🙈

اروي...ابعتيلنا صور كتير😍

دوللي🍓...اوصل بس وأغرقكم صور
سلمي...هتوحشيني يا موزتي وهيوحشني جنانك

دوللي🍓...انتي اكتر يا قلبي أشوفكم علي خير يا حلوييين😍
ـــــــــــــــــــــــــــــــــــــــــــــ
اما نور فا فضلت تكلم مامتها تسأل علي تولين مامتها طمنتها انها كويسه ومبسوطه ارتاحت شويه لكن فضلت حاسه بتأنيب الضمير....
رجع حاتم وياسر بالقهوه
حاتم....اتفضلي يا داليدا
داليدا...شكرا يا حاتم
ياسر...الكابتشينو يا حبيبي
نادين....تسلم ايدك😍
حاتم...مالك مكشره ليه
نور...كنت بطمن علي توتي
حاتم...هتفضلي مضايقه كده متحسسنيش بالذنب بجد خلاص احنا قررنا يومين هنتبسط فيهم ونرجع بلاش تضايقي نفسك
نور...يومين ايه دول اسبوعين
حاتم...احنا لسه فيها لو هتفضلي مضايقه كده بلاش لو عايزه ترجعي معنديش مشكله والله بس بلاش تفضلي مضايقه
ياسر...ايه يا عم هو جنان ماخلاص يا نور كلميها كل يوم واتبسطوا ياجدعان مبتعرفوش تتبسطوا
حاتم...انا هتبسط قولها هي اللي مكشره
مور...يعني بزمتك انت مش مضايق اننا سايبنها
حاتم....مضايق طبعا وكان نفسي تبقي معانا بس تولين لسه صغيره والسفر تعب علينا وهي مش هتفهم اصلا ولا هتستمتع لانها صغيره اخنا اللي هنبقي شايلين همها وانتي اكتر مش هتقدري تتبسطي وهي معاكي واي مكان كنا برنوحه كانت بتبقي معانا مجاتش من مره عادي يعني يا نور
نادين....فكي بقي يا نور بلاش كآبه هلينا نتبسط وحاتك كلامه صح هتتلخمي بيها ومش هتقدري تكوني براحتك هي مت طنط في امان
نور....طيب خلاص
حاتم....وانتي يا ست داليدا مالك
داليدا.........شارده ومش بترد
حاتم...داليداااااا🤨
داليدا....هاااا بتكلمني يا حاتم
حاتم...لا ياشيحه انتي مش معانا خالص
نادين...اللي واخد عقل القمر
داليدا...لا ابدا والله سرحت شويه مش اكتر
حطت نادين ايدها في ايد داليدا وهي بتضحك وتغمزلها في ايه هااا سرحتي في ايه
داليدا ..🤨🤨🤨 في ايه يابت ماتتلمي هسرح في ايه يعني عادي والله انا اصلا مصدعه ومش مركزه
ياسر...شكلك مش مبسوطه يا داليدا في حاجه مضيقاكي
داليدا...لا والله خالص بالعكس انا مبسوطه كفايه اننا مع بعض
داليدا كان في حاجه قابضه قلبها بس مش عارفه سببها لكن ترجمت ده لما دخلت المطار وافتكرت لما جت المطار مع نادر وكانوا مسافرين لشهر العسل.
فلاش....باك.
نادر...حبيبي تشربي ايه لسه ادامنا حوالي نص ساعه عالطياره
داليدا....قهوه
نادر...لا طبعا قهوه ايه انتي  مرضتيش تاكلي حاجه عالغدا مش هينفع تشربي قهوه
داليدا...عشان خاطري 🥺
نادر....بحب لابردو انتي بتضحكي عليا فكراني هضعف صح مفيش قهوه يا داليدا
داليدا...علي فكره بقي مخصماك ومش هكلمك تاني
نادر....متقدرش😘
داليدا...بزعل طفولي لا هقدر وبجد مش هكلمك
نادر....طيب اجبلك حاجه تاكليها الاول وبعدين اشربي القهوه
داليدا....انت بتعاملني كأني طفله ليه مش واكله ومش عايزه قهوه خلاص😔
نادر....داليدا حبيبتي انتي مش شايفه انتي بقيت عامله ازاي خسيتي جدا تحضيرات الفرح واخر كام اسبوع مكنتيش بتأعدي ما بين شغلك ومابين تجهيز البيت وحجز القاعه والفستان والحجات بتاعت البنات دي وطبعا مهمله في اكلك ومفيش غير قهوه بس وقبل الفرح بأسبوع وقعتي وأغم عليكي واتعملك تحليل نسبه الانيميا فيه كانت 8 وبعد كل ده زعلانه اني خايف عليكي
داليدا....يا نادر انا بقيت كويسه والله
نادر....بس انا مش شايف ده انا شايف واحده بتاكل أكلت  اطفال ولو محدش قالها كلي مش بتسأل فالاكل أصلا
داليدا....يا حبيبي انا مش بحب الاكل اوي مش بحس اني جعانه اصلا
نادر....لانك مش بتاكلي اصلا هتجوعي لو كلتي ومش شرط علي فكره تحبي الاكل ولا يكون ليكي شغف ليه بس الانسان بياكل عشان يعيش مش بيشرب قهوه عشان يعيش
داليدا....طيب خلاص😔
نادر....خلاص ايه اجبلك حاجه تاكليها قبل القهوه
داليدا...لا مش عايزه قهوه
نادر...بقله حيله مفيش فايده علي فكره بقي انا اللي زعلان منك والسجاير اللي انتي نفسك أبطلها مش هبطلها ابدا🤨 وبجد مش هتكلم معاكي
بعد وقت بسيط طلعوا الطياره ونادر مش بيكلمها وومثل عليها الزعل طلعت الطياره بيهم فالجو.
داليدا....نادر نادر
نادر... نعم
داليدا...هتفضل قالب وشك كده
نادر....عايزه ايه يا داليدا
داليدا...بزعل خلاص مش عايزه بصت داليدا من الشباك وهي زعلانه بجد حست انه نكد عليها وعلي نفسه وهما راييحين يقضوا شهر العسل وعينها لمعت بالدموع لكن فجأه لقت نادر بيشدها لصدره وهو بيبوس راسها بحب وكأنه ابوها
نادر....مبعرفش اشوفك زعلانه ولا بعرف اكمل زعل منك للأخر بس بجد انا مضايق منك عشان اهمالك في نفسك ده
داليدا....انت بتزعألي وانت عارف ان ده طبعي اصلا
نادر....انا مش بزعألك انا بس مضايق من تفكيرك واه عارف ان ده طبعك بس كمان لازم تغيريه يا حبيبتي لانه غلط بلاش زعل بقي مش بحب اشوفك كده انا اسف
قربها من حضنه اكتر وهو بيبوس ايدها😘❣️
.........باك
فاقت داليدا علي صوت النداء علي الطياره بتاعتهم
قامت مع صحابها علي طول واتوجهوا للداخل عشان يركبوا الطياره✈️
عدي وقت بسيط كان كل واحد فيهم أعد مكانه
داليدا ودوللي جمب بعض وجمبهم صحابهم..
ربطوا الاحزمه وبعد وقت بسيط طلعت الطياره
نور....حاتم هو احنا صحيح المفروض رايحين روما ولا ميلانو
ياسر...بضحك يعني بعد ده كله لسه مش عارفه احنا رايحين فين 🙈🙈
نور...بضحك وانا مخي دفتر وبعدين انا كنت مش مركزه بسبب تولين
دوللي...بضحك علي فكره انا كمان معرفش اي حاجه عن الرحله انا جايه مع الزفه وخلاص🤣🤣المهم اسافر
حاتم.....كله جاي مع الزفه 🙈🙈😂😂😂
ياسر...بصوا بقي انا مجهزلكم برنامج يجنن  اللي ساعدني فيه بصراحه صاحبي انا اول مره زيكم اجي ايطاليا بصراحه المفروض اننا طالعين تبع رحله وليها برنامج خاص بس انا اتفقت مع صاحبي اننا هنستقل مع نفسنا وهو ظبط كل حاجه وعرفني حجات كتير عن البلد وكل مدينه طبعا هي فيها مدن كتير جدا وكل واحده فيهم احلي من التانيه بس عشان احنا هنأعد اسبوعين فا مفيش وقت خالص نلفها كلها فا انا اخترت اننا نزور... روما وميلانو وڤينسيا فاحنا رايحين علي روما  الاول هنأعد فيها يومين تلاته كده وطبعا هنحاول علي اد ما نقدر نزور كل مكان فيها وبعدين نطلع علي ميلانو هنأعد فيها برده يومين تلاته
وبعد كده هنطلع علي ڤينسيا  نأعد فيها كان يوم ونرجع تاني علي روما نكمل فيها لحد معاد رجوع الرحله لما نرجع بقي نزور اي حاجه مزورنهاش نعمل شوبنج نتعرف عالبلد اكتر وبس
نادين....طيب وفالمدن دي انت عارف هنروح فين ولا ماشي كده ببركه دعا الوالدين
ياسر...لا طبعا عارف ما انا بقولك صاحبي قايلي عالاماكن الجامده واللي لازم نزورها فيها
دوللي...طيب بقول ايه هو انا لو نفسي نروح مع بعض جزيره في ڤينسيا ممكن نروحها
ياسر....لو حابيين ممكن نقضي وقت اطول في ڤينسيا عادي جدا نروح طبعا بس جزيره ايه دي
دوللي...دي جزيره عملت سيرش عنها وباين عليها حاجه كده خيال
ياسر....خلاص تمام نروح اي مكان نفسكم تزوروه وهسأل احمد صاحبي عنها
دوللي...بارتباك 🙄 لا مش لازم يعني احنا نروح ڤينسيا ونعيش بقي مع نفسنا ونتعامل
ياسر....ياستي هو مش هيقول اي حاجه وعموما تمام هنتعامل بس لو عطلنا اكيد هو هيكون معانا عالموبايل
دوللي...صحيح هو في حد فيكم بيعرف يتكلم أيطالي
ياسر....حاتم
حاتم....انا شويه بسيطه مش اوي يعني وفهمه برده بس مش متمكن اكيد
دوللي...علي خيره الله هنروح نلطش يعني😂😂
بعد وقت بسيط جابت المضيقه ليهم الاكل وأبتدوا ياكلو ويضحكوا مع بعض وشويه والكل نام وفضلت داليدا....صاحيه وباصه من الشباك وشارده تماما كأنها مغيبه ومش معاهم
فلاش بااااك...
فتح نادر عينه وبصلها حبيبي ايه ده انتي صاحيه
داليدا....اه منمتش
نادر...طب ليه يا قلبي المسافه طويله حوالي خمس ساعات
داليدا...مش بعرف انام في اي طريق سفر وبعدين انت يادوب الطياره طلعت وروحت فالنوم
نادر....بقالي يومين مش بنام عدل خالص وامبارح اتهديت فالفرح مش قادر انا مش عارف انتي ازاي منمتيش بعد التعب ده كله
داليدا....حاولت بس مش عارفه
نادر....طيب خلاص انا هفضل صاحي معاكي
داليدا....انا بردانه اوي
نادر.....برادنه طيب ليه مفتحتيش البطانيه بتاعتك استني
فتح نادر البطانيه وحطها علي داليدا وخدها في حضنه
ابتسمت داليدا....عارف يا نادر اوقات كتير بحس انك ابويا مش حبيبي ولا جوزي بحس اني بنتك
نادر...طيب ما انتي بنتي يا داليدا بنتي اللي بخاف عليها من الهوا اللي بتتنفسه وبخاف عليها من الناس وبصتهم ليها بنتي اللي بخاف حد يزعلها او يضايقها باي كلمه حتي لو أقرب الناس ليها بنتي اللي بتغلط ومبقدرش اعاقبها او ازعل منها بنتي اللي لما بتتعب قلبي بيبقي هيموت عليها انتي بنتي يا داليدا قبل ما تكوني مراتي وحبيبتي داليدا انا بحبك اوي
أبتسمت داليدا بحب ورجعت لحضنته. وانا بحبك يا نادر وبحب حنيتك عليا وبحب حضنك اللي بيخرجني من اي احساس وحش وبينسيني الدنيا.. ربنا يخليك ليا وتفضل طول العمر معايا🙏❣️
باااااااك
مسحت داليدا دموعها قبل ما حد يشوفها وبصت عليهم لقتهم نايمين
داليدا..... لنفسها كرهتك يا نادر بس مش عارفه مفكرش فيك دمرت كل حاجه حلوه فيا ودمرت نفسك قبل ما تدمرني عشان انا واثقه انك ضايع من غيري💔🥺.
...........
عدي الوقت بسرعه واخيرا نزلت الطياره  الي مطار روما وصحي الجميع وأبتدوا ينزلوا من الطياره
وبعد وقت بسيط كانوا خدوا شنطهم وخرجوا من مطار روما وركبوا عربيتين لموزين يوصلوهم للفندق وبعد وقت بسيط وصلوا لفندق في وسط المدينه...
طلعوا علي غرفهم
ياسر....ندخل بقي نستريح شويه وبعدها نشوف هنعمل ايه
حاتم....اه انا مش قادر مصدع خالص ومحتاج اريح جسمي شويه
داليدا....وانا محتاجه ساعتين تلاته عالاقل كلكم نمتوا فالطياره اصلا انا منمتش خالص
دوللي...وهي بتتاوب ااااه🥱 وانا كمان عايزه اكمل نوم
حاتم...طيب ساعتين كده ولا حاجه ونبقي نصحي عشان ننزل نتغدي ونتمشي شويه
دخلوا علي اوضهم يادوب خدوا شاور وناموا من غير ما يفضوا شنطهم وراحووووو فالنوووووم.😴
بعد حوالي 3ساعات صحي ياسر ونادين واتصلوا عليهم فالغرف بتاعتهم صحوهم عشان يجهزوا وينزلوا يتغدو
الجو كان خريفي بس بارد فا لبسوا ملابس تقيله نوعا ما  وبعد وقت بسيط اتقابلوا
كان المطر نازل لكن مش شديد والجو كان ساحر بمعني الكلمه ريحه المطر مع الجو الساقع والهوا وورق الشجر اللي واقع مع المناظر الخلابه كانت كفيله لخروج النفس براحه وسعاده.
نور....وهي بتاخد نفس طويللل الله المكان تحفه بجد
داليدا...فعلا الجو تحفه والمكان فظيع بجد
دوللي...احنا هناخد هنا كميه صور فظيعه😍
داليدا....طبعا دي اهم حاجه بالنسبالك
دوللي...طبعا عشان اغيظ العيال صحابي😂
نادين....هو احنا كده هنروح فين
حاتم...طبعا هنروح ناكل قبل اي حاجه وعملت سيرش انا عالمطاعم هوديكم مطعم بيعمل باستا حلوه جدا ومشهور بالازانيا
داليدا ...ايوه انا عايزه اكل لازانيا
ياسر...طبعا حاتم اول حاجه هيفكر فيها الاكل
حاتم...امال افكر فيك ناكل الاول وبعدين نعيش بقي
وصلوا المطعم وطلبوا الاكل كان المكان ساحر فعلا والمنظر الخارجي علي وسط المدينه الاكل كان شهي بطريقه تجنن أبتدا الليل في الدخول والجو كان احلي والمدينه كانت مليانه بالناس مع الانوار اللي ظاهره من كل مكان وكأنه نهار
فضلوا يتمشوا كتير ويدخلوا المحلات ويستكشفوا المكان
وعدت بيهم الساعات وطبعا دوللي مش بتعمل حاجه غير انها مع كل خطوه وزياره مكان حتي لو كان محل بسيط تتصور
وبعد وقت بسيط قرروا ان يومهم يخلص لحد كده عشان لسه تعب السفر مسيطر عليهم ورحلتهم في روما تبدأ من بكره وفعلا راحو عالفندق وخلص يومهم...
في صباح يوم جديد اتجمعوا في الفندق علي فطار إيطالي مميز وبعد وقت بسيط كانوا خارج الفندق عشان يبتدوا جولتهم السياحيه ويتعرفوا اكتر علي المدينه...
دوللي هنروح فين يا ياسر
حاتم...بصوا بقي سيبولي نفسكم خالص وهبقي احسن مرشد سياحي ليكم
ياسر....ده علي اساس انك من اهل ايطاليا بس ياعم انا هاخدكم علي كذا مكان زي ما احمد صاحبي قاللي
حاتم....ياعم متقلقش  الgbs معانا وانا امبارح عرفت اقرب اماكن سياحيه في المدينه وعرفت شويه حجات ومعلومات عن كل حاجه
دوللي....خلاص سيب حاتم يقوم بالجوله دي حاتم بيحب الاثار والمعلومات
نور...ده امبارح بعد ما طلعنا فضل اعد يبحث عالنت ويدور سبته ونمت
ياسر...طيب يلا بينا
الفندق اللي كانوا نازليين فيه كان مميز جدا لانه وسط اغلب المعالم السياحيه الموجوده واللي اغلبها مكانتش محتاجه ركوب واطول مشي فيهم كان بيبعد عن الفندق حوالي 15 دقيقه كتب حاتم عالgbsاول حاجه حابب يزوروها وصلوا لأهم معالم روما...
دوللي....ايه ده الله😍😍😍
داليدا....تحفه😍
ياسر...يا أبن اللعيبه انا كنت ناوي فعلا اجيبكم هنا اول حاجه
حاتم....عد الجمايل اي خدمه😂😂 دخلوا مع بعض جوه
حاتم....احم احم بصوا بقي نبتدي شغلانه المرشد السياحي...
نادين...بصحك قول واشجينا
حاتم....اللي ادامكم ده أسمه الكولوسيوم...وده مدرج روماني كبير وعملاق زي ما انتوا شايفين طوله تقريبا 189 متر وبيرجع تاريخ بناءه لعهد الامبراطوريه الرومانيه ويعتبر من اعظم الاعمال المعماريه العندسيه الرومانيه وبيقولوا ان سبب تحطم جزء من الكولوسيوم هزه ارضيه عنيفه في القرون الوسطي....
دوللي....زلزال يعني اللي عمل كده
حاتم....ايوه
دوللي...بس علي فكره شكله وهو جزء منه مش موجود بجد تحفه فنيه وكأنه كان مقصود يتبني بالشكل ده
ياسر...دي حقيقه فعلا
لفوا مع بعض في المكان وخدوا صور تذكاريه كتير بالكاميرا اللي مع دوللي وبالموبايلات
وبعد كده خدهم حاتم علي تاني مكان. وكان ..البانثيون..
دوللي....ده متحف يا حاتم
خاتم....لا ده معبد كان بيضم كل الالهه في روما وده تقريبا اقدم مبني اتبني ليه قبه...والقبه دي من جوه ليها فتحه اتصممت مخصوص عشان يدخل منها أشعه الشمس وتتوسط المعبد ..
كانوا واقفين بيشوفوا المكان بانبهار ودخلوا جوه شافوا منظر الشمس وهي داخله من القبه اتصورا تاني في المكان بره وجوه وكانوا مبسوطين اوي
نادين كانت ماشيه ماسكه ايد ياسر وحاتم لافف ايده علي نور وداليدا ودوللي ماشيين جمب بعض يتفرجوا
وطبعا كالعاده دوللي كان في قمه السعاده للمغامره اللي بتقوم بيها لاول مره ومعرفتها بمكان جديد..
بعد وقت بسيط وصل بيهم حاتم.... لنافوره تريفي....
نادين....الله مش دي النافوره اللي بيرموا فيها العملات ويتمنوا امنيه
حاتم...صح يا نادين..
حاتم...دي اسمها نافوره تريفي او بتتسمي بنافوره الامنيات ودي من اشهر الاماكن السياحيه في روما ومن اقدم اثار روما واللي بيميزها بقي المنحوتات الفنيه اللي مرسومه عليها والتمثال اللي في نص النافوره ده  أسمه آلهه البحر نبتون واقف علي عربيه من الصدف وبيجر العربيه مخلوقات بحريه ودي تعتبر اشهر نافوره في تاريخ الفن والادب والاثار....
داليدا...والله براڤو عليك يا حاتم
حاتم...بصحكه جمبله انفع مرشد سياحي
نور...بحب تنفع ياروحي😍
ياسر...يجي منك يا صاحبي
نادين....المكان حلو اوي
دوللي..بقولكم ايه تعالو يلا نرمي فلوس ونتمني امنيه
الكل بحماس يلا
طلع ياسر من جيبه عملات فضيه لانه كان عامل حسابه يجبهم المكان ده وقفوا كل واحد فيهم يتمني امنيه ودوللي بتصور كل واحد فيهم وهو بيرمي لحد ما يجي دورها الكل اتمني ورمي وجه دور داليدا وقفت تفكر بينها وبين نفسها في امنيه وكأن الصوره بقت مش واضحه وعقلها وقف عن التفكير ومبقاش موجود في عقلها غير شريط اسود بيمر ادام عينها بكل ذكري جمعنها مع نادر بان علي ملامحها الانزعاج وفجأه وقف عقلها علي ذكري هي نفسها متعرفش ليه جت في بالها...
الراجل المجذوب🙄 نظراته كلامه.اللي فضل يتردد في عقلها...
المجذوب...ريحه الموت بتدور ومحدش عارف الدور علي مين...عالم غريب ومرعب رايحينه برجلينا عالم مش بتاعنا ولا نعرف عنه حاجه وفجأه بص لداليدا...خلي بالك يا بنتي ده عالم دخوله ملهوش تذكره خروج .
باك...فاق داليدا بصدمه وفجأه اتمنت في داخلها
داليدا...يارب نرجع بسلام من غير ما يحصل اي حاجه وحشه لأي حد فينا🙏🙏
وبعدها جه الدور علي دوللي ترمي صورها ياسر وخلصوا
حاتم....تعالوا بقي اوديكم مكان كمان ونروح ناكل بقي
ياسر...بضحك يلا بسرعه قبل ما يجوع اوي والحاله تجيله
حاتم...بضحك اه اكسبوا وقت الوقت مش في صالحكم
داليدا...بابتسامه طب يلا بسرعه يا طفس
ضحكوا كلهم ومشيوا علي المكان الرابع
........
حاتم....دي بقي اسمها ساحه نافونا. ودي من اشهر ساحات روما بتضم معالم كتير لروما زي نافوره الانهار الاربعه اللي هناك دي ونافوره مور وكنيسه سانت أغنيس وفيها كافيهات كتير ومطاعم كتير اوي ودي احلي حاجه فالموضوع
ضحك عليه الكل خدوا صور كتير مع بعض وبعدها أبتدا الليل يدخل والمكان أبتدا يتزحم وكأن الحياه رجعت
راحو مع بعض علي مطعم وكان الجو ساحر بمعني الكلمه وهما بياكلوا والساحه ادامهم😍😍
......
بعد وقت فضلوا يتمشوا واعدوا علي كافيه شربوا بعض المشروبات وحسوا بالارهاق من كتر لف اليوم وراحوا عالفندق عشان يناموا وخلص اليوم التاني في روما...في صباح اليوم التالت بعد ما اتجمعوا وفطروا خدهم حاتم في جوله سياحيه حديده في مدينه روما...والزياره الخامسه كانت من نصيب السلالم الإسبانيه...
حاتم...دي عباره عن درج واسع والسلالم دي موجوده في ميدان كبير زي ما انت ا شايفين ممكن نشوف منه تمثال داود اللي هناك ده
دوللي...امال اللي هناك ده تمثال ايه
حاتم...ده تمثال النبي موسي
نور...طيب تعالوا نتصور ونأعظ شويه عالسلالم ونتصور عليها زي ما بشوف الصور دي عالنت
حاتم...يلا بينا راحو اتصوروا مع بعض وكانوا مبسوطين جدا
وبعد وقت طويل خدهم حاتم للمكان السادس..
حاتم....اللي ادامكم دي بقي كنيسه سانتا ماريا ..
دي كنيسه القديسه مريم وتعتبر اقدم كنيسه رومانيه واتبمت علي اسم مريم العذراء والكنيسه دي محطوطه في لائحه التراث العالمي في اليونسكو
دخلوا جوه مع بعض يشوفوا شكل الكنيسه
حاتم....الاسقف دي كلها اللي ادامكم مصنوعه من الدهب الخالص ويعتبر الدهب ده اول دهب اتجاب من العالم  الجديد بعد اكتشافه..
نادين....يعني سقف واحد من دول يودينا مكان تاني خالص
ياسر...بضحك هتموت وتلاقي آثار😂😂
داليدا بضحك...نفس دماغ دوللي بالظبط بتحب الاكتشافات عشان كده
دوللي...مسيري الاقي اثار من الاكتشافات بتاعتي العظيمه🙄🤨
خلصوا تصوير ولفوا كتير وراحوا يتغدوا بعدها راحو علي سوق من اشهر اسواق روما فضلوا يتمشوا واللي حابب يشتري حاجه يشتري
لحد ما تعبوا ورجعوا الفندق
وخلص يومهم التالت وطلعوا يناموا عشان يجهزوا للسفر لمدينه ميلانو 😍
.........
في صباح اليوم الرابع
صحيوا الشباب جهزوا ونزلوا شنطهم وراحوا علي مطار روما متوجعين لجولتهم التانيه في مدينه ميلانو
بعد ساعات قليله عدت وصلوا ميلانو كان العصر أذن يادوب طلعوا شنطهم وغيروا هدومهم ونزلوا تاني يتغدوا ويتمشوا شويه عشان ميبقاش اليوم ضاع عليهم...وأكتفوا باليوم الرابع وطلعوا ناموا....
في صباح اليوم الخامس...صحيوا الشباب فطروا مع بعض وقرر حاتم انه يكون هو المرشد في ميلانوا كمان وبما انهم وثقوا فيه فا كمل معاهم.
نادين....البلد هنا جميله اوي بجد
ياسر....اوي فعلا وكمان التوقيت اللي احنا جينا فيه حلو بجد مش زحمه اوي تحسوا بأستجمام فظيع.
حاتم....وصلوا مع بعد لاول المعالم في ميلانو.
دوللي...وااااو😍
نور....اسمه ايه المكان ده يا حاتم.
حاتم...دي ساحه الدومو
وتعتبر اشهر المناطق السياحيه في ميلانو وطبعا دي اهم مكان بالنسبه للسياح عشان الياحه بتضم كاتدرائيه دومو ودي واحده من اكبر كاتدرائيات في العالم كله...وطبعا في مناسبات كتير بتتخول الساحه دي لصاله مفتوحه للأحتفالات بيعملوا فيها عروض غنائيه وفنيه....خلصوا تصوير فالمكان وراحوا عالمكان التاني...
حاتم...ده اسمه مسرح لاسكالا وده من أشهر دور الاوبرا في العالم بيتعمل فيه اكبر حفلات المطربيين العالميين لو كان في وقت كنا حضرنا حفله..
نور...طيب يلا نتصور
خلصوا تصوير وطلعوا علي تالت مكان.
داليدا..بانبهار...ايه ده😍😍
المكان رهيب
نادين....شكله يخض من كتر ما هو جميل😍
حاتم...دي كاتدرائيه ميلانو
ودي ثالث اكبر كاتدرائيه في اوربا من أشهر معالم السياحه في ميلانو...فيها رسومات ولوحات كتير واللي رسمها اشهر الفنانين..
ياسر...التصميم اصلا بتاعها رهيب
دوللي...تعالو نتصور يلا😍😍
بعد وقت بسيط كانوا في رابع مكان..
نادين...الله المكان هنا شكله في محلات حلوه اوي
نور....ايوه بس المكان ده كان عايز يوم لوحده
ياسر...احنا غالبا مش هنروح اي مكان غير ده انهرده لفينا كتير اوي
حاتم....لا خلينا هنا بقي وبكره نبتدي في مكان تاني لاني حقيقي انا كمان تعبت والمكان ده عايز لف فالوقت هيضيع
داليدا...خلاص نكمل هنا وبكره نروح مكان جديد
دوللي...طيب هو ايه المكان ده يا حاتم..
حاتم.... بضحك بصوا بقي هو المكان اسمه غريب معرفش هقوله صح ولا غلط..
غاليريا ڤيتوريو إيمانويل الثاني..
داليدا....وده مين 🙄
حاتم...ده يا ستي من اقدم المجمعات التجاريه في العالم كله وبيرجع تاريخه للقرن ال19
دوللي...بس ده شكله حلو جدا يمكن المبني باين انه أثري شويه بس المحلات بيتهيألي عصريه خالص
حاتم...ده حقيقي المجمع في اشهر المحلات العالميه واشهر المطاعم وهو خمس ادوار
دوللي...طب يلا نلف عشان شكله كده هياخد باقي اليوم
نور...يلا بينا.
وخلص يومهم بعد لف طويل وتسوق واستجمام راحو علي  الفندق
وفي صباح اليوم السادس
زاروا مكان جديد وكان مكان مبهج ومميز والكل فرح بيه جداا...
حاتم...المكان ده أسمه اكواريوم سيفيكودي ميلان..
داليدا...المكان حلو بس انت خايفه عايزه اطلع
حاتم...استني متقلقيش المكان هيعجبك اوي هو بس عشان مقفول فا هتحسي بخوف بسيط
نادين...تعالي هاتي ايدك واتبسطي ومتخافيش
دوللي....ده تحفه يا داليدا خايفه من ايه
داليدا...مبحبش الاماكن المقفوله
ياسر....طيب يلا قولنا ايه المكان ده عشان نتصور ونلف فيه ونطلع عشان داليدا.
حاتم...تمام...المكان ده بيضم اكتر من من 100 نوع مختلف من الاحياء البحريه وموجوده زي ما انتوا شايفين كده في احواض كبيره جدا والمكان كمان في مكتبه خاصه بالعلوم البحريه ودي مفتوحه عادي للزوار..
نادين...الله بص السمكه دي
نور...ايه ده هو ده قرش😳
دوللي ..داليدا...بصي الچيلي فيش ده بينور ازاي😍
رغم خوف داليدا لكن كانت مستمتعه ومنبهره بالمكان
خدوا صور كتير مع بعض وبعد وقت بسيط خرجوا علي المكان التاني..
حاتم....طبعا بقي مش محتاجين اقول ايه ده بيتهيألي ده معروف
ياسر...وربنا ما اعرفه
داليدا....ولا انا
دوللي...انا عارفه😍😍
حاتم...طب قولي يا لمضه
دوللي...ده متحف ليوناردو دافنشي
حاتم...بصحك براڤو عليكي
نور...سوسه😒
دوللي...والنبي انتوا اللي اغبيه يعني عمركم ما شوفتوا صورته
حاتم....المتحف ده من اهم المتاحف في ميلانو موجود في قطع اثريه ولوحات فنيه كلها تخص ليوناردو نافنشي..
دخلوا اتصورا مع اللوحات كانوا مبسوطين جدا بالمكان واتفرجوا علي كل اللوحات
في خلال الايام الباقيه في ميلانوا كانوا كل يوم يزوروا مكان جديد وينبهروا بيه ويتصورا صور للذكري ويوثقوا زيارتهم للمكان...
واخيرا خلص يومهم الرابع في ميلانو
واتوجهوا علي ڤينسياا😍
ومن هنا هتبدأ رحلتهم بجد🙄🙄🙄🙄
.......
في مكان اخر في ڤينسيا.
في مكان عالبحر من قرب من يخت مبهر وشيك
ظهر شاب باين عليه الشقاوه والهيبره والمرح..
بونچورنو سنيور زيدانو😍
لف زيدان بأبتسامه تجنن
بونچورنو  سنيور تيتو😉
ابتدت روايتنا وأبتدت الرحله
وللحديث بقيه...