رحله إلي الجحيم

البارت السابع عشر. .. الاخير

البارت السابع عشر...الاخير
داليدا...بضحك والله بتكلم جد يعني اللي يشوفك يقول عليك جد ومش بتضحك
زيدان...ده اللي يشوفني انما انتي الوقت مش شيفاني ولا انا شايفك😂
داليدا...علي فكره احنا لو طلعلنا حاجه الوقت هيبقي بسببك انت عمال تضحك فيا😂😂🙈 وبصراحه هيبقي حلال فينا...
زيدان....طيب زيدان اللي تعرفيه جد ومش بيضحك مش يمكن انا الوقت مش زيدان أصلا😈
راحت بسرعه الضحكه من وش داليدا فجأه ومسكت في ايده أكتر وبصوت مهزوز ومهدد بالبكاء أو الجري🙈
داليدا.....زيدان انت بتضحك عليا صح
ضحك زيدان....طب زمتك في حد يخاف من حد يكلبش فيه كده اكتر😂😂
داليدا...علي فكره بقي والله العظيم انت رخم انت وقفت قلبي بجد
زيدان...بضحك حقك عليا بهزر والله🙈 طيب بجد أفرضي ده حصل
داليدا...هو في ايه انت مصمم ترعبني وبعدين لو حصل يحصل خلاص مبقتش اخاف هيحصل ابه يعني اكتر من اللي بيحصل
زيدان....طيب سيبي ايدي ادام انت جامده اوي كده
داليدا....تصدق انا غلطانه اني مرضتش اسيبك ومش هسيب ايدك علي فكره
زيدان....بأبتسامه خلاص يا ستي متزعليش ومتخافيش انا بضحك معاكي بحاول اغير الجو اللي احنا فيه ده شويه.
داليدا سكتت شويه
زيدان...سكتي ليه
داليدا...بحاول أستوعب اللي بيحصل ده..يعني بجد لو حد حكالي اللي حصلنا ده مش هصدقه ابدا عمري في حياتي ما تخيلت يحصلي او أعيش موقف زي ده..انا لما كنت بشوف بس كابوس كنت بفضل مرعوبه طول اليوم لما أفتكر اللي شوفته
زيدان...انتي ايه حكايتك مع الكوابيس يا داليدا..
داليدا....أتنهدت داليدا حكايتي مع الكوابيس بدأت بدري اوي بعد ما بابي مات فضلت فتره طويله علي طول خايفه انام لوحدي علي طول بتخيله في كل مكان كان بيقف فيه طول اليوم كنت بفكر فيه ووقت النوم مكانش بيسبني وطبعا فراقه لوحده وجعني فا كنت مكتئبه...مامي بتقولي ان قبل ما بابي يموت كانت شخصيتي مختلفه كانت بتقولي كنتي فيكي من دوللي بتحبي اللعب والجري والتنطيط وبابي كان بجد صاحبي اوي يمكن اه كان سني ست سنين بس فكراه فاكره اد ايه كان حنين وحد جميل اوي طول ماهو في البيت مقضي معايا الوقت كله لعب مكنتش بنام غير في حضنه كان لازم ينيمني بنفسه...بس بعد ماراح خد كل ده معاه الطاقه والحركه والفرحه خد كل حاجه اعدت كتير اوي كده بقيت منطويه بخاف من اي حد يزورنا حتي لو كنت اعرفه ديما ساكته بمعرفش اندمج مع اي حد بسهوله لحد ما كل الناس اللي حوالينا اقنعوا مامي انها تتجوز وتجبلي اخ او اخت ينسوني شويه ويغيروا حياتي واقدر اندمج من تاني وفعلا اتجوزت والد دوللي فالاول كان شخص كويس اوي وطبعا انا كنت طفله وشويه ومامي حملت في دوللي كنت طايره من الفرحه وشويه شويه كبرنا وأبتديت انا اكبر بعدها والد دوللي اتغير حرفيا مان بيشرب وكان بيجري ورا اي ست كنت بشوفه بيتطاول علي مامي وديما كان تاعب اعصابها وهي مستحمله .مامي كان عندها أستعداد تتحمل اب حاجه عشانا وعشان متحرمش دوللي من بباها زي ما انا اتحرمت من بابي...بس حصل منه حاجه مامي مقدرتش تستحمل أبدا.
زيدان....انتي قولتيلي قبل كده ان مامتك انفصلت بسبب الخيانه وانه كان بيهينها وبيمد ايده عليها..عشان كده أنفصلت
داليدا...بحزن يمكن ده كان من ضمن أسباب مامي للطلاق بس بردو هي كانت مستعده تستحمل لكن لما انا روحت اتكلمت معاها قررت تنفصل فورا..
زيدان...تتكلمي معاها في ايه
داليدا...بأحراج والد دوللي اتغير خالص وبقي غريب ديما كان يشرب لحد ما يسكر ولما أبتديت أكبر ادامه كنت بحس ان يعني..
زيدان....عملك ايه..
داليدا...كانت نظراته غريبه ليا حتي لمسته اتغيرت كان الاول يقول اني بنته بس هو اصلا مكنش اب حتي دوللي كان بيعاملها وحش...بس فجأه بقيت احس ان لمسته ليا مرعبه كان يدخل الاوضه بليل عليا اعمل نفسي نايمه يحط ايده علي جسمي...كنت بخاف وأفضل اعيط لحد ما يخرج..وفي مره خوفت جدا وقولت لازم اقول لمامي فعلا حكيتلها اتصدمت وفي يوم رجع متأخر مامي كانت متفقه معايا عملت نفسي نايمه وهو جه متأخر كالعاده ودخل حط ايده عليا مامي فتحت فالوقت ده الباب وواجهته كان مرعوب مش هو الشخص اللي بيبجح وبيضرب مامي طلبت منه الطلاق وقالتله تسيب البيت فورا وإلا هفضحك وتنسي بنتك خالص قالتله انا مش هأمن علي دوللي معاك..هو خاف جدا وفعلا بعد يومين تم الطلاق
زيدان...يعني الطلاق مكانش عشان اهانته لمامتك..
داليدا...ده اللي مامي قالته لكل الناس عشان لما دوللي تكبر تبقي عارفه السبب ومحدش في يوم يقول السبب الحقيقي لدوللي...علي فكره يا زيدان الحقيقه دي مكانش حد يعرفها غيري انا ومامي ووالد دوللي...انت اول شخص يعرف الحكايه دي حتي صحابي ميعرفوش وحتي نادر كمان ميعرفش.
زيدان...طيب ليه قولتيلي
داليدا...معرفش بس يمكن لقيت نفسي محتاجه اتكلم معاك
أبتسم زيدان...وفنفس الوقت أفتكر كلام دوللي عن والدها لما حكيتله عن حمزه وسكت عشان مصلحته حس بالاشمئزاز من الراجل ده.
داليدا...سكت ليه
زيدان...مش متخيل ان في رجاله واطيه اوي كده
داليدا...للأسف فيه كتير
فضلوا يتكلموا مع بعض كتير يحكوا لبعض حجات كتير عن نفسهم نسيوا تماما الوضع اللي هما فيه.
وكان نفس الوضع عند دوللي وتيتو هما كمان حكوا كتير مع بعض وفضل ياسر يحكي لتيتو عن قصه حبه هو ونادين بحزن..وبعد وقت بسيط نام وسابهم مكملين كلام..
تيتو...عارفه يا دوللي أنك شبههي اوي..
دوللي....أزاي
تيتو...يعني شخصيتك فيها مني كتير اوي طقه ومجنونه  زيي في باور وطاقه جواكي زيي يعني انا عموما بحب الحياه..
دوللي....بأبتسامه يمكن فعلا فينا من بعض إلا الحاجه دي طول عمري مش بحب حياتي مقضايها كده وخلاص اللي بيجي في بالي بعمله اللي هيبسطني بعمله عمري ما فكرت في عواقب اي حاجه بعملها بالعكس بدخل  فيها علي طول عايشه اليوم بيومه عمري ما كان ليا هدف انا عايشه عشانه غير ان مامي وداليدا في حياتي
تيتو....بس اظن وجود حد بتحبيه في حياتك ده اهم سبب تعيشي عشانه وسبب كافي كمان
دوللي...اكيد طبعا فكره انك حاسس انك ملكش هويه معينه مش عارف انت من جواك بتحب ايه بتكره أيه بتنتمي لأيه..دي مرهقه بجد يمكن في ناس تشوفك عايش الدنيا بالطول والعرض ومقضيها سفر وخروجات ويوم ما تحس بالملل يقولولك من ايه انت عندك كل حاجه ميعرفوش انك ممكن تكون بتدراي  وجع في حياتك بتشغل يومك بتعمل اي حاجه تخليك متفكرش في حاجه تجبلك أكتئاب...
تيتو....عندك حق في ناس كتير ما بتشوفش غير الظاهر وبس وديما بيبصوا لحياتك الخارجيه وميعرفوش ايه الدواهل اللي بنمر بيها عايز تبص في حيات غيرك بص واتمني عيشت غيرك بس وانت بتشيل شيل الشيله كامله مش الانت شايفه بس..
دوللي... بأبتسامه إحراج بس اقولك علي حاجه
تيتو....بأبتسامه قولي
دوللي...يمكن كل اللي قولته ده كان قبل ما اجي هنا
تيتو...بأبتسامه طيب ولما جيتي هنا ايه اللي أتغير
لعب دوللي في صوابعها بإحراج وبصت لتيتو لما جيت هنا حسيت ان في دافع قوي يخليني فعلا احب الحياه.
تيتو....وايه هو الدافع ده
دوللي....ارتبكت وسكتت شويه وبعد كده بصتله وهي بتتكلم بسرعه بص انا مش بعرف أجمل الكلام وطول عمري مدب برمي الكلامي وانا مش عارفه برميه في مكان الصح ولا غلط...وبقول اي حاجه وانا مش عارفه مين اللي المفروض يقولها انا ولا غيري...بص بقي بصراحه كده انت الدافع ده 🥺
تيتو...أبتسم بفرحه وفضل باصصلها وساكت
دوللي...ايه في ايه قولت حاجه غلط
تيتو...بالعكس ومش مضايق كمان بس مستغرب
دوللي...مستغرب من احساسي ولا من طريقتي
تيتو....الاتنين بس اللي متأكد منه انه نفس أحساسي
دوللي....بفرحه بجد
تيتو...بجد
دوللي....بدموع عارفه انه ولا وقته ولا مكانه ولا الظروف اللي فيها تنفع ولا اصلا ينفع اقول اللي هقوله ده...بس انا شكلي حبيتك يا تيتو امته وازاي وليه مش عارفه بس يمكن كان المفروض استناك تقولها بس انا مش ضامنه انك تقولها وبردو مش ضامنه اني اعيش. خايفه اموت من غير ما اقولك عن احساسي من ناحيتك انا حبيتك يا تيتو😢
قرب منها تيتو وخدها في حضنه باس راسها..
تيتو...بأبتسامه وانا حبيتك يا دوللي من اول يوم شوفتك فيه
رفعت دوللي وشها ليه بجد
تيتو....والله العظيم لما عرفت ان الرحله فيها بنات ومصريين من زيدان قولت يلا هنقضي يومين حلويين ونتعرف والكلام الخايب ده بس لما شوفتك غصب عني حسيت اني مشدود ليكي ويمكن الظروف القويه اللي مرينا بيها دي اللي قربتنا من بعض ولقتني بحبك
ضحكت دوللي من بين دموعها...عارف يا تيتو اول مره في حياتي أعرف يعني ايه معني الخوف...انا بجد خايفه يحصل حاجه
تيتو...كش هيحصل متقلقيش هنرجع وهنفضل مع بعض وهرجع علي مصر وهكمل هناك ومعاكي
فضلوا الاتين مبتسمين وناسيين كل حاجه وحشه حواليين وقدرت المشاعر اللي أتولدت جواهم تغطي علي حاله الخوف اللي جواهم...ولكن فجأه قام ياسر من النوم وفضل يكح بطريقه هستيريه.
تيتو...مالك يا ياسر
دوللي...اتنفس براحه طيب
تيتو...مفيش اي مايه هنا
دوللي...بخوف لا مفيش
بص ياسر علي مكان في الاوضه وهو مبرق عينه وبيكح وحاطط ايده الاتنين علي رقبته وكأنه بيطلع في الروح
دوللي..بخوف تيتو اعمل حاجه ارجوك
فضل تيتو يضرب في ضهره ومفيش اي أستجابه وكان حاجه أقتحمت رئه ياسر ومنعت الهواء عنه
تيتو...ياسر ياسر اهدي يا ياسر ياسر بصلنا احنا
فضل ياسر باصص علي ركن في الاوضه ومبرق وروحه بتطلع وأبتدا يدوس بايده علي رقبته كأنه بيخنق نفسه
تيتو....ياسر ياسر لو شايف حاجه اتجاهلها يا ياسر اللي انت شايفه ده مش حقيقي ياسر أرجوك
دوللي...بدموع يا سر اوعي ياسر تستسلم متسبناش يا ياسر ياسر لا والنبي
فضل ياسر يخرج صوت نفسه كأنه حد بيغرق وبيحاول ياخد نفسه وفضل تيتو يشد في ايده اللي ضاغطها علي رقبته لكن كلن صعب وكأن ايد ياسر اتحولت لقفل حديد مسك في رقبته وصعب أنك تشده
دوللي...ده بيخنق نفسه يا تيتو
تيتو...بحزن ياسر فوق ارجوك متضيعش نفسك
حاولوا معاه كتير لكن مقدروش مشهد يمكن يكون طويل بتلنسبالهم لكن كان مدته لا تتعدي الخمس دقايق...ووقع ياسر عالارض وهو مفارق الحياه ومش عارفين حصله ايه
فضلت دوللي تصرخ وتضرب فيه
دوللي...ليه عملت كده ليه حرام عليك ليه أستسلمت
حط تيتو ايده علي راسه وفضل واقف في ركن في الاوضه عنده زهول ومش فاهم اي حاجه لكن رجع من صدمته لما شاف دوللي بتمر بنفس حالته بعد صراخ وبكاء وضرب في ياسر عشان يفوق حست بشرقه وفضلت تكح كتير وهي عينها مبرقه وعينها علي الاوضه بتروح وتيجي  بخوف وذعر واضح وكأنهم كانوا شايفين حاجه مرعبه ادامهم جري عليها تيتو
تيتو...دوللي لا يا دوللي مش هسيبك تموتي انتي كمان دولللللللي متستسلميش يا دوللي انتي قويه عشان خاطري مش هينفع تكون دي النهايه ارجوكي
فضلت دوللي ماسكه رقبتها وهي حاسه أنها بتتخنق سامعه كلام تيتو ودموعها نازله من جنب عينها ببطئ
تيتو...ارجوكي يا دوللي متسبنيش انا عايزك معايا دوللي انا بحبك
نزلت دموع دوللي أكتر واحساسها بالاختناق بيزيد وبيفقدها السيطره علي نفسها...وقدرت دوللي تنطق أخر جمله قبل ما تفارق الحياه..
دوللي....أهرب يا تيتو😢
سابت ايد دوللي ببطئ من علي رقبتها وخرج منها اخر نفس وقعت علي الارض
اعد تيتو علي ركبه يحاول يفوقها لكن كان فات الاوان ضمها تيتو في حضنه وهو بيصرخ بطريقه هستيريه ودموعه نازله...حياتهم بتتسلب أدامهم مش عارفين يوقفوا الجحيم اللي دخلوا فيه مش قادر تيتو يفهم حصلهم ايه وايه اللي شافوه ولبه كانوا حاسين بالاختناق ده ماكنش عنده اي تفسير فضل يصرخ كتير لحد ما حس ان صوته راح ...حط دوللي علي السجاده وقلع السويت شيرت بتاعه غطاها بيه باسها من راسها وحس ان قوه العالم اتجمعت فيه نظرة تحدي وغموض سيطرت عليه نظرة قوي وعدم أستسلام
تيتو....هنخرج من هنا يا دوللي هشوف زيدان وداليدا وهرجعلك وهاخدكم كلكم حتي لو انتوا فارقتونا انا مش هسيبكم في المكان ده وهخرج بيكم حتي لو كان التمن أيه سابها تيتو وقام وقف ملامحه باين عليها الغضب مسك المسدس بتاعه ومسك الكشاف وخد شنطت دوللي اللي فيها الكاميرا واللاب توب بتوعها وبص علي دوللي اخر مره وخرج من الاوضه مندفع من غير ترقب بيضرب في الارض بقوه عينه علي كل مكان فتح باب الكنيسه وخرج بره نزا من غير خوف وسط الزرع وصل للساحه بتاعه الجزيره وقف وهو بيبص علي كل مكان فيها وبعلو صوته اللي عمل صدي صوت قوي في كل ركن في الجزيره
تيتو...بصوت مرهق لكن قوي زلزل الجزيره يا زيدااااااان
داليداااااااا .زيداااااااان اخرج من مكانك انت فين متخافوش محدش فينا هيموت تاني هنمشي من هنا وهنرجع بلدناااا محدش فينا هيتأذي...كفاااااايه عايزين مننا ايه....يا زيدااااااان يلا عشان نمشي من هناااا
.......
في الوقت ده كان زيدان وداليدا ناموا كان زيدان واخد داليدا في حضنه ورايحين في النوم قلق زيدان وداليدا عالصوت مسكت داليدا في ايد زيدان بفزع في ايه
زيدان...ده صوت تيتو
داليدا....لا اكيد بيتهيألنا
كانوا سامعين صوته وهو بيردد
تيتو...اطلع يا زيداااان اطلعي يا داليدا متخافوش
زيدان....لا ده تيتو هو ايه اللي بيعمله ده ده اكيد اتجنن تعالي نروحله
داليدا...زيدان انا خايفه صدقني اكيد مش هو تيتو عمره ما هيعمل كده
زيدان متخافيش هنروحله ونبص الاول من بعيد نطمن الاول
قام زيدان ومسك ايد داليدا بهدوء وفضلوا ماشيين علي أتجاه الصوت لحد ما قربوا وقفوا بترقب جمب اشجار
في نفس الوقت ده تيتو كان واقف بينادي وموجهه المسدس أدامه وبيبص شمال ويمين وفجأه حس ان الزرع من حواليه بيتحرك في الجزيره وكأنه أستفز الارواح اللي موجوده...
ضرب تيتو رصاصه علي الزرع وهو بيصرخ انا مش خايف ابعدوا سببونا نمشي من هنا لف بضهره يضرب مكان تاني في الزرع. سيبونا نمشي بسلام متحاولوش تخوفونا انا مش خايف منكم خلاص.. كان زيدان وداليدا واقفين مستغربين الحاله اللي تيتو واصلها حاله من الهياج والخروج عن السيطره وقوه غير طبيعيه
زيدان....تيتو مش في خالته الطبيعيه لازم نوقفه تعالي مسكت دوللي في ايده ولسه هيخرجوا حس تيتو بالزرع بيتحرك وبدون مقدمات او سابق أنذار خرجت من مسدسه طلقه سمع بعدها صوت صراخ داليدا. اللي حس بعده بصدمه فوقته لما نادت داليدا بكل قوتها علي زيدان.
داليدا...زيدااااااااااااااان زيدااااااااااان
وقع زيدان في الارض متصاب في صدره برصاصه
وقعت معاه داليدا علب الارض وهي مسكاه وبتصرخ
داليدا....زيدان زيدان انت كويس صح زيدان انا بيتهيألي وانت كويس..وكملت بعياط عشان خاطري متسبنيش والنبي
زيدان...بهدوء متخافيش انا معاكي مسكت دوللي ايده وهي بتعيط ونامت علي صدره منهاره
في الوقت ده جري تيتو بأقصي سرعي علي الصوت ودخل بين الزرع بالكشاف واتصدم لما شاف تيتو واقع في الارض والرصاصه سابته وقع جمبه عالارض وهو بيرفعه
تيتو...بعدم تصديق.لا ياصاحبي انت كويس زيدان انا مقصدش زيدان اوعي تموت يا صاحبي عشان هاطري ده انا ماليش غيرك يا صاحبي نزلت دموعه زيدان انت هتخرجنا من هنا انت قولتلي يا صاحبي لما كنت بتكلمني بيني وبينك ان لو ايه هيحصل هتخرجني انا وداليدا من هنا.قوم يا صاحبي عشان تخرجنا
زيدان...بابتسامه بسيطه متخافش يا تيتو صاحبك اد كلمته وهنخرج من هنا وهطمن عليكم انكم في امان
داليدا...بدموع هنخرج كلنا وانت معانا يا زيدان صح يا تيتو.صح
تيتو...ايوه صح
داليدا...طيب يلا  يلا نجيب دوللي وياسر ونمشي من هنا ومش هنركز في اي حاجه بتحصل المهم نخرج
اعد تيتو ساكت ودموعه نازله
داليدا...يلا يا تيتو خلينا نمشي من هنا اعد ليه قوم يلا جيب دوللي وياسر
تيتو...داليدا..
داليدا...ايه يا تيتو يلا مش وقت كلام زيدان تعبان ولازم نلحقه طب اقولك انا انا انا هروح اجيبهم وانت خليك معاه وقفت داليدا
مسكها تيتو من ايدها...داليدا متروحيش
داليدا...بصدمه وكأنها حست من اول ما لمحت حالت الهياج اللي صابته لكن كدبت نفسها.
داليدا...وهي بتترعش ايه يا تيتو مش عايزني اروح ليه خايف عليا متخافش انا هعرف خلاص مبقتش اخاف بص انا مش هتأخر عليكم ماشي
تيتو...استني يا داليدا مش هينفع تروحي خلاص مبقاش ينفع
داليدا...خلاص ايه هو ايه اللي مبقاش ينفع كان داليدا بتكلمه وهي ثابته لكن دموعها بتجري بطريقه هستيريه علي وشها
تيتو...بدموع دوللي وياسر راحو يا داليدا راحو
معرفتش اعملهم حاجه
داليدا...واقفه مصدومه سبتهم يموتوا يا تيتو سبت دوللي ده انا اطمنت لما كنت شيفاها بتجري معاك كنت مطمنه علي نفسي مع زيدان ومطمنه علي دوللي وهي معاك انت وياسر...تقوم انت تسيبهم فضلت تصرخ بأسم دوللي وانهارت قرب منها تيتو بسرعه يهديها.
داليدا...طيب ياسر واعصابه تعبانه عشان نادين انت كنت فين سبتها وسبته ليه
تيتو...انا مسبتهمش ولا اعرف ايه اللي حصلهم ياسر فضل يكح ويخنق في نفسه وكأنه شايف حاجه ادامه بتقبض روحه ولما مات لقيت دوللي حصلها نفس الحاله معرفتش اوقفهم صدقيني غصب عني
وقعت داليدا عالارض وهي منهاره مسك زيدان ايدها وهو مرمي عالارض
داليدا...بدموع دوللي راحت يا زيدان راحت مني ومقدرتش احافظ عليها حطت راسها علي صدر زيدان وفضلت تعيط حط زيدان ايده علي شعرها.
عدي حوالي عشر دقايق
تيتو...يلا داليدا لازم نقوم من هنا ونخرج بأي تمن
تيتو....قوم يا زيدان يلا
قوم تيتو داليدا وساعدوا زيدان رفض ان تيتو يشيله ومشيوا براحه كان زيدان مش قادر وكل شويه يحسوا انه بيقع منهم يلحقه تيتو بسرعه لحد ما وصلوا عالمارينا فضلوا يقربوا براحه من اليخت لحد ماوصلوا
تيتو اعد زيدان علي سطح اليخت واعدت جمبه داليدا وشها وايدها كلهم دم مم زيدان عندها زهول والصدمه مأثره عليها ساكته وخلاص مش فارق معاها تخرج او لا ومعندهاش حتي امل بسيط عارفه ان ثواني ويخرجوا من اليخت جري وتتكرر نفس الدايره اللي بيلفوا فيها من اول ما أبتدوا يحاولوا بهربوا جري بسرعه تيتو شال نادين اللي كانت مرميه جمبهم دخلها جوه نيمها عالسرير وخرج بسرعه دور اليخت وجهزوا وشغل الكشافات القويه نورت جزء كبير من المكان..كانت ملامحه غاضبه وقويه والتحدي والاصرار باين في عينه... جري طلع حبل ومسك الكشاف وخد مسدسه وراح لداليدا وزيدان
تيتو....أجمد يا صاحبي هتبقي كويس ان شاء الله
وبص لداليدا...خلي بالك منه انا هرجع علي طول
زيدان...بحروف متقطعه رايح فين
تيتو....مش هينفع أسيبهم يا صاحبي لازم اجيبهم لازم اكرمهم يا صاحبي كفايه اللي هما شافوه مش هينفع نسيبهم هنا
داليدا...وهي مش بصاله مش هنخرج من هنا هو قال ده عالم دخوله ملهوش تذكره خروج
تيتو...بغضب داليدا اسمعيني احنا هنخرج من هنا غصب عن اي حد وانسي كلام الراجل المجنون ده سمعتي هنخرج من هنا وهما معانا انا مش هتأخر عليكي هجيبهم ان شاء الله مش هناخد نص ساعه وهنكون ماشيين من هتا
زيدان...مش هتقدر تشيلهم لوحدك يا صاحبي صعب
تيتو...أطمن انا لمحت لوح خشب واقع قبل المارينا وخدت حبل هربطه في اللوح ده وهنيمهم عليه وهشد اللوح واحده واحده من ناحيه الزرع هقدر متقلقش بص لداليدا..
تيتو...داليدا  تعالي معايا خدها من ايدها وراح علي الكبينه اللي فيها لوحه التحكم بتاعت اليخت وشغل الفديو
تيتو...داليدا انا عارف انك مش مركزه عشان كده بسجل بس حاولي تركزي لو عدي ربع ساعه وملاقتنيش جيت متفكريش  ولو ثواني تشغلي اليخت وتمشي بيه بسرعه مش مهم تروحي فين المهم تبعدي من هنا علي اد ما تقدري ابعدي لحد ما تقدري تلقطي إشاره باللاسلكي...اليخت بيتشغل كده فضل يشرحلها ويوجه الفديو علي اللوحه بتاعت التحكم وقالها جمله بالايطالي في حاله لقطت إشاره و طلبت النجده باللاسلكي ..
تيتو...داليدا ارجوكي نفذي اللي قولته حاولي تلحقي زيدان ارجوكي انت قويه انا عارف
داليدا بدموع....ارجع يا تيتو
متسبنيش لوحدي مش هعرف اتصرف
تيتو...قرب منها حضنها حضن أخوي يطمنها ويشيل عنها الخوف ..متخافيش يا داليدا انا هرجع صدقيني بس اوعديني لو مقدرتش تعملي كده
داليدا....مش هقدر
تيتو...هتقدري يا داليدا ارجوكي اوعديني
هزت داليدا راسها بضعف
تيتو...خليكي هنا افضلي واقفه راقبي طلوعي من اول ما ادخل ربع ساعه ملمحتنيش امشي تمام يلا اشوفك علي خير لا اله الا الله..
داليدا بدموع....تيتو خلي بالك من نفسك وارجع عشان خاطري
تيتو...بابتسامه حاضر جري تيتو من ادامها باس راس زيدان وجري بسرعه
فضلت داليدا مراقبه تحركاته قرب تيتو خد اللوح وكان واضح انه تقيل من تعثره بيه كذا مره وبعد فتره بسيطه اخيرا دخل وفضلت داليدا مترقبه
..............
في نفس التوقيت ده كانت الدنيا اتقلبت وقدر نادر يوصل لناس كتير من السفاره اتواصلوا بطريقه مباشره مع ناس مهمه في ايطاليا واتقلب المرسي كله وقدروا يوصلوا للجزيره اللي زيدان طلع التصريح بأسمها..
وفي الوقت ده قلبوا الجزيره عليهم واتأكدوا ان مفيش حد فيهم دخل الجزيره دي اصلا...ولا كان لليخت اي أثر فضلوا يدورا في جزر كتير ولكن فكره انهم يروحوا بوفيلچيا كانت فكره مستبعده تماما..
نادر كان هيتجنن خلاص وقلبه واجعه عايز يوصل لداليدا ويطمن عليها حاسس انها في خطر لكن مش عارف ايه هو نوع الخطر اللي بيواجههم ابدا قدر نادر خلال كام ساعه يقلب الدنيا بمعارفه وعلاقاته الكل كان بيحاول يساعده وكل الناس اللي عارفه زيدان ابتدا الاخبار توصلهم ولأنه كان شخص محبوب من ناس كتير وليه علاقات كتيره كان البحث عليه هو واللي معاه بحث في غايه الأهميه.
نادر كان علي تواصل دائم بأمينه وأهل حاتم وأهل ياسر اللي عرفوا انه بيدور عليهم بنفسه كان نادر بالنسبالهم هو الأمل ..
كانت عربيات الاسعاف في كل مكان علي المرسي وحاسين ان في حاله خطر داخله عليهم الكل مستعد أستعداد كامل لأي استعدادات طبيه وأمنيه...
.......
في الجزيره...فات حوالي عشر دقايق وداليدا واقفه مرعوبه دموعها نازله.
داليدا...يلا يا تيتو اظهر يارب يارب احنا ملناش غيرك يارب اقف معانا
وفجأه لمحت داليدا حركه من بعيد وشافت تيتو بيجر في اللوح بتعب وإرهاق واضح أبتسمت بفرحه وخرجت بره فضلت تنادي عليه..
داليدا...بسرعه يا تيتو يلااااا
فضل تيتو يسحب في اللوح لحد ما وصل للمارينا وكان صعب يطلع باللوح كان حاطط عليه ياسر ودوللي وقف شال دوللي حطها علي المارينا ونزل شال ياسر حطه علي المارينا وطلع شال دوللي وفضل يجري بيها بسرعه لحد ما وصل لليخت حطها علي السطح بتاعه وبمجرد ما داليدا شافتها اعدت خدتها في حضنها وهي بتصرخ..
داليدا...ااااااااااااااااااه دوللليييييي متسبنيييييش يا دوللي اااااه
جري تيتو وسابها وراح جاب ياسر بسرعه وهو مش قادر تقيل عليه جدا وخلاص تعب من كتر الشد لكن اتحامل علي نفسه وجري بيه حطه جوه جمب نادين وغطاهم وخرج.
تيتو وهو بينهج...داليدا اسمعيني فاضل حاتم ونور خليكي معايا لو عدي نفس الوقت ومجتش امشي سمعاني يا داليدا.
هزت داليدا راسها ودموعها مغرقه وشها...جري تيتو بكل قوته سحب اللوح علي كتفه وجري
فضلت داليدا حاضنه دوللي ودموعها مش بتقف.حست بايد بتتحط عليها بصت بفزع واطمنت لما لقت زيدان واقف مش قادر وبينزف جامد
داليدا...دوللي راحت يا زيدان
أعد زيدان جمبها خدها في حضنه ..فضلت تعيط وبصتله قومت ليه من مكانك..
زيدان....عشان ابقي معاكي..
داليدا...هنخرج من هنا يا زيدان وهنلحقك وتبقي كويس.
زيدان...بأبتسامه ان شاء الله
داليدا..هشوف تيتو وارجعلك.
فضلت داليدا واقفه حست انه اتأخر المرادي القلق بيزيد والتوتر بيزيد فات ربع ساعه بالظبط..
داليدا...بدموع مش همشي يا تيتو مش همشي يلا اظهر بقي والنبي. وفجأه خرج تيتو ادامها اخيرا حست بالامل فضلت تنادي عليه وتحمسه
داليدا...يلا يا تيتو يلا بسرعه
وصل تيتو للمارينا وهو بيطلع في الروح من التعب مش حاسس بايده من كتر الشد واللي تعبه اكتر ان نور وحاتم جسمهم بقي اتقل ومتخشب وفي صعوبه في شيلهم عكس دوللي وياسر اللي مافاتش علي موتهم ساعه ...حاول تيتو يجر حاتم مش قادر يشيله..
لمحته داليدا وحست انه مش عارف فقررت انها تساعده خرجت بسرعه جري عالمارينا وصلت لتيتو
داليدا...تيتو طلع نور كمان وهنحطهم عالوح ونمشي بيهم عالمارينا هيبقي اسرع
تيتو...صح
نزل بسرعه طلع نور وساعدته داليدا وحطوهم عاللوح وفضلو يجروا الحبل ويجرو بيهم بأقصي سرعه لحد ما وصلو اليخت دخلهم تيتو ونيمهم وغطاهم وشال دوللي حطها جوه معاهم وغطاهم ورجع جري دور اليخت
داليدا...يلا بسرعه يا تيتو يلا
كان تيتو ببدور بسرعه وهو ابده بتترعش مش قادر يسيطر علي نفسه من الرعب اللي هما فيه لحد ما دور اليخت فضل يلفه براحه ويمشي بسرعه ويبعد اكتر ويبعد ويبعد لحد ما خس انه بعد كتير ...وحس انه قادر يتنفس لكن لسه الرعب ما بعدتش عنهم شغل الكشافات عشان يبقي منور الظلام اللي هما فيه وفضل محرك اليخت بأقصي سرعه عشان يبعد اكتر
تيتو...داليدا ادخلي شوفي اي حاجه نلف بيها الجرح لزيدان زيدان بينزف جامد جدا ولازم نحاول نسيطر عالنزيف ده احنا لو قدرنا نرجع والخطر راح عننا لسه قظامنا حوالي 19 ساعه عشان نوصل وهو مش هيستحمل
داليدا...حاضر جريت داليدا تجيب حاجه لقت شال صوف جابته ورجعت بسرعه فضل تيتو موجه اليخت في طريقه وراح علي زيدان حاولوا يربطوا هو وداليدا الجرح وجابتله داليدا بطانيه غطته كويس..
تيتو...اجمد يا صاحبي انا ماشوفتش في حياتي حد قوي زيك وعارف انك ادها
زيدان...بتعب واضح تيتو اسمعني عايز اقولك علي حاجه مخبيها عليك من سنه بس جه الوقت اللي تعرفها
بصله تيتو باستغراب وهو بيبص لداليدا..
تيتو...حاجه ايه الوقت يا صاحبي مش وقته بلاش كلام
جريت داليدا جابت ميه وعصير من اللي كانوا في اليخت
داليدا...اشرب يا زيدان اشرب ولازم نعوض الدم ده
زيدان...اتكلم الاول
تيتو...قول يا صاحبي. انا عارف اننا هنرجع ان شاء الله بس مش ضامن اني ارجع معاكم عشان كده لازم تسمع كويس اللي هقوله
تيتو...هتعيش يا زيدان
زيدان...اسمعني من سنه روحت كتبت روح بأسمك في حاله لو جرالي اي حاجه اليخت يروحلك علي طول كنت حاسس ان في كل الاحوال اللي بيدورا عليا هيقدروا يوصلولي..اليخت ده هيبقي بتاعك يا صاحبي لو جرالي حاجه الورق اللي يثبت صحه ملكيتك هتلاقيه في الاوضه بتاعتي في الشنطه اللي فوق الدولاب
تيتو...انت بتقول ايه انا مش عايز حاجه انا عايزك انت
زيدان....ريحني وقول انك فهمت كلامي انت تعبت معايا في اليخت ده وانا مش هلاقي حد أستأمنه علي روح غيرك يا صاحبي
تيتو...انت لو جرالك حاجه مش هأعد هنا واضلا احنا هنرجع وانت كمان هترجع معايا علي مصر وهنصفي كل الخلافات وهتعيش حياتك
زيدان....حتي لو هترجع بيعه وفلوسه بتاعتك يا صاحبي
تيتو...طيب بلاش كلام عشان خاطري ويلا اشرب العصير ده.
حاول تيتو يشربه شرب شويه صغيره جدا ومقدرش
زيدان...انا عايز انام
تيتو...طيب نام يا صاحبي وانا هشوف الطريق خليكي جمبه يا داليدا
هزت داليدا راسها وقام تيتو وقف في الكبينه
داليدا....نام شوبه با زيدان عشان ترتاح
زيدان...داليدااااا
داليدا....نعم يا زيدان
زيدان.... انا وعدتك  اني مش هسيبك غير لما أديكي تذكره خروجك من العالم ده ووعدت تيتو كمان انا واثق انكم هتبقوا في أمان لو موت يا داليدا هبقي مطمن اني قدرت انفذ وعدي ليكي واخرجك من العالم اللي كنتي خايفه منه بس ليا طلب ارجوكي وصلي الفديو لامي وخليكي ديما معاهم اوعديني يا داليدا لو جرالي حاجه تخلي بالك منهم وديما تكوني علي تواصل بيهم رديلي الجميل يا داليدا في روح وفي ابويا
داليدا...بدموع اوعدك بس انت هتكون معايا
زيدان....عايز كمان اقولك علي حاجه
داليدا...قول
زيدان.... بحبك يا داليدا
بصتله داليدا بصدمه ونزلت دموعها ورا بعض
زيدان...قولي لامي لما تشوفيها اني كنت ناوي أفرحها بس مقدرتش بحبك💔
غمض زيدان عينه بتعب ونام ضمته داليدا في حضنها وهي بتعيط وعينها علي الظلام اللي ادامها.بترقب
بعد حوالي ساعه كان اطمن تيتو انهم بعدوا مسافه كبيره عن الجزيره وماشي تبع الخريطه جرب يلقط شبكه اللاسلكي..فضل يتكلم ويستني اشاره كرر كذا مره من غير اي فايده...خرج تيتو من الكبينه عشان يطمن علي زيدان لكن فجأه سمع إشاره وصلتله من اللاسلكي جري بسرعه ورد وحس ان الامل بيرجع واحده واحده فضل يتكلم بسرعه ويعرفهم انهم في خطر ومحتاجين دعم وان معاهم مصاب بطلق ناري اتواصل معاه الشرطه المسؤوله وبلغوا المرسي وعرف نادر انهم اخيرا قدروا يعثروا علي اليخت المفقود صمم نادر انه يتكلم معاهم ويعرف داليدا كويسه ولا لا ويطمن بنفسه ان هو ده اليخت اللي هي عليه
راح بسرعه معاهم عشان يتواصل معاهم..
بعد ما تيتو اتواصل مع الدعم وقدر يبلغ حس انه أطمن  ساب اليخت علي وجهته بسرعه بسيطه عشان ميتصدمش باي حاجه و خرج يبلغ داليدا وزيدان ويفرحهم..وبعد وقت بسيط حس بالتعب اعد جمبهم واتغطي معاهم وراحوا فالنوم مع بعض والامل كان من نصيبهم..
فالوقت ده كان وصل نادر وفضلوا يحاولوا كتير يتواصلوا معاهم لكن كانوا مش سامعين والارهاق والتعب وقله النوم خلتهم فقدوا كل حواسهم وأستسلموا استسلام كامل للنوم...
نادر كان هيتجنن وخايف عليهم...اتحرك في الوقت ده فرقه إنقاذ مجهزه ومعاهم طاقم طبي عشان الحالات الخطره اللي معاه ورفضوا انهم ياخدوا نادر وفضل اعد علي أعصابه لحد ما يطمن عليهم....
مرت كذا ساعه حاولوا يفتحوا عينهم لكن كان في إشاعه متوجهه علي عيونهم مش قادرين يفتحوا عينهم صوت البحر وصوت طيور النورس الجميل اللي بيأكد انهم رجعوا للحياه جاهد تيتو كتير لحد ما قدر يفتح عينه هو وداليدا اتصدموا لما شافوا الشمس طالعه والنور مالي المكان
داليدا....شمس يا تيتو النور طلع يا تيتو
تيتو بفرحه وتنطيط الشمس طلعت يا داليدا خلاص ربنا نجانا فضلت داليدا تصرخ بفرحه ودموعها نازله وحضنت هي وتيتو بعض
تيتو...زيدان اصحي يا زيدان الشمس طلعت يا صاحبي
داليدا...بفرحه زيدان قوم يلا خلاص احنا في امان هنرجع لروح مع بعض وهتبقي كويس
تيتو...بقلق زيدان قوم يا صاحبي مبتردش ليه
داليدا...بخوف زيدان زيدان قوم
تيتو...زيدان زيدان فضل يضرب علي وشه ومفيش اي استجابه
داليدا...اكيد مغم عليه
تيتو...قرب من ضربات قلبه اتصدم مسك ايده وقعت ايد زيدان منه مفارق الحياه💔💔💔
صرخه قويه من داليدا وتيتو  وصل صداها للسما طارت طيور النورس المحلقه علي اليخت بعد سماع صوت الصرخه لفوق وكأنها بتجري بروح زيدان وبتحلق بيها في السما.
تيتو...سبتني لمين يا صاحبي ده انا مليش غيرك انت وعدتني نكون عالحلوه والمره سوا طب قولي هقول لامك وابوك ايه قولي يا زيدان هعيش ازاي وانت مش معايا ياصاحبي
داليدا...دموعها كانت بتحري وهي حاضنه زيدان وساكته تماما حاله من الصدمه والزهول كانت بتقاوم انها تفضل متمالكه اعصابها لكن خالص دخلت في حاله نفسيه سيئه.
فضل تيتو يعيط وهو حاطت راسه علي زيدان..
وفجأه سمع صوت إنذار وقوارب إنقاذ بتقرب عليهم من كل مكان  فضل باصص ليهم بلا مبالاه هو وداليدا ساكتين تماما
واخيرا وصل الانقاذ ليهم
اطمنوا انهم كويسين بعد ما شافو الدم اللي مغطيهم حطوا عليهم بطاطين ونقلوهم لقارب الانقاذ  نقلوا زيدان في جراب بيتحط فيه الموتي بعد ما اكتشفوا انه فعلا مات ودخلوا كتشفوا الخمس جثث الباقيين ونقلوهم بنفس الطريقه لقارب اخر
واتولي قياده اليخت بتاع زيدان شخص من فريق الانقاذ واتوجهوا  في طريقهم للمرسي..
تيتو وداليدا كانوا اعدين ساكتين تماما في خاله نفسيه سيئه الدم علي ملامحهم وكأنهم خارجين من معركه...
وصل الخبر للمرسي وانهم راجعين حس نادر بالراحه وبسرعه طمن امينه
لكن مكانش حد فيهم يعرف ان في اي حد مات
عدي حوالي 3 ساعات
كانت المرسي مقلوبه حرفيا وفي انتظار وصولهم
وقف نادر منتظر معاهم شايفين القوارب بتقرب
وفجأه اتصدم نادر لما شاف جثث بتخرج ادامه حس انه مش قادر يقف علي رجله
فضلوا ينقلوا الجثث ويحكوها علي المرسي رصوا السته جمب بعض جري نادر بأقصي سرعه يفتح كل جراب ويتصدم وهو بيشوف صحاب عمره ادامه ميتين ودوللي وجه علي اخر جراب يفتحه برعب وترقب وخايف يلاقي داليدا...لكن شاف شخص ميعرفهوش.....زيدان
وقف بذعر لما شاف تيتو خارج الدم مغطيه وملفوف ببطانيه...ووراه حب عمره اللي مغطيها الدم حس بروحه اتسحبت جري عليها بسرعه...بصتله داليدا من غير ولا كلمه لكن حست ان في حد تعرفه وسط كل الموجودين..حد محتاجه تصرخ في حضنه وتقوله عاللي شافته نزلت دموع دالبدا تجري بسرعه كبيره علي وشها وكأن الدموع عارفه طريقها رعشه اصابت كل جسمها.
حس نادر بالذعر وشايف حالتها النفسيه ومن غير اي تردد او تفكير او حتي سؤال يبرر المنظر اللي هو شايفه خدها في حضنه ضمها بكل قوته وحس بعدها ان جسمها ساب ووقعت فاقده الوعي بين ايده. خدوها هي وتيتو بسرعه علي المستشفي
............
فات حوالي اربع ايام
حطوا جثثهم في ثلاجات الموتي لانها تعتبر شبهه جنائيه ولازم يعرفوا من تيتو وداليدا اللي حصل...
قدر تيتو يستعيد جزء بسيط من حالته وفالوقت ده نادر كان مش بيسيبه عايز يعرف ايه اللي حصلهم وصعبان عليه الحاله اللي هو كمان فيها ومشفق عليه..
تيتو  حكي كل حاجه لنادر من البدايه وعرف نادر ان موقفه صعب واكبد هيتحاكم حكي تيتو للشرطه وقال كل حاجه حصلت وعرفهم الجزيره اللي راحوها 
وكان في وضع خطر قدر نادر يكلم ناس كبيره عشان يخلصوا الحوار ده من غير ما تيتو يتأذي لان هو الوحيد اللي موقفه صعب واكدوا ان تيتو مكنش ليه دعوه ولا يعرف اي حاجه ونسب نادر كل حاجه لزيدان بما انه مات واكيد مفيش اي حاجه هتدينه هو فالاخر ميت
تيتو...بدموع اسف يا صاحبي
نادر...تيتو اسمعني صاحبك كده كده مات يعني اي تهمه هيشيلها مش هتأثر عليه لكن انت لو لبستها مش هتطلع منها خصوصا ان معاك ناس مكانش ليهم ذنب يعني كانك ودتهم لقاضهم بمزاجك صدقني هو ده الصح الوقت انا مستني بس السفاره ترد عليا لازم نرجعهم مصر اهاليهم عيزاهم مش هينفع نسيبهم هنا
تيتو...طيب وزيدان
نادر....هرجعه متقلقش وموضوع اليخت اللي قولتلي عليه ده هتجيب الورق وهننزل مصر وبعد كده انا هخلصلك كل حاجه تمام
تيتو...تمام
نادر...تعالي نشوف داليدا
راح نادر وتيتو لداليدا كانت اعده عالسرير باصه للسما وساكته
نادر...داليدا حبيبتي عامله ايه انهارده
تيتو....داليدا طمنينا عليكي وابتسم مش قولتلك انك قويه وهتقدري تخرجي منها
يلا فوقي عشان نرجع مصر
نادر....امينه هتتجنن عليكي
نزلت دموع داليدا بوجع قرب نادر وخدها في حضنه عيطي يا داليدا عيطي 
داليدا...كلهم راحوا يا نادر دوللي راحت ونور ونادين وحاتم وياسر وزيدان راح يا نادر
نادر...حبيبتي عارف ان مفيش اي حاجه اقولها تنفع فالموقف ده يمكن انا مكسور عشانهم بس اكيد اللي مريتي بيه اصعب تيتو حكالي علي كل حاجه...لازم نرجع ونرجعهم في وسطنا وسط اهلهم ميتفعش يتدفنوا بعيد انا عملت كل حاجه اقدر عليها عشان اطلعهم من هنا السفاره كلها واقفه معايا هنطلعهم من هنا وهنمشي
داليدا....وزيدان زيدان لازم يروح لأهله زيدان وقف معايا يانادر وانا وعدته اني لازم اقف معاه
نادر....متقلقيش زيدان كنان معاهم..
داليدا...مامي عرفت
نادر...مقدرتش اقولها قولتلها اننا لقيناكم اليخت كان بيغرق خلاص وان كلكم بخير بس خدوكم في المستشفي وممنوع اي حد يوصلكم لحد ما يعرفوا منكم اللي حصل ..عارف انها مصدقتش بس حاولت اطمنها...بس اللي انا مستغربه ايه اللي موتهم كلهم نفس الموته التقرير طالع ان كلهم عندهم حاله أختناق
بصت داليدا وتيتو لبعض
تيتو...بس حاتم اتصاب
نادر...مفيش اي اصابه في جسمهم كلهم كويسين جدا ومتوفيين بنفس الطريقه زيدان بس هو اللي كان عنده اصابه في صدره من الرصاص اللي انت قولت عليه
داليدا...زيدان كان فيه جرح في ضهره وجرح في رجله
نادر....ازاي هو مش في ايه جرح في جسمه غير الطلق وبس والاغرب من كل ده ان تيتو قال ان زيدان مات قبل ما الانقاذ يوصلكم علي طول بس التقرير بيقول غير كده
بصت داليدا وتيتو لبعض
تيتو...مكتوب ايه في التقرير
نادر...التقرير موضح ان زيدان متوفي بقاله يوم ونص تقريبا يعني من قبل ما تمش ا من الجزيره أصلا
بصت داليدا وتيتو لبعض بذعر....وافتكرت كلام زيدان..
فلاش باك...
علي فكره احنا لو طلعلنا حاجه الوقت هيبقي بسببك انت عمال تضحك فيا😂😂🙈 وبصراحه هيبقي حلال فينا...
زيدان....طيب زيدان اللي تعرفيه جد ومش بيضحك مش يمكن انا الوقت مش زيدان أصلا
بااااك
داليدا....يعني ايه يعني اللي كان معانا وبيحاول ينقذنا ده روح زيدان مش هو
تيتو...انتوا بتقولوا ايه زيدان اتكلم معانا عاليخت وقاللي عالورق
داليدا ......استحاله
تيتو....طب هو ينفع تبقي روحه اللي معانا
نادر...بتوتر مش عارف انا بقولكم علي اللي حصل.
الصدمه كانت كبيره عليهم وحاسين ان لسه خوفهم مسيطر عليهم وكان كل اللي عايزينه انهم يمشوا من البلد كلها
........
خلصت التصريحات بسرعه
وراح نادر مع تيتو جابوا الورق كان تيتو في حاله لسه متسمحش يكون لوحده...
خلصوا كل حاجه واتقفلت القضيه بعلاقات نادر وتدخل السفاره ...واخيرا وصلوا مصر....
.......
مر حوالي اسبوعين اتدفن الكل حاله من الحزن سيطرت علي اهاليهم امينه كانت مصدومه ومش مستوعبه ان دوللي راحت.
قدر نادر وتيتو وداليدا يوصلوا زيدان لبلده وسط اهله علي اد حزن وكسره اهله علي اد ماكانوا حاسين براحه لا توصف ان النهم رجع لحضنهم سلمتهم داليدا الجزء الخاص بتسجيل زيدان....وعدتهم تتواصل معاهم ديما.
وعرفهم تيتو عن وصيه زيدان وبلغهم ان اول ما اليخت يتباع هيجبلهم فلوسه رفض والده وقاله ان الفلوس دي حقه هما كانوا عارفين تيتو وكان زيدان ديما يتكلم عنه بكل خير وحبوه رغم انهم مكانوش بيشفوه...
.............
الحياه كانت ماشيه طول الاسبوعين دول بحزن كبير
راحت داليدا لمنزل مامت نور عشان تطمن علي تولين فضلت تكلمها
داليدا....مامي كانت بتحبك اوي يا توتي هي وبابي ادعيلهم كتير هما هيحسوا بيكي...
تولين....بطفوله بس هما هيوحشوني اوي
حضنتها داليدا بدموع وافتكرت نفسها وهي صغيره وقت حزنها علي والدها...لكن تولين اصعب فقدت الاتنين.
داليدا...كا ما يوحشوكي عرفيني وانا هاجي اخدك وناخدلهم ورد ونروح نزورهم وتأعدي تتكلمي معاهم براحتك ماشي
تولين....ماشي انا اصلا بڜوف مامي فالحلم علي طول عارفه انا شوفت مامي وهي مسافره في الجزيره
بصتلها داليدا برعب😳
داليدا...شوفتيها ازاي
تولين...شوفتها وهي بتجري ورايا وانا لنادي عليها وبقولها انا هنا يا مامي بس هي سابتني وراحت لبنت تانيه
حست داليدا ان نفسها بيطلع وينزل بسرعه🥺🥺🥺🥺 وبعد وقت بسيط أستأذنت ومشيت بسرعه.
💔💔💔💔💔
......................
مش غلط يكون عندنا شغف بحاجه معينه لكن الغلط لما شغفنا ياخدنا للهلاك.
..........
مر حوالي سنه قدر نادر يساعد تيتو في بيع اليخت وقدر يجيبله في مبلغ كويس جدا حاول تيتو كتير مع اهل زيدان انه يردلهم المبلغ لكن رفضوا...اضطر انه يقبل المبلغ وقرر انه يشارك داليدا باسهم في الشركه وفعلا بقي شريك معاها وفضل معاهم مش بيسبهم
قدر نادر يعرف داليدا حقيقه هبه وان لو كانت اتكلمت بدري كان ممكن حد يلحقهم والهطوات اللي حصلت في أنقاذهم كانت تمت بدري قبل ما يجرالهم حاجه
اكتفت داليدا بانها عرفتها كل حاجه وسابتها بس عشان خاطر والدتها ووالدها لكن خرجتها من حياتها تماما
طول الوقت ده داليدا لسه نفسيا تعبانه حاول نادر يكلمها ويقولها انهم يرجعوا كانت بتأجل عرفها انه اتعالج وانه سافر عشان يتأسفلها قبل ما يعرف اي حاجه او انها في خطر ...طلبت منه يديها فرصه تلم نفسها من تاني ..لكن داليدا كانت في حرب كبيره داخليه بين حبها لنادر ...وبين حبها اللي اتولد لزيدان طول الوقت بتفكر فيه وحزينه عشانه..ومش قادره تصدق انه راح...
.....في يوم جديد في الشركه
كان داليدا منزله إعلان بوظائف تسد مكان صحابها اتقدم اشخاص كتير وعملوا انترڤيو وكان فاضل اخر أنتر ڤيو.
وقفت داليدا تبص من الشباك وهي شارده
خبط الباب سمحت بالدخول...وكان اخر شخص يعمل معاها أنترڤيو..
الشخص....صباح الخير
لفت داليدا لكن بمجرد ما لفت كانت الصدمه.....لما شافت اللي قلبها اتحرك عشانه..واقف ادامها....زيدان 😳😳😳😳😳😳صدمه اصابتها منعتها عن الرد..
أبتسم الشخص وعرف عن نفسه سليم الدالي مقدم علي وظيفه في قسم الحسابات وده السي ڤي بتاعي
داليدا......بصوت هامس...زيدااااااان😳
تم بحمد الله.