رحله إلي الجحيم

البارت السابع

البارت السابع...
دخل كل واحد فيهم علي الخيمه يغيروا هدومهم ويظبطوا نفسهم وبعد وقت بسيط ابتدوا يجهزوا فطار عشان يفطروا مع بعض ويبدأوا يستجموا برحلتهم
حضروا البنات مع بعض الفطار والشباب كانوا بينظموا الاعده اكتر
تيتو...زيزو انت بتخرج الامل والميه دي كلها ليه من اليخت ما تسيبها وناخد حاجه بسيطه ولما تخلص نجيب غيرها
زيدان...هنفضل رايحين جايين خلي الحاجه بره وخلاص ولو أحتاجنا حاجه نعملها عالنار نبقي نيجي هنا
تيتو...طيب تمام انا مقلق من الجزيره اوي.
زيدان...ليه بس نا الجزيره شكلها خلو اهي وهادي ومفيش حاجه
تيتو...حلو ايه يا عم دي شكلها تقبض مهجوره وتخوف والله انا مش مطمن
زيدان...خليها علي الله سلاحك معاك
تيتو...اه في جيبي متقلقش
زيدان...طيب تمام يلا بينا بقي شكلهم حضروا الفطار
تيتو....يلا.
راحو نزلوا الحاجه وساعدهم ياسر وحاتم وحطوا الاكل بتاعهم والميه في مكان عالي من الاحجار وراحوا اعدوا معاهم وأبتدوا ياكلوا
دوللي....بزمتكم مش الجزيره جامده
بصلها تيتو بغيظ بطرف عينه😒😒
نادين....بصراحه حلوه اوي كنت متخيله ان عهيبقي فيها حد بس دي فاضيه خالص
داليدا....هي جميله بس بصراحه انا خايفه مش عارفه أزاي هنام هنا
زيدان...متقلقيش المكان شكله امان واحنا معاكم يعني متخافيش والوقت تيتو هيشغلكم سماعات وهيغير الجو متقلقيش
دوللي ..انا معابا لاب توب وعليه افلام حلوه اوي هو ينفع لو خلص الشحن نشحنه عاليخت
زيدان....اه عادي متقلقيش ونشحنه كمان هنا انا معايا مولد بيشغل اب حاجه وفي اي مكان
تيتو...اطمني ادام سافرتي الرحله دي مع زيزو فا أنتي هتلاقي حل لكل حاجه اليخت ده في كل حاجه
زيدان...دي روح يا ابني يعني لازم تكون كامله من كل حاجه
خاتم...طيب حلو اهو يعني سماعات ولاب توب وهنقضيها خايفه من ايه بقي يا داليدا
داليدا...ربنا يستر صحيح هو مفيش سيجنال هنا بحاول اكلم مامي واطمن عليها مش بيجمع خالص
توفيق...بيتهيألي هنا السيجنال زيرو بس ممكن لما نفطر نطلع فوق شويه عالصخور اللي هناك دي ويمكن السيجنال ترجع
داليدا....بس ده مكان عالي اوي
زيدان...متقلقيش نخلص فطار ونطلع واحده واحده كده نستكشف المكان
دوللي...هو في احلي من كده مكان..
داليدا...بس انتي انا مش طيقاكي😡
توفيق....سؤال بس يا انسه داليدا انتي متأكده ان دي أختك😂
داليدا....والله سعات بشك بس هي اختي للأسف😒😡
نور....داليدا ودوللي شخصيتين مختلفين تمام عن بعض كل واحده في إتجاه ملوش علاقه بالتاني خالص.
داليدا هاديه جدا ومسالمه مع نفسها كده دوللي بقي مجنونه
ياسر...حرام عليكي بتظلمي المجانين ليه🙄
دوللي...بقي كده اتفقتوا عليا
خلاص🤨
توفيق...بيحبوكي اوي😂
دوللي...انت جاي تهدي النفوس بينا
توفيق...بصراحه اه.
ياسر...المايه شكلها حلو ومغري اوي
توفيق....بس هتلاقيها تلج
نادين...بس الشمس ظاهره وواضح انها كويسه
زيدان ...لا بيتهيألك الجو ساقع واكيد الميه تلج الوقت
ساب زيدان الاكل الحمد لله
حاتم...اعد ياراجل انت كده كلت
زيدان....اه الحمد لله انا عادتآ مش بفطر والله ولو فطرت اخري قهوه وكرواسون
نور...شايف الناس 🙄
حاتم... بضحك ملناش دعوه بيهم دي ناس وحشه😂😂
ضحكوا كلهم علي حاتم وبعد وقت بسيط خلصوا أكل وشالوا مكان ما كلوا.
ياسر...هنعمل ايه الوقت
توفيق....انا هروح أجيب المولد والسماعات من اليخت
دوللي...وانا هاجي معاك واجيب اللاب توب كمان
توفيق...تمام يلا وانت يا استاذ حاتم انت واستاذ ياسر ياريت تلموا الخشب ده عشان نجهزه عشان قبل ما النهار يمشي نولع نار
حاتم....تمام بس بقول ايه بلاش أستاذ دي بقي احنا بقينا صحاب يا جدع
ياسر...اه والنبي احسن بحس اني استاذ لغه عربيه😂😂
توفيق....بضحك خلاص بلاها أستاذ يلا جهزوا علب ما نرجعلكم
نور....طيب حد حابب يشرب حاجه
توفيق...جمعوا انتوا بس الخشب وهاجي اشربكم احلي كوبايه شاي عالحطب
ياسر....ياسيديييي هو ده الكلام
زيدان....وانا هاخد داليدا ونطلع نشوف شبكه
نور...اه والنبي احسن انا هتجنن واطمن علي تولين
زيدان....بصلها بأستفهام
نور...تولين دي بنتي وهي مع مامتي
زيدان...بتفهم طيب تمام يلا يا انسه داليدا
أبتسمت داليدا....داليدا بس من غير انسه
زيدان...بابتسامه طيب يلا
داليدا...حاضر هجيب الموبايل ثواني...
راحت داليدا جابت الموبايل ورجعت لزيدان وراحوا مع بعض يكتشفوا المكان..
طلع زيدان علي حجر كبير ووراه داليدا وفضلوا يطلعوا واحده واحده المكان من كتر الهدوء مرعب فضلوا يحاولوا لحد ما طلعوا فوق وبعدوا كتير عن الارض..
داليدا....بقول ايه كفايه كده انا خايفه اوي
زيدان...طيب خلاص خلينا هنا اعدي عالحجر ده
داليدا اعدت وبصت علي تحت حست انها بعدت خالص عنهم وحست بدوخه...احنا بعدنا اوي انا هنزل ازاي النزول صعب غير الطلوع
زيدان...متخافيش ومتحاوليش تبصي لتحت عشان متدوخيش جربي يلا الموبايل بتاعك كده
مسكت داليدا الموبايل وحاولت تلقط الشبكه
داليدا...مفيش سيجنال خالص
زيدان...خلينا شويه أن شاء الله تلقط
داليدا...يارب اكيد مامي اتصلت علينا كتير
زيدان....لو لقطتي شبكه وعراتي تكلميها عرفيها ان السيجنال ضعيفه فالمكان عشان لو كلمتك اي وقت متقلقش
داليدا...حاضر...فضلت تجرب وتقفل في الموبايل وتفتحه وفجأه لقط الموبايل وعليت الشبكه شرطتين
داليدا...لقط لقط
زيدان...طيب كويس كلميها بسرعه
اتصلت داليدا بسرعه وبمجرد ما رن فتحت امينه بسرعه وصوتها متعصب.
امينه...انتوا قافلين موبايلاتكم ليه يا داليدا كلمتكم كلكم وكلكم موبايلاتكم مقفوله
داليدا...اهدي يا مامي احنا بخير يا حبيبتي والله بس احنا في جزيره والشبكه فيها ضعيفه خالص انا طالعه والله في مكان عالي عشان القط شبكه وأكلمك
بعد زيدان شويه عشان يسبلها مساحه تتكلم
انتبهت داليدا عليه وبسرعه نطقت بخوف انت رايح فين
بصلها زيدان....ابدا معاكي متقلقيش بس عشان تكوني براحتك.
داليدا....لا من فضلك خليك
إبتسم زيدان وهز راسه ورجعلها تاني
امينه....الووو
داليدا...معاكي يا مامي انتي صوتك بيقطع اوي
امينه....سمعاني كده
داليدا...ابوه تمام بصي يا مامي احنا كلنا كويسين جدا والله ومبسوطين اوي بس اي وقت الموبايلات ماتجمعش اعرفي انها شبكه متقلقيش يا حبيتي
امينه...ماشي يا حبيبتي خلوا بالكم من نفسكم يا داليدا عشان خاطري ولو عرفتي تكلميني تطمنيني عليكم كلميني
داليدا...حاضر يا مامي والله المهم انتي كويسه كلكم بخير
امينه....كلنا كويسين متقلقيش يا حبيبتي وفجأه الشبكه رجعت تقطع تاني وصوت امينه مبقاش واضح في صوت لكن مش مفهوم
داليدا...الو...الوووو الووو مامي سمعاني وفجأه الصوت بقي ملغبط جدا ومش مفهوم أكتر وفي وسط الاصوات الغريبه اللي حاصله بسبب الشبكه سمعت داليدا صوت في الموبايل مقطع بيقول...اه رب ييي بس ر ع ه
داليدا...باستغراب مامي
وفجأه سمعت صوت صفاره قويه بعدت الموبايل من شدتها وقفلت الخط بسرعه
زيدان....بص لقاها باصه عالشاشه باستغراب في حاجه
بصتله داليدا...هاااااا لا مفيش بس الصوت قطع مش سمعاها خالص
زيدان...طيب تحبي تجربي تاني
داليدا....لا خلاص هي عرفت واطمنت وانا اطمنت عليها
زيدان....طيب يلا بينا ننزل
داليدا....انا مش هعرف انزل المنظر مرعب
زيدان...انا هنزل قبلك ومتبصيش عالارض بصي عليا انا تمام
داليدا....مش هعرف بجد
زيدان....بهدوء هاتي أيدك يا داليدا
بصتله داليدا بإحراج وسكتت
ابتسم زيدان وهز راسه هاتي أيدك أسمعي الكلام..
مدت داليدا أيدها براحه ولمست اطراف أيدها أيد زيدان اللي أستقبلها بلمسته الهاديه حست انها محرجه
نزل زيدان براحه وهو ماسك ايدها ومع كل حجر بنزل من عليه يقف وينزلها
زيدان...متبصيش تحت يا داليدا لو بتخافي من الاماكن العاليه.
داليدا...مسكت في ايده جامد وحاولت تتنفس بهدوء
زيدان...انتي كويسه
داليدا... ايوه انا بس لما بتوتر بحس اني مش قادره اخد نفسي
زيدان...لا نظمي نفسك ومتخافيش احنا خلاص قربنا يلا جمدي قلبك كده وانا مش هسيبك متقلقيش ماشي
داليدا...ماشي مسك زيدان كف ايدها أكتر بقوه عشان يطمنها وأبتدا ينزل تاني وبعد كام دقيقه اخيرا نزلوا
داليدا...أشهد ان لا إله إلا الله.
أبتسم زيدان....فعلا في فرق واضح بينك وبين دوللي
داليدا...لا ده فرق كبير اوي المسافه دي بالنسبه لدولي زي سلالم بيت عاديه جدا
زيدان....طيب يلا تعالي نشوف بيعملوا ايه مشي زيدان بيهت وهو لسه ماسك أيدها وهي مش مركزه وماشيه في ايده واول ما أبتدوا يقربوا عليهم أفتكرت انها لسه ماسكه ايده سحبت ايدها براحه زيدان لاحظ انه لسه ماسك ايدها فا سابها ومشي معاها لحد ما وصللهم
نور....ايه يا داليدا. في شبكه
داليدا...اه لقطت بس الصوت صعب اوي بيقطع بس فالاول كان احسن طمنتها علينا وعرفتها اننا في جزيره الشبكه فيها وحشه عشان لو كلمتنا متقلقش
نور....انا عايزه اكلم مامي عايزه اطمن علي تولين
داليدا....منصحكيش يا نور الطلوع فوق صعب جدا جدا ومش هتعرفي تنزلي بسهوله
نور....بس انا لازم اطمنهم علينا ولازم اطمن علي تولين
حاتم....نجمع بس تجميع الحطب ده لتيتو واروح انا وانتي ونحاول يمكن نعرف
زيدان....لو مش متعود علي طلوع اي حاجه عاليه هيبقي صعب يا حاتم الصخور مرعبه لو عرفت تتحكم مش هتقدر تتحكم فيها هي انا متعود عالكلام ده
حاتم...هنحاول طيب نروح نشوف كده
زيدان...تمام بس لو حسيت انه صعب متكملش لان فوق اصعب من تحت
حاتم.....طيب تمام
داليدا....دوللي لسه فاليخت
نادين...اه شيفاهم هناك خرجو حجات عالمارينا ودخلوا تاني بيكملوا
زيدان...طيب بقول ايه روح يا حاتم كده جرب انت ونور قبل ما الشمس تروح هيبقي صعب وانا هجمع معاهم الحطب
حاتم...طيب تمام تعالي يلا يانور
نور....طيب تمام يلا
.......
في اليخت...
تيتو....محتاجه حاجه تاني
دوللي...لا خلاص كده تمام بس بدور عالشاحن بتاع الكاميرا بتاعتي مش لقياه
تيتو....طيب كنتي حطاه فين
دوللي....معرفش هما كانوا مع بعض كنت موصله الشاحن في الكاميرا بس الوقت مش لقياه
تيتو ....بضحك بجد😂
دوللي....وهي متعصبه انت بتضحك علي ايه
تيتو....بضحك اكتر هو ممنوع انا حر
دوللي....بقولك ايه قول بتضحك علي ايه احسن انا عفاريت الدنيا بتتنطط في وشي ولازم الاقي الشاحن ده
تيتو....وهو بيشاور علي رقبتها حلو اوي😉
دوللي...بصدمه 😳 نعم هو ايه اللي حلو بالظبط🤨
تيتو...الشاحن🤨🤨
دوللي...انت هتستظرف احترم نفسك واظبط كده😡
تيتو ...بضحك اكتر علي فكره انتي نيتك وحشه انا بتكلم عالشاحن اللي انتي معلقاه علي رقبتك
بصت بسرعه دوللي واتصدمت لما لقت الشاحن علي رقبتها افتكرت انها اول ما دخلت اليخت علقته في رقبتها..بصتله بأحراج ووشها احمر...انا ..انا.. انا أسفه مقصدش 😔😔 بس كمان انت موضحتش🤨🤨🔪
تيتو....اهدي يا صاحبي مالك بتتحولي ليه كده انا قلبي ضعيف😉😍
ضحكت دوللي غصب عنها...طب يلا بقي
تيتو....بأبتسامه يلا بينا وعقابآ ليكي عشان ظلمتيني هتشيلي معايا
دوللي....ماشي
خرجوا بره اليخت وقفوا عالمارينا
تيتو....يلا شيلي
دوللي...اشيل ايه
تيتو...المولد🤨🤨🙄
وطت دوللي تشيل المولد معرفتش اصلا ترفعه من الارض وقفت بصتله وهي رافعه حواجبها 🤨 لا بقولك ايه متسوقش فيها انا نش شايله حاجه ده يتشال ازاي اصلا ده تقيل اوي
تيتو...بضحك ما انا عارف
دوللي...تصدق انك سوري يعني رخم
تيتو...ولازمتها ايه سوري بقي🤨🤨 يلا شيلي السماعه وسيبي المولد يا بسكوته🤨
دوللي...انت بتتريق علي فكره بقي عادي ممكن اشيله
تيتو...بلاش متكابريش
ضحكت دوللي....لا بجد ده تقيل اوي😔
تبتو...بابتسامه خلاص يا ستي متشيليش انا هروح اودي المولد وارجع اخد باقي الحاجه
راحوا علي باقي الشباب نزلوا الحاجه ورجع تيتو ومعاه ياسر جابوا باقي الحاجه وأبتدوا يظبطوا باقي الاعده الخيم بتاعت النوم كانت ورا شويه لكن بعاد عن بعض عشان الخصوصيه وأدام البحر حط زيدان كراسي وفرد تربيزه ووصلوا السماعات وابتدت الاجواء تبقي اكتر حماس مع الموسيقي اعد زيدان يركب السناره ويجهزها عشان لو حب يصطاد هو او اي حد
اما دوللي فا اعدت تحمل الصور من الكاميرا للاب عشان تفضي اكبر مساحه ويتصورا مع بعض كلهم.
اما داليدا ونور ونادين كانوا بيحضروا غدا قرروا انهم هيشوا عالحطب وابتدا تيتو والشباب يولعوا الحطب.
تيتو...زيزو انا كده ولعت اتنين كفايه كده
زيدان....لا مش كفايه ولع تاني عشان الدنيا هنا ضلمه خالص بليل واكيد الجو هيكون برد
ياسر...مش قولتلك هو الحو باين اصلا من الوقت الهوا صعب اوي
تيتو...طيب تعالوا نولع دول كده كده انتوا جمعتوا شويه حطب حلوين اوي
زيدان...في سناره جاهزه اهي لو حد حابب يسلي نفسه
حاتم....اهو انا بحب اتفرج جدا علي اي حاجه تخص الصيد بس عمري ما جربت اصطاد
زيدان....وادي التانيه خلصت تعالي معايا نروح عالمارينا وانا هعلمك الموضوع سهل
حاتم...طيب يلا بينا
راح حاتم مع زيدان واعدو عالمارينا عشان يصطادو
وبعد مده طويله الغروب كان خلاص قرب يودع ويعلن عن قدوم الليل رجع حاتم وزيدان علي ريحه الشوي اللي أبتدت تطلع
حاتم....هو ده الكلام ايه الروايح الحلوه دي
مور...ايه رأيك مدلعينكم اهو
ياسر...ايه مصطاتدوش اي حاجه تغزوا بيها العين
زيدان....غريبه البحر مفيهوش حاجه خالص مع اني حاطط طعم حي بس يمكن المكان السمك في قليل
نادين...طيب يلا بقي الاكل جاهز وانتي ياست دوللي قومي اعملي حاجه في ليلتك دي
دوللي...تصدقي انا غلطانه اني بفضي مساحه في الكاميرا عشان اصوركم
نادين....طيب يلا بقي بقالك كتير
دوللي...انا خلصت خلاص وفضتها خالص عشان نتصور مع بعض
داليدا...طيب يلا تعالي بقي
نور...يلا يا جماعه الاكل جهز
أعدوا كلهم كلوا مع بعض وبعد وقت بسيط خلصوا أكلهم واعدوا كلهم حوالين النار يتدفوا فيها وتيتو بيعملهم شاي
دوللي...تيتو هو ينفع تعملي نسكافيه
تيتو....طبعا استني بس افضيلهم الشاي الاول
مل اتنين كانوا اعدين جنب بعض في دايره داليدا كانت جمب زيدان ومن جمبها دوللي وتوفيق..
زيدان...طلع سيجاره..
نور...انا مضايقه اوي بجد عايزه اطمن علي تولين
حاتم....المكان صعب جدا الطلوع ليه انتي طلعتي ازاي با داليدا
داليدا...ما انا قولتلكم
زيدان...بكره الصبح ان شاء الله هاخدكم ونطلع واحده واحده معاكم وان شاء الله تطمنوا عليهم
نور...يارب.
ياسر....فضل يدعك ايده في بعض عشان بحس ببعض الدفا
ياسر... الجو برد اوي
نادين...اه انا قومت لبست سويت شيرت الجو فظيع
تيتو....في بطاطين انا حاطتها في كل خيمه لو حابين تحطوها عليكم
نادين...لا انا كده بقيت تمام
ياسر....صحيح يا زيدان هو انت متعرفش ايه حكايه الجزيره دي يعني غريبه جزيره بالجمال ده تبقي مفيهاش اي حد كده خالص.
بص زيدان وتيتو ودوللي لبعض.
تيتو...بابتسامه مابلاش🙈
ياسر....ليه يعني هي ليها قصه فعلا
نادين ...اوعي تقول قصه تخوف
نور...لا والنبي بجد
زيدان....الله يخربيتك يا تيتو
داليدا...بخوف هي بجد فيها حاجه تخوف
زيدان....لا متخافيش بصي هي مجرد قصص واساطير حاجه ملهاش وجود يعني بس اللي متأكد منه ان القصص اللي بتتحكي عنها دي مجرد ستاره الدوله بتخبي وراها حاجه اهم.
ياسر...طيب ايه حكايتها
زيدان...بضحك ما قالك بلاش🙈
ياسر...ياعم قول أدينا بنتسلي قول انت طيب يا تيتو
تيتو...لا أدام فيها حكايه يبقي زيدان احسن هو دايس فالبلد اكتر ..
حاتم...قول يا زيدان. وبعدين  واضح انها كانت فيها ناس عشان الكنيسه اللي موجوده دي والقلعه والمناره
زيدان....بصوا هي فعلا مان فيها ناس وعايشين فيها يعني بيقال ان اول ناس سكنت في الجزيره كانت سنه 421 م تقريبا وان الناس اللي سكنتها كانوا من البربر اللي كانوا جايين عشان يغزوا إيطاليا ويحاربوها وفضلت الحرب بينهم لحد القرن 19 وطبعا زاد عدد السكان بشكل ملحوظ  لكن في1379 مع أستمرار الحرب في الجزيره تم الطلب من سكان الجزيره انهم يخلوها فورا يعني حفاظا علي ارواحهم وفعلا السكان مشيوا وبقت الجزيره هنا ساحه للحرب والقتال..
وبيتقال ان نابليون كان نخلي الجزيره دي زي مخزن للأسلحه...وفي خلال الفتره دي انتشر مرض الطاعون...في الجزيره وفي الدوله وفي اوربا كلها... فا إيطاليها طبعا خطت شروط صحيه للبلد وكان من أهمها انهم يعملوا حجر صحي للأشخاص اللي بيتصابوا بالمرض وكان من ضمن مناطق الحجر الصحي هي الجزيره دي...كانوا بيجيبوا المرضي هنا وبيقال بردو ان المرضي كانوا بيتسابوا لحد ما يموتوا فيها مهملين طبيا وطبعا بعيد عن اهاليهم وعن ارضهم واللي كان بيموت فيهم كان فيهم اللي بيتدفن عادي وفيهم اللي بيتحرق جثته....وفي ناس تانيه قالت ان الكلام ده كله غلط وان مرضي الطاعون كانوا بيتحرقوا احياء يعني كانوا بيحرقوهم وهما عايشين..وطبعا المكان هنا اصبح للإيطاليين مكان مرعب...وفضل الحال ده لحد 1814م..وفي سنه 1922م
طبعا اتحولت المباني الباقيه من بعد انهيار مباني كتير في الحرب ...الي مستشفي للامراض العقليه...والمقصود مش المجانين المقصود اشهاص عاديين بس بيعانوا من أضطرابات نفسيه واكتئاب وحجات شبه دي يعني ناس واعيه تقدر تقول اللي بيحصل معاها..وبالفعل ابتدوا المرضي يشتكوا انهم بيسمعوا اصوات عياط غريبه..وطبعا تم تجاهل شكوتهم يعنب علي أعتبار انهم مرضي نفسيين وكده..ويقال ان كان في دكتور. مجنون بيعمل تجارب مخالفه قانونيا علي المرضي النفسيين دول واتقال ان اكيد ان الاصوات اللي كانوا بيسمعوها دي هي اصوات المرضي نفسهم...وبعدها بفتره الدكتور ده لقوه مرمي من فوق وقالوا ان هو انتخر واتقفلت المستشفي دي 1968م ومن وقتها إيطاليا محذره دخول الجزيره دي..طبعا حاولوا كتير انهم يبيعوا الجزيره دي عشان يستفيدوا منها أقتصاديا لرجال اعمال كبار من كل دول العالم بس الغريب ان كان كل ما حد يجي يشتريها يحصله حاجه وبتنتهي فالاخر بموته...هي دي كل حكايه الجزيره
نور...يانهار اسود يعني احنا الوقت اعدين علي جثث ميتين في الخرب وجثث محروقه من الطاعون ومرضي متعذبين
ياسر....ألعببببب🙈
تيتو...ماقولتلك بلاش
حاتم....طيب انت ليه مقولتلناش قبل ما نيجي
زيدان ....حسيت ان دوللي عايزه الجزيره دي بالتحديد وزي ما قولتلك انا مش بصدق في القصص والخرافات دي كلها أساطير يعني
داليدا...بخوف واضح انتي كنتي عارفه قصه الجزيره دي يا دوللي
دوللي...بارتباك. مش بالظبط يعني بس
داليدا...بس ايه انتي بجد اتجننتي لما تجازفي بينا وبحياتنا عشان تجبينا مكان زي ده حبك وشغك للمغامرات واكتشاف الاماكن الغامضه خلاكي متفكريش فينا وايه اللي ممكن يحصلنا لو الكلام ده طلع صح
دوللي ..يا داليدا في ايه بس احنا هنا من من الصبح ومفيش اي حاجه والدنيا هاديه
زيدان...داليدا اطمني متقلقيش المكان فعلا واضح انه هادي وزي ما قولتلك واضح ان الجزيره دي وراها قصه اكبر من اساطير وعفاريت
داليدا...يعني هيكون وراها ايه يا زيدان..
ابتسم زيدان لنطقها لاول مره لأسمه داليدا اهدي بس ومتقلقيش ولو في اي حاجه تقلق مش هنأعد اكيد وهنمشي أما بقي عن ممكن يكون فيها ايه غير حوار العفاريت...ممكن أثار ممكن بيستخدموها في اي حاجه تخص الدوله مش عارف بس ليها سر.
داليدا ..بخوف ربنا يستر
ياسر...يا جماعه سيبوها علي الله ومتفكروش في اي حاجه اتبسطوا بوقتكم
تيتو...صح ومتخافوش الدنيا حلوه اهي ومفيش اي حاجه
داليدا...انا حاسه اني مش هيجيني نوم منك لله يا دوللي
كتمت دوللي ضحكتها🤭
داليدا...هو انتوا ليه باعدين الخيم عن بعضها كده
تيتو...انا قولت يعني عشان الخصوصيه مش اكتر
داليدا...طيب هو ممكن تقربوا الخيمه بتاعتنا جمبكم
زيدان....تمام متقلقيش هظبطها انا وتيتو بس خيمه ياسر وحاتم زي ما هي
حاتم...اه احنا ناس متجوزه
ياسر...بضحك وانا راجل بقضي شهر العسل
ضحكوا كلهم
نور ..والله انت وياسر متربتوش😡
ضحكوا علي نور كلهم.
توفيق...صحيح يا دوللي انتي ايه حبك في المغامره ده يعني في حد يرمي نفسه للنار.
نادين...دي مجنونه رسمي اصلا بتعمل كل حاجه لا تصلح للبشر تسلق جبال تلاقي حيوانات مفترسه وحشرات سامه تمسكهم ميضرش كهوف تروح عادي لعبه مرعبه كلها عفاريت والغاز متقولش لا تنط من طياره بالبراشوت عادي بص متعدش
دوللي....انا بحس اني مبسوطه اكتر لما بعمل حاجه صعبه وغريبه بحس ان سعيده لما بعمل حاجه اللي حواليا شايفينها مستحيله لما بكتشف اماكن غريبه وراها قصه زي الجزيره دي ...انا بحب كده
زيدان....مانا حسيت 🤨
تيتو....انا كنت فامر اني مجنون وبعمل اي حاجه فيها جنان بس مش للدرجه دي
حاتم...لا دوللي مبتقولش لايامرحب بالمهالك😂😂
قضوا وقت جميل مع بعض وبعد وقت طويل غلبهم النوم راح حاتم ونور علي الخيمه بتلعتهم وراح ياسر ونادين وفضل زيدان وتيتو وداليدا ودوللي بيغيروا مكان الخيمه بتاعتهم
زيدان....ايه كده تمام
داليدا...بقلق اه كده احسن
دوللي...انا هدخل بقي احسن انا مقتوله
تيتو...وانا كمان بلا بونا نوتي
دوللي...بابتسامه بونا نوتي
دخلوا وسابوا داليدا وزيدان لوحدهم
زيدان...يلا أدخلي نامي شكلك مرهق
داليدا....انا مش هعرف انام انا خايفه اوي
زيدان...بابتسامه مطمئنه لا متخافيش انتوا بقيتوا جمبنا اهو ومتقلقيش انا مش هنام الوقت هفضل صاحي روحي يلا نامي ومتخافيش انا جمبك والنار والعه منوره المكان يلا ادخلي
داليدا...بتنهيده حاضر تصبح علي خير
زيدان...وانتي من اهل الخير
........بعد حوالي ساعه اطمن زيدان ان الكل نام والدنيا هاديه ومفيش اي قلق دخل الخيمه كان الجو برد اوي ودقايق بسيطه وراح فالنوم غصب عنه
...........
في صباح يوم جديد داليدا صحيت من النوم كانت نايمه نوم قلق وكل شويه تصحي ما صدقت النهار طلع والجو حلو خرجت بهدوء بره الخيمه اتنفست براحه ان كل حاجه تمام راحت اعدت عالرمل ادام البحر....وسرحت
فلاش بااااك..
وفجأه😝😜🤪