رحله إلي الجحيم

البارت الخامس

البارت الخامس...
في مكان اخر في ڤينسيا.
في مكان عالبحر من قرب من يخت مبهر وشيك
ظهر شاب باين عليه الشقاوه والهيبره والمرح..
بونچورنو سنيور زيدانو😍
لف زيدان بأبتسامه تجنن
بونچورنو سنيور تيتو😉
طاهر....صاحي بدري يعني صحيت ملقتكش
زيدان....انا منمتش اصلا
طاهر...ليه كده
زيدان...ابدا مش جايلي نوميادوب النهار طلع قولت انزل اجري شويه واجي عاليخت
طاهر...ياخي اليخت ده لو مراتك مش هتأعد معاها زي ما بتأعد مع اليخت ده
زيدان...بأبتسامه بص عالبحر اليخت ده صاحبي هو والبحر عارفين عني كل حاجه من يوم ما أتولدت
طاهر...لا انا كده أغير امال انا ايه ياعم زيزو
زيدان....انت كمان صاحبي وحبيبي
طاهر...طب سيبك من الكلام ده انا جعان ومفطرتش
زيدان...والله ولا أنا فطرت
وجعان اوي
طاهر...طب ما تيجي نروح نفطر وبعدين البيت ناقصه شويه حجات عايزين نروح نشتري اللي ناقص
زيدان....شوف محتاج كام وخد فلوس هات اللي ناقص كله بقالنا كام يوم مقضينها اي كلام روح انت هات اللي ناقص انا مش فايق وهات فطار وانت راجع
طاهر....ياعم معايا وبعدين انا عايزك تيجي معايا عشان تروق شويه وتفك
زيدان...متقلقش عليا انا بخير
طاهر....طب يلا انا مش هروح من غيرك وبعدين تعالي الجو انهرده حلو والموزز جامدين
زيدان...بضحكه بسيطه فين الموزز دول بس انت عايز تركب نضاره شكلك
طاهر....لا ياض المصريين هما اللي قمرات اوي😒
زيدان....مالهم ياض المصريين اه طبعا قمرات
طاهر...صحيح هو الجو نايم كده ليه الشغل هادي اوي مع ان في ناس كتير فالبلد
زيدان...ليه مانا بيجيلي  رحلات وبرفضها
طاهر ..نعممممم ليه ان شاء الله عاجبك اعدتنا دي
زيدان....ياعم دي رحلات تعبانه والناس اللي بيجوا تعبانين اكتر وبعدين اغلب الرحلات اللي بتيجي طليان وانا مش بحب رحلات الطليان عارفين البلد وعارفين كل كبيره وصغيره فيها واسعار كل حاجه مبعرفش اطلع منهم الفلوس فا مش ناقصه أهلك ((روح)) عالفاضي....يقصد اليخت هو مسميه علي اسم والدته
طاهر...لا وحيات امك الحاله مش اد كده والفلوس بتخلص من يوم ما سبت شغل المطعم وانا مليش شغل غير معاك
زيدان....قولتلك اللي تحتاجه اطلبه وملكش دعوه بالفلوس
طاهر...وانا قولتلك ميت مره يا صاحبي انا مش موافق ويوم ما اتزنق خالص واضطر اني اخد منك لازم اردهم انا بتكلم عالشغل عموما
زيدان....ماشي ياعم اي رحله هتيجي مش هرفضها عشان خاطرك
طاهر...هو ده الكلام يلا بقي قوم معايا
زيدان....ماتروح انت بقي بلاش وش بقي انت زنان اوي
طاهر...ياعم انت كبير المصريين هنا والطليان بيحبوك وبيعملوا معاك احلي واجب
زيدان....طب امشي يلا يا خويا أدامي😏
نزل معاه طاهر وخرجوا من اليخت
راحوا عالسوق يتمشوا ويجيبوا اللي ناقصهم
.......
وصلت داليدا وصحابها الفندق طلعوا الشنط ونزلوا عشان يتغدوا ويتمشوا ويستكشفوا البلد
اعدوا مع بعض في مطعم
داليدا....المكان هنا جميل ومريح اوي
نور...اه جداا
دوللي...بقول ايه بقي عندي اقتراح
داليدا...قولي يا مصيبه🤨
دوللي...احنا زورنا اماكن سياحيه كتير عايزين نغير بقي ونعمل حاجه مجنونه
حاتم....بس هنا في اماكن مهمه اوي لازم نزورها
نادين...بضحك حاتم عجبته شغلانته الجديده
ياسر....بقي مرشد سياحي اد الدنيا
حاتم....بتتريقوا تصدقوا ان انا غلطان
دوللي...ياعم فكك بقي من الاثار والملام الفاضي بقي احنا عايزين نستمتع بالبلد شويه
حاتم...طيب شوفوا حابين تروحوا فين ولا تعملوا ابه ونروح
داليدا...انا عايزه اركب المراكب الصغيره دي نفسي اتمشي بالمركب وسط المدينه
نادين....هو صحيح الاسواق هنا بتروحي عليها بالمراكب
ياسر...اه البلد هنا بتتمسي ڤينسيا القديمه ڤينسيا الجديده دي مدينه عاديه فيها وسائل مواصلات والحياه عاديه إنما ڤينسيا القديمه يا اما بتتمشي علي رجلك او بتاخدي قارب صغير وبتمشي بيه وتعدي اي مكان بيه وبتشتري حاجتك من السوق وانتي راكبه القارب
داليدا....عشان كده انا هتجنن واجرب الاحساس ده
دوللي...ماشي نعمل كده بس كمان احنا هنا هنأعد اربع ايام نروح اي جزيره من الجزر اللي هنا بجد هتبقي تجربه مش هتتعوض وبعدين فالوقت ده الجزر بتكون هاديه إلي حد كبير يعني هنحس بالخصوصيه اكتر وهنستجم شويه بمنظر البحر وشكل الجزيره
ياسر....وانا موافق جدا اهو نعمل شهر عسل 😉
نادين...ابتسمت باحراج ما تحترم نفسك
ياسر...يعني بزمتك مش موافقه علي أقتراح دوللي
نادين...بضحك بصراحه موافقه جدا الفكره عجبتني
دوللي....خلاص يبقي نعملها والنبي قبل ما نرجع احسن اموت فيها
حاتم...طيب خلاص بس احنا مفيش ادامنا غير 3ايام ولو هنروح يبقي بكره عشان مفيش وقت
ياسر...طيب المفروض نعمل ايه مش المفروض نشوف حد يودينا ونعرف اصلا هنروح فين
دوللي...ياسيدي لو علي نروح فين انا قرأت كتير عن جزيره وشكلها تجنن نروحها
اما ازاي بقي فا اكيد هنروح بيخت وده هنسأل عنه في الاسواق ازاي نوصل وناجر يخت
حاتم....طيب احنا نقوم بقي الوقت لو خلصتوا اكل نلف لفه ونحاول نسأل
ياسر....طيب ونسأل ونعذب روحنا ليه مانا أسأل احمد صاحبي اكيد هو عارف
دوللي...بأرتباك ياعم ولا احمد ولا محمد احنا نعمل زي ما حاتم قال نقوم نشوف بنفسنا احنا مش هنغلب يعني
ياسر...يابنتي وليه الدوخه نسأله يمكن يقولنا نروح فين علي طول أستموا اكلمه
مسك ياسر موبايله وطلع رقم احمد واتصل بيه ثواني وجاله الرد
ياسر.....بأبتسامه بوناسيرا سنيور أحمد
احمد....بضحكه بوناسيرا سنيور ياسر خلاص عوجت لسانك علينا
ياسر...بضحك انا اصلا أصلي أيطالي أشفهمك انت
احمد...بضحك مانا بقول كده ايه الاخبار عندك
ياسر...مله تمام يا ابو حميد
احمد...البلد عجباكم والسفريه ايه اخبارها
ياسر...كله تمام الناس هنا جميله اوي وطيبين والبلد تجنن وكلنا مبسوطين
احمد ...طيب الحمد لله
ياسر....انا عايز بس منك خدمه او استفسار بسيط كده يارب معطلكش
احمد...عيب عليك يا صاحبي أوؤمرني
ياسر...الامر لله بص يا سيدي احنا في ڤينسيا الوقت وكنا حابين نغير خطتنا ونروح جزيره ونقضي فيها الكام يوم اللي هنأعدهم هنا
احمد....طيب تمام عندك جزر حلوه اوي عايز طبعا تعرف أحسنهم
ياسر...لا القصه مش فالجزيره خالص 😂🙈 القصه في ازاي اصلا نروح
احمد...مش فاهم
ياسر....يعني نروح فين نتفق مع مين الكلام ده
احمد....اه فهمتك انتوا الفكره موجوده بس التنفيذ مش عارفين ازاي
ياسر...عليك نور
احمد....طيب بص ياسيدي مبدأيا كده انتوا المفروض تأجروا يخت وخد بالك ينفع تفاصل عادي لان الرخلات اللي زي دي بتتحاسب بالفرد فحاول تنزل معاه وغالبا هيوافقوا لان التوقيت ده عندك هادي وشغل السفر للجزر وتاجير اليخت بيبقي عادي شويه ...ده بالنسبه للفصال فالسعر تروح فين بقي هتروح علي ((بار)) واحد معرفه....يقصد كافيه
هو إيطالي وانا هكلمه أرسيه عالحوار وهو هيعرف يتعامل وهيديكم رقم حد من اصحاب اليخوت او يتفقلك معاه ويخلصلك الحوار
ياسر...طيب حلو اوي بس اسمع احنا لو هنروح يبقي بكره احنا لسه واصلين انهرده وطبعا انهرده خلاص طاير فا لو كده يبقي بكره بأذن الله عشان نلحق اليومين اللي هنأعدهم فالمدينه هنا
احمد....تمام فاهم اقفل الوقت هعمل مكالمه سريعه وارجعلك
ياسر...طيب تمام مستنيك.
نادين...ايه قالك ايه
ياسر ..هيكلم حد تبعه يخلصلنا الحوار وهيرجع يكلمني تاني
فضلوا يتكلموا مع بعض
اما دوللي فمانت سرحانه وخايفه فكرتها في اختيار الجزيره تترفض
عدي حوالي ربع ساعه
اتصل عليه احمد
ياسر....ايوه يا ابوحميد
احمد...بص يا ياسر انا كلمت الراجل وفهمته وهو هيستناكم عنده فالبار روحوله وهو هيخلصلكم كل حاجه انا هليته بعتلي اللوكيشن بتاع البار هقفل معاك وابعتهواك وروحله الوقت علي طول هو مستنيك
ياسر...طيب وده هفهمه ازاي
احمد....اطمن بيتكلم انجليزي هتعرف تتعامل معاه
ياسر...طيب حلو اوي مش عارف اقولك ايه يا صاحبي
احمد....ولا اي حاجه اتبسطوا بس بوقتكم وأستمتعوا علي اد ما تقدروا
ياسر...بابتسامه حصل با صاحبي يلا ابعت اللوكيشن
قفل معاه احمد وبعتله اللوكيشن وقاموا مع بعض يروحوا للراجل ..
بعد وقت مش طويل وصلوا البار وكان في أستقبالم الراجل رحب بيهم ترحيب قوي ودخلوا اعدوا مع بعض
واتكلموا بخصوص الرحله  اتكلم الراجل مع شخص في الموبايل بالايطالي وبعد وقت بسيط قفل معاه وهو مبتسم ..
الحوار متعرب...👍
صاحب البار....الرقم ده لصاحب يخت صديقي بيطلع رحلات كتير لجزر مختلفه انا اتفقت معاه وهو وافق وفي خلال عشر دقائق هيكون هنا تتفقوا مع بعض  علي كل التفاصيل
ياسر...شكرا سنيور إيدن
صاحب البار...إل باردونو (العفو) سنيور ياسر..
أستأذن منهم صاحب البار وسابهم اعدين لحد ما الشخص ده يجي.
في مكان اخر...
قفل زيدان مع إيدن صاحب البار..
زيدان....تيتو تيتوووو
خرج تيتو من اليخت
طاهر....نعم
زيدان....هغيب عنك شويه وراجع
طاهر...رايح فين
زيدان...شكلها كده ربنا بيحبك وفيها شغل
طاهر....ايه ده بجد
زيدان....اه والله إيدن لسه قافل معايا بيقول ان في سياح معاه وبيسألوا عن حد معاه يخت حابين يطلعوا رحله باليخت يومين تلاته لجزيره
طاهر.....طب احلف
زيدان...ياض انا ههزر معاك انت فايق عالصبح
طاهر...طب جنسيتهم ايه
زيدان...مقالش ومسألتش أديني رايح اهو اشوفهم ونتفق هما مستنين عنده  هروح ومش هتأخر
طاهر....طيب اجي معاك
زيدان ..وهو بيسحب الزنك بتاع السويت شيرت علي راسه لا مش مستاهله
طاهر.....ادام مش مستاهله يبقي هتطفشهم كالعاده
بصله زيدان بقرف😏😏 وسابه ومشي من غير ولا كلمه....
بعد وقت بسيط وصل زيدان البار استقباه إيدن وراح يعرفه بيهم
إيدن....تيكو نوسكو سنيورو زيدانو...((( اعرفكم بالسيد زيدانو))
ياسر...بأبتسامه بصلهم هي مرحبا يعني ايه
حاتم...بضحك شاو 🙈🙈بصله ياسر بضحك شاو سنيور زيدانو
زيدان....عرف من شكلهم من قبل ما يتكلموا انهم مصريين بصلهم وضحك....واتكلم بصوت جذاب تحيا جمهوريه مصر العربيه
بصوله كلهم بابتسامه وصدمه
ياسر....ايه ده انت مصري🙈
حاتم...اخيرا هنتكلم مع حد براحتنا
زيدان...نورتوا ڤينسيا
ياسر...منوره باهلها
بص زيدان لايدن وشكره مشي إيدن وبص زيدان ليهم
زيدان...اتفضلوا أعدوا
ياسر...بجد صدفه حلوه انك مصري متوقعتش ابدا انك تكون مصري
زيدان ولا انا توقعت لما أيدن كلمني انكم مصريين
نادين...ليه هو مفيش مصريين بيعملوا رحلات ولا ايه
زيدان....لا مش كده طلعت طبعا مع مصريين كتير بس التوقيت ده من السنه مش بيبقي في مصريين كتير عادتآ المصريين بيكونوا اكتر في الصيف والربيع إنما التوقيت ده قليل اوي لما حد بيجي
حاتم...لا احنا يمكن عشان شغلنا ودي اجازه سنويه فا وافقت مع التوقيت ده
أبتسم زيدان بهدوء وهز راسه
نور...هو حضرتك عايش هنا اصلا
زيدان....يعني تقدري تقولي اني هنا من 18 سنه مثلا
نور...ياه 18 سنه
ياسر...علي كده بقي انت عارف إيطاليا وكويس وجينا للشخص الصح
زيدان...انا اعرف كل شبر في إيطاليا تقدروا تقولوا كده إني اعرف البلد دي اكتر من صحابها نفسهم عشت في اغلب المدن بتاعتها بس لما حبيت أستقر أستقريت هنا في ڤينسيا
دوللي...بأبتسامه علي كده بقي حضرتك زي عمده المصريين كده
زيدان...بأبتسامه ثقه انا فعلا عمده المصريين هنا
كل المصريين في المدينه دي اعرفهم واعرف مصريين كتير في ميلانو وفي روما ومدن تانيه كتير بس الاكتر هنا بحكم اني عشت هنا اكتر يعني
زيدان كان بيتكلم وكل شويه يبص بطرف عينه علي داليدا اللي من وقت ما جه منطقتش ولا اتكلمت كلهم كانوا بيتكلموا معاه وبيسألوه إلا هي حس بالفصول انه يسمع صوت الملاك اللي اعده لكن هي كانت ساكته مكتفيه بابتسامه بسيطه وطول الاعده باصه من زجاج الكافيه علي المنظر الخارجي وبتلعب في صوابعها. لكن عي كمان كانت بتسرق نظرات سريعه ليه وترجع بسرعه تبص علي الخارج قبل ما يلمحها..
دوللي...طيب هو اليخت ده اللي حضرتك شغال فيه كويس بقي ولا قديم
ابتسم زيدان علي سؤالها
هتفرق
دوللي...طبعا هتفرق عشان لما اتصور واغيظ صحابي يبقي يخت حلو كده
زيدان.....بابتسامه.  اطمني روح أشهر يخت في ڤينسيا كلها والكل بيختاره اول ما يلمحه
دوللي...بأستغراب روح اليخت اسمع روح
زيدان....ايوه ده علي أسم والدتي واه بالمناسبه اليخت ده بتاعي مش شغال فيه
دوللي....واااو ايه ده الله انا متحمسه جدا
زيدان...طيب قبل الحماس الاول نتعرف علي بعض الكلام خدنا ومتشرفتش بحضراتكم وكمان عايز اعرف طلباتكم ..
زين كان متعمد يتعرف عليهم عشان يسمع صوت الملاك الصامت ...
ياسر....انا ياسر ودي نادين مراتي
حاتم....وانا حاتم
نور...بسرعه وانا نور
حاتم بضحكه جميله...مراتي
زيدان....اتشرفت بمعرفتكم بص لدوللي
دوللي...انا دنيا بس هكون مبسوطه اكتر لو قولتلي دوللي
زيدان....تمام يا دوللي😉
بص لداليدا..لكن بسرعه قبل ما يبصلها بعدت وشها
ياسر...دي داليدا
دوللي....داليدا تبقي اختي
اكتفت داليدا بأبتسامه بسيطه
زيدان....أبتسم أبتسامه خفيفه لكن كلها جاذبيه أتشرفت بمعرفتكم
ياسر وحاتم احنا اللي اتشرفنا بيك
زيدان...طيب ندخل فالموضوع إيدن قاللي انكم حابين تروحوا جزيره ومحتاجين يخت
ياسر....ايوه فعلا بص احنا رحلتنا 15 يوم فات منهم انهرده اهو 8 يعني فاضل 7 ايام فا كنا حابين نروح نقضي خمس ايام في الجزيره او حتي اربعه وبعدين نرجع وناخد طياره علي روما ونرجع مصر فا انهرده طبعا ضايع خلاص طبعا يبقي احنا ادامنا بكره
زيدان....بكره علي طول كده
حاتم...في مشكله ولا حاجه
زيدان...بتفكير وهو بياخد نفس من السيجاره وبينفخه براحه
فالوقت ده كحت داليدا لانها بتكره ريحه السجاير وعندها حساسيه
انتبه زيدان...أسف وطفي السيجاره بسرعه
وللمره العاشره تكتفي بابتسامه من غير اي رد.
زيدان...لحاتم مفيش مشكله طبعا بس احنا الوقت العصر طبعا لو كده يبقي بسرعه في حجات زي تصريح كده اخلصه بسرعه وطبعا اروح أبص عاليخت واجهزه واطمن ان كل حاجه تمام ولو كده نتقابل بكره عالمارينا الساعه 8 الصبح
ياسر...تمام حلو اوي كده..طيب بالنسبه بقي لفلوسك
زيدان...فلوسي
ياسر...اقصد تكلفه الرحله هتكون اد ايه
زيدان....بص بطرف عينه علي داليدا اللي باصه ناحيه تانيه وكأن كل الاتفاقات دي مش بتعنيها ..فأثارت فضوله اكتر..
زيدان...مش هنختلف اكيد
حاتم....ان شاء الله مش هنختلف طبعا بس ده حقك  ولازم نعرف
زيدان...تمام انا باخد عالفرد في رحله 3 أيام 500 يورو
فانا ممكن اخد نفس المبلغ علي الخمس ايام وطبعا لو في اي مشكله فالمبلغ عادي قولوا كلمتكم
ياسر....لا طبعا كده تمام
حاتم....شكرا ليكم يا كابتن زيدان وطبعا لو المبلغ معاك انت في مشكله عادي تقدر تزود
زيدان....لا خالص كده تمام اوي كفايه انكم مصريين المهم انا هقوم الوقت اخلص اللي قولتلكم عليه وطلع كارت وقربه من ياسر...ه رقمي سجله عندك بقي واتصل عليا عشان اسجل رقمك ونبقي مع بعض علي موبايل
ياسر....تمام اتفقنا
حاتم...بضحك لا لحظه اتفقنا ايه في اهم حاجه متفقناش عليها
بصله زيدان بأستفسار..
ياسر...اكيد الاكل
حاتم...بضحك اهو قالك الاكل ايه ظروفه نجيب ايه ولا نعمل ايه
زيدان...أبتسم وأفتكر توفيق
اللي يريحكم طبعا تجيبوه انتوا هتقضوا خمس ايام شوفول هلال الخمس ايام دول محتاجين ايه وتقدروا تجيبوه يعنب اكيد الميه متنسوهاش اي معلبات بتحبوها عصاير تسالي لو محتاجين تعملوا اكل اليخت عندي مجهز من كل حاجه في ميكوريڤ وفي بوتجاز صغير وفرن يعني في مطبخ كامل وطبعا في تلاجه لحفظ الاكل براحتكم يعني اللي تحبوه
حاتم...حلو اوي الكلام ده انا كده خلاص متحمس
ضحكوا كلهم عليه
زيدان...طيب هستأذن انا بقي ونتقابل بكره الصبح ان شاء الله
سلموا عليه بص اخر بصه علي داليدا ومشي ..
نور...مش كنتوا فاصلتو معاه مش احمد قالك يا ياسر ان في فصال
ياسر...انا شايف ان المبلغ مش كتير علي خمس ايام الراجل مش هيودينا ويرجع ده هيفضل معانا وبعدين احمد قاللي اسعار كتير فيه اللي قليل وفي اللي اكتر من زيدان القليل طبعا ايامه اقل واحنا هنأعد خمس ايام
حاتم...المهم الوقت احنا كويس اننا مفضيناش الشنط نروح نجهز نفسنا وننزل تاني نشوف هنجيب ايه
دوللي...هو انتو كل ما نروح مدينه بتفضوا الشنط🙄
نور....امال انتو بتعملوا ايه
نادين...احنا مبنفضيش طبعا هو في وقت ولا احنا قادرين
دوللي....ايوه احنا بنعمل كده
ياسر...بقول ايه احنا الوقت نقوم نشوف هنحتاج ايه ونروح اي سوبر ماركت نجيب وبعد كده نروح عالفندق بدل ما ننزل ونطلع
داليدا...انا بقول كده برده انا لو طلعت مش هنزل تاني لاني مش قادره ومحتاجه ارتاح شويه
نور...ايوه وانا كمان مش قادره
حاتم ...طيب خلاص تمام احنا محتاجين بس نكتب في ورقه كل اللي محتاجينه عشان منروحش السوبر ماركت نبقي مش عارفين ولا ننسي اي حاجه
نادين...تمام صح كده
طلعت نور ورقه وقلم وأبتدوا يكتبوا اللي هما عايزينه واللي هيقضيهم خمس ايام ويكون مكفيهم
ياسر....بقول ايه انا عندي اقتراح بما اننا كتبنا كل حاجه فا بلاش نجيب الوقت بيتهيألي صعب نطلع بالكميات دي الفندق وحتي لو ينفع بدل ما نطلع ونرجع الصبح ننزل فا انا شايف اننا ننزل بدري الصبح شويه نجيب كل حاجه ونطلع علي زيدان علي طول
نادين....تمام كده افضل بردو
ياسر....خلاص يبقي الصبح عشان لو أفتكرنا حاجه بردو نكتبها اتفقوا وخلصوا واتمشوا شويه وبعد كده طلعوا عالفندق يستريحوا ويناموا بدري عشان يبقوا جاهزين للرحله...
.....................
عند زيدان خلص كل حاجه واطمن ان اليخت تمام
وفضل اعد شارد ومبتسم في داليدا اللي فجأه وبدون مقدمات آثارت فضوله لكن اللي كان شاغله هي ليه مش بتتكلم وليه مسمعش صوتها وليه هي هاديه وغامضه عكس صحابها واول حاجه
جت في بال زيدان انها مش بتتكلم خرجه من شروده صوت توفيق
توفيق...بفرح ايوه بقي الشغل هيرجع تاني 😂
زيدان...اللي يشوفك يقول اننا بقالنا سنين اعدين من غير شغل
طاهر...انت عارفني يا صاحبي مبعرفش اعد من غير شغل اموت وبعدين احنا فعلا بقالنا فتره مش بنطلع اي مكان كله بفضلك علي طول رافض وكل ده عشان روح 🤨
زيدان....لو عندك اعتراض انا ممكن أمنسل الرحله عادي جدا
طاهر...لا لا لا خلاص ده اهم حاجه روح هو احنا عندنا كام روح نحافظ عليه😒😒
زيدان...بابتسامه ايوه كده خلينا فالمهم شيكت علي كل حاجه
طاهر...اه كله تمام وروح بقت عروسه ظبط اليخت ونضفته وجهزت كل حاجه مش فاضل غير نطلع بيه إلا قولي صحيح الجروب اللي هنسافر معاه ده مفيهوش مزز
زيدان...ما تخترم نفسك ياض انت طالع تشقط ولا تشوف اكل عيشك
طاهر...ياعم وانت زعلان ليه اكل عيشي طبعا بس ميمنعش اني أشقط
ضحك زيدان وهو بيهز راسه
الجروب ست اشخاص اتنين رجاله واربعه بنات وفيهم اتنين متجوزين الرجاله اللي معاهم والبنتين اللي معاهم اخوات فيهم واحده شكلها لاسع زيك باين انها مهيبره ومجنونه والتانيه هاديه خالص مبتتكلمش
طاهر....لا خلينا في اللاسعه 😂😂
زيدان...طيب بقولك ايه قوم بينا نروح السوبر ماركت نجيب اللي كنا هنجيبه بس هناخده معانا
طاهر....هو احنا مش هناكل معاهم
زيدان...لا ياشيخ هنقولهم والنبي اعملوا حسابنا فالاكل
طاهر...بضحك ياعم عشان يبقي عيش وملح وبعدين بتقطع الارزاق ليه نش نأعد وناكل مع بعض ونتبسط كده
زيدان...قوم يا تيتو عشان مبوظش وش أهلك وانت عارفني غبي😒😒
طاهر....اعوذ بالله قوم يا اخويا بينا...اه صحيح
زيدان...بملل بادي النيله في ايه تاني😏
طاهر.. هما قالولك عايزين يروحوا جزيره ايه ولا مش فارق اي جزيره عادي
زيدان....بتركيز. تصدق نسيت أسألهم 🤨 بس مش عارف تقريبا مش فارقه بالنسبالهم اي جزيره عموما بكره نشوف هما اكيد طلعوا ينامو عشان هيصحوا بدري
طاهر...طب يلا بينا
راح زيدان وطاهر جابوا كل اللي هيحتاجوه خلال الخمس ايام وكل واحد أشتري الحاجه المهمه بالنسباله ورجعوا حطوا الحاجه في اليخت ومشيوا
وخلص اليوم علي كده
في صباح يوم جديد صحيوا الشباب بدري عن معادهم بساعتين خدوا شنطهم وعملوا مغادره من الفندق وراحوا علي سوبر ماركت أشتروا كل حاجه هيحتاجوها وكلموا زيدان عرفهم انه مستنيهم علي المارينا
داليدا...مش كنا سبنا غرفه واحده في الفندق وسبنا فيها الشنط وخدنا اللي هنحتاجه بس
حاتم....احنا تقريبا مش جايبين حجات كتير فا ملوش لازمه نسبها
داليدا....ايوه بس انا تعبت ومش قادره أمشي
ياسر...احنا قربنا خلاص
وصلوا بعد مده بسيطه للمارينا وكان في أستقبالهم زيدان وتوفيق اللي قربوا عليهم بمجرد ما شافوهم ملخومين في الشنط
زيدان...بونچورنو
الكل رد عليه بأبتسامه صباح النور إلا داليدا كالعاده أكتفت بأبتسامه واتأكد زيدان انها مش بتتكلم🙈
زيدان...اعرفكم طاهر او تيتو صاحبي وشريكي
طاهر...بونچورنو
سلموا عليه ورحبوا بيه توفيق كان مرح ويجبرك انك تبتسم بمجرد ما تشوف أبتسامته
طاهر....محتاجين اي مساعده انا شايفكم ملخومين
دوللي....انت جيتلي من السما وحطت في ايده الشنط كلها رفع طاهر حواجبه بصدمه
طاهر.... أيه الافتري ده تصدقي انا غلطت لما جيت
ضحكت دوللي انا شبلت كتير واحنا هنأعد مع بعض كام يوم فا لازم نكون متعاونين كده مع بعض هااا🤨🤨
ضحك طاهر....تمام يا افندم
حاتم....معلش دوللي تحسها كيوت بس هي شريره شويه
طاهر....مانا شيلت اهو من سكات😂😂
ضحكوا ملهم وبدون مقدمات مد ايده زيدان خد من داليدا الشنط
اتصدمت داليدا من طريقته ومن غير ما يعرض مساعدته 
زيدان...يلا بينا
الجميع....يلا
مشيوا كلهم وكانت داليدا قريبه من زيدان..
داليدا....شكرا
زيدان..بصلها بصدمه 😳
انتي قولتي حاجه
ابتسمت داليدا ابتسامه بسيطه قولت شكرا
زيدان...😳 هو انتي بتتكلمي زينا
بصتله داليدا بأستغراب
زيدان....اصل من وقت ما شوفتكم امبارح وانتي مش بتتكلمي  اتعرفت عليكم وهما اللي قالوا أسمك حتي الوقت قولت صباح الخير الكل رد معادا انتي بصراحه أفتكرت مبتتكلميش
أبتسمت داليدا أبتسامه جميله...لا بتكلم
أبتسم زيدان وهو باصصلها
صوتك حلو متبقيش تسكتي بعد كده بقي
أبتسمت داليدا بأحراج وكملوا مشي للمارينا
وبعد وقت بسيط طلعوا كلهم عاليخت
ساعدهم طاهر وعرفهم زيدان علي اليخت ومكان كل حاجه.
زيدان....نورا اليخت وخلال الخمس ايام تقدروا تعتبروه بتاعكم يلا بقي نبدأ رحلتنا
طاهر....مش نعرف الاول هما حابين يورحوا جزيره معينه ولا اي جزيره حلوه
زيدان...اه صح انا نسيت أسالكم امبارح خالص
ياسر...دوللي بتقول ان في جزيره حابه نروحها
بصلها زيدان وطاهر بأبتسامه
زيدان....جزيره أيه
دوللي...بلعت ريقها وابتسمت ابتسامه توتر واخيرا نطقت
دوللي...جزير...........🙄
بعد نطقها لأسم الجزيره
بص زيدان وطاهر لبعض بصدمه😳
وفجأه😂😂😂🙈🙈🙈🙈🙈🙈🙈ليكم وحشه والله