رحله إلي الجحيم

البارت الرابع عشر

البارت الرابع عشر...
دخلوا مع بعض القبو وقفلوا عليهم... المنظر كان مرعب لأي حد يشوفه ساحه كبيره من العظام البشريه تراب الموتي محاوطهم من كل مكان مشهد مرعب تشيب له الرؤوس...
ولكن....اللي عدوا بيه خلاهم عندهم لا مبالاه مستسلمين وكأنهم عارفين ان دي نهايتهم...
رحله كان القصد من الراحه و الأستجمام و الأسترخاء و الأستمتاع...أنقلبت رأسآ علي عقب وتحولت الرحله الورديه الي جحيم أسود ..😢💔
أعدوا كلهم جمب بعض دموعهم علي خدهم نور ساكته مش بتتكلم حتي دموعها واقفه تايهه ومش حاسه بأي حاجه نامت علي رجل داليدا وهي ضامه رجلها وعينها علي الهياكل العظميه وكأنها تماثيل او صور الخوف راح وفضل مكانها الاستسلام 🥺
داليدا....نور متسكتيش كده عيطي صوتي اعملي اي حاجه بس متفضليش كده عشان خاطري
دوللي....بدموع نور انا اسفه عارفه ان مينفعش اتأسف وأسفي ليكي مش هيغير حاجه مش هقولك اني مكنتش أقصد ولا هقولك ان مكنتش اتخبل ان كل ده يحصل مش هدافع عن نفسي بس عشان خاطري متسكتيش صوتي أصرخي قومي أضربي فيا اعملب اي حاجه ومش همنعك بس بلاش تسكتي كده
نور...😞😞😞😞😞😞
ياسر.....نور هنرجع لبنتك يا نور هنتصرف لازم نتصرف وهنمشي من هنا وهناخد معانا حاتم مش هسيبه يا نور حتي لو أيه حصلي مش هسيبه
ناديين....اااااه مش قادره يا ياسر..
ياسر....ارتاحي يا نادين الوقت المسكن يعملك اي حاجه
نادين...بوش شاحب من كميه الدم اللي نزفتها ..انا حاسه أني هموت يا ياسر
ياسر...متقوليش كده هتبقي كويسه وهنطلع من هنا وهنروح المستشفي وهتبقي كويسه بس ارجوكي أجمدي  متسبنيش لوحدي يا نادين.
حاله من الحزن سيطرت علي الجميع الكل ساكت مفيش كلام يعبر عن اللي جواهم ولا في كلام ينفع في الوقت ده...
رجع زيدان ضهره لورا بوجع اتألم بصوت مسموع
تيتو...مالك يا زيدان.
زيدان...أبدا مفيش
تيتو...انت تعبان
زيدان....لا انا كويس
حست داليدا بسائل في الارض قرب من البنطلون اللي هي لبساه سائل بارد بحكم الجو اللي هما فيه
داليدا...بخوف في ميه تحت هدومي🥺
دوللي...ميه ايه
داليدا...معرفش في ميه جريت عالبنطلون بتاعي
دوللي....طيب شوفي ايه
داليدا...لا انا خايفه
تيتو...متخافيش ارفعي نفسك شوفي براحه
رفعت داليدا نور بهدوء وقامت براحه وبصوا كلهم بالكشافات
تيتو....ده دم😳😳
صرخت داليدا وبعدت
زيدان...كان ساند ضهره وساكت وحاسس انه بيموت من الالم مش قادر حتي يعرف داليدا بتتكلم عن ايه
دوللي...دم ده دم جاي من ناحيه زيدان
تيتو....قرب من زيدان وبعد ضهره بهدوء عن الحيطه وهو ماسك الكشاف اتصدم لما شاف ضهر زيدان غرقان دم..
تيتو...😳😳😳زيدان انت متصاب رفع براحه التيشرت وكانت المفجأه لما شاف اصابت زيدان بالسهم وزيدان مستسلم لتحريك جسمه من تيتو
صرخوا البنات
داليدا....زيدان اوعي تموت والنبي اوعي يا زيدان عشان خاطري ليه مقولتش ليه معرفتناش انك اتصابت
تيتو...بدموع. لا ياصاحبي اوعي تعملها اوعي تكسرني انا مليش غيرك ليه يا زيدان
أبتسم...زيدان بشحوب انا كويس متخافش صاحبك جدع بص لداليدا...متعيطيش انا كويس صدقيني
انهارت داليدا من العياط.
ياسر....لازم نربط الجرح بسرعه زيدان بينزف جامد
قلع تيتو السويت شيرت اللي كان لابسه وقطعه بالطول ولفه هو وياسر عليه ربطوا الجرح جامد
صرخ زيدان من الوجع
تيتو...معلش اتحمل يا زيدان
ياسر....مش هينفع كده زيدان ونادين بينزفوا لازم نتصرف لازم نعمل حاجه هيروحوا مننااااا لازم نروح لليخت ويحصل اللي يحصل حتي لو هنموت كلنا مع بعض بس مش هنفضل كده نتفرج عليهم
تيتو...انت عندك حق
زيدان....طيب نستني شويه يكون الجو هدي بره وبعدها نخرج
نادين....انا عطشانه اوي
ياسر....حد معاه ميه
كلهم هزوا راسهم بالنفي😞
ياسر....انا لازم اروح الاوضه أجيب ميه واجيب اكل زيدان ونادين لازم ياكلوا وكان في عصير لازم يعوضوا الدم اللي نزل منهم ده
تيتو...هتخرج ازاي فالحرب اللي بره دي مش هينفع
ياسر...بحزن مفيش بديل يا صاحبي لو معملتش كده هيروحوا مننا ومعنديش أستعداد اخسر حد فيهم
تيتو....ياسر لو جرالك حاجه كلنا هنموت زيدان زي ما انت شايف متصاب ومش قادر ونادين محتاجه مساعده ونور زي ما انت شايف وانا لوحدي مش هقدر احميهم يا ياسر..
نطقت دوللي...بقوه وهي بتمسح دموعها انا هروح
اعترض تيتو وياسر وداليدا في نفس الوقت..
تيتو...تروحي فين انتي مجنونه
ياسر...لا طبعا مش هينفع
داليدا....كفايه جنان بقي اسكتي شويه انتي عايزه تعملي فيا ايه أكتر من اللي احنا فيه😢😢😢💔
دوللي...داليدا أسمعيني تيتو عنده حق لو ياسر راح وجراله حاجه هو هيبقي لوحده زيدان محتاج حد يسنده ونادين محتاجه حد يشيلها ونور مش معانا اصلا الصدمه مأثره عليها ومستسلمه يعني سهل تتأذي بسهوله وانا وانتي لا هنقدر نشيل نادين ولا نتحكم في نور احنا محتاجين ياسر متخافيش يا داليدا انا هروح بسرعه واجي علي طول أنتي عارفه اني انا سريعه وبجري كتير وانا أسرع حد فيكم يعني هقدر
داليدا...خلاص هروح بدالك
دوللي...طب انتي مصدقه نفسك مش هتقدري يا داليدا وهتتصابي وفالاخر برده هخرج انا بس بعد ما اكون خسرتك..
سكتت داليدا وهي بتعيط عارفه ان دوللي معاها حق هي بتخاف جدا ومش هاقدر تنفذ المهمه دي
تيتو....انا مش موافق عالجنان ده
ياسر...ولا انا
زيدان....دوللي هتقدر هي صح دوللي أكتر حد فيكم هيقدر يعمل كده
بصتله داليدا بحزن..
زيدان...متخافيش دوللي قويه هترجع بسرعه انا عارف..
تيتو...انت بتقول مش هينفع
دوللي...تيتو ياسر عشان خاطري بلاش نضيع وقت احنا محتاجين زيدان ونادين كل تأخير غلط علي حياتهم واكيد انت ا مش حابين يجرالهم حاجه
تيتو...وايه ضمنا انك ميجرالكيش حاجه
دوللي...بدموع حتي لو ده حصل عالاقل هموت وانا مش حاسه بالذنب هموت وانا بحاول اصلح غلطتي سيبني يا تيتو احس اني قدرت انقذهم نادين لازم تاكل اي حاجه ونور كمان مينفعش تفضل كده وزيدان نزف كتير ومحتاج عصير والاهم من كل ده ان شنطه الاسعافات بعد ما خدت نادين المسكن سبناها هناك ولازم الجرح بتاع زيدان يتعقم ونغير عليه عشان ميحصلوش تلوث..
ياسر....مش هتقدري تجيبي كل ده لوحدك وبسرعه
دوللي...هقدر صدقني هقدر
أستسلم الكل لرغبه دوللي هي بتتكلم صح ومفيش بديل...خدت دوللي نفس طويل ومسكت كشاف في ايدها..
تيتو....دوللي خلي المسدس ده معاكي وانا هقف علي اول السلم اراقب المكان بره وهفضل عيني عليكي لحد ما تدخلي الاوضه
دوللي....خلي المسدس معاك ابتسمت الاشباح ما بتموتش بمسدس يا تيتو والاهم ان دي الحاجه الوحيده اللي متعلمتهاش بصتلهم...هرجع علي طول يانادين متقلقش يا زيدان...وطت باست نور بدموع....هطمن علي حاتم وهطمنه عليكي
نزلت دمعه من نور تجري علي وشها..
قامت دوللي...حضنت داليدا...هرجع علي طول بس لو مرجعتش قولي لمامي اني كنت بحبها اوي وقوليلها تدعيلي كتير حضنتها ظاليدا بقوه..
دوللي... فضت شنطتها من الكاميرا واللاب وكل حاجه تخصها ولبستها علي ضهرها عشان تحط فيها الحاجه  وبصت عليهم قبل ما تطلع
لا إله إلا الله..
طلعت بسرعه عالسلم طلعت راسها براحه تشوف المكان بترقب ولما حست ان مفيش قلق طلعت بسرعه وجريت علي الحيطه
وقف تيتو..علي اول السلم مخرج راسه براحه يراقب الجو بصتله دوللي وهي بتعمله إشاره بايدها انها تمام👍...
مشيت براحه جمب الحيطه وهي محني ضهرها بترقب وقفت جمب الباب تاخد نفسها بسرعه وتحاول تهدي
هز تيتو راسه عشان يطمنها
خدت دوللي نفس طويل وخرجته بهدوء ودخلت براحه علي الاوضه مكانتش محتاجه الكشاف الاوضه كانت منوره من الدفايه
بصت بترقب علي مكان حاتم...نزلت دموعها لما شافته نايم ووشه شاحب مسحت دموعها واتحركت بسرعه  قلعت شنطتها و مسكت اول حاجه شنطه الاسعافات وراحت بسرعه علي مكان الاكل فضلت تحط كل اللي تمسكه في الشنطه كانت بتحط بطريقه هستيريه ايدها وجسمه كله بيترعش تحط وتبص علي حاتم والاوضه جواها خوف رهيب لكن خلاص مفيش وجود للخوف في الموقف اللي هي فيه لازم تكون قويه وتنجز مهمتها بأسرع وقت
دوللي...لنفسها...اهدي يا دوللي انتي قويه اعتبري نفسك في لعبه ابوه انتي في لعبه وهتقدري تخلصي مهمتك بسرعه وبنجاح...
حطت الميه والاكل والعصير.ملت الشنطه بحجات يادوب تكفي. يوم واحد بس وبعد كده خلاص كل الموؤن اللي معاهم خلصت....قفلت الشنطه ولبستها علي ضهرها ومسكت شنطت الاسعافات في ايدها بسرعه والايد التانيه فيها الكشاف...رهبتها بوجود شخص ميت في نفس الاوضه كانت قويه كانت حاسه ان جسمها بيتلج ورعشه جسمها بتزيد حاولت تنظم نفسها وتمشي بهدوء وهي عينها علي حاتم.
وكل ده وهي موطيه مكانش في اي سهام بتضرب لكن كانت خايفه ترفع ضهرها تتصاب...فالوقت ده كان تيتو قلقان جدا وبالرغم من انها خدت حوالي خمس دقايق لكن حس انهم كتير.
تيتو....لا كده كتير انا هروح اشوفها
ياسر....استني يا تيتو هي مش بقالها كتير
دتليدا...يارب نجيها يارب
فاللخظه دي خرجت دوللي بهدوء سندت ضهرها عالحيطه
تيتو....خلاص شوفتها طلعت
دوللي....أبتسمت👍
تيتو...بصوت واطي يلا بسرعه
خدت دوللي نفس طويييييل واخيرا أستجمعت قواها وجريت بأقصي سرعه علي باب القبو
خد منها تيتو شنطه الاسعافات بسرعه وشنطت ضهرها نزلت بسرعه وقفل تيتو الباب
بمجرد ما دوللي شافت داليدها خدتها في حضنها
ياسر...براڤو عليكي يا دوللي
تيتو....انتي كويسه
هز دوللي راسها بأبتسامه مش قادره تتنفس من ضغط الموقف
تيتو...اعدي طيب ارتاحي خدي نفسك
دوللي....الشنطه فيها الامل والعصير والميه فين شنطه الاسعافات
تيتو...اهي وراكي
نادين....ياسر عايزه مسكن
ياسر...مش هينفع انتي واخده اتنين ومش واكله كده غلط
نادين...الوجع مش قادره أتحمله عشان خاطري يا ياسر اديني واحده كمان
ياسر....طيب خدي دي وكلي يلا
داليدا....اشرب العصير ده يا زيدان وخد المسكن ده قوي هيسكنلك الالم شويه
أبتسم زيدان بضعف لداليدا وشرب منها العصير
تيتو..وكل الساندوتش ده كمان لازم تعوض الدم ده وبعد ما تخلص هغيرلك براحه عالجرح
دوللي....نور عشان خاطري طيب العصير بس
هزت نور راسها ومرضيتش تاكل.
داليدا...سيبيها يا دوللي انا هأكل زيدان وبعدين هأكلها حتي لو بالعافيه
نادين...بألم...انتوا كمان لازم تاكلوا يادليدا انتوا مكالتوش حاجه
داليدا....كلوا انتوا بس انتوا اهم ..
بعد وقت بسيط داليدا اكلت نور بالعافيه وتيتو غير لزيدان عالجرح اتألم كتير وهو بيطهر الجرح فضل ياسر ماسكه لحد ما خلص تيتو
تيتو...هتبقي احسن الوقت معلش حقك عليا.
وفجأه سمعوا عياط دوللي بصوا عليها لقوها مطلعه الكاميرا بتسجل ڤديو...
حطت دوللي الكاميرا ثبتتها علي حامل صغير..ودموعها نازله...
دوللي....انا دوللي عندي و21 سنه بحب المغامره وبحي اكتشف اي مكان جديد وغريب...جيت مع اختي واصحابها رحله لأيطاليا جينا من حوالي 23 يوم المفروض كنا اعدنا هنا اسبوعين بس وصلنا روما واعدنا فيها كام يوم وبعدين روحنا علي ميلانو اعدنا نفس المده واخر مكان كنا هنزوره كانت ڤينسيا..فعلا جينا بس انا اقترحت عليهم نروح جزيره كلهم وافقوا أقترحت عليهم نروح جزيره بوفيلچيا وفالحقيقه كنت عارفه حقيقه الجزيره دي هما مكانوش يعرفوا جينا وعدي اول يوم طبيعي فالاول انا قولت اللي بيتحكي عن الجزيره دي تخاريف وأساطير وأعتبرنا انها رحله عاديه رحله أستجمام وبعد عن دوشه المدينه اللي متعودين عليها....بس مكنتش اعرف ان رحلتنا هتتحول رحله إلي الجحيم....
من تاني يوم الجزيره بدأت تكشف عن الجحيم اللي مخبياه ...مش عارفين نرجع ولا عارفين نوصل لحد مات واحد مننا حاتم كان اخويا بجد....واتصاب زيدان صاحب اليخت ونادين كانت حامل وأجهضت وهي وزيدان بينزفوا مش عارفين الساعات الجايه هيحصل ايه ولا هنكون فين مش عارفه هنكون عايشيين ولا ميتين...ويمكن انا كمان بعد شويه مبقاش موجوده...انا سجلت الڤديو ده عشان لو موت وحد قدر يوصلنا يقدر يلاقي الكاميرا ويوصلها لاهلنا....مامي لو الڤديو ده وصلك اعرفي اني كنت بحبك اوي وكنت محتاجه حضنك اوي...انا اسفه مكنتش اقصد اعمل كده في نفسي ولا في داليدا اختي ولا في صحابنا....جناني وشغفي بالمغامره خلوني معملش لاي حاجه حساب خلوني احس اني اقدر علي اي حاجه....بس الحقيقه ان مش كل حاجه قلب جامد ولا كل حاجه ينفع ادخل جواها وانا معرفش ايه اللي ممكن يحصل لو جازفت....للأسف انا عملت اكبر واخطر مغامره في حياتي ...لما جازفت بارواح ملهاش ذنب...سامحيني.
وقفت دوللي الفيديو كان البنات كلهم دموعهم نازله حتي نور ...اما الشباب فكانوا متأثرين وحسوا ان النهايه بتقرب
دوللي....لو حد حابب يقول اي كلمه لاي حد يسجل الفديو..ده عشان عالاقل لو حد لقانا يعرف احنا مين وبنعمل ايه...ويقدر يوصل لاهلنا .
خد ياسر الكاميرا منها...
عرف عن نفسه وعن مكان سكنه في مصر ..
ياسر...بحزن...اسف يا امي مكنتش حابب اوجعك بس يمكن الفديو ده يكون ذكري ليكي تفضلي محتفظه بيها ولو وحشتك تفتحي الفديو وتشوفيني ...لو الڤديو ده وصلك تعرفي اني مبقتش موجود وادعيلي يا امي نادين معايا هي بس تعبانه لانها اجهضت وجاب الصوره علي نادين وهي نايمه..
هعمل كل حاجه عشان نطلع من هنا وانقذ نادين بس لو معرفتش يبقي غصب عني يا امي وغصب عني يا طنط...اكيد هحاول احافظلك علي نادين لاخر لحظه بس لو محضلش اعرفي اني قدمت كل حاجه وفشلت..وقف ياسر الفيديو ومسح دمعه نزلت منه...وادي الڤديو لداليدا..
داليدا....وحشتيني يا مامي محتجالك اوي...وخايفه اوي الجزيره غريبه مش فاهمين حاجه ولا عارفين ايه اللي بيحصل...وكملت بدموع حاتم مات يا مامي..كل حاجه فالجزيره بتقول ان اللي بيحصل تهيؤات وان الارواح اللي موجوده بتحاول توضحلنا اللي حصل فيهم يمكن ده كان مطمني شويه انهم بس بيعرفونا اللي حصل فيهم ومش هيأذونا .
بس حاتم مات واحنا هنموت...كلهم قالوا تهيؤات بس كلام الراجل اللي شوفته يامامي في مصر بيقول غير كده...كان فالحسين يا مامي راجل غريب مجذوب بيقول كلام اغرب وقال ان محدش هيخرج من العالم ده وانه كله هيموت....انا مش خايفه من الموت يا مامي بس خايفه اموت بعيد عن حضنك بتمني تكوني حاسه بينا وبتدعيلنا الوقت...بس لو الڤديو ده وصلك تعرفي اننا مبقيناش موجودين ...محتجالك يا مامي.انهارت داليدا في حضن دوللي.
خد تيتو الكاميرا...
ازيك يا امي ....من يوم ما جيت هنا وعارف انك مش موافقه ولا راضيه عن سفري...ويمكن ده عقاب ربنا عشان مشيت وانتي مش راضيه...نفسك اشوف الوقت وابوس ايدك واقولك سامحيني كنت قاصد من البدايه اكل العيش بس زي ما بيقولو قلب الام بيحس...بس لو ليا عمر يا لمي اوعدك مش هأعد فالبلد دي ثانيه بعيد عنك وهرجعلك وافضل في حضنك مش هبعد تاني ابدا...لو مت يا امي سامحيني ومتبطليش تدعيلي...
قفل تيتو...الڤديو..
قامت نور....وخدت منه الكاميرا ودي كانت اول مره تتكلم من وقت صدمتها...
نور....وحشتيني يا توتي وحشتيني يا قلب مامي سامحيني يا تولين سامحيني اني بعدت عنك انا وبابي مكنش قصدنا والله بس انتي عارفه اني مكنتش عايزه اسافر من غيرك...ولا حتي كنت عايزه اسيبك لو رجع بيا الزمن لا يمكن كنت اسافر...يمكن تكوني محتاجني بس الاكيد انا اللي محتجاكي اوي وحشتيني بابي كمان يا توتي انتي وحشتيه اوي...وهو قالي اقولك انه كان بيحبك اوي....يمكن بابي مبقاش موجود معانا بس هو راح مكان جميل اوي يا توتي....لو انا مرجعتش اكيد هروح معاه المكان ده....وهنفضل مستنينك لحد ما ربنا يجيبك عندنا...لو ليا أمنيه واحده بس فالدنيا ...هي اني اشوفك واخدك في حضني وبعدها مش مهم اي حاجه تحصل...لو الفديو ده وصلك يا تولين...لما تكبري وتعرفي وتفهمي اللي حصلنا..اوعي تبطلي تدعيلنا عشان احنا هنكون محتاجين دعوتك اوي يا تولين...بحبك يا قلب يا مامي...
فضلت نور تعيط في حضن داليدا ودوللي..وفضل ياسر يطبطب عليهم..
تيتو....زيدان عايز تقول حاجه لو قادر اتكلم
زيدان....عايز اكلم امي وابويا عايزهم يشوفوا شكلي اللي اتحرموا منه..
بصله تيتو بحزن وقرب منه الفديو...هديوا البنات شويه ورجعوا مكانهم...
فتح زيدان الكاميرا شويه..فضل ساكت...
وبعدها عرف علي نفسه بالايطالي وقال سبب وجودهم هنا وبعدها سكت وكمل بالعربي...
اتمني من قلبي لو الفديو ده وصل لايد اي حد وعرف يخرج من الجزيره دي..يوصل الفديو ده لامي ويعتبر ان دي وصيه ميت  مشافش امه وابوه من 18 سنه...🥺 ولازم توصلوها انا قولت كل تفاصيل تخصني اسمي واسم عيلتي ومكاني في مصر.....وصلوا الرساله دي لامي أرجوكم وقوللها زين باعتلك رساله.. واسمحولي أكلمها بلغتنا اللي هتفهمها وتوصل لقلبها🥺💔..
زيدان....بحزن ودموع بتلمع في عينه...كيفك ياما أتوحشتك جوي..اتوحشتك ياروح...عارف انك كنت هتتچنني وتشوفي شكلي...زي ما كنت هتچنن واسمع صوتك اللي غاب عني من 18 سنه كنت اتمني تشوفيني في وجت غير ده...بس خلاص ياروح الموت واجف بينك وبين أبنك خطوه واحده...طول عمري هربان من الموت ياروح بس يظهر أكده ان الموت بيچري ورا أبنك وبيسافر وراه بلاد...وكمل بضحك...أبنك زي ماكان مطلوب للطار بجي مطلوب للأشباح... كمان. متزعليش ياروح وادعيلي انتي وأبوي معايزكمش تبكوا ولا تحزنوا لو ليا عمر ياروح هچيكي وهاخد في حضني بس لو العمر انتهي ملناش يد في اي حاچه خلاص...عارفه ياروح احمد ومحمد راحوا منيكي بس انتي ام شهداء يا روح...وعارف انك جويه أللي تتحمل فراج اتنين من ولادها في يوم واحد هتقدر تتحمل فراج التالت بس اطمني ياروح...هنستناكي هناك فالمكان اللي صعب حد يفرجنا فيه واصل...حضنك وريحتك وحشوني يا اما كل حاچه فيكي وحشتني ..وانت يابا خد بالك من امي عارف انك كيف الچبل هتقدر تجف وتصلب طولك..بس اوعدك لو انا جيتلك بنفسي مش هسيبكم تاني عاد وهجضي اللي باجي من عمري وياكم...ادعولي كتير أشوفكم علي خير يا أغلي الناس...
قفلوا الڤديو وحالت الحزن والصمت مسيطره عالجميع💔🥺🥺🥺
كلهم قربوا من بعض وهما ساندين علي كتف بعض....وراحوا فالنوم....
وفجأه💔🥴🙄