رحله إلي الجحيم

البارت الثاني

البارت الثاني..
نزلت داليدا بعد ما لبست وجهزت نفسها واتجمعوا عالسفره مع بعض عشان يفطروا
فاطمه...محتجاني في حاجه  ياست امينه
داليدا...راحه فين يا داده اعدي افطري معانا
امينه....ما تأعدي يافاطمه تفطري وبعدين ابقي شوفي اللي وراكي
فاطمه...معلش يا داليدا معلش باست امينه هروح اصحي هبه عشان قالتلي اصحيها بدري
دوللي...غريبه هبه وتصحي بدري في جمله واحده
ضربتها داليدا برجلها من تحت التربيزه😒
دوللي...احمممم اقصد يعني هبه ما بتحبش تصحي بدري
فاطمه...بأبتسامه بتقولي عايزه تنزل تشوف شغل بدل ما هي اعده كده معرفش اشمعني الوقت حابه تشتغل
امينه...طيب ما تسبيها يا فاطمه اصلا فكره الشغل دي جايه متأخر اوي المفروض كانت من زمان اشتغلت واعتمدت علي نفسها
داليدا...طيب وهي عايزه تشتغل في مكان معين يا داده
فاطمه ..لا والله يا بنتي بتقول هتدور لسه
داليدا...طيب وتدور ليه ما تشتغل معايا فالشركه هبه خريجه تجاره ودراستها تمشي مع شغلي جدا وفنفس الوقت تبقوا مطمنين عليها
أمينه...صح يا داليدا
فاطمه...بجد والنبي هو ينفع
داليدا...بأبتسامه طبعا ينفع هبه اختي يا داده صحيح انا اكبر منها ب3 سنين بس انتي عارفه ان هي و دوللي اخواتي
فاطمه...ربنا يجبر بخاطرك ويفرح قلبك يا داليدا يا بنت  أمينه ويراضيكي ويرضي عنك ويوقفلك ولاد الحلال
داليدا...بحب انا لو اعرف اني هسمع كل الدعوات الحلوه دي كنت اقترحت موضوع الشغل ده من زمان
فاطمه...ربنا يخليكي ليا ياداليدا يابنتي انا هروح اصحيها وافرحها
داليدا....تمام وقوليلها تجهز نفسها من بكره بأذن الله مكتبها ووظيفتها هيبقوا جاهزين واهو نروح ونيجي مع بعض
فاطمه...بفرحه انا هروح اقولها.
داليدا...ماشي يا داده
مشيت فاطمه بسرعه تفرح بنتها
أمينه....غلبانه اوي فاطمه دي براڤو يا داليدا انك اقترحتي موضوع شغل هبه ده
دوللي....بانزعاج هو ايه اللي براڤو ده
داليدا....مالك يا بت
دوللي ... ايه اللي خلاكي تقوليلها ان هبه تشتغل معاكي
امينه...وفيها ايه يا دوللي
هي عشان بنت فاطمه الداده
دوللي...لا طبعا يا مامي حضرتك عارفه اني بحب داده فاطمه اوي وعم حمدي جوزها وعارفه اني مش بفكر بالطريقه دي
داليدا...امال ايه مشكلتك يا دوللي هانم
دوللي....مشكلتي انا قولتهالك كتير وانتب مش بتصدقي انتي ومامي
امينه...يابنتي البت طيبه وغلبانه انتي اللي ديما شايفه عكس كده
دوللي...مين دي اللي طيبه وغلبانه هبه😏😏
داليدا...انا بصراحه شيفاها زي ما مامي بتقول معرفش انتي ليه علي طول نقرك من نقرها
دوللي...ياداليدا انا لا نقري من نقرها ولا نيله كل الحكايه اني شايفه اللي انتوا مش عارفه ازاي مش عارفين  تشوفوه
امينه...وايه بقي اللي احنا مش شايفينه يا أم العوريف
دوللي...مع انك بتتريقي بس ماشي هقولها تاني هبه غير داده فاطمه وعم حمدي هبه بحسها مش بتحبنا يا مامي
وخصوصا داليدا
داليدا....انا معرفش انتي شايفه كده من انهي اتجاه يا بنتي هبه دي دي متربيه معايا داده فاطمه لما جت أشتغلت هنا كنت انا عندي عشر سنين وهي سبعه وانتي كنتي 3 سنين يعني بقالهم معانا عمر بحاله  هتكرهني ليه طول عمري بعاملها علي انها اختي
امينه....يا بنتي داليدا بتتكلم صح الناس دي بينا وبينهم عشره كبيره والبنت مؤدبه وبتحبنا
دوللي...والله ده رأيي وهفضل شايفه كده حتي لو انتوا مش شايفين ده وبكره تقولوا دوللي قالت وبراحتك يا داليدا تشغليها معاكي او لا دي شركتك وانتي حره فيها فالاول والاخر دي بتاعت بباكي انا بس كل الحكايه اني خايفه عليكي
داليدا...ايه العبط اللي انتي بتقوليه ده شركتي ايه وبتاعت ببايا ايه دوللي انتي اختي يعني اللي يخصني يخصك هو انا من امته أتعاملت معاكي بحاجتي وحاجتك ولا ابويا وابوكي انا وانتي فالاول والاخر اخوات ولاد الست دي حتي لو انا وانتي مش ولاد اب واحد فاحنا غصب عنك اخوات
دوللي....عارفه يا داليدا كويس اوي كل الحكايه اني خايفه عليكي مش أكتر عموما شغليها يا ستي بس عالاقل اسمعي كلامي ومتديش الامان اوي انتي طيبه اوي يادليدا زي مامي بالظبط ديما حسن النيه عندكم في كل حاجه
امينه...هو انك تحسني الظن دي حاجه غلط يا دوللي
دوللي...لا طبعا يا مامي انا مقولتش كده بس كمان مينفعش الثقه تكون عاميه
في مثل بيقول حرص ولا تخون مش كده واللي اعرفه ان داليدا ماشيه توزع طيبه علي اي حد سواء تعرفه او متعرفهوش
امينه...ماشي يا ست دوللي منك نستفيد
داليدا....متقلقيش عليا يا حبيبتي وحاضر هخلي بالي وهحرص.. عشنا وشوفتا باخد نصايح من اختي الصغيره🤨🤨🤔
دوللي....اهو بكره تقولي اختي الصغيره دي كان عندها حق
داليدا...ماشي يا اختي يلا انا هقوم بقي عشان متأخرش عالشركه
دوللي...وانا هقوم برده عندي محاضره كمان ساعه
داليدا...طيب يلا
امينه...سوقوا براحه وخلوا بالكم من نفسكم يا حبايبي
داليدا....ماشي ياست الكل باستها داليدا و دوللي وخرجوا كل واحده علي عربيتها
فضلت امينه اعده شارده وبتفتكر والد داليدا..
فلاش باك....بقلم أميره أسامه🖋️
داليدا...بدموع يعني انا مش هشوف بابي تاني يا مامي😢
امينه...بدموع ابتسمت بابي راح عند ربنا يا داليدا واللي بيروح مش بيرجع بيفضل مستنينا هناك فالجنه لحد ما احنا نروحله
داليدا....طيب ليه منروحش سوا يا مامي بدل ما بابي يفضل هناك لوحده🥺
امينه....عشان يا حبيبتي ربنا كاتب لكل واحد فينا يوم معين هيروحله فيه احنا لسه معادنا مجاش
داليدا...طيب ليه مروحتش انا قبل بابي
حضنتها امينه...ربنا يخليكي ليا يا داليدا انتي لسه ليكي عمر يا حبيبتي هتكبري وتخلصي دراستك وتبقي احلي عروسه
داليدا...هو اللي بيموت الكبار بس يا مامي
امينه...اكيد لا طبعا يا داليدا في اطفال بتموت بس اكيد ربنا مخليكي ليا عشان مبقاش لوحدي شوفتي انا وانتي زعلانين ازاي علي فراق بابي طيب تخيلي بقي انتي كمان روحتي وانا فضلت لوحدي اكيد هزعل اكتر صح
داليدا....صح..طيب هو بابي الوقت راح الجنه
امينه....ان شاء الله بابي كان طيب وبيحب الناس وعمره ما أذي اي حد كان بيساعد اي حد محتاج مساعدته كان بيصلي كل فروض ربنا يعني كان راجل كويس جدا واكيد ربنا هيدخله الجنه
داليدا...يعني هو الوقت مستنينا فالجنه
امينه...اكيد يا حبيبتي اكيد بيجهزلنا هناك البيت الجميل عشان لما نروحله نعيش معاه فيه بس طبعا عشان ربنا يخلينا نعيش معاه فالبيت ده ونروح الجنه لازم نعمل كل حاجه كويسه بابي كان بيعملها نصلي ونصوم و نساعد الناس واي حد محتجنا في اي حاجه نقف معاه منزعلش اي حد مننا
داليدا...ماشي يا مامي انا هعمل كل ده عشان لما اروح لبابي ادخل الجنه
امينه...برافو عليكي يا حبيبتي...
بعد مرور سنتين فضل اهل امينه واصحابها طول الوقت ده بينصحوها تتجوز عشان داليدا يبقالها اب وتجبلها اخوات عشان متبقاش لوحدها بعد محاولات فشلت كتير أستسلمت اخيرا امينه واتجوزت والد دوللي كانت داليدا وقتها عندها ست سنين اتجوزت امينه في نفس بيت جوزها والد داليدا عشان بنتها تكون براحتها وفي بيتها فالاول كان جوزها التاني مراد كان باين كويس وبيعامل داليدا حلو وبيعامل امينه بحب حملت امينه في دوللي عاشو مع بعض 10 سنين كانت داليدا دوللي كبروا وطول الوقت ده كان مراد أتغير في معاملته واسلوبه وابتدا يهمل فيهم كلهم ومش هامه غير نفسه وبس وابتدا يجري ورا نزواته ويخونها لحد ما اخر مره شافته بعينها فقررت انها تسيبه وتطلق منه وتعيش لبناتها وكأنه ما صدق سابهم وبعدها ب 6 شهور سافر علي امريكا واتجوز وفضل عايش هناك وميعرفش اي حاجه عن دوللي ولا بيسأل عليها ودوللب بطلت تسأل عليه واعتبرت نفسها يتيمه الاب زي داليدا...
باااااك.
فاقت امينه من شرودها
يارب احفظ بناتي وخليهملي وعوضهم بزوج صالح يعوضهم عن غياب الاب🥺
........بقلم أميره أسامه🖋️
فاطمه....يابنتي هي اللي عرضت عليا انا مقولتش غير انك راحه تدوري علي شغل وبس
هبه....وهي طبعا ما صدقت عشان تشغلني عندها وتزلني صح ماهي صاحبه الشركه
حمدي...يابت انتي بتفكري ازاي داليدا عمرها ماعملتك غير بكل خير وادب
امينه...هتفضلي لحد امته براويه كده يا بنتي البنت بتحبك اوي دي لسه جيبالك لبس وزي ما بتجيب ليها او لاختها بتجبلك ايه اللي غيرك كده طول عمرك كنتي كويسه معاها ليه بتكرهيها كده
هبه...انا لا بكرها ولا بحبها بس انتوا اللي ديما مش شايفين غير ست داليدا كل حاجه داليدا داليدا داليدا خلاص هي ملاك وانا شيطان
حمدي...يابنتي مين قال كده انتي بنتنا ياحبيتي بس البو كمان يتيمه وبتحبنا وعمرها ما تكبرت علينا هي ولا اهلها بيعتبرونا اهلهم
هبه...يعني انتوا عايزين ايه الوقت
فاطمه...مش عايزين حاجه انتي حابه تشتغلي معاها روحي بكره مش حابه قوليلها وهي مش هتزعل منك
حمدي...فكري يا بنتي قبل ما ترفضي شغلك مع داليدا انتي اللي مستفاده منه هتبقي في مكان كويس محدش هيضايقك وهي هتعاملك احسن معامله وكأنك شغتله معاها من زمان مش زي ما هتروحي تشتغلي في اي مكان تلاقي صاحبه وحش ولا عينه زايغه ولا حتي يشغلك في اي مكان وتبقي زيك زي اي موظف فكري يابنتي وانتي حره في قرارك. يلا يافاطمة تعالي نشوف اللي ورانا وسبيها تفكر براحتها
فاطمه....يلا
..............
في الجامعه
وصلت دوللي ركنت عرببتها ودخلت عالجامعه صحابها كانوا واقفين فالكاڤيتريا مستنينها
شاورلتهم دنيا من بعيد وقربت عليهم
كريم....المجنونه اهي
اروي....اللي هتموتنا قريب اهي
دوللي بضحك...علي اساس يا اختي انتي وهو مش بمزاجكم صباح الفل
زمايلها ...صباح النور
سلمي...جايه فايقه ونايمه واحنا مدوقناش النوم
اروي...انا هموت وانام
دوللي ..ومنمتوش ليه ان شاء الله
احمد...بزمتك اللي حصلنا امبارح ده ينيم حد انا طول الليل احلم ان الزومبي بيجروا ورايا
سامر...والله العظيم وانا مرتين اقوم واقلق
اروي...عالاقل انتوا نمتوا انا طول الليل ماسكه في دراع اختي وهي مش طيقاني عشان نابمه في سريرها
دوللي...بضحك ليه كل ده أشحال ان مكنتوش عارفين ان دول ناس زينا زيهم ولابسين وعاملين مكياچ رعب شويه
هشام...يا مفتريه 😭ده رعب شويه
سلمي...اما كل ما افتكر لما اروي خبطت الحديده اللي فالارض دي والزومبي جريوا ورانا والله اموت
اروي....بعيدا عن ان دي لعبه بس بجد كل حاجه حصلت فيها كأنها فيلم رعب بنعيشه بجد
كريم...بس بصراحه كانت تجربه حلوه وخصوصا اخر تجربه دي لما اتحبسنا كل واحد في اوضه
اروي...بزمتك لما اتحبسنا كل واحد في اوضه دي تجربه حلوه انا لو مكنش الباب اتفتح وهرجنا والله كنت موت بالسكته القلبيه
دوللي...بضحك طب بقول ايه يلا بسرعه خمس دقايق والمحاضره هتبتدي
سلمي...ايوه يلا بسرعه
طلعوا الشباب بسرعه مع بعض علي محاضرتهم❣️
.......بقلم أميره أسامه🖋️
اما عند داليدا...
وصلت داليدا الشركه دخلت أبتدت تبتسم بحب للموظفين وهما يرحبوا بيها
طلعت علي مكتبها سابت شنطتها عالمكتب وراحت عالكرسي بتاعها اعدت واتصلت بالسكرتيره بتاعتها
داليدا....دينا نور ونادين جم ولا لسه
دينا...ايوه حضرتك جم من ربع ساعه ومستر ياسر ومستر حاتم كمان وصلوا
داليدا...تمام لو سألوا عليا عرفيهم اني وصلت المكتب وياريت تبعتيلي القهوه بتاعتي
دينا...تمام يا أفندم
.....قفلت داليدا ورجعت راسها لورا بأرهاق
وهي بتفتكر....
فلاش باااك....
دخلت داليدا مع نادر في الجناح اللي كان حاجزه نادر فالفندق.
نادر....نورتي دنيتي يا داليدا❣️
داليدا...بكسوف شكرا
نادر....انا مش مصدقت يا عمري اننا بقينا في مكان واحد ولا مصدق ان اسمك اتكتب علي اسمي
داليدا....بجد مبسوط
نادر...يااااه يا دليدا مبسوط بس انتي حلم يا دليدا تعبت اوي عشان احققه كل ثانيه كنتي فيها بعيد عني كنت بموت بالرغم ان عارف انك بتحبيني زي ما بحبك بس مكنتش قادر علي بعدك كنت خايف يجرالي حاجه قبل ما اكون معاكي وفي حضنك يمكن اكون اتحرمت من حجات كتير اوي يا داليدا ويمكن انأثرت بحرماني من الحجات دي بس لو كنت اتحرمت منك كنت ضعت من غيرك انتي مش بس حبيبتي  انتي بنتي اللي مخلفتهاش وامي واختي وصحبتي انتي اهلي يا داليدا نزلت دمعه من عينه🥺
قربت داليدا ايدها بدموع مسحت دموعه.🥺🥺 طيب ليه الدموع دي بقي مش احنا خلاص مع بعض
مسك نادر ايدها باسها دي دموع فرح يا داليدا انا في سنتين يا داليدا راح مني امي واخواتي البنات الاتنين وابويا كانوا أسوأ سنتين عدوا عليا اختي ماتت في حادثه وبعدها امي جالها جلطه و ماتت من حسرتها عليها و بعدها اختي التانيه جالها كانسر ومستحملتش اربع شهور كانت اتدمرت وماتت وبعدهم ابويا فضل مكتئب شهور مش بيخرج من البيت وفي اخر ايام ليه منع الاكل والكلام ومات هو كمان من زعله عليهم طول السنتين دول الموت كان محاوطنا وجودك معايا يا داليدا فرق كتير اوي انتي اللي هرجتيني من الحزن اللي كنت فيه لو مكنتيش معايا كنت حصلتهم..مبقاش ليا غيرك وبقيت طول الوقت خايف تبعدي انتي كمان عني عرفتي يا داليدا ليه انتي حلم...عارفه يا داليدا انا لو اطول اخبيكي عن عيون العالم كله هخبيكي
داليدا....حبيبي انا معاك وعمري ما هسيبك بطل تفكر في اي حاجه سلبيه افرح يا نادر خلاص بقينا مع بعض ومفيش حاجه هتفرقنا غير الموت.
نادر...الموت مش هياخدك مني يا داليدا.
أبتسمت داليدا...بحبك يا نادر
قرب نادر و حضنها بوجع وحزن وسعاده وفرح مشاعر متلغبطه لكن الاكيد حبه لداليدا
بااااااااااك...
فاقت داليدا من شرودها علي دخول صحابها
نادين... هاااااايي اللي واخد عقلك
نور...انتي نايمه يا داليدا
داليدا...بأبتسامه لا نايمه ايه اعدوا صباح الخير
حاتم...صباح الفل
نادين....والله ما حد عايز ينام غيري انا
داليدا...وايه اللي مانعك ما تنامي
نادين...شوفو اللي معندهاش دم قال ايه اللي مانعك الشغل يا اختي اللي قربت انسي اني عروسه بسببه
ياسر....انا عن نفسي نسيت اني عريس😭
حاتم....خلاص هانت يا عم انت وهي كلها خمس ايام ونخلص وناخد الاجازه
وابقوا اعملوا عريس وعروسه براحتكم
داليدا...معلش يا ياسر انت ونادين انا عارفه ان الفتره دي فيها ضغط كبير وعارفه انكم قطعتوا اجازتكم بسبب الشغل
ياسر...ايه يابنتي العبط ده احنا في بينا الكلام ده
داليدا...اكيد لا طبعا بس المفروض مكنتوش نزلتوا الوقت انتو تقريبا مخدتوش غير ست ايام اجازه بعد فرحكم وبعدها الشغل اتكربس فوق دماغنا وبعدها المراجعه السناويه حتي نور وحاتم مشغولين عن تولين
نور...انتي فيكي ايه عالصبح ايه جرعه الذنب اللي انتي شيلاه ده وبعدين تولين مالها ماهي زي الفل
حاتم...مش عارف في ايه محسساني اننا مش بنشوفها ماهي موجوده فالبيت مع امي
داليدا....بس هي محتجاكم تولين 3 سنين يعني وجودكم اكيد هيفرق معاها
نادين...بضحك لا هو كده يا نور مش جرعه شيل ذنب انا شامه ريحه كابوس من كوابيسها فالموضوع
داليدا....متفكرنيش انا شوفت حتت كابوس انهرده
نادين...بضحك مش قولتلك صحبتي وحفظتها
داليدا...انتي بتضحكي بجد حوار الكوابيس ده تاعبني اوي
ياسر...قولنالك كتير روحي لدكتور
داليدا....يعني هو انا مروحتش ما علي يدكم روحت ومفيش فايده
نور...وايه المشكله غيريه يمكن مرتحتيش معاه روحي لغيره ولا غيري جو
داليدا....بضحك هو انتي كلمتي مامي ولا ايه لسه مسمعالي نفس الجملتين دول الصبح.
نور...شوفتي بقي يبقي احنا عندنا حق
ياسر...طيب بخصوص تغيير الجو بقي انا كنت ناوي محرقش المفجأه الوقت بس ادام الموضوع اتفتح هحرقها عشان خاطر عيون داليدا
نادين ..مفجأه ايه🤔
داليدا....ايه قول
ياسر....احنا كلها خمس ايام وخناخد الاجازه السناويه بتاعتنا وبصراحه بقي انا قررت اعوض نادين عن شهر العسل اللي معملناهوش ونسافر مع بعض كلنا ليا واحد صاحبي مسؤول عن شركه سياحه والفتره الجايه عاملين كذا برنامج يجننوا وفي سفريه لإيطاليا لازم نروحها سوا
حاتم...انا موافق
نور...طيب وتولين بزمتك انا قادره الف بيها انا عايزه اخد الاجازه عشان ارتاح
ياسر...تولين مينفعش تيجي معانا اصلا سيبوها مع جدتها واهو تفصلوا انتوا كمان وتعملوا شهر عسل
حاتم...وانا موافق جدا😉
نور...هو ايه انا موافق انا موافق وبعدين بتغمز لبه بلاش قله ادب
ضحكوا كلهم علي نور
حاتم ...وفيها ايه يا نور هي مع امي هتبقي في امان وهنبقي مطمنين عليها ولما نسافر ولا تتعب مننا ونقضيها دكاتره ولا نبقي متقيدين نعيش كام يوم ونفصل شويه
نور....مش هقدر اسيبها يا حاتم قلبي مش هيطاوعني
نادين...متبقيش رخمه بقي بقالنا كتير مسافرناش مع بعض وفرصه نغير جو دي فرصه مش بتتكرر كتير قرروا بقي عشان نلحق نجهز نفسنا
نور...بتفكيرمش عارفه وبعدين تولين عيد ميلادها اليوم اللي هنخلص فيه
ياسر...طيب حلو هنعملهولها ونبسطها وقضوا معاها يومين خرج ها وظبطوها عشان لما نسافر متبقوش مضايقين
حاتم...ها قولتي ايه
نور...سيبوني طيب أفكر
نادين...ماتقولي حاجه بدل ما انتي بتتفرحي علينا كده
داليدا....اقول ايه انا اصلا بره سفريتكم دي
ياسر...ليه ان شاء الله
نادين...نعم لا طبعا مش هنسافر من غيرك
داليدا...يعني انتي وياسر رايحين تعوضوا شهر العسل ونور وحاتم لو راحوا هيبقوا مع بعض انا اروح بصفتي ايه أشيلكم الشنط🤨
نادين...بت انتي متبقيش رخمه وبعدين هو وجودك يعني اللي هيخلينا منعملش شهر عسل
داليدا...ايوه طبعا هبقي عامله زي العزول ومش هبقي مرتاحه سافروا انتوا واتبسطوا ملكوش دعوه بيا
نور...علي فكره انا لو وافقت اروح مش هروح غير لو جيتي
نادين...وهي بتصقف بايدها حلو اهي نور هتوافق اهي وافقي بقي
داليدا...يابت مش هعرف انتوا كابلز مع بعض انا اجي اهبب ايه
نادين...عشان هاطري متبقيش رخمه
ياسر...علي فكره بقي لو موافقتيش مش هنسافر خالص وهنقضيها خروج هنا يعني هي هي انتي عارفه اننا مش هنسافر من غيركم كلكم اصلا السفريه هتبقي رخمه من غير اي حد فيكم
نادين...بصتله قصدك ايه 🤨🤨
حاتم...بضحك ألبسسس
داليدا....اهو اتسحبت من لسانك استلم بقي وصله نكد
ياسر....انا اقدر يا قلبي انا بس بحاول اقنعهم انما انتي حبيبتي انتي عارفه وبعدين انا اصلا عارف انك هتكوني مبسوطه اكتر وهما معانا صح
نادين....بابتسامه بصراحه اه بطلوا رخامه بقي ووافقو
حاتم...احنا موافقين خلاص صح يا نور
نور....بقلق مش هاين عليا اسيب تولين
حاتم...بطلي رخامه بقي يعني انا اللي عايز اسيبها عيد ميلادها هنظبطها فيه ونخرجها كام خروجه حلوه واحنا نروح نغير جو ولما نرجع يا ستي نخرجها تاني وافقي بقي
نور...امري لله موافقه😒
نادين....وانتب موافقه يا دليدا مفيش كلام خلاص
داليدا...طيب انا موافقه بس بشرط
ياسر...اهي هتتشرط من اولها اؤمري يا ست هانم🤨
داليدا...بضحك هجيب دوللي معانا عشان اي وقت حبيتوا تخرجوا لوحدكم تبقوا مش قلقانين عليا وانا اخد دوللي ونعمل شوبنج يبقي في حد معايا
نادين...طيب حلو اوي كده
ياسر...طبعا فكره حلوه
حاتم....بس يبقي كلم صاحبك اعرف منه امتن معاد رحله ايطاليا واعرف منه البرنامج بتاع الرحله وظبط كل حاجه المهم بعد عيد ميلاد تولين عالاقل بيومين عشان نعملها عيد ميلادها ونخرج معاها كام خروجه وتبقي نور مش مضايقه وهي سيباها
ياسر...خلاص أشطا
داليدا....خلصتوا نقاش يلا اتفضلوا وروني عرض قفاكم بقي عايزين ننجز كل شغلنا عشان نسافر واحنا مرتاحين
المل...اشطا.
عدي اليوم وبعد تعب يوم طويل وشغل رجعت داليدا
كانت امينه وفاطمه بيحضروا العشا طلعت داليدا خدت شاور ونزلت ونزلت وراها دوللي واتجمعوا عالسفره مع بعض حكيتلهم داليدا عاللي حصل
امينه...طيب حلو اوي روحي يا داليدا غيري جو واتفسحي وكويس انكم مع بعض مش هبقي قلقانه عليكي
دوللي...انتي بتفكري في ايه طبعا وافقي دي إيطاليا فيها شويه اماكن تجنن ده انا هموت واروح
داليدا...مانا وافقت بس بشرط
امينه...شرط ايه
دوللي...والنبي في حد يتشرط عشان يتفسح
داليدا...ايوه انا في مانع🤨🤨
دوللي ...لايا اختي مفيش ايه هو شرطك
داليدا..بأبتسامه انك تيجي معايا
دوللي...بصدمه😱😱انا اجي معاكي طب احلفي كده
داليدا...انا قولتلهم عشان اوافق هاخد دوللي معايا عشان مبقاش مصايقه وانا عامله في وسطهم زي العزول وعشان لو كل واحد حب ياخد مراته ويخرجوا لوحدهم ميبقوش شايلين همي اني لوحدي
امينه...طيب كويس واهي دوللي تبقي معاكي برده
دوللي...والنبي بجد بتهزر صح
داليدا...بحب لا يا مجنونه بجد انا عارفه انك بتحبي السفر والجنان قولت اخدك معايا واتجنن معاكي بالمره
دوللي...قامت جري حضنتها ياوحبيبتي يا داليدا انا بموت فيكي بصي انا هبسطك عالاخر وهنتجنن احلي جنان
داليدا...بتحذير بس من غير مغامرات وجنان انا مش ادك
دوللي بضحك...بصي سيبولي انت اوبس نفسكم
داليدا....بصحك ماشي يا ستي سبنالك نفسنا من دلوقت
خلصوا اكل وفاطمه التدت تساعد امينه في شيل الاطباق
دخلت هبه فالوقت تبلغ داليدا بقرارها.
هبه...ازيك يا داليدا
داليدا...بأبتسامه ازيك يا هوبا داده فاطمه قالت انها قالتلك عالشغل قولتي ايه
هبه...بابتسامه موافقه طبعا
داليدا....طيب حلو من بكره هتبقي معايا جهزي نفسك وهنروح سوا وبكره هفهمك طبيعه شغلك ومتقلقيش الشغل عندنا سهل وعارفه انك ادها
هبه...متقلقيش هرفع راسك
داليدا...عارفه طبعا انا اخواتي يرفعوا الراس في اي مكان 😍
حضنتها هبه وشكرتها وبعد وقت بسيط راحت علي اوضتها في ملحق الڤيلا
وشويه بسيطه وطلعت كل واحده فيهم علي اوضتها
اما دوللي...فاجريت عاللاب توب تعمل سيرش علي اي مكان في إيطاليا في مغامره وفي جنااااااان🙈🙈🙆‍♀️🙆‍♀️
أشوفكم بكره
وللحديث بقيه🖋️🖋️🖋️