رحله إلي الجحيم

البارت الاول

البارت الاول..
من أضواء زينة الأعياد التي تحول المدن إلى أماكن ساحرة إلى عتمة السينما التي تنقلنا على مدى ساعة أو ساعتين إلى عالم خيالي كامل وأخيرا إلى الأدب الذي يصنع حياة من مجرد كلمات
من كل ما سبق أحببنا أن نكون سحرة
ولكن إن كانت شخصيات الروايات والأفلام تختفي مع آخر صفحة من القصة أو مع رجوع الأضواء التي تعود لتكشف عن صالة السينما وتنقلنا من جديد الي الواقع فلا شيء يمنعنا من أن نسبح قليلا في هذا العالم الخيالي فنجعل منه باقيآ بالفعل .
للكتاب الذين خلقوا هذه الشخصيات هدية بقاء دائم حتي وإن كانوا ظنوا انهم مع اخر مشهد أسدلو ستائر النهايه فهم لم يتوقعوا إن لروايتهم حياه أخرى لا دخل لهم فيها .... ولكنها حياة ملك للقراء.🙏 هم اللذين يقرروا متي يضعون النهايه❣️
..............
حجات كتير بتحصل في يومنا مبنبقاش متوقعنها مجرد ما بيجي يوم جديد بنشيله من قاموس حياتنا وبنعتبره ماضي والفاصل في اليوم اللي بنعيشه مابين الحاضر والماضي مجرد ساعات يمكن بنشيل هم بكره اكتر لانه لسه مجاش وبنطمن أن انهارده خلاص بقي موجود لكن السؤال ماذا أن كانت الساعات الفاصله بين اليوم وغدآ إنذار بكوارث ليس لها اي استعداد مسبق..
بنشيل هم بكره وبعده بنشيل هم المستقبل ...لكن فكرتوا تشيلوا هم الثواني اللي جايه هم الدقايق والساعات كلنا بنطمن بوجود اليوم لكن مش بنديله أهميه..لكن وقت ما الكارثه تحصل وبنفتكر احداث اليوم وازاي كنا مستهترين بكل ثانيه ودقيقه وساعه بتمر...بنرجع نتمني أنها متكنش جت من الاساس
أنهرده زي بكره زي بعده الثانيه زي الدقيقه زي الساعه...كلها في علم الغيب مجهوله ومبهمه مجرد أحداث مستخبيه بتستعد للظهور في وقتها..
عيش يومك لكن أدي لكل ثانيه في عمرك أهتمام راجع نفسك في كل ثانيه وكل دقيقه عشان الثانيه اللي جايه
محدش يتوقعهاااااااا🔥🔥
.......بقلم أميره أسامه🖋️
........... البارت الأول🙏🔥
في مكان واسع في أحد الاحياء الراقيه مكان يدل علي المغامره والاثاره والغموض...والرعببب
كان واقف شاب من العاملين في المكان بيشرح تفاصيل اللعبه..وادامه 7 شباب
دوللي واصحابها..
الشاب...قبل ما نبدأ أحب اعرفكم علي شروط اللعبه المكان ده عباره مستفشي مهجوره فيها 6 غرف
كل غرفه ليها شروطها وقوانينها هتدخلوا مع بعض الغرفه وهتتقفل عليكم تماما
قفل محكم عشان تخرجوا من الغرفه وتجتازوا اول مرحله في مجموعه من الاسئله والالغاز لازم تتحل عشان تلاقوا المفتاح وتمروا من باب الغرفه الداخلي للغرفه التانيه وبمجرد دخول اخر شخص فيكم الغرفه التانيه هتتقفل عليكم هتقابلوا حجات صعبه هتقابلوا زومبي وشخصيات من افلام مرعبه اكيد كلكم عارفينها...لازم تتعاونوا وتساعدوا بعض عشان تقدروا تنجزوا مهمتكم في خلال 90 دقيقه بس!!
بصت دوللي واصحابها لبعض...كانوا 3 بنات واربع شباب..الشباب كانوا متوترين من الكلام اللي بيسمعوه واللي جاي عليهم انهم ميتين من الضحك اما البنتين كان معالم الرعب ظاهره علي وشوشهم... اما دوللي فكانت في عالم تاني خاص بيها عالم التحدي والمغامره دوللي شخصيه مهيبره الي ابعد حد بتسعي ديما لتجربه كل حاجه جديده فيها إثاره وغموض وتحدي ...بتحب افلام الرعب بتعشق التجربه بتحب تستكشف اي مكان جديد وغامض بتحب تجرب اي حاجه فيها مغامره. بتحاول تعمل سيرش ديما علي اكتر الاماكن اللي فيها مغامره ولازم تروحها ..بتحب تنط مم البراشوت بتحب التزلج بتحب السباحه بتحب الجري بطريقه رهيبه...وكأنها عارفه أنها في يوم من الايام هتحتاجه🙄
كانت دوللي مبتسمه وهي بتسمع تعليمات الشاب وعيونها بتلمع بشغف وسعاده..
الشاب...كده انا شرحت كل حاجه عن المغامره اللي هتخضوها باقي حاجه واحده بس لازم اقولها
انتبه الشباب لاخر تنبيه
الشاب...اي حد مش هيقدر يكمل وحاسس من البدايه انه مش هيعرف بلاش التحديات صعبه وفي حجات مخيفه اي حد مريض سكر ضغط قلب بلاش طبعا غير كده يلا بينا المغامره مستنياكم
نطق دوللي اول واحده بحماس انا تمام جدا
الشباب كلهم وافقوا يكملوا الجيم...اتردد البنتين فالاول لكن بعد تشجيع دوللي والشباب ليهم انهم هيبقوا مع بعض وافقو..
دخلو الغرفه الاولي مع بعض واتقفل عليهم....وابتدت المغامره🙈
................
في مكان اخر في احد الاماكن الراقيه في التجمع.
في ڤيلا رأفت البحيري.
وصلت بطلتنا بعربيتها دخلت مم بوابه الڤيلا بعد ما فتحها الحارس الخاص بالڤيلا.
ركنت داليدا العربيه ونزلت منها.
حمدي الحارس...نورتي يا ست الكل
داليدا بابتسامه جميله ده نورك يا راجل يا عجوز
حمدي....الست أمينه كل شويه تخرج تسأل عليكي
داليدا...ليه في حاجه ولا ايه
حمدي...لا شكلها رايق بس بتطمن عليكي
داليدا...الله يطمنك يا راجل يا عجوز انا داخلالها عايز حاجه
حمدي....عايز سلامتك يا بنتي
داليدا...صحيح فين الجو بتاعك اول مره اجي وملاقيكوش أعدين تشربوا الشاي مع بعض وفين هبه
حمدي...بضحكه بشوشه جوه مع ست امينه
داليدا....بضحك هي مامي كده مفرقه الجماعات
حمدي....ست امينه دي ست الكل
داليدا....ماشي ياعم هدخل انا وابعتلك الجو بتاعك
حمدي...ماشي يا بنتي
داليدا...سلام
حمدي سلام.
حمدي راجل طيب بيشتغل عندهم حارس للفيلا هو ومراته ست فاطمه وبنتهم هبه في نفس سن داليدا بيشتغلوا عندهم من سنين طويله تقريبا كانت داليدا وهبه لسه اطفال صغيره كبروا مع بعض وبقوا جزء من العيله حمدي وفاطمه طيبين جدا علي عكس بنتهم هبه اللي دايما حاسه بالغيره من داليدا ودنيا وديما غيرانه من اهتمام والدها ووالدتها ليهم وخاصتا داليدا اللي شايفه ديما انها اقل منها وانها كانت تستحق تكون مكانها ..
دخلت داليدا باتجاه الڤيلا وكالعاده طول ما البنات لسه بره البيت الباب بيفضل مفتوح
دخلت داليدا لقت امينه صوتها جاي من المطبخ هي وفاطمه مرات حمدي
داليدا....الله الله ايه الروايح الحلوه دي
امينه....حبيبتي جت😍
راحت داليدا عليها حضنتها وباست راس فاطمه وسلمت علي هبه اللي ابتسمتلها أبتسامه من ورا قلبها.
امينه...جايه متأخره ليه ياقلب ماما.
داليدا ..متأخره ايه بس يا مامي انا كل يوم باجي متأخر عن كده الساعه 7
امينه...يا حبيبتي الموظفبن بيخلصوا شغل الساعه 3
داليدا...تاني يا مامي قولتلك احنا بنقفل اليومين دول كل حسابات السنه قبل الاجازه السانويه بتاعت الشركه فا طبيعي نخلص متأخر الموظفبن اصلا بيخلصوا خمسه واحنا بنخلص بعدهم بس انهرده حسيت اني مصدعه وصراحه بقي
سبت الشغل كله علي دماغ ياسر وحاتم ونور ونادين
قالولي روحي واحنا هنخلص الباقي ونمشي
امينه....بصراحه الولاد دول حلوين بشكل
داليدا...دول صحابي اللي طلعت بيهم من الدنيا يا مامي انا لو عملت ايه مش هقدر اوفيهم حقهم بجد لولالهم مكانتش الشركه اسمها سمع وبقت من اهم شركات الاستيراد والتصدير يمكن اه الشركه فالاساس بتاعتي وهما ليهم أسهم بسيطه فيها بس هما اللي شايلين الشركه علي كتافهم وبدأوا معايا من الصفر لحد ما وقفت علي رجلي ونادين وياسر بقالهم شهر متجوزين وقطعوا اجازه الجواز ونزلوا الشركه عشان ميسبوناش لوحدنا والاهم من كله ده انهم وقفوا معايا في ازمتي..
امينه....بحزن الحمد لله. انك عديتي المرحله دي وقدرتي تقفي من تاني علي رجلك
فاطمه...مابلاش بقي السيره اللي تسد النفس دي ماصدقنا هم واتزاح
داليدا...بأبتسامه جميله..عندك حاجه يا داده فاطمه هم واتزاح
امينه...بقولك ايه يلا اطلعي غيري هدومك وخديلك شاور كده يفوقك وانزلي عشان ناكل  عملتلك اكله حلوه انا وداده فاطمه.
داليدا....ماشي هي دوللي فين
امينه...خرج مع شلتها المجانين
داليدا...راحت فين المرادي
امينه....والله ما عارفه يا داليدا قالتلي بس نسيت مش عارفه مكان ايه كده بيتحبسوا فيه واوض كلها ألغاز لازم يخرجوا منها قبل وقت معين مش عارفه المهم انها فكره مجنونه من افكرها وكالعادة شله المجانين صاحبها بيسمعوا كلامها
داليدا...بضحك اه تقصدي ((أسكيب رووم )) والله لنتك دي مجنونه انا لو دفعولي فلوس عشان اشوف فيلم رعب مش هشوف ..مش اجرب اني اعيش فيلم رعب وبأرادتي كمان
امينه...مانتي قولتيها بنتي  مجنونه
فاطمه...ربنا يسعدها يارب
امينه ودالبدا...يارب
داليدا...انا هطلع بقي اخد شاور وانزل اكل عشان هموت من الجوع.
امينه...ماشي يا حبيبتي
داليدا...هبه تعالي معايا عيزاكي
هبه....حاضر يا دليدا عن أذنكم.
خرجت داليدا ووراها هبه راحت داليدا عالشنط اللي كانت مسكاها وهي راجعه مسكت شنطتين فيهم.
داليدا...أتفضلي ياهوبا
هبه...بأبتسامه ايه دول
داليدا....دول يا ستي حاجه بسيطه كنت بجيب هدوم ليا وشوفت دول عجبوني حستهم لايقين عليكي
هبه...ربنا يخليكي يا داليدا شكرا بجد
داليدا...يابت بلاش عبط احنا اخوات
هبه...هو انا ممكن أسألك سؤال يا داليدا.
داليدا...طبعا ياستي أسألي سؤالين كمان
هبه...بابتسامه..هو انا يعني لو جبتلك هديه زي مانتي ديما تجبيلي كده هتوافقي تاخديها مني
داليدا...ايه العبط اللي بتقوليه ده طبعا هوافق انا اطول حد يسأل فيا ويجبلي هديه.
هبه...بجد
داليدا...ايوه بجد هبه انتي اختي زيك زي دنيا لازم تعرفي كده كويس احنا متربين مع بعض ولعبت معاكي واحنا صغيرين اكتر ما لعبت مع دنيا انا وانتي كنا صحاب لانها أصغر مني بسبع سنين انتي كنتي اقربلي بلاش تقولي الكلام ده تاني عشان مزعلش منك انتي اختي يا عبيطه.
ابتسمت هبه وقربت منها داليدا خدتها في حضنها بحب..
بعد مده بسيطه طلعت داليدا اوضتها قلعت جزمتها بأرهاق وراحت طلعت بچامه خريفي باللون الرمادي ومرسوم عليها رسومات أطفالي باللون الروز ودخلت علي الحمام الخاص بغرفتها
وراء كبينه مغلقه أبتدت تاخد الشاور بتاعها والميه الدافيه كانت بتندفع من كل مكان فالكبينه ..ومع كل دفعه مياه كانت بتحس بالاسترخاء أكتر رجعت شعرها لورا وهي شارده
وبيتردد حوار والدتها وفاطمه الداده في ودنها
امينه..بحزن الحمد لله انك عديتي المرحله دي وقدرتي تقفي من تاني علي رجلك
فاطمه...مابلاش بقي السيره اللي تسد النفس دي ماصدقنا هم واتزاح..
شردت داليدا بحزن
فلاش باك.....🔥🔥
نادر ...طيب ابص بصه واحده وهروح علي اوضتي
داليدا...بابتسامه حب ولا نص بصه بقولك ايه يلا روح عالاوضه بتاعتك كلها ساعتين تلاته وهتشوفني وانا لابسه الفستان
نادر...بحب حرام عليكي انا مستني اللحظه اللي هبقي معاكي فيها من زمان
داليدا...يعني أستنيت ده كله ومش قادر تستني كام ساعه يلا بقي روح بلاش رخامه
نادر...ده اخر كلام عندك 🤨
داليدا...ايوه اخر كلام ويلا بقي روح شوف صحابك وسبني اجهز مع صحابي
نادر...ماشي بس علي فكره بقي انا مخاصمك😒
داليدا....متقدرش
نادر....بحب بحبك يا داليدا
داليدا...بحبك يا نادر
نادر....يلا كملي واجهزي عايز اشوفك احلي عروسه فالدنيا
انهارده😍
داليدا....وانا عايزه أشوفك احلي عريس😍
بعد ساعات كان داليدا لابسه الفستان الابيض وكأنها حور من الجنه وقفوا جمبها صحابها نادين ونور واختها دنيا وهبه وبنات كتير من اصحابها..خبط باب اوضتها بيعلن عن دخول نادر
وقفت داليدا ضهرها للباب ومعاها المصور عشان يصور الفرست لوك.
دخل نادر وهو لابس البدله ومعاه بوكيه الورد وسط زغاريط البنات وفرحتهم
لفت داليدا بهدوء انبهر نادر بجمالها  عيونه كانت مدمعه من الفرحه وبدون اي مقدمات قرب منها وحضنها حضن طويل بعبر فيه عن مدي حبه واشتياقه وسعادته باليوم ده فضلوا البنات والشباب صحابه يصقفوا ويزغرطوا وبعد وقت بسيط دخلوا القاعه في دخله أسطوريه وأبتدوا الفرح برقصتهم الاولي...
نادر...عارفه يا دليدا انا من كتر ما انا فرحان خايف اموت
داليدا...بعد الشر اوعي تقول كده تاني متوجعش قلبي
نادر...سلامت قلبك يا قلبي بس انا بجد فرحان ومش مصدق نفسي مش مصدق اني شايفك ادامي بفستان الفرح
داليدا...شكلي حلو
نادر....طول عمرك احلي واحده فالدنيا بس انهرده بالذات انا شايف ادامي ملاك مش داليدا
ابتسمت داليدا بحب
نادر...اوعديني يا داليدا تفضلي العمر كله معايا ومهما حصل متبعديش عني
داليدا....أوعدك عمري ما هبعد عنك ولا هسمحلك تبعد عني
فاللحظه دي شالها نادر وسط جميع الحضور وفضل يلف بيها وسطها صياح الجميع
نادر...بحباااااااك 🔥
بااااااك..
فاقت داليدا من شرودها ودموعها نازله بوجع
داليدا...وأنا مكرهتش في حياتي حد أد ما كرهتك💔
......مسحت دموعها وخدت نفس طويل وكأنها بتخرج فالنفس ده كل الوجع اللي جواها ورجعت تاني تحت الميه الدافيه..وبعد وقت بسيط خرجت داليدا من الحمام وهي لافه الفوطه علي شعرها..اعدت ادام التسريحه جففت شعرها وطول ما هي بتجفف شعرها وبتجففه كان بيظهر ادام المرايه طيف نادر فضلت تغمض في عينها بوجع عشان صورته تبعد عنها.خلصت تجفيف شعرها بسرعه ونزلت علي تحت كان العشا جهز. كلت وخلصت وبعد وقت بسيط أستأذنت من والدتها وطلعت عشان تنام وتحاول تهدي عقلها من التفكير في كل حاجه وجعاها...
طلعت داليدا علي اوضتها نامت عالسرير فضلت تقلب في موبايلها وترد علي رسايل صحابها ...وبعدها جابت رقم دنيا تطمن عليها.وصلتها رساله صوتيه.
الرقم الذي طلبته ربما يكون مغلقآ برجاء الاتصال في وقتآ لاحق.
داليدا....لسه مخلصتيش يا دوللي كل ده. سابت الموبايل بملل وغمضت عينها في محاوله منها للنوم لحد ما اختها ترجع وتطمن عليها
.........بقلم أميره أسامه🖋️
عند دوللي وأصحابها🔥
بمجرد ما دخلوا أول أوضه أتقفل عليهم الباب تلقائي كان باب مصفح.
الغرفه كانت الاضاءه اللي فيها بسيطه جدا وكانت الاوضه عباره عن 6 صناديق زجاج فيهم فتحتين من الجنب يدخلوا ايدهم فيها وفي وسط الصندوق متعلق مفتاح كانت لعبه تشبه فيلم الرعب الشهير saw☠️
فضلوا يبصوا لبعض بأستغراب مش فاهمين المفروض يعملوا أيه صوت موسيقي مرعبه مكان يخوف الجدران مرسوم عليها رسومات تخوف وأثار دم في كل مكان وكأنهم بيعيشوا تجربه فيلم رعب حقيقيه وطبعا دوللي مستمتعه والحماس بيشع من عينها فضلوا مستغربين لحد ما صوت قوي ومخيف أبتدا يتكلم...أدامكم 6 صناديق المطلوب منكم كل واحد وواحده فيكم تقرب من صندوق وتدخلوا ايدكم وبمجرد ما تدخلوا أيدكم الفتحه هتكون أصغر انتوا عددكم سبعه والصناديق سته معني كده ان في حد فيكم مش هيشارك فاللعبه لكن هيكون ليه دور اساسي وهو اللي هيساعدكم ويقرب المفتاح منكم المفاتيح اللي أدامكم دي هتساعدكم في باقي اللعبه واكيد لاحظتوا ان كل مفتاح فيهم مش شكل التاني وده معناه ان كل مفتاح فيهم ليه مهمته الخاصه اللي هتعرفوها بعدين الخروج من الاوضه دي لازم يكون في خلال عشر دقايق قبل ما تبتدوا لازم تختاروا شخص واحد هو اللي يساعدكم والشخص ده هيحل شويه ألغاز كل لغز هيقدر يحله هيقدر يفك واحد فيكم الصناديق مترقمه كل رقم لغز هيحله وده هيطلع معاه بالحظ هيحرر صاحب الرقم اللي طلعله.فكروا كويس اختاروا الشخص الصح ادامكم دقيقه تتشاوروا فيها مع بعض وتقرروا مين الشخص اللي هتعتمدوا عليه في نجاتكم ونسيت أعرفكم كمان ان الشخص اللي هيتحرر مش هيساعد الشخص اللي هتختاروه يلا معاكم 60 ثانيه من اول ما نبدأ..
وقفوا السبعه مع بعض يتشاوروا مع بعض.
احمد...كريم انا بقول انت
كريم...لالا انا ايه
دوللي انا بقول هشام
هشام...انا شايف ان انتي يا دوللي
دوللي انا ايه لا انا مليش فالالغاز هي حاجه تانيه ممكن
سامر ...وانا بقول انت يا كريم
اروي...اخلصوا عدي نص الوقت انا بقول  كريم
سلمي...وانا بقول كريم
دوللي وانا كمان بقول كريم
كريم...ايه ياجدعان والله هسوحكم وبعدين انا مش عارف الالغاز دي عباره عن ايه
احمد...ياعم كلنا متفقين عليك أنت العبقري اللي فينا يلا
رجع الصوت المرعب تاني
الوقت خلص قررتوا مين الشخص اللي هيساعدكم
دوللي... كريم
أذن الكل علي الصناديق بسرعه
راح كل واحد فيهم عالصندوق ودخلوا أيدهم وبمجرد دخول أيدهم اتقفلت الدايره اكتر وبقي صعب خروجها..
وفضل كريم بره
الصوت...كريم في شنطه أدامك لازم تفتحها وبمجرد ما تفتحها هيبتدي العداد ادامك عشر دقايق بس يلا مستعد
كريم...خد نفس...مستعد
الصوت .. افتحها بسرعه
جري كريم بسرعه عالشنطه فتحها كانت مليانه أسلاك ودوائر كهربائيه وحجات معقده..
كريم....بصدمه ايه ده انا مش فاهم
الصوت...ادامك مجموعه أسلاك ودوائر كهربائيه عددهم عشره المطلوب منك
بسرعه توصل اشكالهم بالأشكال اللي فالاوضه كلها وخلي بالك في اماكن هتكون مختفيه لازم تلاقيها
مسك كريم الاسلام حطها عالارض كلها وفضل يبص عالاوضه لمح شكل علي الحيطه نفس الشكل اللي معاه خده وجري بسرعه ركبه واول نا ركبه لمبه نورت في الاوضه
دوللي براڤو يا كريم يلا بسرعه
اتحمس كريم اكتر ورجع للأشكال خد شكل فيهم وجري علي مكان تاني ركبه
احمد....يلا يا كريم بسرعه
فضل كريم رايح جاي وهما يشجعوه لحد ما ركب 8 أشكال ومع كل شكل يركبه الاضاءه فالغرفه تزيد فضل معاه شكلين مش عارف يلاقي مكانهم دور فالاوضه ومش لاقي
سامر...كريم دور فالتربيزه اللي احنا واقفين عليها
سلمي...بخوف بسرعه يا كريم
حري كريم يدور حوالين التربيزه مفيش اي حاجه
دوللي....بص من تحت يا كريم بسرعه
نزل كريم علي ركبته وطي لقي شكل فيهم ركبه بسرعه اضاءه فالتربيزه نورت
دوللي برا ڤو فاضل شكل يلا
سامر....الباب يا كريم
بص كريم عالباب لقي فوقيه في شمل جري بسرعه بس المكان كان أطول
أحمد...الشنطه الشنطه اقف عالشنطه بسرعه يا كريم
خد كريم الشنطه وجري وحاول يقف عليها كذا مره كانت بتقع لحد ما عرف يقف وركبها واعد عالارض براحه بعد ما خلص اول مهمه
الصوت..كريم انت خلصت أول مهمه والحظ كان حليف صندوق رقم 4
سلمي....بفرحه دي انا وفالوقت ده أتفتح الصندوق شدت المفتاح وخرجت أيدها بسرعه
الصوت....المهمه التانيه اتفتح جزء بسيط من الجدار وخرجت منه ورقه وقلم
جري كريم خدهم كان فيها سؤال عباره عن أرقام
الصوت....ادامك معادله حسابيه مطلوب منك حلها في أسرع وقت
كريم....بضحك يا نهار أسود🙈
احمد....ركز وحيات امك
دوللي ....كريم ركز متقلقش هتعرف يلا بسرعه
أعد كريم عالارض واروي بعيد عنه وفضل يحل بسرعه
في السؤال اللي ادامه عباره عن ارقام كبيره تتجمع وتتضرب وتطرح وتتقسم كانت مسأله معقده محتاجه تركيز بعد وقت من الصمت وتركيز كريم....
كريم....الاجابه 2
الصوت....براڤو وده رقم صاحب الصندوق التاني المحظوظ
دوللي....ده انا
الصوت....يلا ادامك خمس دقايق تخلص فيهم الاربعه الباقين ويا تخرجوا كلكم يتخرجوا ناقصين
سحبت دوللي المفتاح ووقفت جمب اروي وابتدا التحدي التالت وانجزه في وقت اسرع من التحديين اللي فاتوا واتفك هشام وبعدها اتفك احمد.فضل سلمي وسامر.
وكان فاضل بالظبط دقيقتين
ابتدا التحدي الخامس
وبعد وقت دقيقه ونص اتفك سامر
وفضل ادامه نص دقيقه يخلص فيها سلمي
سلمي...بخوف واضح يلا يا كريم والنبي
كريم...متقلقيش فضل كريم يحاول فاللغز الاخير واخيرا انجزه في اخر ثانيتين بالظبط
صوتت سلمي واصحابها بفرحه
الصوت....مبروك اجتازتم اول اختبار بنجاح واختياركم لكريم كان صائب ثواني وهيتفتح باب الغرفه وثواني وتغادروا الغرفه بسرعه
كريم...المفاتيح معاكن
الشباب كلهم...تمام
اتفتح باب في الغرفه جريوا بسرعه علي الباب دخلوا غرفه تانيه شكلها مرعب اكتر  كانت فارغه تماما من اي أساس وفيها بس خزنه وجمبها صندوق
الصوت....ادامكم خزنه المفروض انكم تفتحوها وتاخدوا اللي جواها
اروي ....نفتحها ازاي
دوللي ..بسرعه جربوا المفتايح هو قال هنحتاجها
كريم...صح هاتوا المفاتيح بسرعه
فضل كريم يجرب لحد ما لقي مفتاح الخزنه وفتحها وكان جواها ساطور ومقص
سلمي...بخوف ايه دول هنعمل بيهم ايه
اروي....انا عايزه أخرج🥺
هشام واحمد ميتين من الضحك. انسيييي
سامر....منك لله يا دوللي
دوللي بضحك مش وقته اخلصوا يلا الصندوق.
كريم....المفاتيح جرب كريم المفاتيح وفتح الصندوق وفضل معاهم اربع مفاتيح
كان جوه الصندوق مجموعه من البازل المفروض يحلوها ويشوفوا الحل هيوصلهم لأيه
الصوت.....اللي أدامكم دي صوره متلغبطه المطلوب منكم تجمعوها في أسرع وقت ممكن وتقروا الكلمه المكتوبه مم ورا بعد ما تجمعوها صح.
اعدوا كلهم علي الارض وابتدوا يحاولوا مع بعض يجمعوا كانت صعبه جدا بس دوللي وكريم قدروا يركبوها
ولفوا البازل كان مكتوب حروف عشوائيه..akdwer
دوللي نعمل ايه بالحروف دي
كان الصوت منقطع تماما ومحدش بيرد وفجأه اتفتح باب من داخل الغرفه وسط الجدران وجمبه عداد بيعد تنازلي
كريم.... يلا بسرعه
احمد....طب هو مردش علينا
كريم...اخلصوا الدقيقه هتخلص
دوللي طيب باقي المفاتيح والبازل
كريم...المفاتيح هاتوها حتي اللي استخدمناعم يمكن نحتاجهم تاني واحفظوا الحروف اللي اللي عالبازل اكيد هنحتاجها يلا بسرعه
بعد ما شافوه الحروف لاخر مره جريوا بسرعه عالاوضه وفورا اتقفل باب الاوضه قفل محكم ودي كانت الاوضه التالته🙈واللي كانت عباره عن سبع اماكن تشبه الكرسي لكن بالطول و يقف فيها كل شخص فيهم ويمد ايده الاتنين علي دراع الكرسي ومجرد لمسهم للدراح بيتقفل علي ايدهم بكلبشات وكان ادام كل كرسي بالونه متعلقه باللون الاسود عشان مايبانش اللي جواها
رجع الصوت من تاني.....اهلا بيكم فالغرفه التالته وجودكم هنا معناه انكم ماشيين كويس وقادرن تجتازوا  الاختبار الوقت المفروض كل واحد فيكم ادامه بلونه لازم تحاولوا تقربوا البلونه منكم وتفرقعوها المفروض جواها مفتاح ومتقلقوش المفتاح مربوط في نفس الحبل اللي ماسك فالبلونه يعني مجرد ما البلونه تفرقع هيظهر لكن مش هيقع
دوللي ايوه بس احنا مربوطين هنفرقعها ازاي
الصوت ..الطريقه الوحيده هي سنانكم
دوللي...بخوف حقيقي لا لا لا مقدرش انا بخاف استحاله
الصوت...المفتاح هيكون في بالونه واحده بس واللي هيلاقيه هو اللي هينجز المهمه الجديده عشان يقدر يحرر صحابه
اروي...يارب ما يجيلي
سلمي...بخوف يارب وانا كمان
الصوت...الوقت هيبتدي حالا
كانت البلونه بعيد عنهم وبيحاولوا يقربوا منها
دوللي بذكاء أبتدت تنفخ عشان تحرك البلونه صحابها عملوا زيها
الشباب واحد ورا واحد بقي يفرقع بالونته مكنش فيهم حاجه كان صعب علي البنات التحكم فيها مش عارفين يقطعوها لحد ما اخيرا عرفوا ومكنش فيها وعرفت دوللي ان المفتاح عندها.
كريم...يلا يا دوللي
دوللي...انا مش هقدر يا كريم
احمد...يلا بسرعه
كريم...هتقدري
سلمي غمضي عينك متخافيش يلا
استعادت دوللي قوتها واخيرا غمضت عينها وفرقعت البلونه سحبت المفتاح ببوئها وتلقائي اترفعت عنها الكلبشات
الصوت....الوقت هيتفتح الباب وهتخرجي علي ممر طويل في المستشفي وهتحاولي تروحي لغرفه مكتوب عليها رقم 777 هتلاقي هناك خزنه فيها مفاتيح صحابك بس الاهم انك تمشي براحه لان اللي مستنيكي بره اخطر من اللي مريته بيه اللي مريته بيه كان سهل جدا محتاج بس تشغيل دماغ انما الوقت الجيم أبتدا بلاش اي صوت عشان ممكن يتفتح عليكي غرفه مليانه زومبي وساعتها محدش هينقذك صحابك كلهم مقيدين جاهزه.
خدت دوللي نفس طويل بحماس جاهزه
كريم....دوللي انتي ادها ارجعي بسرعه
سلمي ... امشي براحه
دوللي ...هرجع بسرعه ❣️
ابتدأ العد خرجت بسرعه دوللي وبمجرد ما شافت الممر قلبها اتقبض نور بينور ويطفي دم في كل مكان الشكل مرهب ومخيف لدرجه كانت اكبر من حماسها واللي كان مزود الاثاره الموسيقي المرعبه...
فضلت تمشي براحه وكل خطون كانت بتبعدها كانت بتثق في نفسها اكتر عينها كانت راحه جايه علي ارقام الغرف لحد ما اخيرا لقت الغرفه المطلوبه راحت علي أوكره الباب وببطئ شديد فتحت كانت غرفه فاضيه مفيهاش غير خزنه وكانت بتتفتح برقم سري بالحروف
دوللي....اكتب ايه اكتب ايه ياربي 😱....😳اكيد الحروف اللي ظهرت فضلت دوللي تحاول تفتكر كانت ناسيه تماما من كتر ما هي متوتره....واخيرا افتكرت وفضلت تجرب لحد ما فتحت الخزنه خدت منها المفاتيح وخرجت بسرعه من الغرفه ورجعت الممر بهدوء لحد ما وصلت لغرفه صحابها وفتحتلهم
كريم...براڤو يا دوللي عاش
الصوت.....الوقت فاضلكم 3 غرف لكن المرادي هتخرجوا بنفسكم تروحولهم اول اوضه غرفه رقم 10يلا بسرعه ومتنسوش بلاش تعملوا صوت وتقلقوا الزومبي..
اروي....انا خايفه
سلمي...وانا كمان هو مينفعش نخرج
كريم....امشوا متخافوش بلاش عبط وفالاول والاخر متنسوش ان دي لعبه يعني اتبسطوا
دوللي ....صح يا كريم يلا بقي متبقوش خوافين انا خرجت لوحدي
سامر...يلا بقي خلينا نخلص انا جوعت
ضحكت دوللي وصحابها عليه
كريم....وطوا صوتكم الله يهدكم🤣🤣🤣 وانت يا عم المفجوع أهدي
خرجوا براحه من الاوض اروي كانت مرعوبه هي وسلمي كانوا ليدورا علب رقم الغرفه وفجأه خبطت اروي في حديده صغيره طيرتها علي الارض مسافه مش طويله لكن عملت صوت قوي وقفوا كلهم بعد خضتهم
حطت اروي ايدها علي بوئها
وفجأه سمعوا صوت باب بيتفتح وبيعمل صوت مزعج. فضلوا يرجعوا لورا براحه وبخطوات هاديه وفاللحظه دي خرج من الاوضه عدد من الزومبي
صرخوا وجريوا بسرعه والزومبي وراهم🙈🙈🙈
..........  
بعد وقت طويل كانت الساعه 11 رجعت دوللي وباين عليها الارهاق الفظيع
كانت امينه اعده مستنياها
دوللي....هاي يا مامي
امينه...انتي بتستعبطي صح شايفه الوقت الساعه كام
دوللي....حقك عليا يا امونتي بقي اصلا انا ماشيه من هنا علي 6 علي بال ما روحنا المكان اصلا كانت في حدود 7 ابتدينا وخلصنا علي طول وجيت
امينه....ماشي يا ياست دوللي بس اعملي حسابك مفيش تأخير تاني
دوللي حاضر يا ست الكل
امينه.....غيري وهحضرلك تاكلي
دوللي... لا اكل ايه انا مش قادره كلت مع صحابي انا بس هموت وانام مش قادره
امينه...مش هتقوليلي عملتي ايه
دوللي....لا خليها الصبح مش قادره خالص فين داليدا
امينه....نايمه
دوللي....ماشي انا هطلع انا كمان انام تصبحي علي خير يا مامي
أمينه ...وانتي من اهل الخير يا حبيبتي
في صباح يوم جديد
صحيت أمينه تحضر الفطار مع فاطمه عشان تصحي داليدا للشغل ودوللي للجامعه نزلت عالمطبخ كانت فاطمه بتحضر الفطار
امينه...صباح الخير يا فاطمه
فاطمه...صباح الهنا يا ست أمينه
امينه....ايه الفطار جهز
فاطمه ..اه مفاضلش غير الأمليت بتاع داليدا
امينه...طيب هروح انا اصحي البنات انا فكرتك لسه محضرتيش
فاطمه...طيب صحيهم علي ما اكمل
امينه...ماشي
....
في غرفه داليدا
وسط بحر واسع ومبهر بالوانه الممزوجة وكانها لوحه أترسمت بأحتراف وقفت داليدا مبهوره من المنظر الخلاب الهواء والبحر والشمس اللي بتعكس نورها علي امواجه الهادئه
وقفت داليدا بفستان ابيض واسع فاتحه دراعاتها تستقبل نسمات الهواء وهي مغمضه عينها و بتستنشق ريحه البحر 🌞🌊
وقفت علي نفس وضعها دقايق وفجأه فتحت عينها لقت الدنيا ليل ومفيش غير نور القمر وهي لوحدها فضلت ترجع بخوف وتبص يمين وشمال وأبتدا نفسها يعلي مش عارفه تروح فين الدنيا ضلمه
داليدا....مامي دوللي حد يلحقني ايه اللي حصل النور راح فين يارب ساعدني يارب
لمحت نور بسيط اتفتح من بعيد وسط الزرع مشيت بسرعه عليه وهي بتتلفت شمال ويمين بذعر واضح وانفاس عاليه
داليدا ....حد يساعدني ساعدونيييي وفجأه النور أتقفل ومبقاش فيه اي ضوء وبقت لوحدها وسط الزرع خرجت تجري تاني بسرعه عالبحر وهي دموعها نازله بخوف وفجأه خبط في شخص حطت أيدها علي وشها وفضلت تصرخ بأعلي صوتها..
امينه....داليدا داليدا فوقي داليدا فوقي يا حبيتي انتي بتحلمي
قامت داليدا فضلت تاخد نفسها بسرعه كل جزء في جسمها عرقان صدرها بيعلي ويهبط بصوره غير طبيعيه
خدتها أمينه في حضنها
أمينه...اهدي يا داليدا ده حلم يا حبييتي
داليدا...وهي بتنهج كابوس. كابوس يا مامي ..كابوس
أمينه...اعو ذبالله من الشيطان الرچيم وبعدهالك يا داليدا في حكايت الكوابيس دي قولتلك روحي لدكتور نفسي من يوم طلاقك من نادر وحالتك علي طول كده يابنتي انتي مبتناميش زي الناس ابدا
داليدا....انا تعبت يا مامي تعب اوي بقيت أخاف انام
طول الوقت المصحف جمبي وبنام علي وضوء وبردو بحلم بالكوابيس دي نزلت دموعها اعمل ايه تاني قوليلي يا مامي انا تعبت اوي
امينه....اهدي عشان خاطري صدقيني يا داليدا الدكتور هو الحل انتي نفسيتك تعبت في اخر فتره ولازم حد يساعدك ويقويكي لازم حد ياخد بأيدك وصدقيني محدش فينا هيقدر يعمل كده غير الدكتور يا حبيبتي
داليدا....يامامي مانا روحت قبل كده ومفيش فايده نفس الكوابيس كل يوم وكل كابوس أسوء من اللي قبله انا بحس ان روحي بتطلع
امينه.....يبقي غيري الدكتور اكيد انتي مرتحتيش معاه انا هشوفلك دكتور كويس تروحيله
خبطت دوللي فالوقت ده صباح السك..😳😳ايه ده في ايه مالها داليدا...كابوس تاني
امينه...تعالي يا دوللي صباح الخير يا حبيبتي كنت جايه اصحيكي
دوللي اعدت جمبهم عالسرير مانا صحيت خلاص كنت ظابطه المنبه عشان عندي محاضره مهمه بصت لداليدا...مالك ياداليدا
داليدا بأبتسامه...مفيش كويسه قامت من حضن امينه.  كابوس كالعاده
دوللي...احسن 😒😒 عشان امبارح نمتي من غير ما تستنيني
داليدا...كلمتك كتير امبارح اتأخرتي اوي نمت مكنتش قادره وبعدين يا جزمه فرحانه فيا
دوللي بابتسامه لا طبعا انا بهزر انتي حبيبتي
امينه....يلا قوموا هنزل اجهز الاطباق عالسفره مع فاطمه لحد ما تنزلوا
دوللي...انزلي وهجيبها واجي
امينه ..ماشي متتأخروش وانتي مترغيش وتعطليها
خرجت امينه وقفلت الباب
دوللي....انا برغي😒😒
داليدا....لا طبعا مين انتي هو في حد كلامه قليل ادك🙄🙄 سامحني يارب
دوللي...كده طب تصدقي مش هحكيلك علي مغامره امبارح
داليدا....لا مانا عرفت من مامي يابت انتي مبتخافيش انا بيتهيألي انتي لو شوفتي كابوس واحد من اللي انا بشوفه هتبقي مبسوطه
دوللي ...بضحك يا بنتي هو في حاجه فالدنيا احلي من المغامره طب ده انا امبارح كنت بجري من زومبي وبحل الغاز عشان اعرف اخرج من الغرفه انتي لو كنتي شوفتي المكان اللي كنا فيه من غير ما تلعبي كان أعم عليكي عباره عن ديكور مستشفي مهجوره الدم في كل مكان وجثث وزومبي والات تعذيب وكلبشات تحسي انك بتحضري فيلم رعب عالمي
داليدا...الله يخربيتك انتي بتحكي انا خوفت انا بس نفسي أسأل انتي بتستفادي ايه
دوللي....بحس اني مبسوطه هرمون السعاده عندي بيعلي لما بعمل اي مغامره جديده بحس اني حره عندي ثقه في نفسي اكتر خوفي من اي حاجه عشان امحيه خالص لازم اجرب طب انتي تصدقي اني امبارح من ضمن المغامره عشان اخرج من الاوضه لازم افرقع بلونه ببوئي وانا ايدي مربوطه بكلبشات عشان اوصل لمفتاح انتي عارفه اني بخاف جدا من فرقعه البلالين دي ومع ذلك اتحديت خوفي وعملتها
داليدا...صحيح يعني واحده تنط من براشوت ومره تروح كهف مهجور في سيوه ومره تتنطط من سور العماير ومره تتسلق جبل واخيرا تتحبس في مستشفي مهجوره ويجري وراها زومبي هو اه مش حقيقي بس كفايه المنظر وواحده تمسك عقارب وعناكب وتعابين وحشرات وحيوانات ومتخافش وتخاف من بلونه بتفرقع مش غريبه دي🤨🤨🤔
دوللي بضحك...ماعشان كده كان لازم اهزم خوفي ده وقدرت..عارفه يا داليدا يمكن اوقات كتير احنا بندي للخوف قيمه اكبر من حجمه مع اننا لو جمدنا قلبنا شويه هنلاقي ان خوفنا ده كان مبالغ فيه جدا والحاجه اللي كنا خايفين منها طلعت اهيف من ما كنا نتصور
داليدا... يمكن يكون عندك حق بس وقت الخوف يا دوللي كل جزء فيكي بيقف ومبتقدريش تتحكمي في نفسك
دوللي...مش كل الناس يا داليدا في ناس الخوف بيسيطر عليهم وفي ناس هما اللي بيسطروا علي خوفهم وبعدين عادي اني اخاف ده شعور انساني طبيعي بس لو فكرنا بالعقل احنا بنخاف ليه عشان هو شعور طبيعي ولا عشان خايفين نكتشف حاجه اسوء
داليدا...يمكن عشان خايفين نكتشف حاجه اسوء او نتصدم بحاجه تخوفنا اكتر
دوللي...بصي يادليدا انا عندي قناعه مهمه جدا.ادام في حاجه لازم اعملها يبقي هعملها ادامي طريق مفتوح بس في وسط الطريق ده في حاجه مخوفاني وفنفس الوقت لو ممشيتش الطريق ده هكون في امان بس هفضل في نفس النقطه مش هتقدم يبقي ايه المانع انب اجرب مش يمكن خوفي ده مش في محله واقدر اعدي الطريق
داليدا ...ولو طلع في محله وواجهتي اللي يخلي خوفك يضاعف
دوللي....عادي وارد جدا
ميبقاش في محله ويحصل اللي كنت خايفه منه...واعيشه كمان بس فالأخر هعدي لان مفيش طريق سهل لازم نواجه متاعب وصعوبات وخوف لكن اللي متأكده منه اني هخرج من التجربه دي وانا متعلمه حاجه جديده تماما هتقدر تفيدني لو أتكررت نفس التجربه دي تاني ادامي
احنا بنواجه صعوبات وخوف وقلق لما بنجرب حاجه لاول مره لكن لو أتعادت نفس التجربه تاني لازم هنعدي منها بسهوله لاننا اتعلمنا قبل كده واللي ميتعلمش من تجربه صعبه مر بيها يبقي أغبي انسان فالدنيا
أبتسمت داليدا بحب....كبرتي يا دوللي رغم اننا اكبر منك بسبع سنين بس ديما بتعلم منك حجات مهمه يمكن انا وانتي طباعنا وتفكيرنا مختلفين تماما بس اوقات بيبقي نفسي اكون زيك واقدر اواجه
دوللي...مسكت أيدها بحب علي فكره بقي يمكن الانا فيه ده بسببك انتي اي تجربه بتقعي فيها انا بتعلم منها زي ما قولتلك لازم نتعلم من التجارب سواء تخصنا او تخص اي حد تاني يعني لو انتي مبهوره اوي كده بيا فالفضل يرجعلك
داليدا....ااااه يعني حضرتك بتتعلمي فيا🙄🤨
دوللي بضحك...مش بالظبط يعني بس كمان اتعلمت منك حجات كتير الطيبه والحب والحنيه والاعتماد عالنفس
داليدا....بحزن بس اوعي تتعلمي الضعف مني يا دوللي
دوللي....ومين قال انك ضعيفه اللي مريتي بيه يا داليدا مش اي حد يستحمله إلا لو كان قوي يمكن تكوني متأثره نفسيا لانك فالاخر بني ادمه بس مش معناه انك ضعيفه وانا واثقه انك تعدي وقت اطول شويه هتقدري تفوقي وتبقي اقوي من الاول
داليدا....اهو انا بعد الكلمتين الحلويين دول نفسي اتفتحت عالاكل وعالشغل يلا بينا ننزل نفطر واروح عالشركه عشان متأخرش
دوللي..بحب اي خدمه يا ستي يلا انا هروح اخد الملازم بتاعتي و أسبقك علي تحت
داليدا...اشطا
دوللي....اشطا يا عسل😉😍
........بقلم اميره اسامه🖋️
أشوفكم بكره
وللحديث بقيه.....😍