- المشروع الواتبادّي السنوي، لإلهام ساكنِي العالم البرتقالي، وإفادتهم.
• مُقتبس من فكرة منصّة TED.
• مليء بالعديد من المفاجآت الجديدة لهذا العام!
•| كُل اللي إنتَ محتاجه إنك تدّي للمكان اللي قدامك فرصة إنه يبهرك، وإنّك تجرّب.. تدخل، وترمي نفسك في ال...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المُشاركة من فئة: قُور وأكَم. كُتِبت بواسطة: أمنية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
التعليم.
الشيء اللي عاملي وعاملك وعاملنا كلنا أزمة.❤️
«آه.. بس هو ليه عامل أزمة؟»
في الأول كدا، وبما أن ختامه مسك، فاحنا هانبدأ باللي ملوش علاقة بالمسك أصلًا، الدراسة.
لما قولت الدراسة، قصدت في إطار المدارس. لذلك هو مش مسك، خالص يعني. هاقولك ليه، تقدر تقولي كام سنة ضيعتها في التعليم التلقيدي؟ طيب، قولي، هل أنت فاكر الخمستاشر منهج اللي خدته؟ أكيد لا، قد تكون فاكر أشياء بسيطة، بس مش المنهج كله.
المشكلة مش هنا، المشكلة في اللي المناهج مركزة عليه، النظام التعليمي نفسه.
الحج بيكاسو، قال قبل كدا: «كل طفل فنان، المشكلة كيف يبقى عندما يكبر.» والنظام التعليمي، بمنتهى الهدوء، بيتخلص من الفنان اللي جواك.
بحيث أن كل منا ليه اهتماماته، في طفل كثير الحركة ورياضي، طفل ايده بتطلع فن، طفل مبتكر، طفل متفاهم. كلهم أذكياء، الفكرة في نوع ذكائهم وتنميته.
في النظام التعليمي، وأعتقد أننا كلنا مستوعبين حاجة زي كدا، احنا ليه بنخاف من الاختبارات؟ لأننا بنخاف نغلط، الإبداع والخطأ مستحيل تفصلهم ببعض، لو لم تتخلص من خوفك من الخطأ، مش هاتبدع.
