ROWOONx 2

12. ☆⁩ الجَميل الأخْضِر 🎋💚.

السلام عليكم ورحمة الله وبركاته.✨

المُشاركة من فئة: وأخرى تُحبونها.
كُتِبت بواسطة: فلورا

- الفهرس:
- مقدمة: مين هو الجميل الأخضر؟
- ليه من المهم إننا نحبه ونِقَدَّر وجوده؟
- هل لازم نخاف إننا نفقده؟
- إيه اللي الهواية دي هتضيفهولك؟
- خاتمة: إيه الهدف من المُشاركة؟

...

إزَّيك؟ بداية غريبة آه أنا عارفة، بس إزَّيك؟ عامل إيه؟ وإيه أحوالك؟

يعني... بما إننا هنكون سوا في مُشاركة طويلة زي دي - اللي عندي شعور إنها هتكون أطول مُشاركة في روونكس السنادي- لازم علي الأقل نتعرف علي بعض، مش كدا؟

أنا إسمي أروي وبينادوني فلورا -لسبب هتعرفه كمان شوية-، ورغم إني شخصيًا مش بهتم بالأسماء علي قد إهتمامي بالأفكار؛ إلا أنك برضوا -كشخص هيتفضل ويتحمل ثرثرتي رغم أنه مش مجبور بتاتًا- ليك حق تعرف أنا مين؟، وإجابة السؤال دا مش في السطر اللي فوق، لأ خالص، إجابته لسة في السطر اللي جاي، أنا: إنسانة من ضمن أكتر من سبعة مليار بشري عايشين علي الكوكب دا حاليًا، عندي هواية زي ما كل واحد فيهم برضوا عنده -بغض النظر بقا عن إذا كان إكتشفها ولا لسة- إتقالي قبل كدا إن هوايتي غريبة، بس أنا مش فاهمة إيه الغريب في أنك تهتم بالجميل الأخضر؟ أنت الأول عارف مين الجميل الأخضر؟ لأ بص يعني أكيد مش هكون بتكلم عن "هَالْك"؛ علشان دا بيتقال عليه عملاق أخضر -رغم أنه جميل برضوا بس مش نقطتنا دلوقتي- ففكر بمنطقية بعد أذنك، خد وقتك، مش بستعجلك خالص، خَمِّن وقولي