النقيب يملكني

البارت الثاني والعشرون

انا قيس وانتي ليلى ... وانا عنترة وانتي عبلة ... انا روميو وانتي جولييت ... انا جاك وانتي روز... كل العشاق لهم لحضات في جميلة في حبهم فأين اللحظات الجميلة التي عشناها معا. ايتها المستبدة

#النقيب يملكني
#نور الحسين

_______________
اسراء:بعد ماتصلت بيه بيبي وكالت باجر يجون كتلها هلا بيكم

احس احوالي تخربطت كلش مدري فرحانه مدري خايفه من سند وشوفتي اله اريد اشوفه لان مشتاقتله ومااريد لمن اذكر شلون طلكني بكل سهوله يعني هيج هينه اني عنده شوكت مايريد يزوجني وشوكت مايريد يطلكني والله حلوه هاي

دخلت روز واجتي كعدت يمي ـ ها يحلوه شو صافنه شكو يول تعرفين الصفنه المن مايحتاج احجي

. طاح حضج قصدج اني مطي

. هههههه مااني كلت انتي كلتيها

. هههههه وخري مني مابيه حيلج

. اليسمعج يكول شايلتني شبيج اسراء

. بلا سخافتج وتعالي اكلج

. هين اني يمج كولي شكو

. راح تجي بيبي والبنات باجر

. اي وشكو بيها يولو المفروض تفرحين ماانتي دكولين مشتاكه للبنات وبيبيتج

. اي صح واني فرحانه بس راح يجبهن سند

. هااا يعني راح يجي وياهم سنودي ههههه

. خاب احجي صدك شبيج بلا مزحج

. شبيج تره عادي وقابل هو راح يكعد يمج

. اي هم صح هوه يم خالو وبستقبالكم

. اي بعد شكو وخايفه

. شكد اني غبيه والله

. همزين عرفتي روحج يول

بقت هيه نايمه يمي ومكنكه واني بيدي التليفون واباوع ودخلت على الفيس واكلب بيه واني بطبعي ابد ماانشر بيه بس اباوع لكيت سند ناشر صورته كلش حلوه وكاتب عليها بيت شعر يوصف حاله بيه من قريته انقهرت عليه

بس اذكرت كلامه من كال والله يااسراء اله اخليج تشربين من نفس الكاس الشربتينياه فعلا احبه ولااكدر انساه ولمن اذكر كلام روز من ادكول كون يزوجج عليج شكد اضوج مجرد التفكير احس كلبي يريد يوكف شحال لو صدك

اتمنه اراسله واسولف وياه ونرجعه من جديد ونرجع القبل شلون جان يعاملني لمن انخطبه يمكن جان عندي اتعس بيوم بحياتي بس هسه لمن اذكره اكول لا احله يوم لان انجمعنه اني وسند بيه  سند من خلاله عرفت معنه الاب شفت بيه ابو لبنته وشفت خطيب لخطيبته

سند كلشي بيه حلو بس غيرته تخنك مايتفاهم واني مااحب هيج بشر ابد موحلو هيج انسان احله شي بلزواج كون ينبني على الثقه والاحترام لو انفقدن يخرب الزواج عود هاي بدايت الخطوبه وهيج يش بيه زين مو هوه عاشرني وعرفني اني منو وعشه وياه سنتين معقوله ماعرفني بيها اني شنو