اغار عليك دون علمك واخاف عليك وانت لاتدري واحبك وانت لست لي
#النقيب يملكني
#نور الحسين
____________________
اسراء: بقت روز تراسل بمهيب ومااعرف شنو من عذر انطته ولجين اتباوع وياي بجهازي وبقينه انسولف وتسأل بيه شلون اتطلكت وشنو السبب ولمن عرفت كالت الحق وياج ويياه وثنينكم غلطانين ومااعرف بيمن السبب
شويه وطلعت روز صحنه وين كالت اريد يتصل بيه كلنالها روحي راحت واحنه بقينه واكتشفت هواي اشياء عنها سولفتلي عن حياتها وشلون حبت شخص وهوه خانها وطلع يحب صديقتها واتأثرت حيل بيها وكسرت خاطري لمن بجت وعرفت كميت الأذيه الي واصلتلها ولهيج سبب كارها الزواج والحب
وبجت هواي واني وياها على الواهس بجيت وبيه طبع بسرعه اتأثر بااقل مشهد ابجي ولشويه وهيه كالت اريد انام ودارت وجها ونامت واني هم نعست لان اليوم كاعدين من وكت وخليت تليفوني جوه المخده ودخلت بعالم التفكير الي قبل النوم
واذكر سند ونضراته اليه وشلون يخزر بيه وشلون اجه وحجه وياي والله اشتاقيتله كلش وعبالي اكره من تصرفاته اشو حبيه اكثر مشاعري تعبتني متناقضه ساعه احبه وساعه اكرهه
حسيت بتليفوني يعلن على وصول رساله طلعته وشفته وجانت الرساله من سند الضاهر مثل مااني افكر بيه هوه هم يفكر بيه ابو كلب ميت
(شلونج يبعد المو الي كلما ابعدج من بالي واطلعج ترجعين شمسوي بحياتي انه وهيج مبتلي بيج اكول احبج واعشكج بس مايشفعلي وبلعكس ظلمن حبي الج كلمة احبج واعشكج يظلمني كلش لان مايوصفن الحال عقلي يكول عوفها هاي اتعبك ولو تحبك جان رجعتلك من زمان يرجع كلبي يكول لا اذا هيه عافتك انته لاتصير مثلها وتمسك بيه المشكله مو هنا المشكله من امشي وره كلبي اهلك ومن امشي وره عقلي اتعب حرت والله لايشوفج حيرتي)
قريتها ومارديت عليه بس انهضمت عليه والله كلامه قوي ويخلي الواحد ينكسر علموده بس اني هم مثله كلبي يكول ارجعي وعقلي يكول ماتتراهمون انتي وياه بقيت الازمه التليفون واباوع اله يكتب الان شويه وقريتها
(اسراء الله عليج ردي عليه عوفينه من الحب اريد اسولف وياج)
رديت . بخصوص شنو ؟
( بخصوص اليوم شطالعه ولج شكد عيب اخوي الزغير خطب وانه بعدني)
. منو لازمك لعد متخطب
(مو الي احبها ماعدها احساس وانه رجال من جماعته حبها واخذها)
. يجوز هيه ماتريدك شنو كوه مايصير تغصبها حرام عليك
(والله ادري حرام بس شسوي احبها مو بيدي من اتخيل تروح لغيري عقلي يريد ينجن ولاجنها هلكبرها سبت كلبي سبايه)
أنت تقرأ
النقيب يملكني
Romantikاباوع اني وين وشجابني هنا مااحس غير بس رجال كال تفضلي بنتي فوتي جوه والبنات يشوفن شنو تحتاجين دخلت جوه لان انحرجت منه مو مال ابقى بره وهوه دعاني افوت لاكتني بنيه كالت هلا بيج حبيبتي اتفضلي جوه يم بيبي والله محد اكو بس احنه نسوان والرياجيل كلها بره
