النقيب يملكني

البارت الثاني

#النقيب يملكني
#للكاتبه نور الحسين

فضلآ وليس امرآ التصويت للقصه والتعليق بين الفقرات قراءة
___________________
طبك السياره كدام بيت يعني بيتهم ماشاء الله حلو ومرتب من بره نزلت الحجيه وهوه واني بيدي البنيه الزغيره

كال انطينياها عنج تعبتج

- لا عمو خفيفه

- يله انطينياها وانتي ايلين اانتي وبيبي اخذوا هاي البنت وياكم

اني استحقرت نفسي لان حتى مكال اسمي لهدرجه مستحقرني ومطايقني

كلت اكل للحجيه بس الليله ابات وحتلو ملكوا اهلي اروح اني ادور وشيصير خلي يصير لان مااريد  اثقل على بشر

مشن كدامي والحجيه كالت يمه اسراء امشي وراي

صدك مشيت وراهن دخلنه للصاله حلوه والحجيه كالت يمه ليونه اخذي سراوي لغرفتج خلي ترتاح بيها

- حاضر بيبي تعالي سراوي وراي خلي اشوفج غرفتي حلوه لو لا هههه

- يروحي اكيد مثلج

- باعي هاي غرفتنه اني وريان بس هيه بعدها زغيره بيبي تنومها يمهه بس بابا كال لمن تكبر ايصير سرير الج وسرير الها بس انتي نامي على سريرها لان جبير

- فدوه غرفتكم تجنن

- يعني عجبتج

- اي كلش يمه شنو هل اللسان جني احجي ويه وحده بعمري

- هههه حتى بابا وبيبي يكولون ام السان الوكحه

- هههه لا انتي حبابه فدوه شكد محبوبه

بستها من خدها وكالت راح اجيب ريون واجي شويه ورجعت كالت

- سراوي بابا يريدج بالصاله يكول بسرعه تعالي عندي شغل وياج

- يمه اخاف يريد يطردني

- لاا والله يريد يسولف وياج بابه حباب لاتخافين

رحت وياها ولكيته هوه والحجيه بالصاله كاعدين على غنفات

- تعاي اسراء يمه عمج يريد يسولف وياج اكعدي بصفي هنا

- تفضل عمو كول

- اي احجيلي باجر وراي دوام بعد عشر تيام يله اجي وشلون بيج هيج تضلين

- لا عمو اني باجر من الصبح اروح

- اي عيني وين ترحين ست اسراء

- عمو ليش هيج تعاملني والله اني ادري بيك ماتريدني بس وين اروح والرجال الجبير كالي ادخلي والدنيه ليل ودخلت

- هسه انه شكلت وقريتيلي جريده قابل طردتج اشو كاعده معززه مكرمه 

- لا يمه طريقت كلامك مو حلوه وياها على كيفك اشو حجي ماتعرف تحجي لاتظلم بختها