النقيب يملكني

الرابع والعشرون

جئت لأكتب لك فلم أجد قلما .. فبريت عظمة من عظام صدري فلم أجد حبرا .. فغمستها بدماء قلبي فلم أجد كلمات
فكتبت كلمة واحده تسد عن كل الكلمات .. أحبك

#النقيب يملكني
#نور الحسين

_________________

اسراء: طكيتها بركضه وسديت الباب وراي حتى بعد مايكدر يسوي شي واحس كلبي يريد يطلع مني من الخوف والرعب منه ولا خاف يجي واحد لو يشوفنه

رحت للغرفه ومثل الي مسويه جريمه ودخلت على كيف بفراشي اجتني رساله قريتها كاتب بيها

(حركتي كلبي حتى خشمي طك دم بحظج وبختج)

قريتها ومارديت عليه بعد وانوب اريد انام مااكدر من التفكير وبعدين مدري شلون غفيت

ثاني يوم من الصبح كعدنه وجهزن الريوك حتى يرحون لان الوكت اخذاهم والطريق بعدين وانوب البنات يكلك اول يوم الي من رحت منهن وشبعن بجي خوب ليون تبجي وادكول سراوي تعالي ويانه حبابه حتلو بس يوم وارجعي واني افهم بيها واريد تفتهم ماكو اخر شي كوه بيبي قنعتها وكالت عود نرجع نجيهم

راحو وبالي يم ليون وريان اخاف بعدهن يبجن للعصر اتصلت بيبي وكالت وصلنه وزيانت وايلين ابوها سولف وياها وقنعها وقبلت

وكل يوم اتصل بيهن واذكرت صفاء وهم اتصلت بيها وبقت عتب على ابو ليش ماتتصلين ومن هذا الحجي وسالفت مهيب نستها روز لان لو مذكرتها جان اكلت كلبي اله اكمللها لو يجوز رادت تنسيني

تقريبًا صار عشر تيام لمن اجونه بيبي وسند بليل جنت كاعده اني وروز واتسولفلي على صديقتها شلون تحب شخص وياها بلجامعه وهوه هم يحبها ويريد يخطبها بس اهلها مايقبلون بيه اتصلت بيبي وكطعت سالفتنه

. الوو هلا بيبي شلونج شخبارج

. هلا بيج يمه الحمد الله انتي شلونج

. بخير بيبي والبنات شلونهن

. والله الحمد الله

. الليله شعجب متصله كل مره اني اسويها واتصل

. خابرتج اريد اكلج حاجيت مهيب

. اي وشنو كال

. يكول يمه براحتج وانه هم اخذتله اللهيب كون يرضه

. ههههه والله يبيبي

. والله ورضه وكال ماعليه انه اي وحدها انتي ترضين بيها ارضه بيها

. خوش الحمد الله وبعد شلون

. ان شاء الله جم يوم اكل لحسين ولسند ونجي نخطب

. لعد همه ميدرون

. اي ماكلت لحد غير لمهيب ردت اجيس نبضه