النقيب يملكني

البارت الواحد والعشرون

قالوا كيف الحب ياأسير العيون ؟؟
قلت الحب عشق وفنون ..
قالوا العشق من عذابه جنون !!
قلت العذاب في الحب يهون ..
قالوا الجفا من طبعه سكون !!
قلت الشوق احلى شجون ..
قالو الحبيب يمكن يخون ؟؟
قلت اللي يحب لازم يصون

#النقيب يملكني
#نور الحسين

________________
اسراء: طلعلي جار الكتابه واني فز كلبي خرجت من الواتساب حتى مايكول اتشوف وماترد

خرجت وسديت التليفون وخليته يمي وكلبي يدك الف شويه وسمعت التليفون يعلن على وصول رساله رفعته ومادخلت على الرساله بس كدرت اقره الشعار منه وداز شعر

( تمنيتك خيالي وتمشي وياي
وتمنيتك وشم وبكلبي مطبوع
وتمنيتك ثلج محبوبي وانه الماي
لو نجمد سوه لو انته بيه تموع )

قريت الشعار بدون تفكير دخلت على الواتساب مالته وشفته بعده متصل الان ماسويت شي بس نسخت الشعر وحفظته دخلت روز عليه واجتي يمي

. ها الحلو شعيسوي

. ماسوي شي بس تعالي شوفي سند شدزلي من شعر

. وينه ولج خل اشوفو الله عليج

. اصبري لحضه

دخلت على المحادثه مالته هيه اخذت التليفون مني وقرت الشعر

. امداج يااسراء يولو والله لو اني منج ولااعوفو وانام على كلبو بشرفج هاذا الي يدز هجي شعر همات ينعاف

. ولج عصبي وغيور غيرته تخنك مايتفاهم ويشك بروحه

. عجل يابه اليحب من صدك غير يصير غيور لو تردينو ما يهتم بربج اعذريني على كلامي وياج انتي وحده غبيه بشرفج عندج صوره الو خل اشوفو حلو لا الغيور

. هههه انتي اتموتين على الحلوين اوكفي اني ماعندي صوره اله بس خلي ادخلج على صفحته على الفيس واشوفج شنو ناشر

. اي يولو بداعت الطيبين

دخلت على الفيس مالته طلعتي الصفحه الشخصيه دخلت عليها هاي شافته لو شهكت

. عزا بعينج سريوه هوه هذا هم ينعاف دحكي ابويه اويلي على البصراوين ول وخري مني لادفرج وربج ولج شلون هساع انتي هين وعايفتو بلكن الله ولنو يجينج خبرو متزوج غيرج ولو غير اشك ثوبي

. اسم الله وخري لج عينج بارده

. ها غرتي عليه عجل شلون ماترضين من يغار عليج لو عليه حرام وعليج حلال خاب دفرتي نعمتج بيدج والله بس احجيها هجي لو هجي انتي ماناقصه حكج  ماكله اكل ونوم والج الله يروز اخدمي بسراوي وسراوي مبطوطه بط من الجمال واني بس هكره وياريت لو واحد يكلبني حظوظ والله