شايف من تفارك وانت لسه تغار
ويصفن بيك لونك والهضم يحتار
ومن يروح منك وانت بعدك حار
شيبرد ابراهيم جروحك ؟
#النقيب يملكني
#نور الحسين
___________________
اسراء.ثاني يوم الصبح عمو حسين كال اليوم راح انروح انشوف بيت خوالي واني بين الفرحانه وبين الحزنانه على فراك سند والبنات وبيبي وكلها عيشتهم حلوه وابد ماأذوني بشي ولابكلمه
اني ماا معذبني غير سند شلون قبل اروح وشنو هل البرود العنده صح هوه مره كلي اذا راد يأذيني مايضرب ولا شي راح يأذيني بهجره وفعلا نجح بهذا الشي وعرفت نفسي خسرته بس عكب شنو عكب مارح يرحون وحتى بعد مااكدر اكول لا مااريد اروح لان راح انهان كدام الكل وبعدين تعبت عمو حسين وسند على مالكو خوالي
وبعدين شنو هل التناقض مو على اساس مااريد شلون هسه صرت اريد اتمنه هسه يجي يمي وقنعني ويكلي ابقي لاترحين لو يصير عصبي ويصح وماايقبل اروح ويگللهم مو بكيفكم هاي زوجتي وماانطيها بس مايسويها لان كال وعد راح الكه خوالج وادزج بيدي الهم وهياني لكاهم وراح يدزني
ياربي اريده والله اريده احبه حبه يجري بدمي كل مااكول مااحبه اجذب وارجع احبه اكثر كون كدامي واشكيله منه وعليه ابجي بلكي ادموعي تكسر خاطره ويرجعني وين الكه مثل حبه الي وين الكه اب مثله عيشني مثل بناته مايوم حسسهن هنه احسن مني لو اني احسن منهن عرف شلون يوازن بين حبه النه
سند والله احبك ابو كلب ميت لاتعوفني سند راح نتفارك معقوله هيج هنت عليك لييييش مو احبك مو انته اول حب حبيته بس وياك عرفت معنه العشك هستوي عرفت شنو العشك لمن اتحب من كلبك وهوه بعيد عنك من تشتاق وهوه بعيد عنك ينجمع الشوك والحب يصير عشك
اني شجابني على الحب وجنت مااناقصه زين مو هوه علمني الحب موهوه كال وعد راح اخليج تحبيني شلون كدر هيج زين خل يكرهني بيه بمثل الطريقه
كمت وفتحت التليفون وطلعت اشاعر حزينه وكل شعر احسه يوصف حالي لو يشكي بمكاني انفجرت بلبجي بجيت وبجيت لحد ماحسيت نفسي اكتفيت وعيوني صارت وارمه وجفنهن صار ثكيل لفيت راسي ونمت
كعدت على حلم مدري صوت يم راسي من حسيت عرفت هاي بيبي والبنات كعدت على حيلي ونسيت عيوني هسه يومن اكثر من البجي والنوم
شهكت بيبي والبنات عليه واني كلت شكو اسم الله
.صخام ولج اسرااااء والله تعبتيني شبيج عيونج شبيهن
. شبيهن بيبي ؟
. كلي لروحج واج مو حرام عليج هيج تسوين بروحج مو تردين خوالج وهاي لكو خوالج بعد شكو مو ماتردينه وصرنه ارخاص عليج صار شكد يمنه ودللناج وحسبتج اكثر من بت الي كتلج انه ماعندي بت وانتي بتي بس انتي شسويتي من اول غلطه وعفتينه وانه اكول اسراء سباعيه وكلشي تتحمل
أنت تقرأ
النقيب يملكني
Romanceاباوع اني وين وشجابني هنا مااحس غير بس رجال كال تفضلي بنتي فوتي جوه والبنات يشوفن شنو تحتاجين دخلت جوه لان انحرجت منه مو مال ابقى بره وهوه دعاني افوت لاكتني بنيه كالت هلا بيج حبيبتي اتفضلي جوه يم بيبي والله محد اكو بس احنه نسوان والرياجيل كلها بره
