النقيب يملكني

الثامن والعشرون

:احبك يا نبض كلبي
احبك يا هوئ الريه
احبك فنك بكدمن
اقل من امي بشويه
شكد ارتاح لمن احجي وياك
احس بروحي سحره ونته ضلي
من وجهك ابد ما ينشبع شوف

# النقيب يملكني
#نور الحسين

_________________

اسراء: اجتي لجين وكالت شكو هذا الضحك ضحكني وياجن

. تعالي اسمعي روز شنو دكول

. شكو شنو كالت يولو

. ادكول على خطيبها بعمري فديتك كولين منين سامعتها

. منين ؟

. قاريتها بلداخليات هههههه

. والله هاي البنت تضحك يولو خلص الغزل ورايحه ادوين بلداخليات  كون يسمعج مكصوف الرگبه

. عجل يابه شلون مااتغزل بخطيبي

. جعل محد غيرج يتغزل

. فديتج بل ^^^^

. ههههههه يانعال يااادب سزز  ماادري هجي الخطوبه تفسدج

. هههههههه عجل ماتكيفين واحد هجي يغازلج

. وقز القرط غزل وبيه الداخليات مااريدو بلخصوص لو مالاتج

. شبيج والله جديدات ماصار جثير من اشتريتهن

. يبوو بعد فد نوب تمالخن من الروس كافي خلي ننزل حبابات

عاد هنه سكت ونزلنه جوه والبيت يروش نسوان وجهال واجواء عرس ونركض منا ونرجع منا

ثاني يوم الحنه والدنيه نكلبت كالاب صارت مالك محط رجل وجابو مطرب واحنه طايرين للتوزيع والتقديم وبعدين بدينه  بلديجي والركص لحد ماملينه وخبال روز ولجين  لعبن لعب بلركص يمكن اجذب اذا اكول هنه حلنها لان يسون واهس بخبال

وشويه وروز اجتي وكرصتني واني صرخت من كرصتها

. ااااخ خبال شبيج

. وجع يول شبيج فضحتيني

. مو كرصتج اذتني شكو شبيج

. لجين راحت كدامنه بلبوكه خل انروح نلحكها

. وين ؟

. نصعد على السطح انشوف شلون يلعبون جوبي

. خاف يشوفونه

. لا ولج يلغمه الستاره عاليه ندحك من الفتحات امشي الفاهيه

. يله جايه بس لاتصيحين

رحت وياها وصعدنه فوك وصدك لكيت لجين كاعده وتباوع ومتحمسه وكالت تعالن شوفن وصدك جانو هستوهم بادين بلجوبي ويركصون وجان براس الجوبي محمد وبيده سبحه ويفر بيها ويركصون جان حتى مهيب وياهم وبعد شباب مااعرف ويضحكون والركص مالتهم يخبل وجانت الغنيه الي يغنيها المطرب طيره وبجت في قفص وتصيح خلصني