النقيب يملكني

الثامن والثلاثون

ثواني لشوفتك احسب وعدلك
تميل وياي كل ساعه وعدلك
احبك وابد ما اعوفك وعدلك
واضمك بالگلب يعني انت اليه

#النقيب يملكني
#نور الحسين

________________

اسراء:متت خوف سنوني صارن يطكن سن بسن من شفته بهاي العصبيه كلشي بيه يرجف لشتي كلها ترجف وكلبي يدك على السريع

.. سند سند شنو سويت

.. حقيييره ماسويتي شي فشلتيني كدام الناس ولج حيواانه انه تالي عمري تخابرني مره ودكلي هاي مامرجيه منك هيج حرمتك تطعن بعرضي وشرفي

..بس اني من سويت هيج من غيرتي عليك

.. وللج ياغيره ياغيره الغيره ترحين لمراه غريبه تفشرين عليها بالفاض مو حلوه احجي هسه دكولين شكلتيلها ولج هااااي ملازم تعرفييين شنو ملازم

جان يحجي ويهز بيه واني راح اموت اريد بس ينتبهلي حتى يخفف صياحه ماكو

.. سننند الله عليك باوعلي بس باوعلي عوف العصبيه

هوه من كلتله هيج حسيت بيه شويه هدئ ونتبه لشكلي

.. سند الله عليك والله كلبي راح يوكف شوف شوف اديه شلون ترجف على كيفك وياي

.. ولج احجي شكلتيلها بسرعه هسه تحجين

.. سند ااااءءء

.. اشششش كافي احجي شكلتيلها وبلا جذب اسراء تدريني انه دارسج اياج تجذبين

.. كتلها ليش تراسلين بزوجي روحي شوفيلج واحد ممزوج ولزكي بيه

.. لا موهذا كلامج اريد الفشار الي فشرتيه احجي يلااا

.. كتلها سا^^^ وك^^^ وكو^^^

كلتها ودنكت راسي هوه رفع راسي وباوعت بيه شفت نار وفاتح عيونه على حيلهن

.. ولج معقوله انتي هيج تحجين معقوله هاي اسراء كدامي ياهوا علمج على هاي المفردات

.. محد والله

.. احجييييي ياهوا علمج

.. والله محد والله

.. منين تعرفين هيج مفردات

.. اعرفهن من عمه بيداء مرت عمي

..اللعن ابوهاااا لاابو الخلفها ماكو غيرها سا^^^^ وك^^^^ مااريد انطقهن هنا ببيتي ولج احنه ذني نكولهن للمجرمين حتى يعترفون مو كلشي ولاالعرض مو حتى المجرم كبل يشهد من ينذكر عرضه وانتي ترحين تطعنين بعرض بت وفوكاها ملازم

.. سند والله من غيرتي عليك

.. يعني تشكين بيه ؟

.. اي بس انته شكيت بيه بسالفة مهيب لو نسيت