النقيب يملكني

البارت السادس

انه سامع بالكزاز لو نكسر مايرجع بعد هيج انته كلبي كسريته

#النقيب يملكني
#نور الحسين

فضلآ وليس.امرلآ التصويت للقصه والتعليق بين الفقرات.اتمنه البارت ينال رضاكم قراءة ممتعه
____________________

اسراء:ماادري ليش كلام عمو بقى يرن براسي

سلامتج بنيتي سراوي الخجوله هههه شكد حلو الخجل عليج لايك لعيونج الحلوه

لج اسراء اصحي هذا عمج ابو البنات ويعتبرج مثل بنته اياج تخلي بالج شكد انتي صلفه اتفكرين برجال مزوج وعنده ثنين بنات امداج اي والله لج تردين يكول عليج بلا اخلاق ويذم اهلج وتربيتهم شكد عيب والله

يااا ليله اني تسودنت والله شنو السالفه قابل قبل ماسامعته شلون يكول انتي بنيتي وحالج حال البنات شبيه هاي اني بس لسه صوته بأذني وطريقت كلامه وياي  شكد حلوه معاملته يعتبرني مثل بناته بس ليله مدري شبيه صوته يختلف عن كل مره اووف اسراء انتي شداتخربطين كافي يله نامي

كعدت الصبح ولبست ايلين وجهزت الها الريوك وهيه حبابه حيل وصايره تصرف كل تصرف مقلي اكلها ليش هيج تصرفاتج مثلي

ادكول سراوي والله انه احبج ومن كد مااحبج اريد كلشي اسوي مثلج وحته بابا يكول سوي مثل سراوي وتعلمي كلشي منها ولاتشلعين كلبها

- هوه هيج كال

- اي يكول اسراء حبابه وشاطره

- شوكت كال وليش هيج حجه

- ذاك اليوم انتي بالغرفه بيبي جانت تسولف عليج وهوه هيج كال

- هاا خوش يله عمري هم ايدج مابقى وكت عليج اتأخرتي

- يله خلصت وراح اروح

- الله وياج يروحي ومثل مكتلج اهم شي دروسج وبالج يم المعلمات خوش

- حاضر سراوي

بوستها وراحت للمدرسه وكعدو الحجيه وعمو حضرت الهم الريوك خليت على مائدة الطعام