النقيب يملكني

البارت الثامن

وليتنا لانتعلق بشي كي لايرهقنا البعد

فضلآ وليس امرآ التصويق للقصه والتعليق بين الفقرات قراءه ممتعه

_________________

اسراء: مااكدر اوصف شعوري لمن وصلني المسج وقريته ولااكدر اكول ماخفت منه احس صار مقص ببطني من الخوف مو يكلك مسج وقريته  جن هوه واكف كدامي وكالي هاذا الحجي رعب بمعنى الكلمه واني ابد ماانكر شخصيتي ضعيفه جدا بحيث الي يضربني راشدي انطيه خدي الثاني بكل رحابت صدر ومدري شلون بليلتها عيوني غمضن من الخوف

تندمت حيل لان كلت لبيبي لو مكايله احسن جان مصار بيه هيج بس اني غبيه واني ادري بيه ونصحوني بيبي وعمو مهيب مااندك بيه شلون اروح واكول مااريده حيل الي يسويه وياي وابو زايد واليجي من يده ربه يزيده

ثاني يوم الصبح عمو مهيب راح لبيتهم واني مثل روتيني كل يوم ومرت العشر تيام اسرع من عمري هاي لان مااريدهن يخلصن واني كل يوم ادعي كون مايخلص حتى ميجي عمو وصار عشر تيام هوه مدز شي بعد ولاحجه غير بس اجي واعلمج

واليوم نزوله والحجيه مخلت شي مسوته اله واني اكول اليوم اتريد اتشبعه زين حتى يبدي بيه يمه شنو عقابه وشراح يسوي بيه والله خايفه وكل شويه من الخوف تصير لويات ببطني  وحتى الحجيه حست عليه

الحجيه : يمه اسراء شبيج يكلبي

- شبيه بيبي مبيه شي

- شو وجهج اصفر ومو على بعضج

- الصراحه بيه اني خايفه حيل

- من شني يمه صاير شي بعد امج

- لا والله ماكو شي بس لان اليوم ينزل عمو سند واخاف ينفذ كلامه

- والله حته انه يمه كلبي يمج واخاف عليج منه

- عزاا بيبي فدوه لاتخوفيني

- لا يمه ماكو شي شيريد يسوي قابل وانه موجوده بس هوه راح يعقد عليج وانه متأكده من كلامه والله

- شلون بيبي منو كالج

- هوه ادك عليه وكال يمه انه بس ارجع اعقد على اسراء وانه كتله وحاجيته وهوه كال والله يمه وحك ربج اسراء الي ماتصير لغيري وانه احبها وعلى جنازتي تصير لغيري