Twenty Sixth Hour | Jin × Kook | Completed

13th Hour

ජිනී මගෙන් ඈත් වෙනවා කියලා හිතපු එකට මම මගේ ගැනම ලැජ්ජා උනා. ඇත්තටම එයාට පවුලේ ප්‍රශ්නයක් තිබිලා තියෙන්නේ. එයා ඒ හන්දා මාව මග ඇරලා තියෙන්නේ. මම අන්තිමට පිස්සෙක් වගේ බය වෙලා එයා ඉස්සරහා හොදටම ඇඩුවත් එක්ක.

ජිනි පුලුවන් හැමවෙලේම ඕක කිය කිය මට විහිලු කරනවා. මම දැන් ඉස්සරට වඩා හිනා වෙනවා. මම ඉස්සරට වඩා කම්මැලි නැතුව ඉගෙන ගන්නවා. ටේයුන් වැඩිම ලකුණු ගන්නකොට මම දෙවනියට වැඩිම ලකුණු ගන්න කෙනා උනා.

ඒ ඔක්කොම ජිනී හන්දා. එයා මට පොත් හොය හොය, රෑ එලි වෙනකන් පාඩම් කරවපු හන්දා. එයා ගැන වත් හිතන්නේ නැතුව මුලු ලෝකෙටම වඩා මට ආදරේ දුන්න හන්දා.

අද දවසේ අපි අපේ ජීව්තේ වැදගත් දේවල් ගොඩක් ගැන කතා කරා. වැදගත්ම දේ හොස්ටල් රූම් එකට සීමා උන අපේ ආදර කතාව ගෙවල් වලට කියන්නේ කවද්ද කියන එක.

ජිනියි මායි කතා උනේ අපි දෙන්නම ග්‍රැජුවේට් උනාට පස්සේ මේ ගැන කියමු කියලා. මොකද ජිනී ගොඩක් බය උනා එයාට අපේ ගෙදරින් කැමති නැති වෙයි කියලා. එයා ගොඩක් සල්ලිකාර පවුලක ළමයෙක් නෙවෙයි. එයා කියන විදිහට හොදට ඉගෙන ගත්ත කෙනෙක් උනොත් මගේ පපා එයාට කැමැත්ත දෙයි කියන එක එයාට විශ්වාසයි කියලා එයා කිව්වා.

මමත් එයා කියන දේට එකග උනා. අපි දෙන්නගේ එෆයා එකට ප්‍රශ්නයක් වෙනවා නම් ප්‍රශ්නයක් වෙන්න ඉන්නේ අපේ ගෙදර අය විතරයි. ජිනීත් හොදට ඉගෙන ගන්න කෙනෙක් කියලා පපාට පෙන්නන්න පුලුවන් උනොත් පපා අකමැති වෙන්නේ නැති වෙයි කියලා මගේ හිතත් කිව්වා.

ඊලගට අපේ කතාව ආවේ අපේ ඉන්ඩිවිජුවල් අසයිමන්ට් එක ගැන.  මට තෝරගන්න අමාරුම දේ උනේ අසයිමන්ට් එකට මොකක් කරනවද කියන එක.මොකද මට හම්බෙන ක්ලාස් එක තීරණය වෙන්නේ මම කරන අසයිමන්ට් එක මත.

මට මොන දේ ප්‍රශ්න තිබ්බත් මගේ ජිනී ට ඒ හැමදේටම උත්තරයක් තිබ්බා. ඒ වගේම මේ අසයිමන්ට් ප්‍රශ්නෙටත් එයාට උත්තරයක් තිබ්බා.

"නාවියා ස්ටෝක් ප්‍රශ්නයක් විසදන්න කුකී."

"නාවියා ස්ටෝක් ? ඔයා කියන්නේ මට මිලේනියම් ප්‍රොබ්ලම් එකක් ගන්න කියලද ? "

"ඔව්. "

"මෙච්චර කල් විසදන්න බැරි උන දේවල් මම කොහොමද විසදන්නේ ජිනී. මට වඩා හොද අය කොච්චර ඕක ට්‍රයි කරන්න හැදුවද. ? ඒත් එයාලා කාටවත් බැරි උන එකේ මම කොහොමද එච්චර දෙයක් කරන්නේ?"

"කුකී. අනිත් ප්‍රශ්න ටිකත් විස්සදන්කොට මට බෑ කිය කිය හිටියා නම් ඔය ප්‍රශ්න විසදෙන්නේ නෑ. ඒත් ඒවා විසදුනානේ. මට හොදටම විශ්වාසයි ඔයාට මේක පුලුවන් කියලා. ඒ හන්දා අපි වැඩ පටන් ගමු. අදම ! "

ජිනී මාව ඇදගෙන ලයිබ්‍රි එකට උස්සන් ගිහින් මට පොත් හොය හොය දුන්නා. මම පොත් ඔක්කොම එක දිගට පෙරලගෙන ඒවගෙන් තියරි ගලප ගලප  විසදුමක් හොයන්න හැදුවත් මට අඩුම තරමේ මේකට ගන්න පුලුවන් මොන සංකල්පයක්ද කියලා වත් හිතා ගන්න  බැරි උනා.

අන්තිමට සති 2ක් මහන්සි වෙලත් මට කිසිම ප්‍රතිපලයක් හම්බුනේ නෑ. ප්‍රශ්නේ විසදනවා තියා ප්‍රශ්නේ තේරුම් ගන්නවත් බැරි උන මම සතියක් ඇතුලත අසයිමන්ට් එක කොහොම කරලා දෙනවද කියන එක ඔලුවේ වද දෙන්න පටන් ගත්තා.

"මේක කරන්න බැරිකමක් නෑ කුකී."

අන්තිමට මම බෑ කියනකොට ජිනී මගේ ලැප් එකෙන් වාඩි වෙලා පොත් පෙරලන්න ගත්තා. එයා පොත් වල පිටු පෙරලන කොට මට හිතුනේ එයාව ඇදට පෙරලගන්න..ඒත් මම ඒ හැගීම් ඔක්කොම අපි දෙන්නා මැරි කරනකන් කරන්න පස්සට දා ගත්තා.