ඇද උඩ වාඩි වෙලා මම කල්පනා කර කර හිටියේ කොහෙන්ද පොත් ටික තියන්නේ කියලා. ජනේලේ ලගම පොත් මේසේ තියන හන්දා එතන හොදට පාඩම් කරන්න පුලුවන් තැනක් වගේ මට හිතුනේ. මුලු කාමරේම ලොකු නිසා මට ගෙදර වගේ හොදට ඉන්න පුලුවන් කියලා හිතාගෙන මම කාමරේ පුරා 37 වෙනි වතාවටත් ඇස් යැව්වා.
අන්තිමට මම ඔක්ස්ෆර්ඩ් වල !
පපාගෙයි, අප්පාගෙයි රණ්ඩුවේ ප්‍රතිඵලයක් විදිහට මම අන්තිමට ඔක්ස්ෆර්ඩ් වලට ආවා. මම ගෙදරින් එනකොටත් අප්පා පපා එක්ක කතා කරේ නෑ. ඒත් ඒක කොහොමත් හැමදාම වෙන දෙයක් හන්දා මම වැඩිය ගනන් ගත්තෙත් නෑ.
දැනට පැයකට කලින් මම පපා එක්ක කොලේජ් එකට ආවා. කොලේජ් ඇඩ්මිනිස්ට්‍රේශන් එකේ ඉදන් හොස්ටල් එකට විනාඩි 10ක වත් දුරක් නැති උනාට පපා එක්ක ආව හන්දා පැයක් ගියා එන්න. මග දිගට එක එක කට්ටිය එක්ක පපා කතා කරනකොට මම තනියම යන්නම් කියලා ආවේ නැත්තන් තාමත් මම මග ඉන්න තිබ්බේ.
නැගිටලා ගිහින් බාත් රූම් එක, කබඩ්ස් එහෙම ඇරලා බලලා මම තේරුම් ගත්තා මම හිතුවට වඩා හොස්ටල් එක හොදයි කියලා. බාත් රූම් එකේ දොර වහගෙන එනකොටම කවුරු හරි රූම් එකට තට්ටු කරනවා ඇහුනම මම ඉක්මනට ඇවිල්ලා දොර ඇරියා.
~පපා.
මම පපාට ඇතුලට එන්න ඉඩ දීලා පපා ආවට පස්සේ දොර වැහුවා. මම වගේම පපාත් රූම් එක වටේටම වටයක් කැරකිලා අන්තිමට මගේ ඉස්සරහින් හිටගත්තේ එයාගේ දේශනය පටන් ගන්න කියලා මට හොදටම තේරුනා.
"..........ඉතින් ඔයා පරිස්සමින් ඉන්න ඕනේ. අනිත් අයත් එක්ක පුලුවන් තරම් රණ්ඩු අඩු කරගන්න..ෆීල්ඩ් එකේ ඉස්සරහට යනකොට ඔයාට අනිත් අයගේ උදව් ඕනේ වෙනවා. රූම් එකේ තනියම ඉන්න එපා හැම වෙලේම. පොඩ්ඩක් අනිත් රූම්ස් වල ඉන්න කට්ටිය එක්ක කතා කරන්න. ඕනෙ දෙයක් කාර්ඩ් එකෙන් ගන්න. මට කතා කරන්න ඕනේ නෑ. අප්පාගෙන් ඉල්ලන්න ඕනෙත් නෑ. ඔයාට තියෙන්නේ මෙහෙට වෙලා ඉගෙන ගන්න විතරයි. හරිද? .........."
"හරි පපා. "
"එහෙනම් .... තනියම ඉන්න එපා. අනිත් අයත් එක්ක කතා කරන්න. "
"හරි පපා. "
පපා අන්තිමට රූම් එකෙන් ගියාට පස්සේ මම ආයෙමත් ඇදට වැටුනේ පපා ඔය කිව්ව කිසි දෙයක් මම කරන්නේ නෑ කියලා හිතෙන් හිතාගෙනමයි. ස්කූල් එකේ වගේ නැතුව කොලේජ් එකේ ඉන්න ප්‍රොෆෙසර්ලට මොලේ තිබ්බොත් හොදයි කියලා හිත හිත ඉන්නකොට කවුරු හරි ආයේ ඇවිල්ලා දොරට තට්ටු කරන සද්දේ මට ඇහුනා..
මම දොර අරිනකොට බැගේජ් ලගින් තියාගෙන දොර ලග හිටගෙන හිටපු කෙනා දැක්කම මගේ කට ඇරුනේ ඇයි කියලා මමවත් දන්නේ නෑ.
BINABASA MO ANG
Twenty Sixth Hour | Jin × Kook | Completed
Fanfictionජිනී 'විසි හය වෙනි පැය' ගැන කියනකොට මගේ හිතට ලොකු සතුටක් ආවා. මම ජිනීට අයි ලව් යූ කියන හැමවෙලේම එයා මට කවදාවත් හරි උත්තරයක් දුන්නේ නෑ. එයා හැමදාම කිව්වේ 'විසි හය වෙනි පැයේදි' මට උත්තරයක් දෙන්නම් කියලා. අද අන්තිමට එයාගේ 'විසි හය වෙනි පැය'...
