" ဒီမှာပဲ၊ ဒါက အသုံးမပြုဖြစ်တော့တဲ့ ဆေးဝါးလက်ကျန်တွေနဲ့ အန္တရာယ်ရှိတဲ့
စွန့်ပစ်ပစ္စည်းတွေအားလုံးကို မီးရှို့ဖျက်ဆီးတဲ့ မှန်လုံခန်းပဲ "" ဝိုး.... ဒါက တကယ် ကျည်ကာမှန်တွေနဲ့ ဆောက်ထားတာလား "
ကိုယ့်မျက်စိရှေ့မှာရှိနေသည့် မှန်လုံခန်း၏ မှန်သားပြင်ကို လက်နဲ့ အသေအချာ ပွတ်ကြည့်ပြီး မယုံကြည်နိုင်စွာ တအံ့တသြ ပြန်မေးမိတော့ ခေါင်းဆောင်လီက ခေါင်းညိမ့်ပြီး ဖြေသည်။
" ဒါပေါ့.. မီးအပူရှိန်ကို ကျည်ကာမှန်ကပဲ ခံနိုင်ရည်ရှိတာလေ၊ ပြီးတော့ မီးရှို့လိုက်လို့ ထွက်လာတဲ့မီးခိုးငွေ့တွေက ပတ်ဝန်းကျင်လေထုကို အဆိပ်အတောက်ဖြစ်စေတယ်၊
ဒါကြောင့် မီးခိုးငွေ့တွေကို ဒီမှန်လုံခန်းထဲမှာပဲ ပိတ်လှောင်ပြီး မျက်နှာကျက်မှာတပ်ထားတဲ့ ရေပိုက်တွေကတဆင့် ရေဖြန်းပြီး ပြန်ဖယ်ရှားပစ်တာ "" ဝိုး... မိုက်လိုက်တာ "
ကျည်ကာမှန်တွေ ပတ်ပတ်လည်ကာရံပြီး
သေချာ လုံခြုံခိုင်ခံ့အောင် ဖွဲ့စည်းတည်ဆောက်ထားသည့် မှန်လုံခန်းကိုကြည့်ကာ ဂျီမင် သဘောအကျကြီးကျပြီး တဝိုးဝိုးဖြစ်နေမိသည်။
ထိုကျည်ကာမှန်တွေကို တွေ့တော့ ဂျီမင့်ကို
ကျည်ကာမှန်တွေ ထိုးခွဲနိုင်အောင် လေ့ကျင့်ဖို့ ပြောခဲ့ဖူးသည့် ပရော်ဖက်ဆာဂျောင်ကို
သတိရမိပြန်သည်။မဖြစ်နိုင်တာကိုမှ လုပ်ခိုင်းတတ်သည့်
ကပ်သီးကပ်သပ်နိုင်လွန်းတဲ့ လူကြီးပေါ့။" ငါ လုပ်စရာရှိသေးလို့ ဟိုဘက်ခဏသွားလိုက်ဦးမယ်၊ မင်း ဘယ်မှလျှောက်မသွားဘဲ
ဒီမှာပဲ နေနော်.. ပရော်ဖက်ဆာဂျောင်က
အပြင်ပိုင်း လုံခြုံရေးဝန်ထမ်းတွေကို အထဲဝင်ခွင့် မပေးထားဘူး.. မင်းကိုတွေ့ရင် ပြဿနာအကြီးအကျယ်တက်လိမ့်မယ်..
ငါ အမြန်ပြန်လာခဲ့မှာမို့ ဒီမှာပဲ စောင့်နေ "" ဟုတ်ကဲ့၊ သိပါပြီခင်ဗျ "
ခေါင်းဆောင်လီက သူ့ဦးထုပ်လျှာထိုးကို လက်နဲ့အုပ်ကိုင်ပြီး ခပ်ငိုက်ငိုက်စောင်းကာ မလှမ်းမကမ်းမှာရှိသည့် ဂိုထောင်ခန်းထဲသို့
ခပ်သွက်သွက် ဝင်သွားသည်။
ဂျီမင်လည်း မှန်လုံခန်းရှေ့မှာ ရပ်ကျန်ခဲ့ရင်း
ဘယ်နှင့်ညာကို ဟိုကြည့်ဒီကြည့်လုပ်နေမိသည်။
YOU ARE READING
Worldwide Pandemic [ Eden Contest ]
FanficBTS fanfiction main actor _ park jimin, jung hoseok, kim seokjin. sec lead actor _ min yoongi, kim namjoon, kim taehyung, jeon jungkook.