كنت لي الونيس و الملاد ، كنت الوطن الذي أنتمي إليه ، فبدونك لست إلا متغربة تائهة و ضائعة ليس لي منزل يأويني غيرك .
أحببتك أكثر مما ينبغي ، ألعن نفسي مئة مرة لأني سمحت لها بتعلق بشخصية وهمية ، ليس لها في الواقع مكان .
كيف لي أن أتخلص من سجن حبك الو...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واقفة كتشوف في لبس الرجالي التقليدي ، جبادورات و سلهام بألوان مختلفين غامقين وأشكال زوينة ، عينيها كيلمعو كتخيلهم عليه . سمعت هضرة ديال مينة لي قالت :" سالاو لحوايج " شافت فيها إكرام وقالت :" سالاو ، بقا غير يجربهم " حركات مينة راسها وقالت بإبتسامة : تبارك الله عليك وخلاص قلت ليك يدك خفيفة ، ساليتيهم في ثلتيام . ضحكات بدفئ وقالت بنبرة حنينة : لبنات عاونوني ليهم الفضل . كانو بنات أخرين جالسات كل وحدة وشنو كدير ، هضرات وحدة فيهم قايلة : لا لا نص لخدمة درتيها نتي . ربتاث مينة على كثفها وقالت : تبارك الله عليكم ، يله أبنيتي دي ليه لحوايج يشوفهم . هزاتهم في يدها بإبتسامة وخرجات ، دازو يومين تعودات تفطر معاه وتغدى معاه ، ولا وجود في حياتها ضروري ، كلام تفاصيل كل شيء فيه كيأسرها كيخليها هايمة ودايبة جنبو . وصلات لقدام باب الغرفة ودقات الباب ، قفز قلبها و ضهرات إبتسامة واسعة على خدها منين تسلل صوتو لمسامعها :" تفضل " . كان جالس فوق البيرو وقدام شي وراق مخنزر وباينة عليه مبرزط معاهم غير تسمعات دقة لخفيفة لي في لباب ستبشرات ملامح ، حفض كل شيء فيها حتى من دقتها في الباب لي مكتخفاش عليه . ترقب دخولها وزاد تبسم منين شاف حركاتها البطاء ، حلات الباب بالمهل مخلياه مركز أنضار عليها كيتسنا ضهور سلطانة قلبو . أخيرا رحمات قلبو من الشوق ، وضهرات قدام بطلتها البسيطة ، دخلات عاضة على شفتها السفلى مانعة الإبتسامة من الضهور ، وعينيها كيبريو ، ضمات لحوايج لصدرها وهمهمات . وقف مقرب ليها وقال بنبرة هامسة ، والفرحة باينة منها كأن لقا السعادة أخيرا والفرحة : يا مرحبا . ضحكات حادرة راسها ، زادت عضات على شفتها السفلى أكثر ، قرب حتى وقف مقابل معاها ومد إبهام حطو على شفايفها بعيون دابلة قايل بهمس : طلقيهم ، متحرمنيش من ضحكتك . ضحكات مبينة سنانها ، وقالت بهمس : جبت لحوايج . خداهم من يدها كيشوف فيهم وقال : واخا نجرب لولة . خدا جابادور وحط الثانيين فوق السرير ،قرص حنكها وغمزها ، توجه لأحد الغرف الصغيرة داخل البيت . بقات واقفة كتلعب بيديها بثوتر وحناكها ولاو حمرين ، في كل مرة كيزيد يخليها طيح فيه وتشوفو غير هو فقط . خرج بعد فثرة لابس لجابور لي جاه هو هداك ، سهات فيه وفي طولو و اللبسة لي بينات عرضو أكثر ، جات زوينة بزاف لدرجة مقدراتش تحيد عينيها عليه ، شاف فيها وقرب واقف قدامها قايل : كيجا . تبسمات وقالت بعفوية :زوين بزاف . قربات مدات يدها باش تصايب لكول ، وقفات على صباع رجليها وهو مد يدو شادها من خصرها . صايبات لكول ، وإبتسامة طفيفة على خدها ، بعدات عليه شوية ، وبعد يديه ، شدات في لكم لول كتقاد فيه ، عينيه بقاو متبعينها بلمعة خاصة . هكا جرب قدامها اللباسي وكل مرة يسولها كيف جا تأمطر عليه بكلمات الغزل لي نعشو كيان :" غزال " "جاك كيحمق " " واعر " . كلمات ممكن يكونو بساط لكن قلبو وعقلو ليه رأي آخر . خلات عندو الحوايج ، وودعات بإبتسامة ، حلات الباب وشافت فيه بعيون كيلمعو غمزها مخلي حناكها يتوردو و ضارت غادة راجعة لخدمتها ، زفرات بعمق وهد الإحساس ،مقادراش تحكم فيه مزال . دازت من لكلوار ولمحات شخص لي داز من جنبها ، وملامح كان باين عليهم القلق و العصبية ، تجاهلات الأمر وكملات طريقها . أما داك الشخص فوقف قدام باب الغرفة وحلو ، ودخل ، هز السلطان راسو كيشوف في لي دخل وقال بثبات : توفيق أش كاين . تقدم عندو توفيق قايل : القرية لي جنبنا مابغاو صلح . خنزر سلطان ورجع يدو ورا ضهرو قايل : وشنو كنتي تسنى منهم. زفر توفيق وقال : كيعلنو على الحرب . وقف مخنزر قايل : ما طلبو غا المجود . نوفيق : نتا مول لعقل ، تسنى نشوفو معاهم شي حل ، ثانوي . خنزر وقال بصوت قوي : لغضر ماشي ليهم في دم ، ولهاجم يموت شرع . زفر توفيق مخنزر قايل : نديرو إحتياطنا نكثرو في رجال والحماية لقرية . حرك راسو بالموافقة ومشا جلس فوق الكرسي وقال بصوت قوي : لي عطاتو يامو يشير بكمامو .. سكت شحال مصغر عينو وقال :لي يفوح بالقوة ..يموت بالضعف . زفر توفيق ورجع قال : نجمعو شيوخ لقبايل ، وسلطان ثاني ديال قرية لعدو ونشوفو .
