ﻋﻦ ﺍﻟﺴﺠﻮﻥ ﻧﺘﺤﺪﺙ ﻳﺎ ﺳﺎﺩﻩ .. ﺑﺒﺴﺎﻃﻪ ﺍﻟﺘﻌﺒﻴﺮ ﻭﺗﻌﺪﺩ ﺍﻻﻧﻮﺍﻉ
بقلم #Adzzon
#بارت١
ﺻﻮﺕ ﺍﻟﻤﻨﺒﻪ ﻳﻤﻠﻰﺀ ﺍﺭﺟﺎﺀ ﺍﻟﻐﺮﻓﻪ ... ﻳﺘﺒﻌﻬﺎ ﺻﻮﺕ ..
- ﺍﻣﻤﻢ ﺣﻴﺎﺍﺍﺗﻲ ﻳﻼ ﺍﻛﻌﺪ ﺣﺒﻴﺒﻲ ﺣﺒﻴﺒﻲ ﻳﻼﺍ ﻛﻮﻭﻡ
ﺍﺑﺎﻭﻋﻠﻬﺎ ﻭﺍﻧﻲ ﺍﺩﻛﻢ ﺍﻟﻘﻤﻴﺺ ..
- ﻛﺎﻋﺪ ﻣﺎﺍﻧﺘﻈﺮ ﻣﻨﺒﻪ ﺍﻧﻲ
ﺗﺮﻓﻊ ﺭﺍﺳﻬﺎ ﺗﺒﺎﻭﻋﻠﻲ ﻭﺗﺮﺟﻊ ﺗﺘﻤﻄﻰ ﻋﻠﻰ ﺍﻟﺴﺮﻳﺮ
ﻭﺗﺤﺎﺟﻴﻨﻲ ﺑﺼﻮﺗﻬﺎ ﺍﻟﻤﺎﻳﻊ ﻭﺗﻜﺸﻒ ﻋﻦ ﺟﺴﻤﻬﺎ ﺍﻟﻌﺎﺭﻱ
ﻭﺗﻜﻮﻡ ﺗﺘﻠﻤﺲ ﺟﺘﻔﻲ ﻭﺗﻤﺸﻲ ﻟﻠﺤﻤﺎﻡ ..
ﻛﻤﻠﺖ ﻟﺒﺲ ﺍﻟﺰﻱ ﻭﻋﺪﻟﺖ ﺍﻟﺸﺎﺭﺏ ﻭﻃﻠﻌﺖ ..
- ﺻﺒﺎﺡ ﺍﻟﺨﻴﺮ ﺳﻴﺪﻱ
- ﺻﺒﺎﺡ ﺍﻟﺨﻴﺮ ﺍﺣﻤﺪ ﻳﻼ ﺍﻣﺸﻲ ﺑﺴﺮﻋﻪ ﺭﺍﺡ ﻳﻄﻠﻊ
ﺍﻟﻀﻮﺍ ﻭﺍﺣﻨﻪ ﺑﻌﺪﻧﺎ ﻣﺎﻟﺤﻜﻨﺎ ﻋﻠﻰ ﺍﻟﻤﺮﻛﺰ
- ﺣﺎﺿﺮ ﺳﻴﺪﻱ
.
.
ﺍﻧﺎ ﺍﻟﻤﺤﻘﻖ ﻋﻤﺎﺩ ﻣﺴﺆﻭﻝ ﻋﻦ ﺳﺠﻦ ﺑﻐﺪﺍﺩ ﺍﻟﻤﺮﻛﺰﻱ
ﻟﻠﻨﺴﺎﺀ ... ﻣﻦ ﺍﻭﻝ ﻣﺎﻳﺒﺰﻍ ﺍﻟﻔﺠﺮ ﻻﺯﻡ ﻣﺘﻮﺍﺟﺪ ﺑﺎﻟﺴﺠﻦ
ﻭﻳﺒﺪﺃ ﻳﻮﻣﻲ ﺍﻟﻤﻠﻴﺎﻥ ﺑﻌﺠﺎﻳﺐ ﻫﺎﻟﺪﻧﻴﺎ ﻭﻣﺼﺎﻳﺒﻬﺎ ..
.
.
ﺩﺧﻠﺖ ﺍﻟﺴﺠﻦ .. ﻭﺍﺑﺘﺪﺃ ﺍﻟﻴﻮﻡ ..
- ﺍﻧﺘﻪ ﻳﺎ ﺟﻠﺐ ﻭﻳﻦ ﺍﻟﻤﻠﻔﺎﺕ ﺍﻟﻲ ﻣﻦ ﺍﻟﺒﺎﺭﺣﻪ ﻛﺘﻠﻚ ﺍﻛﺘﺒﻬﻦ
ﻟﻚ ﺳﺠﺎﺩ ﺍﻣﺸﻲ ﺷﻮﻓﻠﻲ ﺍﻟﺠﻠﺐ ﻫﺬﺍ ﻭﻳﻦ ﻣﻮﺩﻳﻬﻦ
- ﺣﺎﺿﺮ ﺳﻴﺪﻱ
ﺭﺍﺡ ﺑﺴﺮﻋﻪ ﻋﻠﻴﻪ ﻭﺭﺟﻊ ﺍﻧﺪﻙ ﺍﻟﺒﺎﺏ ..
- ﺗﻔﻀﻀﻀﻞ
ﺩﺧﻞ ﺍﻟﺤﺎﺭﺱ ﻣﻨﻴﺮ ﻭﻛﺎﻝ ..
- ﺳﻴﺪﻱ ﺍﻟﻲ ﻃﻠﺒﺘﻬﻦ ﻟﻠﺘﺤﻘﻴﻖ ﺑﺎﻟﻐﺮﻓﻪ ﺟﺎﺑﻮﻫﻦ ﻫﺴﻪ
- ﺯﻳﻦ
ﺍﺧﺬﺕ ﺍﻟﻌﺼﺎ ﺍﻟﺮﻓﻴﻌﻪ ﺳﻮﺩﻩ ﻭﻣﻄﺎﻃﻪ ﻭﻣﺸﻴﺖ ﻟﻐﺮﻓﻪ
ﺍﻟﺘﺤﻘﻴﻖ ...
ﺩﺧﻠﺖ ﻭﻟﻜﻴﺖ ﻭﺣﺪﻩ ﻣﻨﻬﻦ ﻛﺎﻋﺪﻩ ..
- ﻫﺎﺍﺍ ﺍﻟﻄﻴﺮﻩ ﺭﺟﻌﺖ ﺣﻄﺖ ﺍﻟﻴﻮﻡ ﺧﻠﻲ ﻧﺸﻮﻑ ﺷﻐﻠﻨﻪ
ﺣﻄﻴﺖ ﺍﻟﻌﺼﺎ ﻋﻠﻰ ﺍﻟﻤﻴﺰ ﻭﻛﻌﺪﺕ ﺍﻓﺘﺢ ﺩﻛﻢ ﺍﻟﺮﺩﺍﻥ
ﻭﻛﻔﻴﺘﻬﻦ ﻭﻫﻲ ﺗﺘﻤﻌﻠﺞ ﻭﻛﻌﺪﺗﻬﻪ ﻣﺎﻝ ﺑﻨﺎﺕ ﺍﻟﺸﻮﺍﺭﻉ
ﻭﺗﺒﺎﻭﻋﻠﻲ ﺑﻌﻴﻨﻬﺎ ﺍﻟﻨﻜﺴﻪ ...
ﻫﺎﻟﻨﻤﺎﺫﺝ ﻣﺘﻌﻮﺩﻟﻬﻦ ﻭﺍﻋﺮﻑ ﺩﻭﺍﻫﻦ ...
- ﻧﻴﺮﺍﻥ ﻛﻠﺘﻴﻠﻲ ﺍﺳﻤﺞ ﻣﻮﻭ
- ﺑﻜﻴﻔﻚ ﺗﺮﻳﺪﻧﻲ ﻧﺎﺭ ﻧﺎﺭﻳﻦ ﺷﺘﺮﻳﺪﻧﻲ ﺍﺻﻴﺮﻟﻚ
- ﻫﺎﺍﺍ ﺯﻳﻦ ﺯﻳﻦ ﺷﻜﻠﺞ ﺍﻟﻴﻮﻡ ﺗﺮﺩﻳﻦ ﺗﺼﻴﺮﻳﻦ ﺣﺒﺎﺑﻪ
ﻭﺗﺠﺮﻳﻦ ﻋﺪﻝ
ﺣﺠﻴﺘﻪ ﻭﺍﻧﻲ ﺍﺗﻤﺸﻰ ﺑﻬﺪﻭﺀ ﺣﻮﺍﻟﻴﻬﺎ ﻭﺳﺤﺒﺖ ﺍﻟﻌﺼﺎ ﺑﺨﻔﻪ
ﻣﻦ ﻛﺪﺍﻣﻬﺎ ﻭﺍﺗﻤﺸﻰ ﺑﺒﻂﺀ ﻭﺍﺗﻠﻤﺲ ﺍﻟﻌﺼﺎ ﺑﺎﻳﺪﻱ ..
ﻭﻛﻔﺖ ﻭﺭﺍﻫﺎ ﻭﺣﺠﻴﺖ ﺑﺼﻮﺕ ﺧﺸﻦ ﻭﻋﺎﻟﻲ ..
- ﺍﻟﺠﻨﻄﻪ ﺷﺠﺎﺍﺍﺍﺍﺑﻪ ﻋﻨﺪﺩﺩﺩﺩﺝ
- ﺗﻒ ﺗﻒ ﺍﺳﻢ ﺍﻟﻠﻪ ﺧﺮﻋﺘﻨﻲ
- ﻟﺞ ﺟﻠﺒﻪ ﺷﻮﻓﻲ ﺣﻠﻜﺞ ﻫﺬﺍ ﻫﺴﻪ ﺍﺷﻜﻪ ﻧﺼﻴﻦ
ﻭﻣﺤﺪ ﻳﻜﻠﺒﺞ ﻫﻨﺎ ﻭﻻ ﻳﺴﻤﻌﺞ ﺍﺣﺠﻲ ﺑﺎﻟﺰﻳﻦ ﺗﺮﻯ
ﺍﺷﻮﻓﺞ ﻫﺎﻟﻌﺼﺎ ﺷﻠﻮﻥ ﺣﻠﻮﻩ ﺗﺼﻴﺮ ﺑﺠﺴﻤﺞ ﺍﻟﺨﺎﻳﺲ
ﻭﺩﻓﻌﺘﻬﻪ ﻋﻠﻰ ﺍﻟﻤﻴﺰ .. ﺭﺩﻳﺖ ﺟﺮﻳﺘﻬﺎ ﻣﻦ ﺟﺘﻔﻬﺎ ﻭﺭﻛﻌﺘﻬﺎ
ﺑﺎﻟﻤﻴﺰ ﻣﺮﻩ ﺛﺎﻧﻴﻪ ... ﻭﻧﺰﻟﺖ ﻋﻠﻰ ﺷﻌﺮﻫﺎ ﺟﻤﻌﺘﻪ ﺑﺎﻳﺪﻱ
ﻭﺭﻓﻌﺖ ﺭﺍﺳﻬﺎ ﺣﻴﻞ ﻭﻫﻲ ﺗﺼﻴﺢ ..
- ﻫﺎﺍﺍ ﺗﺮﻯ ﻫﺴﺘﻮﻧﻪ ﺑﺪﻳﻨﺎ ﺑﻌﺪ ﻣﺎﺷﻔﺘﻲ ﺷﻲ ﻋﻠﻴﺶ
ﺍﻟﺼﻴﺎﺍﺡ
- ﻋﻮﻑ ﺷﻌﺮﻱ ﺍﺑﻮﺱ ﺍﻳﺪﻙ ﻋﻮﻓﻪ ﺍﺣﺠﻲ ﻭﺍﻟﻠﻪ ﺍﺣﺠﻲ
- ﻫﻢ ﺗﻌﺮﻓﻴﻦ ﺍﻟﻠﻪ ﺍﻧﺘﻲ ﻳﺎﻋﺎﺭ ﺷﺠﺎﺑﺞ ﻋﻠﻰ ﺍﻟﻠﻪ
ﺍﺣﺠﻴﻴﻲ ﻣﺎﺭﻳﺪ ﺍﺗﻌﺐ ﻧﻔﺴﻲ ﻣﻦ ﺍﻟﺼﺒﺢ ﺑﻴﺞ ﺍﺣﺠﻴﻴﻴﻴﻲ
ﻭﻟﻄﺨﺘﻬﻪ ﻋﻠﻰ ﻭﺟﻬﻪ ﺑﺎﻟﻤﻴﺰ ..
- ﻫﻮ ﺍﻧﻄﺎﻧﻴﺎﻫﺎ ﻫﻮﻭ ﺍﻧﻲ ﻣﺎﻋﻠﻴﻪ
- ﻫﻮ ﻣﻨﻮ ﺍﺳﻤﻪ ﻭﺍﻫﻠﻪ ﻭﻋﺸﻴﺮﺗﻪ ﻛﻠﺸﻲ ﺗﻜﺘﻲ ﻛﺪﺍﻣﻲ
ﻭﺍﻟﺤﺮﻑ ﺍﻟﻴﻨﻀﻢ ﻫﺬﻧﻲ ﺷﻌﺮﺍﺗﺞ ﺍﻟﻮﺻﺨﻪ ﻭﺣﺪﻩ ﻭﺣﺪﻩ
ﺍﺷﻠﻌﻬﻦ
- ﻣﻦ ﺍﻝ .... ﺗﻌﺮﻓﺖ ﻋﻠﻴﻪ ﻭﺣﺒﻴﺘﻪ ﻭﻫﻮ ﺩﺯﻧﻲ
- ﻭﺷﺴﻤﻪ ﻫﺬﺍ ﺣﺒﻴﺒﺞ ﺍﻟﻌﺎﺭ
- ﻫﺸﺎﻡ
- ﺍﻳﻴﻴﻲ ﻭﻟﻴﺶ ﺩﺯﺝ ﺍﻧﺘﻲ ﺷﺘﻌﺮﻓﻴﻦ ﻋﻦ ﺍﻫﻠﻪ
- ﻣﻮ ﺍﻧﻲ ﺯﻭﺟﺘﻪ
- ﻫﻪ ﻣﺘﺰﻭﺟﻪ ﺍﻻﺭﻫﺎﺑﻲ ﺑﻨﺖ ﺍﻝ ...
ﻛﻤﻠﻴﻴﻲ ﺍﻫﻠﻪ ﺍﺣﺠﻲ ﻋﻨﻬﻢ ﻣﻮ ﺯﻭﺟﺘﻪ
- ﺍﻱ ﺑﺎﻟﺴﺮ ﺑﺲ ﺳﻴﺪ ﻣﺎﻋﺮﻑ ﺍﻫﻠﻪ ﻣﺸﺎﻳﻔﺘﻬﻢ
ﻻﻥ ﺍﻫﻠﻲ ..
- ﻋﻮﻓﻲ ﺍﻫﻠﺞ ﺍﻝ ... ﺍﺣﺠﻠﻲ ﻉ ﺍﻟﺰﻓﺖ ﻫﺸﺎﻡ ﻭﻳﻦ ﻭﻟﻰ
- ﻫﻮ ﺑﻌﺪ ﻣﺎﺭﺣﻨﻪ ﺑﺎﻟﻄﺮﻳﻖ ﻟﺴﻮﺭﻳﺎ ﻭﺻﺎﺭﺕ ﺍﻟﻤﺪﺍﻫﻤﻪ
ﻫﻮ ﺍﺧﺬ ﺟﻨﻄﻪ ﺍﻟﻔﻠﻮﺱ ﻭﺍﻟﻤﻮﺑﺎﻳﻼﺕ ﻭﺷﺮﺩ ﻣﺎﻋﺮﻑ ﺑﻌﺪ
- ﺷﺎﻳﻔﺘﻲ ﺟﺎﻫﻞ ﻛﺪﺍﻣﺞ ﺷﺮﺩ
ﺿﺮﺑﺘﻬﺎ ﺑﺎﻟﻌﺼﺎ ﻋﻠﻰ ﺟﺘﻔﻬﺎ ﻭﻋﺎﻃﺖ ﻭﺿﺮﺑﻪ ﺍﻟﺜﺎﻧﻴﻪ
- ﻫﺎﻱ ﺣﺘﻰ ﻟﺘﺠﺬﺑﻴﻦ ﻛﺪﺍﻣﻲ ﻳﺎﻛﺢ ...
- ﻫﻮ ﻋﺎﻓﻨﻲ ﻭﻛﻠﻲ ﺭﺍﻳﺢ ﺍﺟﻴﺐ ﺳﻴﺎﺭﻩ ﻭﻟﺪ ﺻﺎﺣﺒﻲ
ﻭﻧﺸﺮﺩ ﻟﻤﻜﺎﻥ ﺍﺍﻣﻦ ﻭﺑﻌﺪﻳﻦ ﺍﺟﻮﻱ ﺍﻟﻘﻮﺍﺕ ﻭﺍﺧﺬﻭﻧﻲ
ﻭﺍﻟﻠﻪ ﻣﺪﺍﺟﺬﺏ
- ﺯﻳﻦ ﻭﺍﻟﻔﻠﻮﺱ ﻭﻳﺎﻩ ؟؟ ﻟﻮ ﺑﻘﺖ ﺑﺎﻟﺒﻴﺖ ﺍﻟﻲ ﺑﺴﻮﺭﻳﺎ
- ﻻ ﺍﺧﺬﻫﻦ ﻭﻳﺎﻩ
- ﻭﺍﻧﺘﻲ ﻫﻴﺞ ﺛﻮﻟﻪ ﻣﺎﻋﺮﻓﺘﻲ ﺭﺍﺡ ﻳﻌﻮﻓﺞ
- ﻣﺎﻋﺒﺎﻟﻲ ﻳﻌﻮﻓﻨﻲ ﺍﻧﻲ ﻣﺮﺗﻪ
- ﺷﻴﺘﺮﺟﻰ ﻣﻦ ﻣﺮﻩ ﺗﻔﺠﺮ ﺍﻫﻞ ﻣﻨﻄﻘﺘﻬﻪ .. ﺗﻌﺎﻱ
ﻫﺴﻪ ﻭﻗﻌﻲ ﻫﺎﻟﻮﺭﻗﻪ ..
- ﺷﻨﻮ ﻫﺎﻱ
- ﺩﻭﻗﻌﻲ ﻻ ﺍﻛﺴﺮﻫﻦ ﻻ ﺍﺻﺎﺑﻌﺞ ﻭﻭﻭﻗﻌﻲ
ﻣﻦ ﺍﻧﻄﺎﺝ ﺍﻟﺠﻨﻄﻪ ﻫﺪﺩﺝ
- ﺍﻱ ﻫﺪﺩﻧﻲ ﺑﺎﻣﻲ ﻭﻛﻠﻲ ﺍﺫﺑﺤﻬﺎ ﻭﺍﺫﺑﺤﺞ ﺍﺫﺍ ﻣﺎﺗﻮﺻﻠﻴﻦ
ﺍﻟﺠﻨﻄﻪ ﻟﻠﻮﻟﺪ ﺑﺎﻟﺴﻮﻙ ﺍﻟﻴﻮﻡ ﺍﻟﻈﻬﺮ ﻭﻣﻦ ﻃﻠﻌﻨﻪ ﺑﺎﻟﺴﻴﺎﺭﻩ
ﻛﻠﻲ ﺍﻧﺘﻲ ﻓﺠﺮﺗﻲ ﺍﻫﻠﺞ ﻭﺟﻴﺮﺍﻧﺞ ﻭﻣﺘﺪﺭﻳﻦ
- ﺗﺴﺘﺎﻫﻠﻴﻦ ﺿﻠﻲ ﺧﻴﺴﻲ ﺑﺎﻟﺴﺠﻮﻥ ﻭﺩﻡ ﻫﺎﻻﺑﺮﻳﺎﺀ ﺑﺮﻛﺒﺘﺞ
ﻗﺴﻢ ﺑﺎﻟﻠﻪ ﻛﻞ ﻧﻬﺎﻳﻪ ﺍﺳﺒﻮﻉ ﺍﺩﺯﺝ ﻟﻠﻔﻠﻘﻪ ﻣﺎﺧﻠﻴﺞ ﺗﻜﻌﺪﻳﻦ
ﺑﺮﺍﺣﻪ ﻫﻨﺎ
- ﺳﻴﺪﻱ ﺍﺑﻮﺱ ﺍﻳﺪﻙ ﻻ ﺗﺨﻠﻴﻨﻲ ﻫﻴﺞ ﺍﻧﻲ ﻣﻌﻠﻴﻪ ﻫﻮ ﺩﺯﻧﻲ
ﻣﺎﺩﺭﻱ ﺑﻴﻬﻪ ﻗﻨﺒﻠﻪ ﻭﺍﻟﻠﻪ ﻣﺎﺩﺭﻱ
- ﺳﻮﻟﻔﻴﻬﻪ ﻟﻠﺪﺑﻪ ﻛﻮﻣﻲ ﺗﺤﺮﻛﻲ ﻛﺪﺍﺍﺍﻣﻲ ﻛﻮﻭﻭﻭﻭﻣﻴﻴﻴﻴﻲ
ﻃﻠﻌﺖ ﻭﺍﺧﺬﻭﻫﻪ ﻟﻠﺴﺠﻦ ﻭﺍﻧﻲ ﺭﺟﻌﺖ ﻟﻠﻤﻜﺘﺐ
ﺍﺗﻤﺸﻰ ﻭﺍﻋﺪﻝ ﺑﺎﻟﺮﺩﺍﻥ ﻭﺍﻋﺪﻝ ﺷﻌﺮﻱ ...
ﺭﺣﺖ ﻟﻠﻤﻜﺘﺐ ﻭﻃﻠﻌﺖ ﺍﻟﻤﻌﻘﻢ ﻭﺍﺧﺬﺗﻪ ﻭﺭﺣﺖ ﻟﻠﻤﻐﺴﻠﻪ
ﻣﺘﻌﻮﺩ ﻛﻞ ﻣﺎﻟﻤﺲ ﺷﺨﺺ ﻣﺴﺠﻮﻥ ﻫﻨﺎ ﻻﺯﻡ ﺍﻋﻘﻢ
ﺍﻳﺪﻱ ﺑﻌﺪﻫﺎ ﻭﺍﺗﻌﻄﺮ ﻭﺍﻛﻮ ﻋﻨﺪﻱ ﻭﻟﻴﺪ ﺻﻐﻴﺮ ﻫﺬﺍ
ﻣﺘﻌﻮﺩ ﻛﻞ ﻣﺎﺭﺟﻊ ﻣﻦ ﻏﺮﻓﻪ ﺍﻟﺘﺤﻘﻴﻖ ﻳﺠﻲ ﻳﻤﺴﺢ
ﻳﺪﻩ ﺍﻟﺒﺎﺏ ﻭﻳﺮﺟﻊ ﺍﻟﻤﻌﻘﻢ ﻟﻤﻜﺎﻧﻪ ...
ﻫﻮ ﻣﻮ ﻫﻮﺱ ﺑﺎﻟﻨﻈﺎﻓﻪ ﺑﺲ ﻧﻔﺴﻲ ﻣﺎﺍﻃﻴﻖ ﻛﻞ ﻣﺠﺮﻡ
ﺗﻠﻌﺐ ﻧﻔﺴﻲ ﺣﺘﻰ ﻣﻦ ﺭﻳﺤﺘﻬﻢ ...
ﺻﺎﺭﺗﻠﻲ ﻫﺎﻟﺤﺎﻟﻪ ﺑﺴﺒﺐ ﻛﺜﺮﻩ ﺗﻮﺍﺟﺪﻱ ﺑﻬﺎﻟﻤﻜﺎﻥ
ﻭﻛﺮﻫﻲ ﻳﺰﻳﺪ ﺑﺎﻟﻨﺎﺱ ﻣﻦ ﻛﺪ ﻣﺎﺷﻔﺖ ﺣﺎﻻﺕ ﺗﺸﻴﺐ
ﺍﻟﺮﺍﺱ .. ﻫﺎﻱ ﺟﺎﻧﺖ ﺍﺑﺴﻄﻬﻦ ..
ﻣﺎﻋﻨﺪﻱ ﺛﻘﻪ ﺣﺘﻰ ﺑﻈﻠﻲ ﻭﻛﻞ ﺷﻐﻠﻲ ﻟﻮﺣﺪﻱ ..
ﺍﻋﺘﻤﺪ ﻋﻠﻰ ﺷﺨﺼﻴﻦ ﺑﺲ ﻣﺎﺛﻖ ﺑﻴﻬﻢ .. ﻣﺎﻛﻮ ﻣﻦ
ﻳﺴﺘﺎﻫﻞ ﺗﺜﻖ ﺑﻲ ﻛﻠﻬﺎ ﺛﻌﺎﻟﺐ ...
ﻭﻳﻤﺸﻲ ﺍﻟﻴﻮﻡ ﺑﻮﺣﺪﻩ ﺭﺍﻳﺤﻪ ﻭﺣﺪﻩ ﺟﺎﻳﻪ ... ﻭﺍﻟﻈﻬﺮ ﻭﻛﺖ
ﺍﻟﻐﺪﺍ ﻳﺠﻲ ﺍﺑﻦ ﺍﻟﻄﺒﺎﺥ ﻭﺟﺎﻳﺐ ﺍﻟﺼﻴﻨﻴﻪ ﻣﺴﻠﻔﻨﻪ ..
ﻭﻳﺨﻠﻴﻬﻪ ﻋﻠﻰ ﺍﻟﻄﺒﻠﻪ ﻭﺍﻛﻞ ﻟﻮﺣﺪﻱ .. ﻣﺘﻌﻮﺩ ﻛﻞ ﺷﻬﺮ
ﺍﻧﻄﻲ ﻓﻠﻮﺱ ﻟﻠﻄﺒﺎﺥ ﺣﺘﻰ ﻳﻄﺒﺦ ﺍﻛﻠﻲ ﻟﻮﺣﺪﻱ ﻭﻳﺒﻘﻲ
ﻣﺴﻠﻔﻦ ﺣﺘﻰ ﺍﻟﺨﺎﺷﻮﻛﻪ ﻭﺍﻟﻤﻮﺍﻋﻴﻦ ﻭﺍﻟﻜﻼﺹ ﻛﻠﻬﺎ
ﻣﻦ ﻫﺬﺍ ﺍﻟﺒﻼﺳﺘﻚ ﺍﻛﻤﻞ ﺍﻛﻞ ﻭﺍﺷﻤﺮﻫﻦ ﺑﺎﻟﺰﺑﺎﻟﻪ
ﻋﻨﺪﻱ ﺣﺎﺳﺒﺘﻲ ﺑﻴﻬﻪ ﻣﺼﺎﻳﺐ ﺍﻟﺪﻧﻴﺎ .. ﻭﻛﻞ ﻳﻮﻡ ﻋﻨﺪﻱ
ﺩﺭﺱ ﻭﻳﻪ ﻭﺍﺣﺪ ﻣﺼﺮﻱ ﻋﻠﻰ ﺑﺮﻧﺎﻣﺞ zoom
ﻳﻌﻠﻤﻨﻲ ﺷﻠﻮﻥ ﺍﺳﻮﻱ ﺳﻜﻴﻮﺭﺗﻲ ﺍﻛﺜﺮ ﻟﻠﻤﻠﻔﺎﺕ
ﻳﻔﺘﺤﻠﻲ ﻋﻠﻰ ﺷﺎﺷﻪ ﺣﺎﺳﺒﺘﻪ ﻭﺍﺳﺠﻞ ﻭﻳﺎﻩ ﺍﻟﺨﻄﻮﺍﺕ
ﻭﺍﺭﺟﻊ ﺑﺮﺍﻫﻪ ﺍﻧﻔﺬﻫﻦ ﺑﺤﺎﺳﺒﺘﻲ .. ﻻﻥ ﺍﻛﻮ ﻣﻠﻔﺎﺕ
ﻭﺻﻮﺭ ﻭﺷﻐﻼﺕ ﺍﺫﺍ ﺗﻬﻜﺮﺕ ﻭﺍﻧﺎﺧﺬﺕ ﺍﺭﻭﺡ ﺑﻴﻬﻪ
ﺧﻠﺺ ﻭﻛﺖ ﺍﻟﺪﻭﺍﻡ ﻭﻃﻠﻌﺖ ﺳﺎﻋﻪ ﺑﺜﻤﺎﻧﻴﻪ ﺑﺎﻟﻠﻴﻞ
ﻟﻠﺒﻴﺖ .. ﻭﺻﻠﻨﻲ ﺍﻟﺴﺎﻳﻖ ﻭﻧﺰﻟﺖ ﻓﺘﺤﺖ ﺍﻟﺒﺎﺏ
ﺗﻠﻜﻮﻧﻲ ﺍﻟﺠﻬﺎﻝ .. ﺟﻬﺎﺩ ﺍﺑﻨﻲ ﻋﻤﺮﻩ ٤ ﺳﻨﻮﺍﺕ
ﻭﻣﺮﺗﻀﻰ ٣ ﺳﻨﻮﺍﺕ ...
- ﺍﺷﺒﺎﻝ ﺍﺑﻮﻫﻢ ﺗﻌﺎﻟﻮ ﻳﺎﺑﻪ
ﺣﻀﻨﺘﻬﻢ ﺍﺛﻨﻴﻨﻬﻢ ﻭﺷﻠﺘﻬﻢ .. ﻭﺍﺑﻮﺳﻬﻢ ﻭﻫﻤﻪ ﻳﺘﻌﺎﺭﻛﻮﻥ
ﺑﺤﻀﻨﻲ ﺷﻮﻓﺘﻬﻢ ﺗﻨﺴﻴﻨﻲ ﺿﻴﻢ ﻫﺎﻟﺪﻧﻴﺎ ﻛﻠﻬﺎ ..
- ﻫﺎﺍ ﺣﺒﻴﺒﻲ ﺍﻟﻠﻪ ﻳﺴﺎﻋﺪﻙ
ﻭﺍﺟﺘﻲ ﻣﺮﺗﻲ ﺭﻧﺎ ﺑﻮﺳﺘﻨﻲ ﻭﺍﺧﺬﺕ ﺍﻟﺠﻬﺎﻝ ﻧﺰﻟﺘﻬﻢ
ﻣﻦ ﺍﻳﺪﻱ ﻭﺣﻀﻨﺘﻨﻲ ...
ﻫﻲ ﺣﻠﻮﻩ ﻭﻃﻮﻳﻠﻪ ﻭﺷﻌﺮﻫﺎ ﻭﺳﻂ ﻃﻮﻟﻪ ﻋﻴﻮﻧﻬﺎ
ﺧﻀﺮ ﻭﺑﺸﺮﺗﻬﺎ ﺑﻴﻀﻪ ﻭﻣﺮﺑﺮﺑﻪ .. ﻭﺍﻟﺒﺎﻗﻲ ﺑﺸﺨﺼﻴﺘﻬﺎ
ﺑﻌﺪﻳﻦ ﻳﺒﻴﻦ ...
- ﻫﺎ ﺷﻠﻮﻧﻪ ﺍﻟﺸﻐﻞ ﺍﻟﻴﻮﻡ
- ﻧﻔﺲ ﺍﻟﻄﻴﺤﺎﻥ ﺣﻆ ،، ﺭﺍﺡ ﺍﺳﺒﺢ ﺣﻀﺮﻱ ﺍﻟﻌﺸﻪ
ﺭﺣﺖ ﺩﺧﻠﺖ ﺟﻮﻩ ﺍﻟﺪﻭﺵ ﻭﺣﻄﻴﺖ ﺍﻳﺪﻱ ﻋﻠﻰ ﺍﻟﺤﺎﻳﻂ
ﻭﻋﻔﺖ ﺍﻟﻤﻲ ﻳﻨﺰﻝ ﻋﻠﻰ ﺟﺴﻤﻲ ﻭﻫﻮ ﺣﺎﺍﺭ ..
ﺍﺗﺬﻛﺮﺕ ﺍﻣﻲ ﺻﺎﺭ ﺍﺳﺒﻮﻉ ﻣﺸﺎﻳﻔﻬﺎ .. ﻭﺍﺧﻮﻳﻪ ﺍﻟﺰﻓﺖ
ﻭﺩﻛﺎﻳﻜﻪ ﺑﻴﻪ ﻭﺩﻳﻮﻧﻪ ...
ﺍﺣﺠﻲ ﻋﻠﻰ ﺍﻟﻨﺎﺱ ﻭﺍﺧﻮﻳﻪ ﺍﻧﻜﺲ ﻣﻨﻬﻢ .. ﺷﺮﺍﺏ ﻋﺮﻙ
ﻭﻗﻤﺎﺭ ﻛﻞ ﺣﻴﺎﺗﻪ ..
- ﻳﻼﺍ ﺣﺒﻴﺒﻲ ﺍﻟﻌﺸﻪ ﺟﺎﻫﺰ
- ﺍﻳﻴﻲ ﺟﻴﺖ
ﻃﻠﻌﺖ ﻭﻟﺒﺴﺖ ﺍﻟﺮﻭﺏ ﻭﺭﺣﺖ ﻛﻌﺪﺕ ﻋﻠﻰ ﺍﻟﻤﻴﺰ
ﻭﻟﺪﻱ ﻣﻌﻠﻤﻴﻦ ﻋﻠﻰ ﺍﻟﻨﻈﺎﻡ ﻭﺍﻟﻬﺪﻭﺀ ﺑﺎﻻﻛﻞ ..
ﻣﺎﻛﻮ ﺻﻮﺕ ﻳﻄﻠﻊ ﺍﻭ ﺍﻱ ﺷﻲ ﻳﺨﻞ ﺑﺎﺩﺏ ﺍﻟﺴﻔﺮﻩ
ﻭﺍﻟﺤﺠﻲ ﺑﺲ ﺑﻴﻨﻲ ﻭﺑﻴﻦ ﻣﺮﺗﻲ .. ﻭﺑﺤﺪﻭﺩ ﻭﻫﺪﻭﺀ
- ﻫﺎﻱ ﻟﻴﺶ ﻣﺮﺗﻀﻰ ﻣﺠﺮﻭﺡ ﻳﻢ ﺍﺫﻧﻪ
- ﺍﻟﻴﻮﻡ ﺍﺟﻮﻱ ﻭﻟﺪ ﺧﺎﻟﻪ ﻭﻣﻦ ﺩﻳﻠﻌﺒﻮ ....
ﺷﻤﺮﺕ ﺍﻟﺨﺎﺷﻮﻛﻪ ﻣﻦ ﺍﻳﺪﻱ ﻭﻛﻤﺖ ﻃﻠﻌﺖ ﻟﻠﻬﻮﻝ
ﻭﺻﺤﺘﻬﺎﺍ ...
- ﺭﻧﺎﺍﺍﺍ
- ﻫﺎﺍ ﻋﻤﺎﺩ ﺣﺒﻴﺒﻲ ﺵ ...
- ﺍﻟﺤﻜﻴﻨﻲ ﻟﻠﻐﺮﻓﻪ
ﺍﺟﺘﻲ ﺗﺮﻛﺾ ﻓﺎﺗﺖ ﻭﺳﺪﻳﺖ ﺍﻟﺒﺎﺏ ﻭﻋﻄﺖ ﺑﻴﻬﻪ ...
- ﺷﻠﻮﻥ ﻳﺠﻮﻥ ﻭﻳﻄﻠﻌﻮﻧﻦ ﻭﺍﻧﻴﻴﻴﻲ ﻣﺎﺩﺭﻱ ﺑﻴﺖ ﻫﺬﺍ ﻟﻮ
ﻣﻜﻮﺩﻩ ﻣﺎﻋﻨﺪﺝ ﺗﻠﻔﻮﻥ ﺍﺩﻛﻴﻦ ﻭﺗﺤﺠﻴﻦ
ﻫﺎﺍﺍﺍﺍﺍ ﺯﻓﺖ ﻫﺬﺍ ﻛﻠﺖ ﻣﻴﻄﺐ ﺍﻟﺒﻴﺖ ﻭﺍﻧﻲ ﻣﺎﻛﻮﻭﻭﻭ
- ﺑﺲ ﺍﻫﺪﻯﺀ ﺧﻞ ﺍﻓﻬﻤﻚ
- ﻗﻨﺪﺭﺗﻴﺶ ﺍﻧﺘﻲ ﻭﺗﺼﺮﻓﻴﻦ ﺑﻜﻴﻔﺞ ﻟﻮ ﺷﻤﻴﺼﻴﺮ ﺍﺗﺸﻴﻠﻴﻦ
ﺍﻟﺰﻓﺖ ﻫﺬﺍﺍﺍ ﺍﻟﻼﺯﻛﻪ ﻭﺟﻬﺞ ﺑﻲ ﺍﻟﻴﻮﻡ ﻛﻠﻪ ﻭﺍﺩﻛﻮﻟﻴﻦ
ﺻﺨﺎﻡ ﺍﺑﻦ ﺻﺨﺎﻡ ﺍﺟﻪ ﻋﻠﻴﻨﻪ ﻓﺎﺍﺍﺍﺍﻫﻤﻤﻤﻤﻤﻤﻪ
- ﻓﺎﻫﻤﻪ ﺍﻱ ﺏ ..
- ﺍﻃﻠﻌﻲ ﺑﺮﺍ ﻳﻼ ﻣﺎﺭﻳﺪ ﺍﺷﻮﻑ ﻭﺟﻬﺞ
ﻃﻠﻌﺖ ﻭﺳﺪﺕ ﺍﻟﺒﺎﺏ ﺑﻬﺪﻭﺀ .. ﺍﻧﻲ ﻣﺎﺗﺤﻤﻞ ﻳﺼﻴﺮ ﺷﻲ
ﺑﺮﺍﻳﻪ ﻟﻮ ﺣﺘﻰ ﻳﻨﺸﺮﻯ ﺣﺒﺎﻳﻪ ﻋﺪﺱ ﻻﺯﻡ ﺍﻋﺮﻓﻬﺎ
ﻭﻫﺎﻱ ﺍﻃﺒﺐ ﻧﺎﺱ ﺑﻜﻴﻔﻬﺎ ﻟﺒﻴﺘﻲ ﺗﺨﻠﻴﻨﻲ ﺍﺻﻴﺮ ﺑﺮﻛﺎﻥ
ﺑﺲ ﺍﻧﻲ ﻣﺎﺍﺣﺠﻲ ﻛﺪﺍﻡ ﺍﻟﺠﻬﺎﻝ ﺣﺘﻰ ﻳﺒﻘﻰ ﻧﻈﺎﻡ ﺍﻻﻛﻞ
ﻭﺍﺣﺘﺮﺍﻣﻪ ﻣﺎﺷﻲ ﻭﻣﺎﻳﺘﻐﻴﺮ ...
ﺍﻭﻭﻭﻑ ﻳﺎﻳﻤﻪ ﺗﻜﺴﺮﻳﻦ ﺍﻟﻈﻬﺮ ﺍﻧﺘﻲ ﻭﻣﺘﺪﺭﻳﻦ
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
