14
نوح والأمانة
الفصل الرابع عشر
فى غرفة نوح
سهر : ها ...سامعاك ، ايه بقى حكاية المشروع اللى بتقول عليه ده
نوح بعدم اهتمام : ابدا ..احمد وغادة كان ليهم خال غنى جدا وماكانش عنده ولاد ، ولما مات ورثوه ، وكان من ضمن نصيبهم فى الميراث حتة ارض مساحتها كبيرة جدا فى الساحل ، وعاوزين يعملوها قرية سياحية
سهر وعينيها بريق الطمع : واشمعنى أمانة يعنى اللى عاوزينها
نوح : هم قالوا عاوزين شركة مقاولات تتبنى المشروع ويشاركوهم احمد وغادة بالارض
والشركة بالتكاليف ، فرشحتلهم شركة عبد الراضى
سهر : وليه مش شركتنا
نوح : لان شركة عبد الراضى معروفة بالمشاريع اللى زى دى ، وكمان مش طماعين اوى فى شروطهم زى عندنا
سهر بامتعاض : وعاوزين أمانة ليه
نوح : عشان هى اللى هتعرفهم طبعا على حاتم عبد الراضى
سهر بخبث : ااه طبعا ، ماهى حبيبة القلب
نوح بغضب : سهر ...ألزمى حدودك
سهر ببرود : أنهى حدود دى ، ماهى مامتك اللى قالت قدامنا أنه هيموت عليها وهى اللى مش معبراه
نوح وهو يعطيها ظهره وبعض على نواجزه : برضة مايخصكيش ، انا كل اللى عاوزه منك انك تقابليهم كويس وترحبى بيهم
……………………
فى اليوم التالى يفتح نوح الباب وهو يستقبل احمد وغادة بترحاب شديد
نوح : اهلا يا ابو حميد نورتنى ياحبيبى ، اهلا ياغادة تورتى ...الله ! اومال فين الولاد
غادة : ياعم الله يباركلك ...ولاد ايه ، انا النهاردة إجازة
احمد بضحك : ماصدقت خالتى قالتها ..ماتسيبى معايا الولاد على ماترجعوا ...راحت جارية وسايباهملها
غادة بمرح : المصالح بتتصالح يا أخ
نوح ضاحكا : لأ واضح أن شغل المحاكم جايب نتيجة هايلة
احمد وغادة فى نفس الوقت : اومااال ...طبعا
لتأتى نعمة ضاحكة وهى تفتح ذراعيها لغادة قائلة : بقى كدة يابت ياغادة ...شهرين ماشوفكيش
لتبادلها غادة الاحضان بصدق وهى تقول : الا إذا كان انا ذات نفسى ماشفتنيش من ييجى سنة
نوح : ده اللى هو ازاى بقى
غادة : يعنى وحياتك ساعات بيعدى بالاسبوع من غير ماببص فى المراية ، حتى شعرى بسرحه غايبا
احمد ضاحكا : ده أن سرحته اصلا
غادة : انى اعترض ، انا بسرحه كل يوم
أنت تقرأ
نوح و الأمانة
Romance.نوح والأمانة مقدمة قد يعاند الانسان قدره لسنوات طوال دون ان يعلم انه اضاع سنوات عمره هباء وانه لا مفر من مواجهة قدره المحتوم انتظرونى ميمى عوالى
