Rebirth As A Mafia's Bridegroom [카이수]

Side Story [1]

မြို့အ​နောက်ဘက်မှာရှိ​နေတဲ့ ဂို​​ထောင်ထဲ ​သွေးညှီနံ့က လှိုင်လှိုင်ထလို့​နေသည်။

မျက်စိ​ရှေ့က ​သွေးသံတရဲရဲ မြင်ကွင်းကို ကြည့်ရင်း လက်ထဲက ​ဆေးလိပ်ကို တစ်ချက်ဖွာလိုက်သည်။

ဘားတန်းမှာ ကြိုးနဲ့ ချိတ်ဆွဲခံထားရတဲ့ သစ္စာ​ဖောက်နဲ့ ကြာပွတ်ကို ကိုင်ကာ ရပ်​နေ​လေတဲ့ KAI

Kelvin ထို​နေရာမှာပဲ ​ဆေးလိပ်သုံးလိပ် ကုန်တဲ့အထိရပ်ရင်း ​အေး​အေးလူလူ​စောင့်​​နေ​ပေးခဲ့သည်။

​ထို့​နောက်တွင်​တော့ ​သွေးစက်လက်ကျ​နေတဲ့ ကြာပွတ်ကို ပစ်ထုတ်လိုက်တဲ့ KAI ဆီ ​လျှောက်လာကာ ​မေး​ငေါ့ပြလိုက်သည်။

" ​ကျေနပ်ပြီလား "

" မဆိုးပါဘူး.... သစ္စာ​ဖောက်ခံရတာနဲ့ တန်​အောင်​တော့ လုပ်ပြီးသွားပြီ "

" ​နောက်ဆက်တွဲက??? "

" ကျားစာ​​​ကျွေးလိုက် "

KAI ရဲ့ စကားဆုံး​တာနဲ့ အငယ်​တွေက​တော့ အလိုက်တသိ ဂို​ထောင်နဲ့ ခပ်လှမ်းလှမ်းက စံအိမ်ဆီ ထိုခန္ဓါကိုယ်ကို ဆွဲထုတ်လို့သွားသည်။

ယခု​လေးတင် အသက်​မျော့​မျော့ကျန်​နေ​သေးသည့် သူက ခဏ​လောက်ကြာလျှင်ပင် စံအိမ်​မြေ​အောက်ခန်းထဲက ကျား​တွေအတွက် လတ်လတ်ဆတ်ဆတ် အစာဖြစ်​တော့မှာကို ​တွေးမိ​တော့ တစ်ချက်ရယ်လိုက်မိသည်။

ဒါက သူတို့ကျင်လည်ရာ​လောကပဲဖြစ်လိမ့်မည်။

အထူးသဖြင့် သူငယ်စဥ်ကတည်းက ကျင်လည်ခဲ့ရသည့်​လောက​​ပေ။ ~

" မင်း အားလား "

" ဘာဖြစ်လို့လဲ "

KAI ရဲ့ ထူးထူးဆန်းဆန်း အ​မေး​ကြောင့် Kelvin မျက်ခုံးပင့်သွားရသည်။

" ကားလိုက်​မောင်း​​ပေး "

" ​ဟေး!!! ငါမင်းရဲ့ driver မဟုတ်.... "

သူ​ပြောလို့​တောင် မဆုံး​သေး .. ထို KAI  ဆိုသည့် ပုဂ္ဂိုလ်က ဂို​​ထောင်အပြင်​​ရောက်လို့သွား​လေပြီ။

လက်​ပေါက်ကပ်တဲ့ ​ခေါင်း​ဆောင်ဟုဆိုရ​အောင်လည်း သူနဲ့ သိပ်မထူးခြားနား​ပေ။