Rebirth As A Mafia's Bridegroom [카이수]

Episode 17

​ကျောင်း နှစ်ပတ်နားပြီး​နောက်မှာ Kyung Soo လုံ​လုံ​လောက်လောက် အားအင်​တွေပြည့်​နေသလို ခံစားရသည်။

Kim Jongin ​နဲ့ အတူတူ အပြင်​လျှောက်သွားလိုက်.. တစ်ခါတစ်​လေ Kim Jongin ချက်​ကြွေးတာ​တွေ စားလိုက်နှင့် နှစ်ပတ်ဆိုသည့် အချိန်ကာလက မည်သို့မည်ပုံ ကုန်သွားမှန်းပင် မသိလိုက်။

Kim Jongin သူ့ခံတွင်းကို နှစ်ပတ်​လောက် အကျင့်ဖျက်လိုက်တာမို့ အခု ​ကျောင်းကန်တင်းမှာ ပြန်စားရသည့်အခါ ဟိုဟာလို သလိုလို ဒီဟာ လိုသလိုလိုပင် ဖြစ်လာရသည်။

သူ့​ရှေ့မှာ ထိုင်စား​နေသည့် Jae Young က​တော့ သူမစားပဲ ပုံထားသည့် အရွက်​ကြော်​တွေကို တူနဲ့ ခပ်တည်တည် လှမ်းနှိုက်ကာ စား​တော်မူ​လို့​နေသည်။

စားပြီးသွား​တော့ Jae Young နဲ့ အတူတူ အခန်း (၁) ဆီကို ပြန်လာလိုက်သည်။

ပုံမှန်ဆို Kyung Soo က အခန်း(၃) မှာ​ပေမယ့် လက်​ထောက်ဆုန်း ဘယ်လိုကြိုးပမ်းလိုက်သည်မသိ။

Kyung Soo ခမျာ ​ကျောင်းပြန်တက်သည့် ​​နေ့မှာပင် အခန်း(၁)သို့ ​အော်တိုမစ်တစ် ခုန်ပျံ​ကျော်လွှားကာ Jae Young ဆိုသည့် ငတုံး၏ ထိုင်ခုံ​ဖော်ပင်ဖြစ်လာခဲ့​သေးသည်။

အတန်းထဲပြန်​ရောက်​တော့ Kyung Soo စားပွဲဆီကို လှမ်းကြည့်လိုက်မိသည်။ ထူးထူးဆန်းဆန်း Kyung Soo စားပွဲ​ပေါ်  ကိတ်ဗူးလေး တစ်ဗူး ​ရောက်လို့​နေသည်။

​နေရာမှာ ဝင်ထိုင်လိုက်ရင်း ကိတ်ဗူးကို ကြည့်ပြီး​နောက် ​ရှေ့ခုံမှာ စာ​ရေး​နေတဲ့ အတန်း​ခေါင်း​​ဆောင်ကို လှမ်း​မေးလိုက်သည်။

" ​ဟေ့... အတန်း​ခေါင်း​ဆောင်... ငါ့ခုံနား ဘယ်သူလာတာ ​တွေ့​သေးလဲ "

" အဲ့ဗူးက အခန်း(၂)က  Lee Ji Ah ထားသွားတာ... မင်း မသိမှာစိုးလို့ သူထားသွားတာပါလို့ ​ပြော​ပေးဖို့​တောင် မှာသွား​သေးတယ် "

အတန်း​ခေါင်း​ဆောင်က မျက်မှန်ကို ပင့်တင်ကာ ​ပြောပြီး​နောက် ​ရှေ့ခုံကို​တောင် ပြန်မလှည့်ပဲ ကိတ်ဗူးကို Kyung Soo စားမစား သိချင်စိတ် အပြည့်နှင့် ကြည့်လို့​နေသည်။