Oops! This image does not follow our content guidelines. To continue publishing, please remove it or upload a different image.
The following chapter is just a series of flash back continued from the flashback in chapter 11.
Karachi se Islamabad aanay wali parwaaz land hoye kuch daer hoi thi. Salaar raat k iss sammay apnay waaldein k saath uss hospital mein ghussa tha jahan uskay nana ko admit kiya tha.
Saira ka rou rou k haal behaal tha, Shaheer khud bohat pareshaan thay aur Salaar. Salaar toh jaise kahein aur hee khogaya tha. Pichli baar k visit pe doctor ki kahay hoi baatein uskay kaan mein goonj rahi thein.
Woh log corridor mein najaanay kab se intezaar mein bethay thay. Doctors ka nana ko raat bhar observation pe rakhne ka iraada tha aur unn teenoun ko ghar jaanay ka kehdiya tha. Behadd minnatoun k baad bhi, doctors ne unko ghar hee jaanay ki tajweez ki.
Salaar gaari chala raha tha, Shaheer passenger seat pe bethay thay aur Saira peechay, khirki k bahar dekhti khayaloun mein ghoom thein.
"Musab ko itlaah kardeni chahiye.", gaari mein phelli khamoshi Saira ki awaaz se tooti thein. Salaar aur Shaheer ne eik nazar eik dosre ko dekha tha.
"Hum usse kesay contact karein?", gehri saans lene k baad Shaheer ne halka sa sarr Saira ki taraf mourtay hoye kaha.
"Mujhay yaad hain, Saira. Mujhay yaad hain. Lekin mein bhi kiya karoun? Ab toh internet ka zamana hai, emails bhi bheijsakta tha. Magar nhin. Itne saaloun mein usne phone toh kiya eik khatt tak toh bheija nhin, haal ahwaal toh kiya, uski rehaish ab kahan ki hai, uss tak ki khabar humein nhin di. Duniya ab itni choti toh nhin hai."
"Toh hum haath pe haath dharray rakh ke bethay rahein?", Saira ki aankhoun se aansoun tapak rahay thay aur Shaheer ne eik gehri saans li.
Gaari ghar k saamne aakay rukki. Shaheer aur Saira utarr gaye, yeh jaantay hoye k Salaar unkay saath nhin aanay wala tha. Karachi se ab tak usne bamushkil kuch bola tha, uska dimagh kahein aur hee ghoom raha tha. Unkay andar jaata hee Salaar gaari ko tezzi se road pe chalatay Islamabad ki paharioun ki taraf legaya. Eik aesi jagah jahan woh hamesha khamoshi aur sukoon ki talaash mein jaya karta tha.
Paharioun pe andheray k saath saath khamoshi bhi chayi thi. Aesi khamoshi jo k sukoon baksh thi, uskay andar banta toufaan hee usko tang karne k liye filwaqt kaafi tha. Usne apni jaib se apna phone nikaala aur seedha photos pe chala gaya. Wahan thi woh, tasweer. Sab k chehroun pe muskurahatein, aankhoun mein chamakti khushi. Woh afsos k saath muskuraya. Kahan gaya yeh sab?
Usne aasmaan ki taraf dekha. Andheray kaalay aasmaan pe bohat se sitaaray, fairy lights ki tarah poore aasmaan ko roshan kartay saajay hoye thay.
"Nani, shayad aap hee thein hamaray khaandan ko eik saath, mil jul kar rakhne wali. Aap kiya gayein, hum sab bikhar gaye. Koi udhar toh koi kidhar. Itni dooriyan aagayein k raabta karne ka koi tareeqa toh kiya, maqsad hee nhin mila. Kiya khoon k rishte aese alag hojaatay hain?"
