❣️အပိုင်း ၃❣️
"ဟာ! မင်း မင်းငါ့အခန်းထဲဘာဝင်လုပ်နေတာလဲ "
ရှောင်ကျန့်ခပ်တည်တည်ပဲ အဝတ်အစားတွေကို ဗီဒီရိုထဲထည့်နေရင်း ရိပေါ်ကို ပြန်မကြည့်ပေ။
"ဖိုးဖိုးက ခင်များနဲ့ကျွန်တော့်ကိုတစ်ခန်းထဲနေခိုင်းတယ်လေ "
"ဖိုးဖိုးပြောတိုင်း မင်းလိုက်လုပ်စရာလား "
"ခင်များကရော ဖိုးဖိုးစကားကို တော်လှန်ရဲလို့လားကျွန်တော်လည်းခင်များနဲ့တစ်ခန်းထဲမနေချင်ပါဘူး "
ရှောင်ကျန့်အဝတ်အစားတွေသေချာထည့်ပြီး အိပ်ယာပေါ် လှဲအိပ်လိုက်သည်။
"ဟေး မင်းအဲလိုအိပ်လို့မရဘူးလေ ငါကဘယ်လိုအိပ်ရမှာလဲ "
"အိပ်ချင်တဲ့နေရာအိပ်ပေါ့ "
"အေး ရတယ်လေ "
ရိပေါ် လည်းရှောင်ကျန့်နဲ့ ကျောခိုင်းကာ ဝင်လှဲအိပ်လိုက်သည်။ ရှောင်ကျန့်ခန္ဓာကိုယ်လေး လှုပ်ရွလာပြီး...။
"ဘုတ်!! အာ့!!"
ဝမ်ရိပေါ်တစ်ယောက် ခြေထောက်နဲ့ကန်ချခြင်းခံလိုက်ရသည်။ ကြမ်းပြင်ပေါ်ကနေ တင်ပါးလေးပွတ်ပြီး ရှောင်ကျန့်ကိုပြန်ကြည့်တော့ အိပ်မောကျနေလေပြီ။
"တောက်! မင်းငါ့ကိုကန်တယ်ပေါ့လေ "
အိပ်ယာပေါ် ခြေကားယားလက်ကားယားမှောက်ခုံအိပ်ပျော်နေတဲ့ရှောင်ကျန့် ကြောင့်
ရိပေါ်အိပ်ဖို့နေရာမရှိတော့။
"ဟေးး ထအုံး ဟေး ငါခေါ်နေတယ်လေ "
သူ့ရဲ့လက်ကိုဆွဲကိုင်လိုက်သည်နဲ့ ဗြပ်ခနဲ သူ့ရဲ့ပါးကိုရိုက်ခံလိုက်ရပြန်၏။
"အား!! ဒီဟာလေး တော်တော်အားရှိတာပဲ စွမ်းအားရှင် ဒိုဘုံးဆွန်းနဲ့နင်လားငါလားပဲ ဟူး ဒီလိုပုံနဲ့ ငါဘယ်လိုအိပ်ရတော့မှာလဲ "
သူ့ခြေထောက်နဲ့ဖိထားသည်မို့ စောင်လဲဆွဲယူမရ ခေါင်းအုံးလဲ သူပဲအပိုင်ဦးထားသည်မို့
ဝမ်ရိပေါ်ဆိုဖာပေါ်မှာပဲ ကွေးကွေးလေးအိပ်လိုက်ရတော့သည်။
______*________
မိတ်ကပ်နည်းနည်းပါးပါးပြင်ဆင်ကာ အဖြူရောင်သတိုးသားအင်္ကျီလေးလဲဝတ်လိုက်သည်။
