Internet တွေမဖွံ့ဖြိုးသေးတဲ့ခေတ်မို့
နင်နဲ့ငါအကြာကြီးအဆက်အသွယ်ပြတ်နေပေမဲ့
နင့်အတွက် ပုလဲကုံးတွေသီနေဆဲပဲပန်
အခုဆို နင့်အတွက်ပုလဲလက်ကောက်လေး
ထပ်သီထားတယ်
နင့်ကိုလွမ်းရင်ပုလဲတွေသီရင်းအလွမ်းဖြေနေတယ်
ပင်လယ်ဟာ သူ့မူလအတိုင်းတည်ရှိနေသလိုပဲ
ငါကလည်းနင့်ကိုချစ်တဲ့အချစ်တွေနဲ့တည်ရှိနေတာပဲပန်
နင့်ဘက်ကစာတွေမပြန်ခဲ့ပေမဲ့လည်းငါတစ်ရက်မပျက်စာတွေရေးနေဆဲပဲ
နင်က တခြားတစ်ဖက်မှာ
ထိန်ထိန်သာနေတဲ့လမင်းလိုပဲပန်
ငါ့ဘက်မှာတော့မှောင်မိုက်နေတာပေါ့
နောက်တစ်ကြိမ်အောင်စာရင်းတွေထွက်တဲ့နေ့က
မိုးတွေရွာနေတာပန်ရဲ့
နင်သောက်တဲ့ကော်ဖီခါးခါးကို
ငါပထမဆုံးအကြိမ်မြည်းကြည့်တယ်
နောက်ပြီးနင့်ကိုသတိရတယ်
နင့်လိုကောင်မလေးကဘာလို့များအဝင်ဒီလောက်ဆိုးဝါးတဲ့ကော်ဖီကိုကြိုက်ရတာလဲလို့ ငါတွေးမိတယ်
တစ်ဆက်တည်းနင့်ကိုဒီတစ်ခါတွေ့ရင်ကော်ဖီဖြတ်ခိုင်းဖို့ငါကြိုးစားမယ်ပန်
" အောင်တယ်မလား... အောင်ရဲ့သားနဲ့ဘာလို့လာမှိုင်နေတာလဲ"
ထိုင်နေကြကော်ဖီဆိုင်က အကိုကြီးစကားကြောင့်
သက္ကရာဇ်ဟာ ပြုံးရုံပြုံးပြလိုက်တယ်
" ကျွန်တော်အောင်တာပျော်ပေမဲ့ ပန်မရှိတော့ ၃၀% လောက်ပဲပျော်တယ် ၇၀% က ပန့်ကိုသတိရနေတယ်"
သက္ကရာဇ်အပြောကြောင့် ကော်ဖီဆိုင်ကအကိုကြီးကခေါင်းတွေခါရမ်းပြီးရယ်တယ်
" မင်းကတော့မလွယ်ပါလား သက္ကရာဇ်
နောက်တစ်ခါလာဖြစ်ရင်
အတွဲလေးအဖြစ်ပြန်မလာနိုင်ရင်တော့
ငါ့ဆိုင်မလာနဲ့တော့"
" ဒါနဲ့ ၃ ဘာသာထွက်တာကိုဘာလို့ Engineer လိုင်းမလျောက်တာလဲ မင်းအဖေက Engineer ရူးရူးနေတာမဟုတ်လား"
YOU ARE READING
တံခါးလေးစေ့ရုံ
Romance"ငါတို့ကသူငယ်ချင်းတွေပါပန် ငါတို့ရဲ့ဆက်ဆံရေးက မပြိုလဲသွားဘူး မယိုင်လဲသွားဘူး အဘိုးကြီးအဖွားကြီးဖြစ်တဲ့ထိခိုင်မြဲနေမှာ" သက္ကရာဇ်ဟာပြုံးပြီးပြောတော့ ပန်ဟာခပ်ဝေးဝေးကလှိုင်းလေးတွေကမ်းခြေနားမှာအဆုံးသတ်သွားတဲ့မြင်ကွင်းကိုငေးကြည့်ရင်းမေးလိုက်သည် "ဒါဆို မနေ...
