" ပန် ...
နင့်သူငယ်ချင်းကောင်လေးနဲ့
ငါ့ကိုမိတ်ဆက်ပေးပါလား"
လှိုက်ခနဲရလိုက်တဲ့ချိုအီအီရေမွှေးအနံ့နဲ့အတူ
ဆံပင်အညိုရောင်လှိုင်းတွန့်တွေကို
သေသေသပ်သပ်စီးနှောင်ထားတဲ့
ရွှေဘုံစံသည်လှမြဲအတိုင်းလှနေဆဲပင်။
ရွှေဘုံဟာ ပန်တို့ Majorရဲ့ Queen ဖြစ်ပြီး နာမည်နဲ့လိုက်အောင် ချမ်းသာတဲ့သူဌေးသမီးဖြစ်သည်။
" နင်က....ငါ့သူငယ်ချင်းတောသားကိုလား"
မယုံနိုင်လို့ထပ်မေးလိုက်တဲ့ ပန့်ကိုကြည့်ရင်း
ရွှေဘုံစံဟာ ခစ်ခနဲရယ်သည်
"သူ့ပုံလေးကဒီကကောင်တွေနဲ့မတူဘူးပန်ရဲ့
မျက်တောင်လေးပုတ်ခတ်ပုတ်ခတ်နဲ့တင်ငါကြွေသွားတာပဲ"
ရွှေဘုံဟာရယ်ရယ်မောပျော်ပျော်ရွှင်ရွှင်ပြောပေမဲ့ ပန်ကတော့မရယ်နိုင်တော့
" အေး နင်သူ့ကိုရောကစားမှာလားရွှေဘုံစံ"
ရည်းစားများတဲ့ ရွှေဘုံစံလက်ထဲကို သက္ကရာဇ်ကိုထည့်ပေးဖို့ကျ ပန်ဟာ နှမြောနေပြန်သည်။
" မကစားပါဘူး
ငါသူ့ကိုတကယ်သဘောကျတာ"
" အေး အခုလောလောဆယ်အဲ့ကောင်က
ငါ့ကိုတောင်စကားမပြောတော့ဘူးဟ"
ပန်ဟာရွှေဘုံ့ကိုရင်ဖွင့်ရင်းပင်လှိုက်ခနဲဝမ်းနည်းမိတော့သည်
ဘာပဲဖြစ်ဖြစ် ဘယ်လိုအခြေအနေပဲရှိရှိ
သက္ကရာဇ်ဟာ သူမအပေါ်စိမ်းစိမ်းကားကားတစ်ခါမှမဆက်ဆံဖူးပါ
အခုတော့ သက္ကရာဇ်ကိုနေရာတိုင်းမှာရှာမတွေ့တော့
သက္ကရာဇ်ဟာတကယ်ပဲ သူမကိုအရှုပ်ထုပ်လို့မြင်နေတာလား
လွန်ခဲ့တဲ့ ၃ လ
ဘုရင့်နောင်ကုန်စည်ဝင်းထဲယောင်ချာချာနဲ့
ပန်ရောက်လာခဲ့သည်
ဆူညံပွက်လောရိုက်နေတဲ့
မိန်းကလေးငယ်တစ်ယောက်နဲ့သိပ်မသက်ဆိုင်တဲ့
ဒီနေရာထိပန်ရောက်လာခဲ့ခြင်းဟာ
သက္ကရာဇ်ကြောင့်ပင်ဖြစ်သည်။
သက္ကရာဇ်ရဲ့အဖေဟာ အမြဲလိုလို
လကုန်ရက်တွေတိုင်း
ငါးနီတူခြောက်တွေကို ဒိုင်အထိလာသွင်းနေကြဖြစ်သည်
ဒါ့ကြောင့်ပင်ပန်ဟာ
လည်ပင်းတရှည်ရှည်နဲ့မျှော်နေခဲ့ခြင်းဖြစ်၏။
ŞİMDİ OKUDUĞUN
တံခါးလေးစေ့ရုံ
Romantizm"ငါတို့ကသူငယ်ချင်းတွေပါပန် ငါတို့ရဲ့ဆက်ဆံရေးက မပြိုလဲသွားဘူး မယိုင်လဲသွားဘူး အဘိုးကြီးအဖွားကြီးဖြစ်တဲ့ထိခိုင်မြဲနေမှာ" သက္ကရာဇ်ဟာပြုံးပြီးပြောတော့ ပန်ဟာခပ်ဝေးဝေးကလှိုင်းလေးတွေကမ်းခြေနားမှာအဆုံးသတ်သွားတဲ့မြင်ကွင်းကိုငေးကြည့်ရင်းမေးလိုက်သည် "ဒါဆို မနေ...
