جـمـيلة حـارث

8

#جميلة_حارث
#زاي_الربيعي

"" جميلة

جنت كاعده ع السرير وزعلانه منه واصلاً مااريد اكل وما احب السمچ اجت رنا فتحت الباب

رنا : حارث يريدج
.. اهوو مااريد انزل
.. كومي اكلي
.. ماريد وانتي تعرفين مااكل السمچ
.. اكلي بس تمن كومي
.. مااريد

دخل حارث الغرفه وحچه : رنا روحي

حارث: يلا كومي اكلي
.. مااريد
.. جميلة ليش تخليني اعصب عليج
.. قابل انتي ابدا ماتعصب
.. استغفرالله يالله صبرني ع هاي البنيه
.. روح اكل ماريد
.. بويه كافي زعل كومي
.. ماريد

.. اجه سحبني من ايدي وانا أصيح عليه نزلني جوه وكعدني يمه كال
.. يلاا هسه اشوف منو ما تاكل
.. مااكل أصلاً مااحب سمج

.. بده يسوي السمج ويريد يوكلني وخرت منه لان مااحبه
.. حارث ماريد سمج اكل تمن بس
.. السمج تاكلينه شوفي روحج مابيج فيتامين
.. وخر السمج مااريده
.. يلاا اكلي تمن

.. كعدت اكل تمن نوب حط السمج بالتمن كال
.. اكلي
.. ماريد

.. ضل يلح عليه ويخزر اخر شي أكلته حطيت شوي وعفت الباقي
.. هاي أكلت بعد ماريد

معدتي ضلت تگلب حتى بعد مااشتهي شربت ماي وكمت
.. الحمدالله

.. صعدت فوگ ادرس ، نزلت جوه شفت ماكو احد رحت اشوف شنو موجود اكل فتحت الفرن لكيت تمن أخذته كعدت اكل ، شبعت وضل هواي بي رجعته بالفرن شوي واشوف حارث نازل ومبدل ... والله هالحارث صاير يوميه كاشخ والعطر واصل لاخر الممر رحت اله ..

.. احم
.. شبيج
.. شنوو على وين انشالله
.. ليش من يمتى تحاسبيني
.. من اليوم
.. وخري مني و روحي كملي اكلج بنيتي
.. خلصت اكل ، وين رايح ؟

.. عندي شغل
.. وشنو هو الشغل
.. روحييي منا
.. مااروح اله تگلي وين رايح
.. ليش تردين تعرفين
.. لان انتَ هم تتدخل بيه
.. روحي كملي دروسج

.. ردت احجي و راح فد ينرفز انا اعلمك حارث بسيطه ، رحت كملت

دراسه .. حطيت الكتب بالجنطه ، ثاني يوم رحنا انا و رنا للمدرسه ، جنت كاعده اراجع احياء واجت طيبه كعدت على الرحله ...

طيبه : شنو جميلة صايره ما تحجين ومعتزله وكاعده وحدج
.. طيبه كومي منا
.. هاا هسه صارت اكوم منا
.. باعي انا مااريد مشاكل الله يخليج كومي
.. باعي كلش زين اليوم رح ترحين وياي للأسواق
.. شبيج تخبلتي انتِ
.. يي اعرف ما ترضين ، اذا مارحتي اروح لابن عمج واكله بنت عمك اخذت رقم واحد وانطتني الرقم علمود تراسله مني ..

جميلة : طيبه جاي تحجين انتِ
.. باعي انا ماميته اخذج وياي للأسواق بس اريد أشوف حبيبي
.. وانا شيدخلني اخذي وحده غيري
.. محد ترضى انتِ لازم ترحين
.. طيبه ارجوج عوفيني والله انتي ماتدرين انا شيصير وياي بسبب سوالفج
.. مارح يصير شي بقه درس وتخلص المدرسه واذا مااجيتي اليوم بالليل خلي نشوف ابن عمج شنوو ردة فعله ..

.. كامت من يمي وانا اله شوي دموعي تنزل ، ياريت ما مشيت وياها ولا حتى تعرفت عليها صدك طلعت متستاهل ، رحت لرنا شفتها تحجي ويه صديقتها شافتني واجت ..

رنا: شكو شبيج جميلة
.. رنا
.. شبيج
.. احمم مابيه شي بس اجيت اشوفج
.. تردين تلعبين عليه بهذا كلامج شبيج
.. لا جد مابيه شي بس مليت بالصف وحدي

""
.. رجعت لصفي بعد ما خلصت من رنا اسمع صوت طيبه وراي

.. يلا يا حلوه امشي
.. ردت احجي وجرت ايدي وين رنا نقذيني ما لكيتها يمكن بعدها ما نزلت خايفه هواييي رحنا للأسواق وهيه تحجي ويه حبيبها وانا واكفه ع صفحه فجاة أشوفها تبوسه درت وجهي ..

صحت :: طيبه انا رايحه
.. شفت حبيبها يباوعلي بنظرات غريبه كال: منو هاي

طيبه/ هاي وحده من المدرسه
.. ضَل يباوع عليه درت وجهي شفت السايق مالتنا واكف ، هذا السايق كلشي يحجي لحارث فجاة نشوف المديره واكفه باب المدرسه .. ويمها رنا شجاي يصير عفت طيبه وهاي طيبه تركض وراي صارت عيني بعين المديره .. خفت هوايي تقدمت الها

كالت المديره وهيه تخزر :: وراي بسرعه للاداره
.. ضليت ارجف رح تكول لحارث عليه رح اوكع بمشكله جديده وهالمرة منو ينقذني .. رحنا وبدت ترزل بينا وتحجي

.. باجر الصبح اهلج طيبه يمي وانتي ابن عمج عبالي تغيرتي جميله بس بعدج باجر نشوف يلااا روحن ..

.. ضلت تصيح علينا نزلت دمعتي مسحتها ورنا تحجي عليه حقها ، اعرفها ضاجت لان كلشي يطيح براس رنا اذا صار بيه شي ، وصلنا للبيت وانا حاضنه شمس و ابجي ورنا تحجيلها كلشي . وخرتني شمس كالت

.. بس فهميني مارح تنعدلين
.. والله مالي دخل
.. كافي هسه يجي حارث هوايي ضميت عليج
.. شمس حبابه انتِ ترحين مو هو
.. كافي انتي ما تخافين بس من حارث

راحت وعافتني وركضت وراها :
.. شمس لا تسوين هيج
.. جميلة انا خايفه عليج تخربين بسبب هالبنات
.. والله مالي دخل
.. لعد منو راح وياها ، نوب طالع وياجن ولد منو هذا
.. والله مالي دخل حبيبها
.. عوفيني

حارث : حبيب منو

يتبعع..

—-
بالليل اذا كدرت انشر بارت ثاني ، وهالفتره احاول انشرللكم اكثر من بارت بسبب تقصيري ، عذروني .