جميلة فتاة عراقيه يتيمه تربت عند بيت عمها تبدا الأحداث مع حارث الذي يربيها وتكون مثل ابنته وهي صغيره تكون عند حارث ماذا سوف يحدث عندما تكبر جميلة وهل سوف تكون نصيب حارث ! 🥺🌚
زاي الربيعي
سكتت عنه هو سكت ضَل يمشي سريع اعرفه عَصّب ، يستاهل والله اخليك تندم على الساعه اللي فكرت بيها تتزوج ، وصلنا للصالون نزلت ونزلت شمس وياي ، دخلت وهو نزل واكف بالباب انا واكفه وره شمس ، شفت العروس چانت حلوه ، تقريبًا هيج شكلها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لابسه فستان طويل بس ردن قصير وضيق عليها و شعرها مفتوح ، شعرها واصل لضهرها لون رصاصي يعني من جوه كله رصاصي ، المكياج كلش طوخ ، ماانكر هيه حلوه ، بسيطه حارث جايب هاي عود تسد مكاني وتصير الك ، أكو وحده حاطه رجل ع رجل حسّيت هاي امها لابسه الذهب كله والمكياج
ام زهراء : حبيبتي شمس خلي عريسها يفوت
كامت امها لبست عباتها وحجابها وكالت ، خلي يجي راحت شمس تصيح اله وهو دخل شاف زهراء وهو باس رأسها وسلم ع امها و لبست عبايتها وحجاب وراحت للسياره كعدت كدام ، صعدت شمس ورحت وراها كعدت يم رنا ونمشي وراهم .. الدمعة بطرف عيني شعور صعب
تشوف اللي تحبه يصير لغيرك دمعتي غدرتني ونزلت مسحتها بسرعه ، اعرف انا غلطت بس ياريت هو صابر عليه ماادري أوقات اكول شسوي بي وهو مايريدني و أوقات اريده ، رحنا لبيت العروس اكو زلم عبرنا من صاله الزلم مدري شنو اللي وكفني أشوفها وكفت واشوفها جبيره وكلها اضويه كلش حلوه ومرتبه شفت شاب
طلع من الصاله اجت عيني بعينه ، كملت طريقي شفت شمس واكفه باب الصاله تسوي بدلة زهراء و حارث مادخل اعرف مايحب يتواجد بمكان النسوان اشوف عيونه بالارض اجه يرجع ، خلي شوي العب باعصابك يعريس ، وكفت كباله رفع عينه بعيني رفع حاجبه ورفعتله حجابي نزل عينه و راح ..
