#زاي_الربيعي
————————
.. كعدت الساعه ب10 ونص غسلت وجهي وعدلت شعري ، نزلت شفت شمس تسوي الغده و رنا تحجي بالتلفون .
اسمعها تضحك وتسولف نوب كالت اسم زهراء ، عرفتها خطيبة حارث ، شفت حارث دخل رفعت راسي اجت عيني بعينه هو بسرعه نزل راْسه ، راح صعد وجايب اغراض للبيت صعدت وراه اريد اعرف هذا شصاير وياه وليش يتجاهلني ، دكيت الباب وسمعت صوته ،
.. ادخل
دخلت شفته يطلع ملابس لان لابسه دشداشه وهو بالبيت يلبس تراك سد باب الكنتور وأخذ الملابس ودخل للحمام ، هذا شبي ولا عبرني ولا حجه ، كعدت ع السرير شوي وطلع مبدل اجه حط عطر وعدل شعره واجه كبالي .
حچه بحده : شتردين
وكفت كباله : شنو هاي التصرفات
.. يا تصرفات
.. متجاهلني ولا حاطلي قيمه
.. انتي بيدج خربتي هذا الشي
.. غلطان انتَ خربت كلشي بزواجك
.. اذا عندج كلمه بيها خير احجيها واذا ماكو طلعيراح تمدد ، كلش ضجت من تجاهله رحت وكفت يم الچربايه
بحزن : شبيك وياي
بدون مايباوعلي : مابيه شي
حجيت بخنگة : تمام باجر زواجك وبعد زواجك انا اروح لبيت خالي ولا ارجع وحتى مااخليك تشوفني ورح ترتاح مني هواي.. وليش اجيتي اذا تردين ترحين
.. اجيت علمودك
.. وليش علمودي
.. اجيت علمود احضر عرسك
.. ليش فرحانه
.. شنو تشوفحارث : انتي ضايجه هواييي
.. غلطان
.. وليش غلطان
.. هواي فرحانه وانشالله يوم اليشفته رفع راْسه أحسه يريد يهجم عليه كال
.. ازفج بيدي
.. متاكد؟
.. متاكدتقربت عليه اشم ريحة عطره همست بأذنه
.. وقت اروح راح تفقدني وكتها رح تعرف قيمتي
.. رح تجي زوجتي وهيه اللي تملي عيني
.. وداعتك محد رح تاخذ مكاني بگلبكلزم ايدي وقربني اله
.. وليش شنو مكانج بكلبي
.. ابقى اللي مكان بكلبك وكلش جبير
.. لمن تجي زوجتي رح يصغر وبعدين رح تصيرين ولا شياحس دمعتي نزلت بدون مااحس
حجيت بخزن : واذا أخذته عيونك ماتشوف غيري
.. غلطانه رح تشوف زوجتي لان هيه اللي كبالي ورح تكون بكلبي و عيوني.. حارث تحبها
.. وليش هالسوال
.. من يمته تحبها
.. مايدخلج
.. انتَ الخسرانوخرت عنه وطلعت رحت لغرفتي دموعي ضَل تنزل ، مااعرف شسوي ضليت مااعرف افكر مجاي استوعب شي ، محتاره يحبها لو لا ، باجر راح تصير اله ورح تكون
بغرفته ، خلاص جميلة انتهى بينج وبين حارث كلشي ، راح يتزوج وانا مااكدر ادخل طرف ثالث بينهم ، خلاص انتهى كلشي ، رحت حضرت ملابسي وحطيت الجنطه لان
ارجع باجر بالليل لبيت خالي لان الخميس يسافرون واروح وياهم ، ونطلع الصبح ولازم
ارجع علمود ملابسي هواي بيت خالي هنا قليل .. حظرت فستان باجر ، رح اجلطك يا حارث باجر اخر يوم انا وياك ولازم العب بأعصابك ، مر اليوم وكعدت الساعه ب8 ونص ع صوت شمس
.. يلا كومي نروح للصالون ويه زهراء
.. اهوو ويه زهراء مااريد اروح
.. ولج جميله شنو هالحجي
.. كايمهكمت غسلت ولبست عباتي مفتوحه وحجابي حطيته باهمال ورح يصير العرس هنا لان حارث مايريد بالقاعه وامس جهزو كلشي رح يصير بره وجهزو كراسي والبنات نضفن
الديوان ، أخذنا حارث وصلنا و شفت زهراء وامها وأختها بالصالون اجت زهراء تركض تبوس رنا وشمس تتلوگ
عليهن ، اجت باستني وبدت ام الصالون تسوي لزهراء ومشغلات اغاني واخت زهراء تركص كامت رنا تركص وياها ...
يتبع ..
أنت تقرأ
جـمـيلة حـارث
Mystery / Thrillerجميلة فتاة عراقيه يتيمه تربت عند بيت عمها تبدا الأحداث مع حارث الذي يربيها وتكون مثل ابنته وهي صغيره تكون عند حارث ماذا سوف يحدث عندما تكبر جميلة وهل سوف تكون نصيب حارث ! 🥺🌚 زاي الربيعي