جـمـيلة حـارث

30

# زينة

جميلة : اجه وكت نروح لزياره ونزور خالو و علاوي حضرت ملابسي ، سمعنه هورن عرفت اجه حارث خاله طلعت تسلم علي ، وجهي كلش تعبان حطيت كحل وبعد ماحطيت شي .

لبست جينز اسود و قميص اسود وحجابي اسود ، اجت فاطمه اخذت جنطتي تحطهن بالسياره حطيت عطر وطلعت ، شفت خاله تلبس عبايتها ريتاج راحت هي و

خطيبها و راحت مريم وياها وراح احمد ، لان سمعت جايات البنات ويا حارث ، طلعت شفت زهراء نزلت من كدام وكعدت خاله بمكانها اتوقع حارث گلها ، سديت الباب مالت البيت .

جانن البنات يصعدن درت وجهي عليه صارلي هواي ماشايفته شكد مشتاقتله نزلت عيوني وتقربت كالت خاله

.. يمكن ماكو مجال بنيتي روحي وي ريتاج

باوعت لحارث خزرني كال : خليها تصعد وره

باوعتله شفت زهراء تباوعلي لان زهراء كاعده وره حارث ، نزلت عيوني اخاف تشك بينا شي رحت وره شفت شمس و رنا وفاطمه و زهراء حيث ماكو مجال الي ، نزل حارث وحط الجنط ع صفحه وفتح الكرسي اللي وره ونزل امجد (خطيب ريتاج) اخذ نص الجنط وياه لان محد ترضى تروح ويه امجد وانا هذا مارضى اروح وياه رنا كعدت وره وصار

مجال انا مو سمينه حتى اخذ مجال جبير ، كعدت يم فاطمه انا كاعده ع الجامه و زهراء كاعده ع الجامه وره حارث ، حطيت راسي ع چتف فاطمه رغم علاقتي

شكد جانت حلوه برنا و شمس بس احس هسه قلت العلاقه صارت علاقتي قويه بفاطمه حيث اعرف عنها كلشي دوم

احجي الها وهيه تنصحني او انا انصحها ، انتبهت ع المرايه شفت حارث يباوعلي من المرايه الاماميه ضليت اباوعله ، اعرف انا غلطت بحقك بس شسوي جنت مااكدر حتى

افكر ، غمضت عيوني لان نعسانه و دايخه وطلبت اجازه من المدرسه بالگوه المديره قبلت خاله راحت تتوسل بيها علمود الإجازة فد وحده حقيره خلتني اكره المدرسه .. وصلنا لكربلاء وگف يم فندق راقي و حلو دخلنا للفندق جانت اكو كعده گال حارث

.. ام احمد اخذي البنات كعدن هناك
.. بس علمود الفندق شكد سعره
.. انا موجود ولا يهمج شكد السعر

خاله ضلت تكله مايصير تدفع بس هو ماقبل ، اجت خالتي لان هو ماقبل اجت عيني بعينه دار وجهه وراح اشوفه من بعيد يحجي ويه واحد فجاة اجه واحد و حارث سلم عليه و يضحك وياه ، وره دقايق اجه كال

.. يلا بويه گومن

صعدنه بالمصعد احنه هواي والمصعد لازم قليل يصعدون ، صعدت خاله و مريم و فاطمه و خطيب ريتاج و ريتاج .

طبعاً خطيب ريتاج هو دفع ماقبل حارث يدفع ، انا ضليت واكفه يمهم ، الكل ساكت نزل المصعد و صعدنا انا واكفه يم حارث و ومن جهه الثانيه واكفه زهراء .. استغفرالله هسه انا

شوكفني يمه هو كلش طويل ، انا طولي 160 كأني ولا شُيَء يمه ، شفنا خاله و البنات واكفات اخذنه 4 غرف ، الاولى لأمجد والثانيه رنا وشمس و انا وياهن و الثالثه خاله و

مريم و ريتاج و فاطمه . الكل دخل غرفته كعدت ع السرير لان كلش تعبانه وجنت اريد اروح ويه البنات لان احس رنا ما مامتقبلتني رغم اعتذرت مني بس علاقتنا كلش ضعيفه ،

اخذت سرير ع الحايط وفتحت جنطتي وأخذت تراك رحت غسلت وجهي ماسبحت لان الجو صار بارد واخاف اتمرض ، رحت حطيت راسي ونمت كعدت ع صوت شمس وهيه تكول

.. جميله ، جميله
.. شمس مابيه اكوم
.. يلا رح نروح نزور
.. گايمه

كمت غسلت وجهي ولبست جينز و بلوزه و لبست حجابي و عبايه .. احنه أخذنه الغرف وحده قريبه من الثانيه احنه غرفتنا مقابل غرفه حارث و غرفه خالتي والبنات يمنا و امجد مقابل غرفه خاله والبنات .

يتبع ..