جـمـيلة حـارث

27

#زينة

حارث :

وصلنا لبيتهم ضَليت أصيح عليهم فجاة اجت وحده اتوقع هاي فاطمه اجت تركض لأختها اجت امها وتبوس بيها

ام فاطمة : شلونها جميلة واحمد شنو وضعه
.. لحد الان ماكو شي عنهم
.. حارث ماتقصر ويانا مااعرف شنو احجي جنت انتظر هذا من أقربائي ماتوقعت انته تسوي كل هذا طلعت احسن من القريب

... تدللون يابه انا لازم اروح
فاطمه : شكراً حارث على وكفتك ويانا
.. هذا واجبي
فاطمه : وانا اكول ليش جميله هلكد متعلقه بيك ، جميلة اختارت الصح واشكرك مره ثانيه

دخلت وانا ضليت جامد بمكاني ليش جميلة كايله الها انو تحبّني مجاي اكدر استوعب اذا تحبّني ليش راحت ، شلت كل الأفكار ورحت للمستشفى انا كل يوم ابات يمها .، ضليت كاعد اباوعلها والدنيا ليل والغرفه ضوه خفيف ، اباوع الجروح بدت تقل ، وحاطين جهاز التنفس ع خشمها ، لزمت ايدها وبستها

حارث : لو تدرين شكثر احبج ، انا الشيخ حارث اللي البنات يردن نظره مني بس كلبي يريدج انتي ، تزوجت ومجاي اكدر انساج ظلمت بت الناس وياي .

نمت ع الكرسي كعدت الصبح رگبتي توجعني كمت شفت الشمس صايره بوجها فجاة عيونها ضلت تتحرك تقربت عليها

رحت بسرعه الها : جميلة

بدت تحرك ايدها شوي شوي فتحت عيونها ، فرحت هواي ورحت للدكتوره رجعت للغرفه شفتها فاتحة عيونها وتباوع ع الشمس .. بدت الدكتورة تفحصها بدت دموعها تنزل دارت عيونها عليه

حچت بصعوبة : حارث
تقربت عليها وكالت : كعدني
كعدتها وضلت تباوعلي ودموعها ع خدها كالت
.. وينهم
.. منو
.. خالي زوجة خالي و بنات خالي ولد خالي
.. احم هما بخير
.. حارث لا تجذب عليه
.. زوجة خالج بخير وبنات خالج بخير
.. وخالي

ضليت ساكت مااعرف شنو ارد عليها كالت
.. مات ؟!
غلست عليها لأن تعبانه وما اكدر احچيلها شي ، شوي وبدت تبجي وتصيح رحت الها
.. هذا قضاء وقدر

حضنتني وهيَ تبجي وتصرخ
حجيت بصعوبة : كافي بنيتي
.. اريد اشوفهم
.. راحو للبيت
.. خليني اروح
.. خلي اشوف الدكتوره

رحت لدكتوره وكالت تكدر تطلع وساعدتها تكوم وهي بدلت ملابسها وبس تبجي صعدت بالسياره وصلنا للبيت شفت العالم موجودين لزمت ايدها ودخلتها جوه شفت نسوان يبجن شافتها فاطمه بت خالها اجت تركض وتحضنها وتبوس بيها وأجت زوجة خالها و ريتاج ومريم ، انا طلعت يم الولد والدكتورة اتصلت عليه كالت احمد كعد ، رحت لامه

.. احمد كعد
.. الحمدالله خليني اروح اشوفه
.. بعدين اخذج
.. اشكرك

رحت يم الطباخ حطينا الغده ، خلصو غده ونص راحو ونص ضلو مر اليوم والكل راح وأخذت ام احمد وراحت شافت ابنها وتبجي وهو يبجي ورجعته وويا امه للبيت حتى يرتاح وينام .

يتبع ..