جـمـيلة حـارث

19

#زاي_الربيعي

.. مااعرف شمس ليش سوت هيج شنو تريد توصله ، بس سكتت عنها وكمت من مكاني رحت للمطبخ شفته متروس كيك .. جنت واكفه باب الصاله فجاة اجت رنا

.. تعاي زهراء تريدج

رحت لزهراء كالت
.. حبابه كومي ركصي
.. لا مااركص
.. يلاا علمودي
.. مااعرف
.. لا جذابه رنا كالت تعرفين تركصين
.. مااريد اركص
.. يلاا خلي نخلي الكل يكعد بس انتي تركصين
.. لا لا استحي كدام العالم
.. يلا علمودي
استسلمت للأمر الواقع وكلت : تمام
رنا : بس محد يصور لان حارث مايرضى
زهراء : تمام

صاحت رنا : بنات عادي الكل يكعد نريد جميلة تركص لان العروس طلبت هيج وأرجو محد تصور

شفت البنات كلهن كعدن ضليت بس انا واكفه بس اشوف الجهال يركصن وحدهن و نص يركضن ولد هم اكو صغار
أول مره اركص كدام عالم ..

رنا : انا رنا ، جنت هواي اريد جميلة تصير زوجة حارث ، لمن حارث قرر يخطب ضجت هوايي ، حاولت اكون صداقه ويه زهراء هي بنيه حبابه ولطيفة رغم كلشي متوفر عدها يس ما تتكبر دوم اشوف هيج بنات

يتكبرن ، بس هيه ما تتكبر وتضحك ومرحه وقبلت بحارث رغم جانت هواي شروط من حارث و اول شرط تلبس عبايه ابدا ما عارضت وافقت وكلشي كال عنه وافقت ، جانت تتصل عليه من تلفون شمس ونسولف سوه ، بس جنت اريد

جميلة لحارث ، بس اليوم شفت فرق بين جميله وزهراء .. جميله معقده عكس زهراء ، رغم جميلة حبابه و لطيفه بس معقده ودوم متعاركين هيه و حارث ولمن راحت لبيت خالها كلش ضجت انو راحت ..

جانت جميله تركص صورتها بس انا اصور .. وزهراء كالت اصور من تلفونها وصورت بتلفون زهراء ..

جميلة : خلصت الركص و النسوان تصفگ وتهلهل .. ضليت اضحك ، وزعنا الكيك وره شوي سمعت كالو اجه العشه ..

شمس : بسرعه روحي لبسي عباتج وحجابج و روحي اخذي العشه اجه حيدر وداه حارث يلا بسرعه وانا اخذه منج

رحت صعدت لغرفتي ، عيوني أذني من العدسات لبست عباتي وحجابي ونزلت وكفت باب البره شفت حيدر يباوعلي نوب نزل راْسه كال

.. هلا جميلة
.. هلا بيك
.. شخبارج
.. تمام

ضَل ينطي صينيه وره صينيه شوي و انتبهت اجه حارث كال
.. حيدر روح انا انطيها
.. لا انته روح
خزره : الولد يردونك
.. تمام

شفته ضَل يباوعلي وعينه بعيني وضل ينطي صينيه وره صينيه وعينه بعيني

.. شنو حجيتي ويه حيدر
.. ما حجيت شي
.. شعرج اذا يطلع اموتج
.. شبيك تصيح عليه
.. ليش لابسه هيج بدله
.. شبيها
.. شنو شبيها ولج رجليج كلها طالعه انا بالحفله ما حجيت بس هسه زودتيها
.. انا طالعه حلوه لو لا

شفته ضَل صافن بوجهي كال
.. شدخل هذا الموضوع
.. هسه احجي
.. سكتي ويلا بسرعه دخلي رجليج اكسرهن اذا توصلين للباب

عفته ودخلت وشمس دخلت الاكل جوه .. شسوي بكلبي اللي يحبك ، لو تدري شكثر احبك جان ندمت على الساعه اللي فكرت بيها تتزوج ، بس هذا الكلام كله ميفيد وغيرتك هم ماتفيد اليوم صارت على ذمتك مره غيري ..

يتبع ..