جـمـيلة حـارث

22

#زاي_الربيعي

.. طلعت تراك لبسته سويت شعري كعكه والمكياج بعدين امسحه نزلت شفت رنا تغسل ماعين و طبعاً خاله حارث هم عدنا و عمة زهراء هم هنا ، كاعدات يسولفون وبناتهن اجن

يشتغلن ويانا ، انا ارتب بالصاله وهنا يسولفن خلصت رحت لطارمه يبويي شصاير بيها هذول الجهال يلعبون ، اليوم نسوي تنضيف بسيط وباجر نكمل ، ضليت انظف الطارمه

تعبت هوايي ، خلصنا القليل رحت صعدت ، شفت باب غرفة حارث مسدوده ، دخلت للغرفه

كلبي يدك سريع .، صعب أوصف حزني التهي باي شي بس حتى انسى كلشي صعب تشوف اللي تحبه يصير لغيرك

صعب هواييي ، رحت لبست شورت وتشيرت نص ردن لان متت حر رغم الجو جاي يبرد بديت امسح المكياج شعري صاير كوشه ..شوي وانفتح الباب ؟

حارث : جنت كاعد بصفحه وهيه بصفحه ثانيه ، دخت هوايي تعبت من التفكير مجاي استوعب هيج تسوي ، رحت سبحت ولبست تراك شفتها نفس كعدتها صحت بصوت

.. ناويه تضلين هيج كومي بدلي
بتوتر : ها ايي كايمه
.. انا طالع شوي وارجع
.. تمام

جميلة : دخل حارث وسد الباب ، هذا شبي عايف عروسته وجاي ألي .

حجيت بتوتر : شنو شبيك

اجه جر ايدي بقوه حسّيت انخلعت
بعصبية : انتي شمسويه من وراي
بتوتر : شنو سويت
بخزره وصوت عالي : باعي انا اكره هاي الحركات مااحب تجذبين عليه احجي
بهدوء : على شنو اجذب
بصوت عالي : شنو مسويه ويه حيدر

حطيت ايدي ع حلگه : اسكتتت
.. وليش اسكت
.. نصي صوتك لا احد يجي
.. واذا اجوو
.. شوف حارث انته هسه متزوج وداخل ع غرفتي شنو يسموها هاييي

.. مايهمني شنو بينج وبينه
.. شنو مايهمك وكتلك مابينا شي
.. شنو الدليل

نزلت دموعي ونزلت راسي ، شنو اسوي يالله ، كرهت نفسي كرهت كلشي سكتت عنه

حجه بعصبيه و يخزر : يي طبعاً ماعندج دليل شايفته من الخطبه وتحجون تعرفينه يمكن من قبل ويمكن عندج رقمه ، صدك وين تلفونج

شاف التلفون ع الميز راح اخذه واجه عليه
حجه بصوت عالي : فتحي
بدون مااحجي فتحته لان دخت ودموعي زادت

بعصبية : والله اخذتي راحتج من رحتي لبيت خالج تعلمتي على طيحان الحظ صرتي تنزلين برامج ، بس وداعتج رح اربيج من جديد

.. لا تحجي ع بيت خالي وكتلك مابينا شي
.. شنو مابينكم شي وانتي طالعه بالصخام وبدون عبايه
.. يي اختنكت وطلعت وتصادفت وياه
.. جان دخلتي ليش ضليتي
.. يعني هو سلم وانا رديت السلام

.. كله جذب انتي حتى دليل ماكو
.. شوف بيدك التلفون شوف اذا اكو محادثات بينا او رقمه عندي
.. طبعاً غير تمسحينهن
.. حارث بهاي فعلتك جاي تهيني وتكسرتي
.. اهينج ! لج كاعده تتمعشكين من وراي لو احد غيري جان كسرج بس انا ساكت عنج لان منا العالم

.. ها يعني لو ماكو جان كتلتني
.. كافي سكتي مااريد اسمع منج شي انطيني دليل وكتها رح اصدك بس انتي ماعندج شي واللي تحجينه كل جذب

زادت دموعي اكثرر ، هو وصل يم الباب كتله
.. الدليل انو انا احبك وماحبيت احد غيرك راحت طفولتي كلها وانا احبك هذا دليلي

شفته وكف ودار عليه اجه تقرب عليه
.. لا تكولين احبك وانتِ تجذبين بيها
دموع : هههه انا الثوله وحبيت واحد مثلك ماتستاهل هذا الحب

جرني اله صرت قريبه عليه
.. من يمتى تحبيني
.. لمن حبيتك ماحسيت بنفسي
.. ليش رفضتيني لمن كال ابوي اتزوجي حارث
.. لان جنت ثوله جنت افكر بس انو ادرس واكمل احلامي وادخل جامعه

.. ليش يعني انا مارح اخليج تكملين
.. جنت بوكتها تفكير معندي جنت احس نفسي مو جاهزه
.. ليش ماكلتي من قبل

حجيت بشهكات ودموعي ع خدي : لمن ابتعدت عنك حسّيت انو انا مااكدر بدونك بس جنت انتظر منك رساله ، بس انته مارسلت ولا شي جنت انتظر رساله بيوم ميلادي هم ماكو حتى ما كلفت ع نفسك ودزيت كل عام وانتِ بخيرر ، لمن شفت صوره خطوبتك عقل ماضل براسي ، صرت روح بلا جسد ، وكتها قررت ارجع اكون بعرسك وهاي انا موجوده ليوم عرسك

.. انتي اللي رحتي نسيتي كلشي
.. نسيت !! غلطان انتَ اللي نسيت
.. وشنو يفيد الكلام هسه

.. صحيح كلامك هسه لازم تروح لعروستك ، وتكون وياها وتقضون ليلتكم الجميلة وانا اروح لبيت خالي وانته تنسى كلشي كتله الك وكانو لا صار شي ولا سمعت شي واتوقع انتهى الكلام بينا

قربني أله اكثر وكال
.. ماكو شي انتهى مارح تروحين لبيت خالج
.. انتَ شنو ناوي ، ليكون تاخذني ثانيه
.. ييي وليش لا
.. انته اكيد غلطان انا مااحب احد يشاركني بشي الي
..ضلي
.. عوفني خلاص انتهى كلشي
.. ماكو شي انتهى
.. لَيش تريدني شنو السبب
.. جميلة ضلي

حجيت بصوت عالي
.. شنوو السبب ليش تريدني خلاص انتهى كلشي
.. لج انا احبج

حطيت إصبعي على گلبه : لو چنت صدك تحبّني ما چان تزوجت و دخلت لگلبك وحده ثانيه

.. چنت بدون وعي ، بوكتها اجه ابوها وكال اريدك تتزوج بنتي  وانا وافقت
.. وليش وأفقت

.. لان
.. لان شنوو ! انا اكلك ليش لان ردت تشوفني انو انتَ عايش حياتك و راح تتزوج انتَ خربت كلشي

وانتِ هم خربتي كلشي

يتبع ...