جـمـيلة حـارث

29

# زينة

جميلة :

مر اسبوعين خاله اربع وعشرين ساعه تبجي وتكعد تقره قران بعد اسبوع الأربعين مالت خالو وعلاوي ، خاله اتفقت

ويه حارث نروح لزياره وهو ياخذنه مااريد اشوفه حتى اكدر انساه لازم أتقبل هو موالي ولا رح يصير الي ، جنت كاعده بالغرفه اباوع من الشباك جهال المنطقه يلعبون

تذكرت علاوي يلعب وياهم دموعي ع خدي شكد مشتاقتلهم ياريت متت وياهم ولا ضليت بهاي الحياة ، اجت فاطمه كعدت يمي ..

.. جميلة
.. ها
.. مشتاقه لعلاوي وبابا

حضنتها وهيه ضلت تبجي :
.. خلاص فطوم هذا قدرهم
.. مشتاقتلهم هواييي

لمن شفتها تبجي ضليت ابجي وياهم حاسه انا وحيده رغم الكل يمي بس احس بوحده راح خالي و اهلي و حتى حارث ، شفت عمو اتصل عليه مسحت دموعي وفاطمه كاعده يمي رديت عليه اول مره نسولف انا عمو لان دوم اشوفه ومااحجي اخجل هوايي منه ع اللي سويته .

.. شلونج بنيتي
.. هلا بيك عمو الحمدالله انتَ شلونك
.. الحمدالله من سمعت صوتج

ضليت ابجي ومكدرت اسكت هو ضَل يسأل شنو بيه كتله
.. عمو اعتذر منك ع اللي سويته
.. خلاص بنيتي هذا ماضي خلينه بالحاضر
.. عمو انا محتاجتك هواي

.. تعاي عدني ضلي
.. مااكدر اترك مرت خالي والبنات
.. انتِ لازم ترجعين هنا

فاطمة ما چانت موجودة يمي لأن خالة صاحتلها :
.. مااكدر عمو
.. بنيتي هنا بيتج وهنا اهلج
.. انشالله عمو
.. مايصير تضلين عدهم حارث رح يساعدهم وانتي لازم ترجعين احنا اهلج

.. شلون البنات
.. الحمدالله
.. انته شلونك جاي تاخذ علاجك
.. ايي اخذ علاجي بس گلبي يوجعني
.. سوده عليه رحت للدكتور
.. ايي اخذني حارث انطاني دوه
.. يي استمر بالعلاج مو تترك العلاج
.. ان شاء الله

ضلينه نحجي فجاة سمعت صوت حارث دخل يحجي وياه انا اترخصت وسديت الاتصال ، بدأ الدوام وحاليا لازم ادوام خامس بس مالي واهس ادرس ، ثاني يوم كعدت الصبح على

صوت مريم علمود نروح للدوام صارلنا اسبوعين مانداوم ،؟لبست ملابس الدوام وأخذت الجنطة ونزلت شفت خاله حاطه

الريوك اكلنا و طلعنه المدرسه قريبه نروح مشي ضلينا نمشي وصلنا للمدرسه ، بده الدوام والدروس و رزايل المُدرسات اللي ما تخلص ،  رجعنا للبيت واحنا نسولف بالطريق ع المُدرسات

بدلت ورحنا تغدينا ، خلصت اكل ورحت حظرت الجدول وحطيت راسي ونمت كعدت المغرب غسلت وفتحت التلفون ضليت

اگلب بي ، عفته ورحت ادرس خلصت دراسه ونزلت شفت خاله تقره قران ، شفت فاطمه لازم التلفون و ريتاج تخابر

خطيبها ، كعدت يم فاطمه وضلينا نسولف وخاله اجت تسولف ويانا خطيه وجها احمر من البجي وتعبانه .

يتبع ..