#جميلة_حارث
#زاي_الربيعي""
شمس .. صارت بسرعه انا انصدمت لمن اجه كال اكو بنيه اريد اخطبها ورحت شفت لبنيه وتمت الموافقة وبعد يومين العقد ..
حجيت بنتر : واخوج بهسرعه مستعجل على الزواج
.. جميلة حجيت وياه بس يكول اريد هاي البنيه
.. تمام الله يهنيهمعفت التلفون نزلت دموعي ، هسه ليش ابجي عليه ، انا الثوله حبيت واحد ما معبرني ، من عمري 7 سنين وانا اباوعله كأنو بابا بس لمن صار عمري 12 سنه تغير كلشي
لمن بديت انضج ، ضليت احس شعور غريب اتجاهه صرت مااريد يعوفني ، من يسافر اضل ابجي ، ولمن جنت اشوف نضراته الي ، جنت اكول هو يحبني ، بس هسه كل آمالي انكسرت ، ذنبي ماقبلت بي ذاك اليوم وجاي ينتقم بزواجه .
كمت مسحت دموعي ، رحت لخالي ، جان بغرفته دكيت الباب
زوجة خالي : هلا بنيتي
.. خاله عادي احجي ويه خالو
.. يي حبيبتي تعاي دخليدخلت كعدت ع السرير يم خالي وخاله واكفه يم الباب ..
.. خالو انا اريد ارجع لحارث
.. بنيتي بس انتي اجيتي عندي وانا مااريد انطيج.. خالو انا اكيد ما رح اضل بس أبقى هناك كم شهر لان حارث خطب
باوعلي بصدمه : شنو خطب ليش احنه ماندري
اتجمعت الدموع بعيني : ماادري بس صارت بسرعه وهستوني عرفت .. المهم خالو اريد ارجع
.. بس توعديني ترجعين هنا
.. وعد رح ارجعباسني بجبيني ، وبسته وطلعت حضرت اغراضي ، هسه اعلمك الحب يا استاذ حارث ، بعد موانا هذيج الطفله ، عمري 16 سنه ، مر اليوم عادي وگضيتها بالغرفه و الدموع ع خدي ، صار وگت روحتي اخذني خالي وصلت ... طلعت رنا
كمزت من الفرحه : ياااا جميله
حضنتني وتبوس بيه واجت شمس ويحضنون بيهشمس: ماادري رح تجين ليش ما كلتي
باوعتله بحزن : شنو تردين افوت عقد ابن عميباوعت الهن سكتن وماحجن شي ، شمس تعرفني شكد احبه ، الشخص لمن يحب ما يتزوج و يرضى بكلشي عن حبيبه ويصبر عليه لكن واحد قررت يعاقبني بالزواج ، وعباله رح ارجعله ركض ، الايام بينا يا حارث .
صعدت لغرفتي شكد مشتاقتلها ، حطيت اغراضي وبدلت ونزلت شفت حارث ستوه داخل وبيده اغراض والبنات بالمطبخ ، لمن شافني انصدم و نزل راْسه وكتله
بابتسامه : هلا الف مبروك تنخطب وانا اخر من يعلم مو كتلك ازفك اني .
باوعتله رفع عينه بعيني وكال
.. شعجب اجيتي
.. هيج تستقبلني
ابتسم : هلا بيج بت عمي
باوعتله بابتسامه : هسه صرت بت عمك لعد شنو جنتضَل يباوعلي باستغراب وعرف شنو اقصد ، رحت وكفت كباله وهمست اله
.. صرت تخطب من وراي
توجهت لشمس اخذت منهل الأغراض وبدينا نعزل هو صعد فوك ، خلصنا صعدت لغرفتي نمت بعد يوم ع عقد ، مرت الايام
احساسي صعب و مايفهمه غير اللي مر بحالتي ، تعبت من التفكير دموعي خلصن وحتى بعد ماينزلن ، صار يوم الخطبه ، البنات محضرات وكعدن يمكيجن ، الاستاذ ما يحب نروح للصالون ، حطيت مكياج ولبست عدسات وحطيت ايلاينر ، خلي اشوف منو هاي اللي احلى مني وأخذتها ، وداعتك ما تلگه بجمالي ، واثقه بنفسي ، لبست مشابهه لهذا الفستان
هذا الفستان هديه من بت خالي ، والله اله اخليك ما تنام الليله ، فتحت شعري وسويت الأطراف حطيت حمره لون احمر ، لان هذا اللون هو ما يحبه يكول جريئ .. شفت نفسيبالمرايه ، هاي مو انا ، لبست الكعب ، وأخذت عباتي بايدي ، لان نروح لبيت العروس ، انا اريد يشوفني هيج اكيد هسه ينزل ، لان جان بالحلاق واتوقع هسه كاعد يبدل وما لبست العبايه والحجاب ، نزلت شافتني شمس وضلت تقره آيات
ضحكت وكالت : ولج اليوم رايده تموتين من عيونهن
ابتسمت : خلي نشوف منو هاي اللي اخذها استاذ حارث
باوعتلي بحزن : ادري بيج مقهوره
ضحكت : هههه غلطانه بالعكس كلش فرحانهنزلت رنا لابسه فستان لحد الركبه طويل من الردن .. وشمس طويل و طويل من الردن ، فجاة أشوفه نزل سويت روحي كاعده اعدل بالحمره ، خلي شوي العب بأعصابك ، اباوعله بالمرايه يباوعلي ، اكو مرايه بالممر يم الدرج ،
شفته چتف ايديه ضَل مايعرف شنو يحجي درت وجهي وباوعتله حط عيني بعيني ، حارث كلش يضوج من الكحل ، يكول عيونج يبرزن بي ، وحاطه عدسات رصاصي هذا احلى لون عليه .
تقدمت عليه : هلا بالعريس
باوعلي وحجه بحده : هاي الحمره مسحيها و الكحل مسحي
ابتسمت : شبيك اكلتني قابل ليش امسحهن هسه تشوف خطيبتك لاعبه لعب بالمكياجحجه بنتر : من هسه بدت
حجيت بحده : باوع انا مااجيت حتى اعيش هنا ، انا اجيت علمود احضر عرسك و اروحضَل يباوعلي نفس نضراته ، اللي يخلني احبه اكثر ، وأشك انو هو يحبني ، بس مع الأسف راح لغيري وماصبر عليه رغم صبري عليه كل هاي السنين ، درت وجهي
لشمس عود احجي وياها هو راح قبلي ومن عصبيته الباب اله شوي يطيح ، شفت سياره عمي راحن البنات بس انا اريد اروح وياه ، فجاة صاح عمي
.. حارث
.. ها بويه
.. اخذ جميلة تنزل للصالون تصيح للعروس
باوعلي وحجه : خلي تجياليوم حظي حلووو ، رحت صعدت فجاة رن التلفون ، هسه وكته
يتبع
—————
شلونكم ياحلوين
بديتو مدارس لو لا ؟؟
أنت تقرأ
جـمـيلة حـارث
Mystery / Thrillerجميلة فتاة عراقيه يتيمه تربت عند بيت عمها تبدا الأحداث مع حارث الذي يربيها وتكون مثل ابنته وهي صغيره تكون عند حارث ماذا سوف يحدث عندما تكبر جميلة وهل سوف تكون نصيب حارث ! 🥺🌚 زاي الربيعي