جـمـيلة حـارث

16

#زاي_الربيعي

.. كلش تعبت ومليت گلبي يأذيني وره شوي جابو عشه وبدن النسوان ياكلن وصياح الجهال ، تقربت عليه شمس

.. يلا كومي اكلي
.. مااشتهي
.. كومي
.. والله مااريد
.. اكلي شوي
.. معدتي توجعني وكلش اختنكت ومجاي أتنفس
.. كومي اطلعج بره

لزمت ايدي وطلعتني بره كعدت يم الصاله احس معدتي توجعني كمت بسرعه للحمام موجود يم صاله الشباب ، اجت شمس تركض وراي ذبيت معدتي دموعي ضلت تنزل وشوي واسمع صوت حارث ، اجه تقرب عليه غسلت وجهي حطيت عيني بعينه ، چان خايف ومتوتر .

حارث : بويه شبيج
.. مابيه شي بس معدتي واريد ارجع للبيت
.. هسه نرجع روحي دخلي ولا تطلعين الشباب يدخلون ويطلعون لا يشوفونج

سكتت عنه أخذتني شمس ودخلنا وره شوي اجه طفل
.. وين شمس اخت الشيخ
.. انا
.. يكول الشيخ حضرن روحجن لان رح ترحون
.. تمام

كلش فرحت رح نروح كمت لبست عباتي وعدلت حجابي شوي واشوف ايد انحطت عليه درت شفتها زهراء

زهراء :: شبيج ماكعدتي يمنا
حجيت بانزعاج : مابيه شي
.. ماتعرفت عليج جنت هواي اريد اشوفج رنا وشمس هواي حجو عنج
ابتسمت : ان شاء لله بغير وقت

سكتت عنها هيه راحت تحجي ويه شمس ، شوي واشوف زهراء واكفه بالباب تحجي ويه طفل ، شوي واجه حارث يمها وتسولف وياه درت

وجهي دخلت يم شمس ، احس نفسي كرهته هواييي بسبب اللي جاي يسويه انا الثوله جايه بخطوبته ، شكد مااحجي عليه اضل احبه ، شوي واجت زهراء

.. يلا بنات حارث ينتظرجن

انا گبل ركضت طلعت لا سلمت ع احد ولا حجيت ع احد ، شفت كله ولد بره يحجون ويه حارث وكفت ع صفحه طلعت شمس و رنا شفت حارث وعمي طلعو انا رحت وره عمي وصعدت وره كال عمي

.. بنيتي روحي ويه حارث
.. لا عمو انا اريد هنا
.. بكيفج

اجت رنا صعدت يمي و شمس كدام .. وصلنا للبيت ركضت رحت لغرفتي فجاة نزلت دموعي كمت نزعت العدسات وبدلت ملابسي ، وبديت

امسح المكياج .. نزلت جوه شفت حارث مبدل وكاعد يم عمي وشمس ورنا كاعدات بالصاله .. رحت كعدت يمهم .. ويحجن على زهراء ويكولن حبابه انا كلشي ما حجيت كال عمي ..

.. جميله شلونها العروس
.. يي عمو حلوه
.. صرتن صديقات
.. ماحجينه هواي
.. يلا انشالله تصيرن صديقات

سكتت وشفت حارث يباوعلي مانطيته أهميه و درت وجهي عنه ، ضَلو يسولفون انا نعست ..

.
كمت وكفت وكلت :،عمو انا نعست رايحه انام تصبحون ع خير
... وانتي من اهله الخير بنيتي

رحت حطيت راسي ونمت لان كلش نعسانه .

يتبع ..