كيدهن عظيم

١

ام محمد الجبوريه

كيدهن عظيم

البارت ١

☘️☘️☘️☘️☘️☘️☘️

وُضعٌٺ قٌلُٻيَ تٌـحًټ قٌڊمْيَ
ڪيَ لُآ يَضعٌنْيَ ټـحټ رحمه آحد

دائما اسمع لنساء كيد عظيم بس بحياتي ماعرفت او استخدمت هذا الكيد

راسلتني صاحبه القصه تريد تعرف الي سوته صح ومن حقها لو هيه تعدت ع حق غيرها بكيدها الي استغلته بشكل عجيب

صدكوني من قريت الي كاتبته عرفت شنو معنى كيد النساء مو من جانبها لا من الي كادت الها

حوصل الكم الرساله بشكل قصه قصيره

صاحبة القصه تكول جنت بالمتوسطه اكو ناس اخذو القطعه الي تبعد عن بيتنا ٣ بيوت

القطعه جانت ركن ٤٠٠ متر جان الرجال الي يجي يتابع العمل رجل بعمر ٦٥ سنه بهذا العمر اول مره اسمع من بابا
بالمقطوعه للعمال جان يجي كل أسبوع ينطيهم فلوسهم ويوفر المواد مال بناء ويروح
جنه نتوقع يبني طابقين بالتالي عرفنه هو جاي يبني ٣ طوابق
كلهم نفس التصميم
استمر البناء بالبيت ٦ سنوات
لان جان الرجال مامستعجل بالبناء وكان مايجيب منو جان حتى يشتغل بالبيت مالته لا جان يجيب اشطر الخلفات وأكثرهم خبره حتلو يتاخر عليه اشهر
هذا الكلام جنت اسمعه من ابوي من جان يحجي الامي يكلها يمكن مزوج ٣ نسوان لان مبين حالته الماديه زينه

بوكتها جان يطلع مسلسل الحج متولي وجنه بالمنطقه انسمي بيت حك متولي

صرت بالسادس علمي

سمعنه زفه وسيارات طلعنه حالنا حال كل جوارينا الي يباوع من السطح والي من السياج والي من الباب
جانو اخواتي يباوعن واجن يتراكضن شاردات لان اخوي طردهن
تالي اجيت اني سوو سد الي اخوتي ٣ وخلوني اباوع وياهم
راح تكولون ليش انتي يخلوج
اني بنظرهم اخوهم الرابع هههه
حتى من جانو يتعاركون جنت اهد وياهم دوم يكلولي انتي زلمه مو بنيه
اما اخواتي يعاملوهم بنات وهنه فرحانات بهذا الشي حتى يحجن عليه لان دافنه انوثتي داخل شخصيه ثانيه
يعني احيانا اتماطل ويه اخوتي
وصير جلاليق وبوكسيات
واذا لعبو طوبه وحتاجو واحد يجون عليه العب وياهم
جوارينا كلها تعرف اني العب ويه الولد بس محد يحجي عليه لان هذا طبعي من الزغر

من كبرت وصرت بالاعداديه لبسوني حجاب وجبه بس هم ماتعيقني من اريد العب البسهن ولعب وياهم
ماعندي صديقات هواي بكد ماعندي اصدقاء

ثاني يوم بعد الزفه  راحن نسوان المنطقه وامي من ظمنهم
البيت الحاك متولي على اساس يواجبن والصدك الصدك يردن يعرفن شنو الفلم
ويجيبن الاخبار المضبوطه
لمن رجعن امي كالت
العرايس البارحه الولد هذا الرجال ٢ زفهم بيوم واحد البنات عمهم
وكالت
الرجال مزوج ٢ نسوان بالعرب وعنده كيعان ومزارع وحلال وهو شيخ عشيره اصلا