كيدهن عظيم

٨

ام محمد الجبوريه

كيدهن عظيم

البارت ٨

☘️☘️☘️☘️☘️

أختاري شخصًا يحُبكِ بالعَلن أنتِ لستِ خطيئة .

ريمه :اندك الباب طلع ابوي شويه ورجع وجهه مايتفسر

صاح بامي منو موصل السالفه اليت ابو طارق

امي باوعت عليه جنت فعلا مرعوبه لان ابوي جان كلش عصبي

بساع امي جاوبت اني عاتبت ام شهم
فوك زينه وياهم وهم كتلها الطفل اخذته امه
اخاف تبلينه بي وجرت السالفه

صاح ابوي وليش تحجيلها موعيب

ام ريم :عيبيش عيني هيه السالفه تنظم اكثر معلمات المدرسه من منطقتنا
وهسه شنو جاين يعاتبوك لان حجينه والله خوش بدل مايردون جنتهم

ابو ريم :لا مو يعاتبون العالم  دازين ابو ماجد يكلنا راح يجيبون مشيه رد عتبار وهم عدهم طلب يمنه الله يستر والله مالي خلك كعدات وسوالف العشاير

ريم تركتهم وصعدت
بقيت احوص شعدهم

راسلت شهم

ماجاوبني يوووو هذا وينه والله مااكدر اصبر جان خابرت ام شهم بس فشله شكلها

اجت سديم كلت ابوي يكول رتبن البراني
واشعلن بخور بيها
نزلنا رتبا البراني ابوي اجه هو اخوي نديم علكو قطعه نستخدمها بس بعاشور
مكتوب بيها ياحسين
تسد ركن كامل من البراني

طلعنا اني وسديم لان اجو اعمامي وعمام ابوي حتى اخوالي اجو

امي كالت خدرن الكهوه
سوي بكدر جبير
وطلع الدلال وحظرن الفناجين
يبوو. حسيت نفسي كاعده عد بدو

دخل تيم صاح ها ام الطلايب
ابوي خايف لا ولده يجيبوله الفصول
تالي طلعت بته ام الفصول وخربط كذلتي

ضحكت سديم وكالت هذيج المره جاب كلاده ليلو
اليوم شيجيب جكساره 😁

اني ساكته واخبط بالكهوه
ردت اخلي الجكليت عاط بيه تميم لا خليها مره مايصير تحلينها ولج يحشمونا

وسوي غيرها لان الاولى مايشربوها

غير اخلص اريد اصعد اشوف بلوتي مجاوب لا

شهم : صارت عدنا مشاكل
وطبكت وياها ولادة مره اخوي
امي خطيه وحدها بالبيت
مساعدتها ريمتي

ونوب خوي اندعم وكفو وينا بيت اهل ريم وحتى ابن اخوي يمها مخليته

امي تحجيلي عليها واني شارك حلكي مكيف بيها اتخيالها بيتي وتشتغل بسكور سبانه واني اتحارش بيها اوف شوكت اصيرين مريتي

اجاني اتصال منها خبلني
مرة اخوي تحجي عليها تكول خدامه هذا جزاء الإحسان الي قدمو النا
تستنكف تكول جيرانا ساعدونا