كيدهن عظيم

٣

ام محمد الجبوريه

كيدهن عظيم

البارت ٣

☘️☘️☘️☘️☘️☘️

هل تعلم ماهو الحب
الحب هو ان احب فيك تفاصيلا لا يهتم بها احد غيري

اخذت العلبه ورحت لصاله
بنات عمي واخواتي كتلو نفسهم يردون يشوفون شكو بالعلبه

لمن فتحتها كعدت على حيلي من الضحك

ربك الرجال ومرته طلعو
كمت اضحك بهستريه ونكز بنص الصاله

دخل ابوي وعمي صاح ابوي شبيها هاي كلبها راح يوكف من الضحك  اركدي شمالج

عيوني ماوكفو بس يصبون دموع
وهاي حاله بيه من اضحك صدك ابجي ماادري ليش

امي تكول تموتين غريبه

والله عدهم خرافات جدي هم جان يبجي من يضحك اشو مات بالبيت وكلنه يمه
بس بيي تكول مالحكو عليه اخوته واخواته لهذا يعتبر مات غريب

مديت العلبه الابوي يشوفها واني اضحك
كتله شوف بابا  الحكي متولي مكلف نفسه جايبلي مداليه من هذي الي يبيعوها
اربعه بالف

تعجب ابوي وفتح العلبه

رفع لكلاده بيده

زنجيل عادي بي عشر خرزت بيض جنهن لؤلؤ

عمي كال هذا من عقله الرجال صدك يحجي جاي ومكلف نفسه وهديه تالي تطلع من هذني الي يبيعوهن بالعرباين

امي كالت هو جان بالعمره احتمال جايب البناته منه وجبلها مابيها شي ماما ضميها هذا حرز من بيت الله لو تراب هم لازم تعتزين بي

اختي كالت حبابه ريمه  اريد العلبه حلوه كلش عجبتني
كتلها اخذيها واذا تردين الكلاده هم اخذيها
امي حجت ميجوز ريمه هديه الج ميصير تنطيها الأحد بطلي هذا الطبع تتخلين عن كلشي الج بسهوله والله خايفه تتخلين عن شي مهم بحياتج بعدين

اخذت اختي العلبه وصعدت
واني كاعده يم اهلي خليت الكلاده بجيب تراكي صح الهديه رخيصه بس كلام امي رجعني الوعيي الهديه مو بقيمته المادي بقيمتها المعنوي
يعني صح هيه ماتسوه الف دينار
بس تبقه قيمتها من بيت الله

شويه اجت اختي تركض وبيدها ورقه
انطتها الابوي

كالها شنو هاي
كلتله لكيتها بالعلبه الي انطاها ابو طارق الريم بس سديم وجهه اصفر
صراحه دخل الرعب الكلبي شبيها الورقه

ابوي جان كاعد قره الي بيها  وكف على حيله وحجه بزمخه
ريمه الكلاده وين

كتله هذي وطلعتها من جيبي

عمي كاله شكو فهمنه شبيك انت وبتك تغيرت احوالكم

ابو ريمه : الكلاده لؤلؤ طبيعي والزنجيل الي بيها روديوم مطلي  بلاتين ابيض