كيدهن عظيم

٥

ام محمد الجبوريه

كيدهن عظيم

البارت ٥

☘️☘️☘️☘️☘️☘️☘️☘️

إخفاء الشَعور كأنك تضع جمرة في يدك، وتدّعي بأنها مكعب ثلج

ريمه :كاعده بوحدي وتصل رقم ماجاوبت خمس مرات يالله فتحت خط
كلت اخاف شي مهم او صاير شي لا سامح الله
اول مافتحت خط حجه
شكد مغروره الخاطر الله

ريمه :منو

_تاج راسج

ريمه :اوك ياتاج تستاهل بلوك بطعم ال
ردت اكمل

حجه والله اذا حضرتي

ريمه ماخليته يكمل حضرته فعلا

رجعت للي بيدي

عشر دقايق دك رقم ثاني

بس لو أعرف هذا الحشره منين حصل رقمي ارتاح

فتحت خط

نفس الصوت حجه بس مبين اعصاب صاير
ليش تحضريني هاي فوك مااريد اساعدج
موصوجج صوجي اني احجي ويه زعطوطه

سده بوجهي بقيت افكر منو هذا وليش هيج يحجي وياي

المشكله ماتصل بعد ابد واني هم نسيت الموضوع ماعندي فضول بهيج اشياء لو وحده من اخواتي تموت علمود تعرف شكو

راح ابوي بعد كم يوم وجاب البطاقه مالتي

صورتي تموت ضحك عبالك يردون يعدموني

صرنا بنص السنه الدراسيه

وجنت دائما اشوف شهم ياما  واكف بابهم ياما بالطريق نلتقي مااعرف صدفه لا

مره جنت راجعه من الجامعه ومطر نزلني ابو الكيه بدايه الشارع

وبقيت اجفص بالمي والطين

وكفت سياره يمي وحجه وياي الحجي ابو طارق جان بالصدر كاعد
وشهم الي يسوق

كالي اصعدي عمي شلون هيج بالمطر تمشين ردت مااصعد بس حقيقه المي حسيته تغلغل الكل جسمي والمطر بي ومايزيد واني بعدني بدايه الشارع
يعني لمن اوصل اني سابحه حرفيا

صعدت وياهم والحجي الي جان يحجي سئلني شبعد وتخرج
ضحكت كتله هذي اول سنه عمو
ضحك وكاله سمعت بويه شهم تكلي عمو مو عمي
هز راسه وجان يسوق ابد ماحجه

وصلنا البيتنا اشكرت منهم ونزلت
كلت الابوي كال مازال الحجي وياكم مابيها اي مشكله
بس خلي بالك اي انسان لا تنفردين وحدج ويا بغرفه بسياره بمكتب اي مكان
تنحسب خلوه وحرام عليج تسجل ضدج

بسته بخده وكتله ماكو خلو عد ريم باباتي خاف على هذني الفروجات
واشرت على اخواتي
الي يقهر بس يتمضحكن يثبتن الحجي عليهن
صعدت الغرفتنا بدلت ملابسي وخذت الي جنت لابسته للحمام غسلتهم ونشفتهم
بيومها حسيت اكو صداع موطبيعي وصخنت باليل
ثاني يوم ماداومت والبعده هم
بقت ٤ ايام مامداومه