كيدهن عظيم

١٢

ام محمد الجبوريه

كيدهن عظيم

البارت ١٢

☘️☘️☘️☘️☘️☘️

‏تأتي المُعجزات في الوقت الصحيح ، أحياناً عندما نفقِد أملنا من كُلِّ شيء و نقِف عاجزين مُستسلمين للأمر ، يُنقذنا نور اللّٰه في أشد لحظاتنا ظُلمة

شهم: رجعت للبيت
خابرت ابوي يجي واخوتي ويا
ويجيب عمي ولده
سئلني عباله اكو شي

ابو طارق: شنو بويه متعارك
احجي ادزلك الولد

شهم: لا حجي بس اكو شغيله لازم الكل يشوفها ومااكدر اجيكم لان الي هنا لازم يكونون موجودين

بقيت الثاني يوم منتظرهم
بس شكد كرهت مرة صادق

تضحك وتسولف ولا عبالك مسويه مصيبه ومفرقه بين اثنين
كمت من يمهم لعبانه نفسي
صعدت لطابق مالتي

سبحت ونشفت نفسي وجيت اتمدد ع فراشي

راسلت ريم

صار خطين وماجوبت

دزيتلها صوره اخذتها مباشر للغرفه

جاوبت بالعافيه تتهنون بيها

كتلها قصدج نتهنه بيها

دزتلي سمايل 😒

كتبت الها شبيها العمر

جاوبت منو ينطيك مره بعد
اخذ بت عمك تلوكلك
نفس المله

جاوبتها شبيها ملتنه

ردت مابيها بس تتوالمون بعد انتم ولد عم ونفس الطبع اكيد

شهم: ماتوالمني غير وحده ام السان وكحه اموت عليها
شلون تصعدين تكسي وتركيني وراج

ريم: وليش اصعد وياك عرفه ولفه

شهم: ليش لازم عندج عرف بابو التكسي

ريم: شهم الزم حدودك ولا تبقه تطعن بيه

شهم: يخسه الي يطعنج
راح اتصل افتحي خط

ريم: لا والله بصفتك شنو عيني افتح خط

شهم: بصفتي زوجج شرعا وقانونا
وهسه اكدر اجي اخذج سحل من بيتكم البيتنا

ريم: دخذ هذا البلوك وشوف شلون تاخذني سحل ستوك اذكرت وين جنت صارلك شهرين

جاي يكتب وحضرته

شهم: اخ بويه مخبله خرب بعرضج والله عبالك سدت الباب بوجهي

نشرت منشور ع الانستا ماحاضرتني

جان فيديو لثنين صايرين لحم

من فيديو كليب اجنبي مقالب من همه اطفال

اخر شي صيطر عليه وصارو حبيبين
كتبت باجر عندي حرب ادعولي اطلع منتصر

التعليقات الله يعينك
وناس تكتب باجر تعرس شنو