ام محمد الجبوريه
كيدهن عظيم
البارت ٤
☘️☘️☘️☘️☘️☘️☘️
لم تكن اختياراتي، كانت مواقفي، والفرق بين الأمرين واسع.. لقد تصرفت وفق الموقف، الذي لم اختر أن أكون فيه
احيانا الانسان يتصرف بطريقه تكتيكيه حتى يحصل على فريسته
دائما اتباها بين كل اقاربي واخوتي يتباهون بيه لان فطنه ومااوكع بسرعه
شكد جانو يخافون على اخواتي
ويسموهن الفاهيات دجاجات بساع تنصادن
بس الظاهر طلع توقعهم غلط هنه السباعيات واني الثوله الي بسرعه
تقشمرت وكتبت رقمي اله وكل اعتقادي من مجريات المعامله مال البطاقه الموحد
من طلعنا من الدائره وطلع ويانا شهم
سلم على ابوي أجرنا تكسي
هو جان واكف بالباب
التفتت شفته يباوع على مكانه
من انتبه اني التفتت اله غمز بعين وحده
وابتسامه ارسمت على وجهه
بقيت افكر معقوله سوه هيج حركه لو اني اتوهم
شهم : اني شهم الولد الوحيد الامي
والثامن الابوي
قصتي بكل بساطه
جدي شيخ اعمامه عنده اربع ولد
واثنين بنات
ابوي الجبير مزوج وعنده ٦ ولد
وعمي الثاني مزوج وعنده ٢ بنات
اعمامي الاثنين الباقين جانو مامزوجين بعدهم طلاب
عماتي متزوجات ولد عمهن
بحرب ايران جابو عمي شهيد
تحجيلي امي تكول جان عندي بس اخواتك الكبار
هذاك اليوم صار علينا قيامه
بيومها الدنيا تمطر وجابو عمي انكلبت الناس علينه وهمه يجفصون بالطين
تحجيلي تكول اني من اول يوم حكموني اهلك لازم احد على زوجي الي ستشهد (تلزم عده) والحده قبل مو مثل هسه
قبل كلشي ممنوع
كلشي مذكر مايصير استعمله
عماتك وبيبتك دفنوني ويه عمك
الغرفه مقفوله عليه والمفتاح عند بيبيتك
تفتح الباب الي مرتين باليوم اطلع للتواليت
سبح مايصير اسبح اني لازم مااسبح ومااتنظف لان حاده والسبح يعتبر تبرج
واليقهر جهالي دزوهن يم عمتك علمود مايطلع صوتي واحد يسمعني لان ينكسر الحد مالتي هيج جانو يعتقدون
كملت الحد بطلاع الروح
واجو اهلي علمود ياخذوني
بس اهلك ماقبلو اروح وشرطو اذا اروح الاهلي بناتي يبقون بيت جدهم
اخر شي قنعت اهلي ابقه يم اهلك لسنه
ست اشهر وشدت وياي النسوان يخافن على رجولتهن مرت ابوك ونسوان ولد عم ابوك
أنت تقرأ
كيدهن عظيم
Short Storyالقصه تتحدث عن كيد النساء الي انذكر بالقران والي دائما النساء يعترضن على هذا الوصف دائما اسمع بكيد النساء بس بحياتي كلها ماجربته ممكن تعرضت الكثير من الكيد بس عمري ماماجربت هذا الكيد الي معروف عن النساء اليوم احجيلكم قصه بنيه وشلون رجعت حقها بكيدها ...
